Texts

Help

Select a text:
Bibliography
Select a chapter:
 (no revisions)
Associated topic(s): Medicine

Show parallels  Show headlines
Use dependency labeler
Chapter id: 1428
  • Click on a sentence to show its analysis
  • Keep the mouse pointer over a lemma to show its meanings.
yadyapi dravyāntarāṇi daśavarṣaśatāyuṣkararasāyanādhikṛtāni santi tathāpi harītakyāmalake eva rogaharatvāyuṣkaratvarūpobhayadharmayogād adhyāyādau guṇakarmabhyāmucyete tatrāpi yadyapi āmalakaṃ vayaḥsthāpanānām ityuktaṃ tathāpi rogaharatve harītakī prakarṣavatīti kṛtvā harītaky agre 'bhihitā // (1) Par.?
harītakyādiṣu pañcarasatvādyutpādo 'dṛṣṭavaśād bhūtasaṃniveśaviśeṣaprabhāvakṛtaḥ tena nātropapattayaḥ kramante // (2) Par.?
śivāmiti kalyāṇakariṇīṃ praśastaguṇayuktatvāt // (3) Par.?
sarvarogapraśamanīmiti saṃyogasaṃskārādinā // (4) Par.?
sarvarogaharatvam abhidhāyāpi kuṣṭhādihantṛtvābhidhānaṃ viśeṣeṇa kuṣṭhādihantṛtvopadarśanārtham // (5) Par.?
pravartakatve 'pyatīsāragrahaṇīharatvaṃ vibaddhadoṣapravartakatayā jñeyaṃ yaduktaṃ stokaṃ stokaṃ vibaddhaṃ vā saśūlaṃ yo 'tisāryete // (6) Par.?
abhayāpippalīkalkaiḥ sukhoṣṇaistaṃ virecayed iti // (7) Par.?
buddhismṛtipradatvamabhidhāyāpi smṛtibuddhipramohaharatvābhidhānaṃ tatra viśiṣṭaśaktyupadarśanārtham // (8) Par.?
vīryasya tu viparyaya ityanenāmalakasya śītavīryatvam uktam // (9) Par.?
śasyānīti asthirahitāni phalāni // (10) Par.?
Duration=0.022068023681641 secs.