Texts

Help

Select a text:
Bibliography
Select a chapter:
 (no revisions)
Associated topic(s): Medicine

Show parallels  Show headlines
Use dependency labeler
Chapter id: 1468
  • Click on a sentence to show its analysis
  • Keep the mouse pointer over a lemma to show its meanings.
dravyāṇām iti vaktavye svābhāvikānām iti yat karoti tenotpattikāle janakabhūtaiḥ svaguṇāropaṇaṃ saṃskārastūtpannasyaiva toyādinā guṇāntarādhānamiti darśayati // (1) Par.?
tacca prākṛtaguṇopamardenaiva kriyate yathā toyāgnisaṃnikarṣaśaucais taṇḍulasthaṃ gauravam upahatya lāghavam anne kriyate // (2) Par.?
yaduktaṃ sudhautaḥ prasrutaḥ svinnaḥ saṃtaptaś caudano laghuḥ // (3) Par.?
tathā raktaśālyāderlaghor apyagnisaṃyogādinā lāghavaṃ vardhate // (4) Par.?
manthanādguṇādhānaṃ yathā śothakṛd dadhi śothaghnaṃ sasnehamapi manthanāt iti // (5) Par.?
deśena yathā bhasmarāśer adhaḥ sthāpayet ityādau // (6) Par.?
vāsanena guṇādhānaṃ yathāpām utpalādivāsanena sugandhānukaraṇam // (7) Par.?
bhāvanayā ca svarasādikṛtayā sthitasyaivāmalakāder guṇasyotkarṣo bhavati // (8) Par.?
kālaprakarṣādyathā pakṣājjātarasaṃ pibed ityādi // (9) Par.?
bhājanena yathā traiphalenāyasīṃ pātrīṃ kalkenālepayet ityādau // (10) Par.?
ādigrahaṇāt peṣaṇābhimantraṇādi gṛhyate // (11) Par.?
nanu saṃskārādheyena guṇena kathaṃ svābhāvikaguṇanāśaḥ kriyate yataḥ svabhāvo niṣpratikriyaḥ ityuktaṃ yadi hi saṃskāreṇa svābhāvikagurutvaṃ pratikriyate tadā svabhāvo niṣpratikriyaḥ iti kathaṃ brūmaḥ svabhāvo niṣpratikriyaḥ iti svabhāvo bhāvānām utpattau nānyathā kriyate // (12) Par.?
tena jātipratibaddhaṃ māṣādīnāṃ gurutvaṃ na tajjātau sphoṭayituṃ pāryate saṃskāreṇa tu tadanyathākaraṇamanumatameva dṛṣṭatvāt // (13) Par.?
kaścit tu guṇo dravyāṇāṃ saṃskārādināpi nānyathā kriyate yathā vahner auṣṇyaṃ vāyoścalatvaṃ tailasya sneha ityādi // (14) Par.?
ete hi yāvaddravyabhāvina eva guṇāḥ // (15) Par.?
gauravādayastu purāṇadhānyādiṣvapyapagamadarśanān na yāvaddravyabhāvinaḥ // (16) Par.?
uktaṃ hi guṇo dravyavināśād vā vināśam upagacchati // (17) Par.?
guṇāntaropadhānād vā iti // (18) Par.?
yatra tu saṃskāreṇa vrīherlājalakṣaṇaṃ dravyāntarameva janyate tatra guṇāntarotpādaḥ suṣṭhveva // (19) Par.?
Duration=0.072927951812744 secs.