UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 2920
- Click on a sentence to show its analysis
- Keep the mouse pointer over a lemma to show its meanings.
tataḥ kāmagamaḥ pakṣī mahāvīryo mahābalaḥ / (1.2)
Par.?
mātur antikam āgacchat paraṃ tīraṃ mahodadheḥ // (1.3)
Par.?
yatra sā vinatā tasmin paṇitena parājitā / (2.1)
Par.?
atīva duḥkhasaṃtaptā dāsībhāvam upāgatā // (2.2)
Par.?
tataḥ kadācid vinatāṃ pravaṇāṃ putrasaṃnidhau / (3.1)
Par.?
kāla āhūya vacanaṃ kadrūr idam abhāṣata // (3.2)
Par.?
nāgānām ālayaṃ bhadre suramyaṃ ramaṇīyakam / (4.1)
Par.?
samudrakukṣāvekānte tatra māṃ vinate vaha // (4.2)
Par.?
tataḥ suparṇamātā tām avahat sarpamātaram / (5.1)
Par.?
pannagān garuḍaścāpi mātur vacanacoditaḥ // (5.2)
Par.?
sa sūryasyābhito yāti vainateyo vihaṃgamaḥ / (6.1)
Par.?
sūryaraśmiparītāśca mūrchitāḥ pannagābhavan / (6.2)
Par.?
tadavasthān sutān dṛṣṭvā kadrūḥ śakram athāstuvat // (6.3)
Par.?
namaste devadeveśa namaste balasūdana / (7.1)
Par.?
namucighna namaste 'stu sahasrākṣa śacīpate // (7.2)
Par.?
sarpāṇāṃ sūryataptānāṃ vāriṇā tvaṃ plavo bhava / (8.1)
Par.?
tvam eva paramaṃ trāṇam asmākam amarottama // (8.2) Par.?
īśo hyasi payaḥ sraṣṭuṃ tvam analpaṃ puraṃdara / (9.1)
Par.?
tvam eva meghastvaṃ vāyustvam agnir vaidyuto 'mbare // (9.2)
Par.?
tvam abhraghanavikṣeptā tvām evāhuḥ punar ghanam / (10.1)
Par.?
tvaṃ vajram atulaṃ ghoraṃ ghoṣavāṃstvaṃ balāhakaḥ // (10.2)
Par.?
sraṣṭā tvam eva lokānāṃ saṃhartā cāparājitaḥ / (11.1)
Par.?
tvaṃ jyotiḥ sarvabhūtānāṃ tvam ādityo vibhāvasuḥ // (11.2)
Par.?
tvaṃ mahad bhūtam āścaryaṃ tvaṃ rājā tvaṃ surottamaḥ / (12.1)
Par.?
tvaṃ viṣṇustvaṃ sahasrākṣastvaṃ devastvaṃ parāyaṇam // (12.2)
Par.?
tvaṃ sarvam amṛtaṃ deva tvaṃ somaḥ paramārcitaḥ / (13.1)
Par.?
tvaṃ muhūrtastithiśca tvaṃ lavastvaṃ vai punaḥ kṣaṇaḥ // (13.2)
Par.?
śuklastvaṃ bahulaścaiva kalā kāṣṭhā truṭistathā / (14.1)
Par.?
saṃvatsarartavo māsā rajanyaśca dināni ca // (14.2)
Par.?
tvam uttamā sagirivanā vasuṃdharā sabhāskaraṃ vitimiram ambaraṃ tathā / (15.1)
Par.?
mahodadhiḥ satimitimiṃgilastathā mahormimān bahumakaro jhaṣālayaḥ // (15.2)
Par.?
mahad yaśastvam iti sadābhipūjyase manīṣibhir muditamanā maharṣibhiḥ / (16.1)
Par.?
abhiṣṭutaḥ pibasi ca somam adhvare vaṣaṭkṛtānyapi ca havīṃṣi bhūtaye // (16.2)
Par.?
tvaṃ vipraiḥ satatam ihejyase phalārthaṃ vedāṅgeṣvatulabalaugha gīyase ca / (17.1)
Par.?
tvaddhetor yajanaparāyaṇā dvijendrā vedāṅgānyabhigamayanti sarvavedaiḥ // (17.2)
Par.?
Duration=0.062419176101685 secs.