Texts

Help

Select a text:
Bibliography

Select a chapter:
(no revisions)
Show parallels Show headlines
Use dependency labeler

Chapter id: 2929

Click on a sentence to show its analysis
Keep the mouse pointer over a lemma to show its meanings.

*ityevam ukto garuḍaḥ pratyuvāca śacīpatim // (1.1) Par.?

garuḍa uvāca / (2.1) Par.?

sakhyaṃ me 'stu tvayā deva yathecchasi puraṃdara / (2.2) Par.?

balaṃ tu mama jānīhi mahaccāsahyam eva ca // (2.3) Par.?

kāmaṃ naitat praśaṃsanti santaḥ svabalasaṃstavam / (3.1) Par.?

*animittaṃ suraśreṣṭha sadyaḥ prāpnoti garhaṇām / (3.2) Par.?

guṇasaṃkīrtanaṃ cāpi svayam eva śatakrato / (3.3) Par.?

*pṛṣṭenānyena gopate / (3.4) Par.?

*vaktavyaṃ na tu vaktavyam // (3.5) Par.?

sakheti kṛtvā tu sakhe pṛṣṭo vakṣyāmyahaṃ tvayā / (4.1) Par.?

na hyātmastavasaṃyuktaṃ vaktavyam animittataḥ // (4.2) Par.?

saparvatavanām urvīṃ sasāgaravanām imām / (5.1) Par.?

pakṣanāḍyaikayā śakra tvāṃ caivātrāvalambinam // (5.2) Par.?

sarvān saṃpiṇḍitān vāpi lokān sasthāṇujaṅgamān / (6.1) Par.?

vaheyam apariśrānto viddhīdaṃ me mahad balam / (6.2) Par.?

*aṣṭau bhūmīr nava divas trīn samudrāñśacīpate / (6.3) Par.?

*paraḥ sahasrān parvatān vaheyaṃ kāmayetha cet // (6.4) Par.?

sūta uvāca / (7.1) Par.?

ityuktavacanaṃ vīraṃ kirīṭī śrīmatāṃ varaḥ / (7.2) Par.?

āha śaunaka devendraḥ sarvabhūtahitaḥ prabhuḥ / (7.3) Par.?

*śakra uvāca / (7.4) Par.?

*evam eva yathāttha tvaṃ sarvaṃ saṃbhāvyate tvayi // (7.5) Par.?

pratigṛhyatām idānīṃ me sakhyam ānantyam uttamam / (8.1) Par.?

na kāryaṃ tava somena mama somaḥ pradīyatām / (8.2) Par.?

asmāṃste hi prabādheyur yebhyo dadyād bhavān imam // (8.3) Par.?

garuḍa uvāca / (9.1) Par.?

kiṃcit kāraṇam uddiśya somo 'yaṃ nīyate mayā / (9.2) Par.?

na dāsyāmi samādātuṃ somaṃ kasmaicid apyaham // (9.3) Par.?

yatremaṃ tu sahasrākṣa nikṣipeyam ahaṃ svayam / (10.1) Par.?

tvam ādāya tatastūrṇaṃ harethāstridaśeśvara // (10.2) Par.?

śakra uvāca / (11.1) Par.?

vākyenānena tuṣṭo 'haṃ yat tvayoktam ihāṇḍaja / (11.2) Par.?

yad icchasi varaṃ mattastad gṛhāṇa khagottama // (11.3) Par.?

sūta uvāca / (12.1) Par.?

ityuktaḥ pratyuvācedaṃ kadrūputrān anusmaran / (12.2) Par.?

smṛtvā caivopadhikṛtaṃ mātur dāsyanimittataḥ // (12.3) Par.?

īśo 'ham api sarvasya kariṣyāmi tu te 'rthitām / (13.1) Par.?

bhaveyur bhujagāḥ śakra mama bhakṣyā mahābalāḥ // (13.2) Par.?

tathetyuktvānvagacchat taṃ tato dānavasūdanaḥ / (14.1) Par.?

*devadevaṃ mahātmānaṃ yoginām īśvaraṃ harim / (14.2) Par.?

*sa cānvamodat tat sarvaṃ yathoktaṃ garuḍena vai / (14.3) Par.?

*idaṃ bhūyo vacaḥ prāha bhagavāṃstridaśeśvaraḥ / (14.4) Par.?

hariṣyāmi vinikṣiptaṃ somam ityanubhāṣya tam // (14.5) Par.?

ājagāma tatastūrṇaṃ suparṇo mātur antikam / (15.1) Par.?

*garuḍaḥ / (15.2) Par.?

*vinatā / (15.3) Par.?

*vinayāvanato bhūtvā vacanaṃ cedam abravīt / (15.4) Par.?

*idam ānītam amṛtaṃ devānāṃ bhavanān mayā / (15.5) Par.?

*praśādhi kim ato mātaḥ kariṣyāmi śubhavrate / (15.6) Par.?

*parituṣṭāham etena karmaṇā tava putraka / (15.7) Par.?

*ajaraścāmaraścaiva devānāṃ supriyo bhava / (15.8) Par.?

atha sarpān uvācedaṃ sarvān paramahṛṣṭavat // (15.9) Par.?

idam ānītam amṛtaṃ nikṣepsyāmi kuśeṣu vaḥ / (16.1) Par.?

snātā maṅgalasaṃyuktāstataḥ prāśnīta pannagāḥ / (16.2) Par.?

*bhavadbhir idam āsīnair yad uktaṃ tad vacastadā // (16.3) Par.?

adāsī caiva māteyam adyaprabhṛti cāstu me / (17.1) Par.?

yathoktaṃ bhavatām etad vaco me pratipāditam // (17.2) Par.?

tataḥ snātuṃ gatāḥ sarpāḥ pratyuktvā taṃ tathetyuta / (18.1) Par.?

śakro 'pyamṛtam ākṣipya jagāma tridivaṃ punaḥ // (18.2) Par.?

athāgatāstam uddeśaṃ sarpāḥ somārthinastadā / (19.1) Par.?

snātāśca kṛtajapyāśca prahṛṣṭāḥ kṛtamaṅgalāḥ / (19.2) Par.?

*yatraitad amṛtaṃ cāpi sthāpitaṃ kuśasaṃstare / (19.3) Par.?

*parasparakṛtadveṣāḥ somaprāśanakarmaṇi / (19.4) Par.?

*ahaṃ pūrvam ahaṃ pūrvam ityuktvā te samādravan // (19.5) Par.?

tad vijñāya hṛtaṃ sarpāḥ pratimāyākṛtaṃ ca tat / (20.1) Par.?

somasthānam idaṃ ceti darbhāṃste lilihustadā // (20.2) Par.?

tato dvaidhīkṛtā jihvā sarpāṇāṃ tena karmaṇā / (21.1) Par.?

abhavaṃścāmṛtasparśād darbhāste 'tha pavitriṇaḥ / (21.2) Par.?

*evaṃ tad amṛtaṃ tena hṛtam āhṛtam eva ca / (21.3) Par.?

*dvijihvāśca kṛtāḥ sarpā garuḍena mahātmanā / (21.4) Par.?

*nāgāśca vañcitā bhūtvā visṛjya vinatāṃ tadā / (21.5) Par.?

*viṣādam agamaṃstīvraṃ garuḍasya balāt prabho // (21.6) Par.?

tataḥ suparṇaḥ paramaprahṛṣṭavān vihṛtya mātrā saha tatra kānane / (22.1) Par.?

bhujaṃgabhakṣaḥ paramārcitaḥ khagair ahīnakīrtir vinatām anandayat // (22.2) Par.?

imāṃ kathāṃ yaḥ śṛṇuyān naraḥ sadā paṭheta vā dvijajanamukhyasaṃsadi / (23.1) Par.?

asaṃśayaṃ tridivam iyāt sa puṇyabhāṅ mahātmanaḥ patagapateḥ prakīrtanāt / (23.2) Par.?

*na cāgnijaṃ coranṛpāśrayaṃ vā kṣutsarpavetālapiśācajaṃ vā / (23.3) Par.?

*bhayaṃ bhaved yatra gṛhe garutmato tiṣṭhet katheyaṃ likhitāpi pustake / (23.4) Par.?

*yaḥ saṃsmaren nityam atandrito naro garutmato mūrtim athārcayed gṛhe / (23.5) Par.?

*oṃ pakṣirājeti japaṃśca sarvadā tasyāśu sarpā vaśagā bhavanti // (23.6) Par.?

Duration=0.61766505241394 secs.