Texts

Help

Select a text:
Bibliography

Select a chapter:
(no revisions)
Show parallels Show headlines
Use dependency labeler

Chapter id: 2915

Click on a sentence to show its analysis
Keep the mouse pointer over a lemma to show its meanings.

sūta uvāca / (1.1) Par.?

tato 'bhraśikharākārair giriśṛṅgair alaṃkṛtam / (1.2) Par.?

mandaraṃ parvatavaraṃ latājālasamāvṛtam // (1.3) Par.?

nānāvihagasaṃghuṣṭaṃ nānādaṃṣṭrisamākulam / (2.1) Par.?

kiṃnarair apsarobhiśca devair api ca sevitam // (2.2) Par.?

ekādaśa sahasrāṇi yojanānāṃ samucchritam / (3.1) Par.?

adho bhūmeḥ sahasreṣu tāvatsveva pratiṣṭhitam // (3.2) Par.?

tam uddhartuṃ na śaktā vai sarve devagaṇāstadā / (4.1) Par.?

viṣṇum āsīnam abhyetya brahmāṇaṃ cedam abruvan // (4.2) Par.?

bhavantāvatra kurutāṃ buddhiṃ naiḥśreyasīṃ parām / (5.1) Par.?

mandaroddharaṇe yatnaḥ kriyatāṃ ca hitāya naḥ // (5.2) Par.?

tatheti cābravīd viṣṇur brahmaṇā saha bhārgava / (6.1) Par.?

*acodayad ameyātmā phaṇīndraṃ padmalocanaḥ / (6.2) Par.?

tato 'nantaḥ samutthāya brahmaṇā paricoditaḥ / (6.3) Par.?

nārāyaṇena cāpyuktastasmin karmaṇi vīryavān // (6.4) Par.?

atha parvatarājānaṃ tam ananto mahābalaḥ / (7.1) Par.?

ujjahāra balād brahman savanaṃ savanaukasam / (7.2) Par.?

*līlayā [... au6 Zeichenjh] madhusūdanaḥ / (7.3) Par.?

*siddharṣisevitaṃ divyam // (7.4) Par.?

tatastena surāḥ sārdhaṃ samudram upatasthire / (8.1) Par.?

tam ūcur amṛtārthāya nirmathiṣyāmahe jalam // (8.2) Par.?

apāmpatir athovāca mamāpyaṃśo bhavet tataḥ / (9.1) Par.?

soḍhāsmi vipulaṃ mardaṃ mandarabhramaṇād iti // (9.2) Par.?

ūcuśca kūrmarājānam akūpāraṃ surāsurāḥ / (10.1) Par.?

girer adhiṣṭhānam asya bhavān bhavitum arhati // (10.2) Par.?

kūrmeṇa tu tathetyuktvā pṛṣṭham asya samarpitam / (11.1) Par.?

tasya śailasya cāgraṃ vai yantreṇendro 'bhyapīḍayat // (11.2) Par.?

manthānaṃ mandaraṃ kṛtvā tathā netraṃ ca vāsukim / (12.1) Par.?

devā mathitum ārabdhāḥ samudraṃ nidhim ambhasām / (12.2) Par.?

amṛtārthinastato brahman sahitā daityadānavāḥ // (12.3) Par.?

ekam antam upāśliṣṭā nāgarājño mahāsurāḥ / (13.1) Par.?

vibudhāḥ sahitāḥ sarve yataḥ pucchaṃ tataḥ sthitāḥ / (13.2) Par.?

*vāsuker agram āśliṣṭā nāgarājño mahāsurāḥ // (13.3) Par.?

ananto bhagavān devo yato nārāyaṇastataḥ / (14.1) Par.?

śira udyamya nāgasya punaḥ punar avākṣipat // (14.2) Par.?

vāsuker atha nāgasya sahasākṣipyataḥ suraiḥ / (15.1) Par.?

sadhūmāḥ sārciṣo vātā niṣpetur asakṛn mukhāt / (15.2) Par.?

*sūtaḥ / (15.3) Par.?

*vāsuker mathyamānasya niḥsṛtena viṣeṇa ca / (15.4) Par.?

*abhavan miśritaṃ toyaṃ tadā bhārgavanandana / (15.5) Par.?

*mathanān mandareṇātha devadānavabāhubhiḥ / (15.6) Par.?

*viṣaṃ tīkṣṇaṃ samudbhūtaṃ hālāhalam iti śrutam / (15.7) Par.?

*devāśca dānavāścaiva dagdhāstena viṣeṇa ha / (15.8) Par.?

*apākrāmaṃstato bhītā viṣādam agamaṃstadā / (15.9) Par.?

*brahmāṇam abruvan devāḥ sametya munipuṃgavaiḥ / (15.10) Par.?

*mathyamāne 'mṛte jātaṃ viṣaṃ kālānalaprabham / (15.11) Par.?

*tenaiva tāpitā lokāstasya pratikuruṣva ha / (15.12) Par.?

*evam uktastadā brahmā dadhyau lokeśvaraṃ haram / (15.13) Par.?

*tryakṣaṃ triśūlinaṃ rudraṃ devadevam umāpatim / (15.14) Par.?

*tadātha cintito devastajjñātvā drutam āyayau / (15.15) Par.?

*tasyātha devastat sarvam ācacakṣe prajāpatiḥ / (15.16) Par.?

*tacchrutvā devadeveśo lokasyāsya hitepsayā / (15.17) Par.?

*apibat tad viṣaṃ rudraḥ kālānalasamaprabham / (15.18) Par.?

*kaṇṭhe sthāpitavān devo lokānāṃ hitakāmyayā / (15.19) Par.?

*yasmāt tu nīlatā kaṇṭhe nīlakaṇṭhastataḥ smṛtaḥ / (15.20) Par.?

*pītamātre viṣe tatra rudreṇāmitatejasā / (15.21) Par.?

*devāḥ prītāḥ punar jagmuścakrur vai karma tat tathā / (15.22) Par.?

*mathyamāne 'mṛtasyārthe bhūyo vai devadānavaiḥ // (15.23) Par.?

te dhūmasaṃghāḥ sambhūtā meghasaṃghāḥ savidyutaḥ / (16.1) Par.?

abhyavarṣan suragaṇāñśramasaṃtāpakarśitān // (16.2) Par.?

tasmācca girikūṭāgrāt pracyutāḥ puṣpavṛṣṭayaḥ / (17.1) Par.?

surāsuragaṇān mālyaiḥ sarvataḥ samavākiran // (17.2) Par.?

babhūvātra mahāghoṣo mahāmegharavopamaḥ / (18.1) Par.?

udadher mathyamānasya mandareṇa surāsuraiḥ // (18.2) Par.?

tatra nānājalacarā viniṣpiṣṭā mahādriṇā / (19.1) Par.?

vilayaṃ samupājagmuḥ śataśo lavaṇāmbhasi // (19.2) Par.?

vāruṇāni ca bhūtāni vividhāni mahīdharaḥ / (20.1) Par.?

pātālatalavāsīni vilayaṃ samupānayat // (20.2) Par.?

tasmiṃśca bhrāmyamāṇe 'drau saṃghṛṣyantaḥ parasparam / (21.1) Par.?

nyapatan patagopetāḥ parvatāgrān mahādrumāḥ // (21.2) Par.?

teṣāṃ saṃgharṣajaścāgnir arcirbhiḥ prajvalan muhuḥ / (22.1) Par.?

vidyudbhir iva nīlābhram āvṛṇon mandaraṃ girim // (22.2) Par.?

dadāha kuñjarāṃścaiva siṃhāṃścaiva viniḥsṛtān / (23.1) Par.?

vigatāsūni sarvāṇi sattvāni vividhāni ca // (23.2) Par.?

tam agnim amaraśreṣṭhaḥ pradahantaṃ tatastataḥ / (24.1) Par.?

vāriṇā meghajenendraḥ śamayāmāsa sarvataḥ // (24.2) Par.?

tato nānāvidhāstatra susruvuḥ sāgarāmbhasi / (25.1) Par.?

mahādrumāṇāṃ niryāsā bahavaścauṣadhīrasāḥ // (25.2) Par.?

teṣām amṛtavīryāṇāṃ rasānāṃ payasaiva ca / (26.1) Par.?

amaratvaṃ surā jagmuḥ kāñcanasya ca niḥsravāt // (26.2) Par.?

atha tasya samudrasya tajjātam udakaṃ payaḥ / (27.1) Par.?

rasottamair vimiśraṃ ca tataḥ kṣīrād abhūd ghṛtam / (27.2) Par.?

*etasminnantare jātaṃ vāsuker mukhaniḥsravāt / (27.3) Par.?

*kālakūṭaṃ viṣaṃ ghoraṃ sarvasattvabhayaṃkaram / (27.4) Par.?

*tasmin samutthite ghore viṣe kālānalaprabhe / (27.5) Par.?

*saṃtrastāsuradevaughā diśaḥ sarvāḥ prapedire / (27.6) Par.?

*yena viṣṇuḥ kṛtaḥ kṛṣṇo viṣeṇa mahatā tadā / (27.7) Par.?

*yatra hāhākṛtaṃ sarvaṃ jagad āsīccarācaram / (27.8) Par.?

*tatastu brahmaṇo vākyād devadevo maheśvaraḥ / (27.9) Par.?

*apibat tad viṣaṃ ghoraṃ pratyakṣaṃ daivateṣu vai / (27.10) Par.?

*tasmin viṣe pīyamāne hareṇāmitatejasā / (27.11) Par.?

*vismayaṃ paramaṃ jagmur devāśca munidānavāḥ / (27.12) Par.?

*tataḥ kaṇṭham anuprāptaṃ viṣaṃ dṛṣṭvā harasya ca / (27.13) Par.?

*brahmā provāca deveśaṃ kaṇṭhe dhāraya vai prabho / (27.14) Par.?

*svayaṃbhuvacanācchaṃbhur dadhāra viṣam uttamam / (27.15) Par.?

*kaṇṭhe hālāhalaṃ ghoraṃ nīlakaṇṭhastataḥ smṛtaḥ // (27.16) Par.?

tato brahmāṇam āsīnaṃ devā varadam abruvan / (28.1) Par.?

śrāntāḥ sma subhṛśaṃ brahman nodbhavatyamṛtaṃ ca tat // (28.2) Par.?

ṛte nārāyaṇaṃ devaṃ daityā nāgottamāstathā / (29.1) Par.?

cirārabdham idaṃ cāpi sāgarasyāpi manthanam / (29.2) Par.?

*glānir asmān samāviṣṭā na cātrāmṛtam utthitam / (29.3) Par.?

*devānāṃ vacanaṃ śrutvā brahmā lokapitāmahaḥ // (29.4) Par.?

tato nārāyaṇaṃ devaṃ brahmā vacanam abravīt / (30.1) Par.?

vidhatsvaiṣāṃ balaṃ viṣṇo bhavān atra parāyaṇam // (30.2) Par.?

viṣṇur uvāca / (31.1) Par.?

balaṃ dadāmi sarveṣāṃ karmaitad ye samāsthitāḥ / (31.2) Par.?

kṣobhyatāṃ kalaśaḥ sarvair mandaraḥ parivartyatām // (31.3) Par.?

sūta uvāca / (32.1) Par.?

nārāyaṇavacaḥ śrutvā balinaste mahodadheḥ / (32.2) Par.?

tat payaḥ sahitā bhūyaścakrire bhṛśam ākulam / (32.3) Par.?

*tatra pūrvaṃ viṣaṃ jātaṃ tad brahmavacanācchivaḥ / (32.4) Par.?

*prāgrasallokarakṣārthaṃ tato jyeṣṭhā samutthitā / (32.5) Par.?

*kṛṣṇarūpadharā devī sarvābharaṇabhūṣitā // (32.6) Par.?

tataḥ śatasahasrāṃśuḥ samāna iva sāgarāt / (33.1) Par.?

prasannabhāḥ samutpannaḥ somaḥ śītāṃśur ujjvalaḥ // (33.2) Par.?

śrīr anantaram utpannā ghṛtāt pāṇḍuravāsinī / (34.1) Par.?

surā devī samutpannā turagaḥ pāṇḍurastathā // (34.2) Par.?

kaustubhaśca maṇir divya utpanno 'mṛtasaṃbhavaḥ / (35.1) Par.?

marīcivikacaḥ śrīmān nārāyaṇaurogataḥ / (35.2) Par.?

*pārijātaśca tatraiva surabhiśca mahāmune / (35.3) Par.?

*jajñāte tau tadā brahman sarvakāmaphalapradau / (35.4) Par.?

*tato jajñe mahābhāga caturdanto mahāgajaḥ // (35.5) Par.?

śrīḥ surā caiva somaśca turagaśca manojavaḥ / (36.1) Par.?

*ataḥ paraṃ mahākāyaścaturdaṃṣṭro mahotkaṭaḥ / (36.2) Par.?

*airāvaṇastu nāgendra utthito 'mṛtasaṃbhavaḥ / (36.3) Par.?

*viṣaṃ jyeṣṭhā ca somaśca śrīḥ surā turagastathā / (36.4) Par.?

*kaustubhaścāpsarāścaiva airāvatamahāgajaḥ / (36.5) Par.?

*kapilā kāmavṛkṣaśca kaustubhaścāpsarogaṇāḥ / (36.6) Par.?

*airāvataḥ sa vai nāgo nāgānāṃ pravaraḥ śubhaḥ / (36.7) Par.?

*śvetair dantaiścaturbhistu mahākāyastataḥ param / (36.8) Par.?

*airāvaṇo mahānāgo 'bhavad vajrabhṛtā dhṛtaḥ / (36.9) Par.?

*atinirmathanād eva kālakūṭastataḥ paraḥ / (36.10) Par.?

*jagad āvṛtya sahasā sadhūmo 'gnir iva jvalan / (36.11) Par.?

*trailokyaṃ mohitaṃ yasya gandham āghrāya tad viṣam / (36.12) Par.?

*dadhāra bhagavān kaṇṭhe mantramūrtir maheśvaraḥ / (36.13) Par.?

*tadā prabhṛti devastu nīlakaṇṭha iti śrutiḥ / (36.14) Par.?

*etasminn antare daityā devān nirjitya kṛtsnaśaḥ / (36.15) Par.?

*jagṛhur amṛtaṃ divyaṃ devā vimanaso 'bhavan / (36.16) Par.?

*prāgrasallokarakṣārthaṃ brahmaṇo vacanācchivaḥ / (36.17) Par.?

*etat tad adbhutaṃ dṛṣṭvā nirāśā dānavāḥ sthitāḥ / (36.18) Par.?

*amṛtārthe ca lakṣmyarthe mahāntaṃ vairam āśritāḥ / (36.19) Par.?

yato devāstato jagmur ādityapatham āśritāḥ / (36.20) Par.?

*bhramamāṇasya tu girer mandarasya tu vipruṣaḥ / (36.21) Par.?

*teṣvaṣṭāpsaraso jajñe ṣaṣṭiḥ koṭyo varāṅganāḥ / (36.22) Par.?

*ajarāmarāścārurūpāḥ pīnaśroṇipayodharāḥ / (36.23) Par.?

*yāsāṃ saṃdarśanān martyaḥ unmattaka ivābhavat // (36.24) Par.?

dhanvantaristato devo vapuṣmān udatiṣṭhata / (37.1) Par.?

śvetaṃ kamaṇḍaluṃ bibhrad amṛtaṃ yatra tiṣṭhati // (37.2) Par.?

etad atyadbhutaṃ dṛṣṭvā dānavānāṃ samutthitaḥ / (38.1) Par.?

amṛtārthe mahān nādo mamedam iti jalpatām // (38.2) Par.?

tato nārāyaṇo māyām āsthito mohinīṃ prabhuḥ / (39.1) Par.?

strīrūpam adbhutaṃ kṛtvā dānavān abhisaṃśritaḥ // (39.2) Par.?

tatastad amṛtaṃ tasyai daduste mūḍhacetasaḥ / (40.1) Par.?

striyai dānavadaiteyāḥ sarve tadgatamānasāḥ / (40.2) Par.?

*sā tu nārāyaṇī māyā dhārayantī kamaṇḍalum / (40.3) Par.?

*āsyamāneṣu daityeṣu paṅktyā ca prati dānavaiḥ / (40.4) Par.?

*devān apāyayad devī na daityāṃste ca cukruśuḥ // (40.5) Par.?

Duration=2.5569109916687 secs.