Texts

Help

Select a text:
Bibliography
Select a chapter:
 (no revisions)
Show parallels  Show headlines
Use dependency labeler
Chapter id: 1719
  • Click on a sentence to show its analysis
  • Keep the mouse pointer over a lemma to show its meanings.
ekīyamatena vīryalakṣaṇam āha mṛdvityādi // (1) Par.?
etaccaikīyamatadvayaṃ pāribhāṣikīṃ vīryasaṃjñāṃ puraskṛtya pravṛttam // (2) Par.?
vaidyake hi rasavipākaprabhāvavyatirikte prabhūtakāryakāriṇi guṇe vīryamiti saṃjñā tenāṣṭavidhavīryavādimate picchilaviśadādayo guṇā na rasādiviparītaṃ kāryaṃ prāyaḥ kurvanti tena teṣāṃ rasādyupadeśenaiva grahaṇaṃ mṛdvādīnāṃ tu rasādyabhibhāvakatvamasti yathā pippalyāṃ kaṭurasakāryaṃ pittakopanamabhibhūya tadgate mṛduśītavīrye pittameva śamayatīti tathā kaṣāye tiktānurase mahati pañcamūle tatkāryaṃ vātakopanam abhibhūyoṣṇena vīryeṇa tadviruddhaṃ vātaśamanameva kriyate tathā madhure'pīkṣau śītavīryatvena vātavṛddhir ityādi // (3) Par.?
yaduktaṃ suśrute etāni khalu vīryāṇi svabalaguṇotkarṣād rasam abhibhūyātmakarma darśayanti ityādi // (4) Par.?
śītoṣṇavīryavādimataṃ tv agnīṣomīyatvāj jagataḥ śītoṣṇayoreva prādhānyājjñeyam // (5) Par.?
uktaṃ ca / (6.1) Par.?
nānātmakamapi dravyamagnīṣomau mahābalau / (6.2) Par.?
vyaktāvyaktaṃ jagadiva nātikrāmati jātucit vā // (6.3) Par.?
etacca matadvayam apyācāryasya paribhāṣāsiddhamanumatameva yenottaratra rasavīryavipākānāṃ sāmānyaṃ yatra lakṣyate ityādau pāribhāṣikam eva vīryaṃ nirdekṣyati // (7) Par.?
pāribhāṣikavīryasaṃjñāparityāgena tu śaktiparyāyasya vīryasya lakṣaṇamāha vīryaṃ tv ityādi // (8) Par.?
vīryamiti śaktiḥ // (9) Par.?
yeneti rasena vā vipākena vā prabhāvena vā gurvādiparādibhirvā guṇairyā kriyā tarpaṇahlādanaśamanādirūpā kriyate tasyāṃ kriyāyāṃ tad rasādi vīryam // (10.1) Par.?
ata evoktaṃ suśrute yena kurvanti tadvīryam iti // (11) Par.?
atraiva lokaprasiddhām upapattim āha nāvīryam ityādi // (12) Par.?
avīryam aśaktamityarthaḥ // (13) Par.?
vīryakṛteti vīryavatā kṛtā vīryakṛtā // (14) Par.?
Duration=0.048092842102051 secs.