Texts

Help

Select a text:
Bibliography

Select a chapter:
(no revisions)
Show parallels Show headlines
Use dependency labeler

Chapter id: 3022

Click on a sentence to show its analysis
Keep the mouse pointer over a lemma to show its meanings.

bhīṣma uvāca / (1.1) Par.?

guṇaiḥ samuditaṃ samyag idaṃ naḥ prathitaṃ kulam / (1.2) Par.?

atyanyān pṛthivīpālān pṛthivyām adhirājyabhāk // (1.3) Par.?

rakṣitaṃ rājabhiḥ pūrvair dharmavidbhir mahātmabhiḥ / (2.1) Par.?

notsādam agamaccedaṃ kadācid iha naḥ kulam // (2.2) Par.?

mayā ca satyavatyā ca kṛṣṇena ca mahātmanā / (3.1) Par.?

samavasthāpitaṃ bhūyo yuṣmāsu kulatantuṣu // (3.2) Par.?

vardhate tad idaṃ putra kulaṃ sāgaravad yathā / (4.1) Par.?

tathā mayā vidhātavyaṃ tvayā caiva viśeṣataḥ // (4.2) Par.?

śrūyate yādavī kanyā anurūpā kulasya naḥ / (5.1) Par.?

subalasyātmajā caiva tathā madreśvarasya ca // (5.2) Par.?

kulīnā rūpavatyaśca nāthavatyaśca sarvaśaḥ / (6.1) Par.?

ucitāścaiva saṃbandhe te 'smākaṃ kṣatriyarṣabhāḥ // (6.2) Par.?

manye varayitavyāstā ityahaṃ dhīmatāṃ vara / (7.1) Par.?

saṃtānārthaṃ kulasyāsya yad vā vidura manyase // (7.2) Par.?

vidura uvāca / (8.1) Par.?

bhavān pitā bhavān mātā bhavān naḥ paramo guruḥ / (8.2) Par.?

tasmāt svayaṃ kulasyāsya vicārya kuru yaddhitam // (8.3) Par.?

vaiśaṃpāyana uvāca / (9.1) Par.?

atha śuśrāva viprebhyo gāndhārīṃ subalātmajām / (9.2) Par.?

ārādhya varadaṃ devaṃ bhaganetraharaṃ haram / (9.3) Par.?

gāndhārī kila putrāṇāṃ śataṃ lebhe varaṃ śubhā // (9.4) Par.?

iti śrutvā ca tattvena bhīṣmaḥ kurupitāmahaḥ / (10.1) Par.?

tato gāndhārarājasya preṣayāmāsa bhārata // (10.2) Par.?

acakṣur iti tatrāsīt subalasya vicāraṇā / (11.1) Par.?

kulaṃ khyātiṃ ca vṛttaṃ ca buddhyā tu prasamīkṣya saḥ / (11.2) Par.?

dadau tāṃ dhṛtarāṣṭrāya gāndhārīṃ dharmacāriṇīm // (11.3) Par.?

gāndhārī tvapi śuśrāva dhṛtarāṣṭram acakṣuṣam / (12.1) Par.?

ātmānaṃ ditsitaṃ cāsmai pitrā mātrā ca bhārata // (12.2) Par.?

tataḥ sā paṭṭam ādāya kṛtvā bahuguṇaṃ śubhā / (13.1) Par.?

babandha netre sve rājan pativrataparāyaṇā / (13.2) Par.?

nātyaśnīyāṃ patim aham ityevaṃ kṛtaniścayā // (13.3) Par.?

tato gāndhārarājasya putraḥ śakunir abhyayāt / (14.1) Par.?

svasāraṃ parayā lakṣmyā yuktām ādāya kauravān / (14.2) Par.?

*tāṃ tadā dhṛtarāṣṭrāya dadau paramasatkṛtām / (14.3) Par.?

*bhīṣmasyānumate caiva vivāhaṃ samakārayat / (14.4) Par.?

*tato vivāhaṃ cakre 'syā nakṣatre sarvasaṃmate / (14.5) Par.?

*saubalastu mahārājā śakuniḥ priyadarśanaḥ // (14.6) Par.?

dattvā sa bhaginīṃ vīro yathārhaṃ ca paricchadam / (15.1) Par.?

punar āyāt svanagaraṃ bhīṣmeṇa pratipūjitaḥ // (15.2) Par.?

gāndhāryapi varārohā śīlācāraviceṣṭitaiḥ / (16.1) Par.?

tuṣṭiṃ kurūṇāṃ sarveṣāṃ janayāmāsa bhārata / (16.2) Par.?

*gāndhārī sā patiṃ dṛṣṭvā prajñācakṣuṣam īśvaram / (16.3) Par.?

*aticārād bhṛśaṃ bhītā bhartuḥ sā samacintayat / (16.4) Par.?

*sā dṛṣṭivinivṛttāpi bhartuśca samatāṃ yayau / (16.5) Par.?

*na hi sūkṣme 'pyatīcāre bhartuḥ sā vavṛte tadā // (16.6) Par.?

vṛttenārādhya tān sarvān pativrataparāyaṇā / (17.1) Par.?

vācāpi puruṣān anyān suvratā nānvakīrtayat / (17.2) Par.?

*tasyāḥ sahodarāḥ kanyāḥ punar eva dadau daśa / (17.3) Par.?

*gāndhārarājaḥ subalo bhīṣmeṇa varitastadā / (17.4) Par.?

*satyavratāṃ satyasenāṃ sudeṣṇāṃ ca susaṃhitām / (17.5) Par.?

*tejaḥśravāṃ suśravāṃ ca tathaiva nikṛtiṃ śubhām / (17.6) Par.?

*śaṃbhuvāṃ ca daśārṇāṃ ca gāndhārīr daśa viśrutāḥ / (17.7) Par.?

*ekāhnā pratijagrāha dhṛtarāṣṭro janeśvaraḥ / (17.8) Par.?

*tataḥ śāṃtanavo bhīṣmo dhanuṣkrītāstatastataḥ / (17.9) Par.?

*adadād dhṛtarāṣṭrāya rājaputrīḥ paraḥ śatam // (17.10) Par.?

Duration=0.086041927337646 secs.