Texts

Select a text:
Bibliography

Select a chapter:
(no revisions)
Show parallels Show headlines
Use dependency labeler

Chapter id: 5818

Click on a sentence to show its analysis
Keep the mouse pointer over a lemma to show its meanings.

etacchāstrasaṃskāropapattyupadarśanapūrvakaṃ śāstrasya saṃskārakau carakadṛḍhabalau darśayannāha dṛḍhabalaḥ vistārayatītyādi // (1) Par.?

yasmācchāstre prathamamativistāratayā kvacilleśoktyā ca pratipāditeṣu na samyagarthāvagamaḥ tena tadativistaraleśoktadoṣanirāsārthaṃ saṃskartā yujyate ataḥ tantrottamam idaṃ carakeṇa saṃskṛtam // (2) Par.?

pūrvagranthasya cātīva vistaratvādinā tantrābhidhānaṃ pūrvaśrotṛjanābhiprāyādeva boddhavyam idānīṃtanaśrotṛpuruṣābhiprāyeṇa tu saṃskartuḥ saṃskāro jñeyaḥ // (3) Par.?

uktaṃ ca saṃkṣepoktam atihanti vistaroktaṃ na gṛhyate / (4.1) Par.?

saṃkṣepavistarau hitvā saṃskuryācchāstram āditaḥ / (4.2) Par.?

iti // (4.3) Par.?

purāṇaṃ ca punarnavam iti vistārasaṃkṣepādinā punarnavaṃ kurute // (5) Par.?

carakasaṃskārāpūrṇatāṃ darśayan dṛḍhabala āha tattvityādi // (6) Par.?

tṛtīyo bhāgastribhāgaḥ // (7) Par.?

tribhāgāsaṃpūrṇatā ceyam adūrāntaratayoktā tena dṛḍhabalapratipāditaikacatvāriṃśadadhyāyānāṃ na saviṃśādhyāyaśatatribhāgatā yujyate iti nodbhāvanīyam // (8) Par.?

ātmanaḥ pañcanadapurabhavatvena śreṣṭhapradeśabhavatvaṃ darśayati // (9) Par.?

ātmanaḥ saṃskāre tantrāntarānītārthena saṃskāraṃ darśayannāha kṛtvā bahubhya ityādi // (10) Par.?

tantrebhyaḥ suśrutavidehāditantrebhyaḥ // (11) Par.?

viśeṣasya carakoktārthād atiriktarūpasya uñchaśilarūpa uccayo viśeṣoñchaśiloccayaḥ tamanyatantrebhyaḥ kṛtvā saptadaśauṣadhādhyāyasiddhikalpair idam anyūnaśabdārthaṃ tantradoṣavivarjitaṃ ṣaḍviṃśattantrayuktibhir bhūṣitam apūrayad dṛḍhabala iti yojanā // (12) Par.?

tatra bhūmipatitānām aṇūnāṃ dhānyādibījānāṃ śodhanyā saṃharaṇam uñchaḥ praviralasya tu kaṇiśādirūpatayā patitasya cayanaṃ śilaḥ // (13) Par.?

etena tantreṣu yatsārabhūtaṃ taccarakācāryaiḥ saṃgṛhītaṃ mayā tu urvaritaṃ pariśiṣṭaṃ kṛtvā pūritam iti darśayati // (14) Par.?

anyūnaśabdam anyūnārthaṃ ceti anyūnaśabdārtham // (15) Par.?

tantradoṣāścaturdaśa punaruktaṃ duṣpraṇītasūtrasaṃgraham akramaṃ ityādinā rogabhiṣagjitīyoktās tair varjitam // (16) Par.?

tantrayuktibhir iti vakṣyamāṇatantrayuktibhiḥ // (17) Par.?

vicitrābhiriti vicitrārthanyāyayuktābhis tantrayuktibhiḥ // (18) Par.?

Duration=0.077610969543457 secs.