Texts

rāmo bahūnyahānyeva tad gītaṃ paramādbhutam / (1.1) Par.?

śuśrāva munibhiḥ sārdhaṃ rājabhiḥ saha vānaraiḥ // (1.2) Par.?

tasmin gīte tu vijñāya sītāputrau kuśīlavau / (2.1) Par.?

tasyāḥ pariṣado madhye rāmo vacanam abravīt // (2.2) Par.?

madvaco brūta gacchadhvam iti bhagavato 'ntikam // (3.1) Par.?

yadi śuddhasamācārā yadi vā vītakalmaṣā / (4.1) Par.?

karotvihātmanaḥ śuddhim anumānya mahāmunim // (4.2) Par.?

chandaṃ munestu vijñāya sītāyāśca manogatam / (5.1) Par.?

pratyayaṃ dātukāmāyāstataḥ śaṃsata me laghu // (5.2) Par.?

śvaḥ prabhāte tu śapathaṃ maithilī janakātmajā / (6.1) Par.?

karotu pariṣanmadhye śodhanārthaṃ mameha ca // (6.2) Par.?

śrutvā tu rāghavasyaitad vacaḥ paramam adbhutam / (7.1) Par.?

dūtāḥ samprayayur vāṭaṃ yatrāste munipuṃgavaḥ // (7.2) Par.?

te praṇamya mahātmānaṃ jvalantam amitaprabham / (8.1) Par.?

ūcuste rāmavākyāni mṛdūni madhurāṇi ca // (8.2) Par.?

teṣāṃ tad bhāṣitaṃ śrutvā rāmasya ca manogatam / (9.1) Par.?

vijñāya sumahātejā munir vākyam athābravīt // (9.2) Par.?

evaṃ bhavatu bhadraṃ vo yathā tuṣyati rāghavaḥ / (10.1) Par.?

tathā kariṣyate sītā daivataṃ hi patiḥ striyāḥ // (10.2) Par.?

tathoktā muninā sarve rāmadūtā mahaujasaḥ / (11.1) Par.?

pratyetya rāghavaṃ sarve munivākyaṃ babhāṣire // (11.2) Par.?

tataḥ prahṛṣṭaḥ kākutsthaḥ śrutvā vākyaṃ mahātmanaḥ / (12.1) Par.?

ṛṣīṃstatra sametāṃśca rājñaścaivābhyabhāṣata // (12.2) Par.?

bhagavantaḥ saśiṣyā vai sānugaśca narādhipāḥ / (13.1) Par.?

paśyantu sītāśapathaṃ yaścaivānyo 'bhikāṅkṣate // (13.2) Par.?

tasya tadvacanaṃ śrutvā rāghavasya mahātmanaḥ / (14.1) Par.?

sarveṣām ṛṣimukhyānāṃ sādhuvādo mahān abhūt // (14.2) Par.?

rājānaśca mahātmānaḥ praśaṃsanti sma rāghavam / (15.1) Par.?

upapannaṃ naraśreṣṭha tvayyeva bhuvi nānyataḥ // (15.2) Par.?

evaṃ viniścayaṃ kṛtvā śvobhūta iti rāghavaḥ / (16.1) Par.?

visarjayāmāsa tadā sarvāṃstāñ śatrusūdanaḥ // (16.2) Par.?