Texts

Help

Select a text:
Bibliography

Select a chapter:
(no revisions)
Show parallels Show headlines
Use dependency labeler

Chapter id: 3069

Click on a sentence to show its analysis
Keep the mouse pointer over a lemma to show its meanings.

vaiśaṃpāyana uvāca / (1.1) Par.?

saṃvatsarāhite garbhe gāndhāryā janamejaya / (1.2) Par.?

āhvayāmāsa vai kuntī garbhārthaṃ dharmam acyutam // (1.3) Par.?

sā baliṃ tvaritā devī dharmāyopajahāra ha / (2.1) Par.?

*jānatī dharmam agryaṃ vai mantrair vaśam upānayat / (2.2) Par.?

*āhūto niyamāt kuntyā sarvabhūtanamaskṛtaḥ / (2.3) Par.?

*dadṛśe bhagavān dharmaḥ saṃtānārthāya pāṇḍave / (2.4) Par.?

*tasmin bahumṛge 'raṇye śataśṛṅge nagottame / (2.5) Par.?

*pāṇḍor arthe mahābhāgā kuntī dharmam upāgamat / (2.6) Par.?

*ṛtukāle śucisnātā śuklavastrā yaśasvinī / (2.7) Par.?

*śayyāṃ jagrāha suśroṇī saha dharmeṇa suvratā / (2.8) Par.?

jajāpa japyaṃ vidhivad dattaṃ durvāsasā purā / (2.9) Par.?

*ājagāma tato devo dharmo mantrabalāt tataḥ / (2.10) Par.?

*vimāne sūryasaṃkāśe kuntī yatra japasthitā / (2.11) Par.?

*vihasya tāṃ tato brūyāḥ kunti kiṃ te dadāmyaham / (2.12) Par.?

*sā taṃ vihasyamānāpi putraṃ dehyabravīd idam // (2.13) Par.?

saṃgamya sā tu dharmeṇa yogamūrtidhareṇa vai / (3.1) Par.?

lebhe putraṃ varārohā sarvaprāṇabhṛtāṃ varam // (3.2) Par.?

aindre candrasamāyukte muhūrte 'bhijite 'ṣṭame / (4.1) Par.?

divā madhyagate sūrye tithau puṇye 'bhipūjite // (4.2) Par.?

samṛddhayaśasaṃ kuntī suṣāva samaye sutam / (5.1) Par.?

jātamātre sute tasmin vāg uvācāśarīriṇī // (5.2) Par.?

eṣa dharmabhṛtāṃ śreṣṭho bhaviṣyati na saṃśayaḥ / (6.1) Par.?

*vikrāntaḥ satyavāk caiva rājā pṛthvyāṃ bhaviṣyati / (6.2) Par.?

yudhiṣṭhira iti khyātaḥ pāṇḍoḥ prathamajaḥ sutaḥ // (6.3) Par.?

bhavitā prathito rājā triṣu lokeṣu viśrutaḥ / (7.1) Par.?

yaśasā tejasā caiva vṛttena ca samanvitaḥ // (7.2) Par.?

dhārmikaṃ taṃ sutaṃ labdhvā pāṇḍustāṃ punar abravīt / (8.1) Par.?

prāhuḥ kṣatraṃ balajyeṣṭhaṃ balajyeṣṭhaṃ sutaṃ vṛṇu / (8.2) Par.?

*prāhuḥ putrā bahutarāḥ kartavyāḥ karmaviddvijāḥ / (8.3) Par.?

*tataḥ kuntīm abhikramya śaśāsātīva bhārata / (8.4) Par.?

*vāyum āvāhayasveti sa devo balavattaraḥ / (8.5) Par.?

*aśvamedhaḥ kratuśreṣṭho jyotiḥśreṣṭho divākaraḥ / (8.6) Par.?

*brāhmaṇo dvipadāṃ śreṣṭho devaśreṣṭhaśca mārutaḥ / (8.7) Par.?

*mārutaṃ marutāṃ śreṣṭhaṃ sarvaprāṇibhir īḍitam / (8.8) Par.?

*āvāhaya tvaṃ niyamāt putrārthaṃ varavarṇini / (8.9) Par.?

*sa no yaṃ dāsyati sutaṃ sa prāṇabalavān nṛṣu / (8.10) Par.?

*bhaviṣyati varārohe balajyeṣṭhā hi bhūmipāḥ // (8.11) Par.?

tatastathoktā patyā tu vāyum evājuhāva sā / (9.1) Par.?

*tatastām āgato vāyur mṛgārūḍho mahābalaḥ / (9.2) Par.?

*kiṃ te kunti dadāmyadya brūhi yat te hṛdi sthitam / (9.3) Par.?

*sā salajjā vihasyāha putraṃ dehi surottama / (9.4) Par.?

*balavantaṃ mahākāyaṃ sarvadarpaprabhañjanam / (9.5) Par.?

*dvitīyenopahāreṇa tenoktavidhinā punaḥ / (9.6) Par.?

*tair eva niyamaiḥ sthitvā mantragrāmam udairayat / (9.7) Par.?

*ājagāma tato vāyuḥ kiṃ karomīti cābravīt / (9.8) Par.?

*lajjānvitā tataḥ kuntī putram aicchan mahābalam / (9.9) Par.?

*tathāstviti ca tāṃ vāyuḥ samālabhya divaṃ gataḥ / (9.10) Par.?

tasmājjajñe mahābāhur bhīmo bhīmaparākramaḥ // (9.11) Par.?

tam apyatibalaṃ jātaṃ vāg abhyavadad acyutam / (10.1) Par.?

sarveṣāṃ balināṃ śreṣṭho jāto 'yam iti bhārata / (10.2) Par.?

*jātamātre kumāre tu sarvalokasya pārthivāḥ / (10.3) Par.?

*mūtraṃ prasusruvuḥ sarve vyathitāśca prapedire / (10.4) Par.?

*vāhanāni vyaśīryanta vimuñcantyaśrubindavaḥ / (10.5) Par.?

*yathānilaḥ samuddhūtaḥ samarthaḥ kampane bhuvaḥ / (10.6) Par.?

*tathā manyuparītāṅgo bhīmo bhīmaparākramaḥ // (10.7) Par.?

idam atyadbhutaṃ cāsījjātamātre vṛkodare / (11.1) Par.?

yad aṅkāt patito mātuḥ śilāṃ gātrair acūrṇayat / (11.2) Par.?

*janamejaya uvāca / (11.3) Par.?

*vaiśaṃpāyana uvāca / (11.4) Par.?

*kathaṃ sa vajrasaṃghātaḥ kumāro nyapatad girau / (11.5) Par.?

*kathaṃ tu tena patatā śilā gātrair vicūrṇitā / (11.6) Par.?

*etad icchāmi bhagavaṃstvattaḥ śrotuṃ dvijottama / (11.7) Par.?

*yathāvad iha viprarṣe paraṃ me 'tra kutūhalam / (11.8) Par.?

*sādhvayaṃ praśnam uddiṣṭaḥ pāṇḍaveya bravīmi te / (11.9) Par.?

*kuntī tu saha putreṇa yātvā suruciraṃ saraḥ / (11.10) Par.?

*snātvā tu sutam ādāya daśame 'hani yādavī / (11.11) Par.?

*daivatānyarcayiṣyantī nirjagāmāśramāt pṛthā / (11.12) Par.?

*śailābhyāśena gacchantyāstadā bharatasattama / (11.13) Par.?

*niścakrāma mahāvyāghro jighāṃsur girigahvarāt / (11.14) Par.?

*tam āpatantaṃ śārdūlaṃ vikṛṣya dhanur uttamam / (11.15) Par.?

*nirbibheda śaraiḥ pāṇḍustribhistridaśavikramaḥ / (11.16) Par.?

*nādena mahatā tāṃ tu pūrayantaṃ girer guhām / (11.17) Par.?

*dṛṣṭvā śailam upāroḍhum aicchat kuntī bhayāt tadā / (11.18) Par.?

*trāsāt tasyāḥ sutastvaṅkāt papāta bharatarṣabha / (11.19) Par.?

*parvatasyoparisthāyām adhastād apatacchiśuḥ / (11.20) Par.?

*sa śilāṃ cūrṇayāmāsa vajravad vajricoditaḥ / (11.21) Par.?

*putrasnehāt tataḥ pāṇḍur abhyadhāvad girestaṭam // (11.22) Par.?

kuntī vyāghrabhayodvignā sahasotpatitā kila / (12.1) Par.?

nānvabudhyata saṃsuptam utsaṅge sve vṛkodaram // (12.2) Par.?

tataḥ sa vajrasaṃghātaḥ kumāro 'bhyapatad girau / (13.1) Par.?

patatā tena śatadhā śilā gātrair vicūrṇitā / (13.2) Par.?

tāṃ śilāṃ cūrṇitāṃ dṛṣṭvā pāṇḍur vismayam āgamat / (13.3) Par.?

*sa tu janmani bhīmasya vinadantaṃ mahāsvanam / (13.4) Par.?

*dadarśa giriśṛṅgasthaṃ vyāghraṃ vyāghraparākramaḥ / (13.5) Par.?

*dārasaṃrakṣaṇārthāya putrasaṃrakṣaṇāya ca / (13.6) Par.?

*sadā bāṇadhanuṣpāṇir abhavat kurunandanaḥ / (13.7) Par.?

*maghe candramasā yukte siṃhe cābhyudite gurau / (13.8) Par.?

*divā madhyagate sūrye tithau puṇye trayodaśīm / (13.9) Par.?

*maitre muhūrte sā kuntī suṣuve bhīmam acyutam // (13.10) Par.?

yasminn ahani bhīmastu jajñe bharatasattama / (14.1) Par.?

duryodhano 'pi tatraiva prajajñe vasudhādhipa // (14.2) Par.?

jāte vṛkodare pāṇḍur idaṃ bhūyo 'nvacintayat / (15.1) Par.?

kathaṃ nu me varaḥ putro lokaśreṣṭho bhaved iti // (15.2) Par.?

daive puruṣakāre ca loko 'yaṃ hi pratiṣṭhitaḥ / (16.1) Par.?

tatra daivaṃ tu vidhinā kālayuktena labhyate // (16.2) Par.?

indro hi rājā devānāṃ pradhāna iti naḥ śrutam / (17.1) Par.?

aprameyabalotsāho vīryavān amitadyutiḥ // (17.2) Par.?

taṃ toṣayitvā tapasā putraṃ lapsye mahābalam / (18.1) Par.?

yaṃ dāsyati sa me putraṃ sa varīyān bhaviṣyati / (18.2) Par.?

*amānuṣān mānuṣāṃśca sa saṃgrāme haniṣyati / (18.3) Par.?

karmaṇā manasā vācā tasmāt tapsye mahat tapaḥ // (18.4) Par.?

tataḥ pāṇḍur mahātejā mantrayitvā maharṣibhiḥ / (19.1) Par.?

dideśa kuntyāḥ kauravyo vrataṃ sāṃvatsaraṃ śubham // (19.2) Par.?

ātmanā ca mahābāhur ekapādasthito 'bhavat / (20.1) Par.?

ugraṃ sa tapa ātasthe parameṇa samādhinā // (20.2) Par.?

ārirādhayiṣur devaṃ tridaśānāṃ tam īśvaram / (21.1) Par.?

sūryeṇa saha dharmātmā paryavartata bhārata // (21.2) Par.?

taṃ tu kālena mahatā vāsavaḥ pratyabhāṣata / (22.1) Par.?

putraṃ tava pradāsyāmi triṣu lokeṣu viśrutam // (22.2) Par.?

devānāṃ brāhmaṇānāṃ ca suhṛdāṃ cārthasādhakam / (23.1) Par.?

*durhṛdāṃ śokajananaṃ sarvabāndhavanandanam / (23.2) Par.?

sutaṃ te 'gryaṃ pradāsyāmi sarvāmitravināśanam // (23.3) Par.?

ityuktaḥ kauravo rājā vāsavena mahātmanā / (24.1) Par.?

*kuntīṃ rājasutāṃ pāṇḍur apatyārthe 'bhyacodayat / (24.2) Par.?

*dharmaṃ balaṃ ca niścitya yathā syād iti bhārata / (24.3) Par.?

uvāca kuntīṃ dharmātmā devarājavacaḥ smaran / (24.4) Par.?

*udarkastava kalyāṇi tuṣṭo devagaṇeśvaraḥ / (24.5) Par.?

*dātum icchati te putraṃ yathā saṃkalpitaṃ hṛdā / (24.6) Par.?

*atimānuṣakarmāṇaṃ yaśasvinam ariṃdamam // (24.7) Par.?

nītimantaṃ mahātmānam ādityasamatejasam / (25.1) Par.?

durādharṣaṃ kriyāvantam atīvādbhutadarśanam // (25.2) Par.?

putraṃ janaya suśroṇi dhāma kṣatriyatejasām / (26.1) Par.?

labdhaḥ prasādo devendrāt tam āhvaya śucismite / (26.2) Par.?

*vaiśaṃpāyanaḥ / (26.3) Par.?

*jāteṣu dhṛtarāṣṭrasya kumāreṣu mahātmasu // (26.4) Par.?

evam uktā tataḥ śakram ājuhāva yaśasvinī / (27.1) Par.?

*tataḥ paryacarat tena balinā bhagavān api / (27.2) Par.?

athājagāma devendro janayāmāsa cārjunam / (27.3) Par.?

*uttarābhyāṃ tu pūrvābhyāṃ phalgunībhyāṃ tato divā / (27.4) Par.?

*jātastu phālgune māsi tenāsau phalgunaḥ smṛtaḥ // (27.5) Par.?

jātamātre kumāre tu vāg uvācāśarīriṇī / (28.1) Par.?

*sarvabhūtapraharṣiṇī / (28.2) Par.?

*sūtake vartamānāṃ tāṃ / (28.3) Par.?

mahāgambhīranirghoṣā nabho nādayatī tadā / (28.4) Par.?

*śṛṇvatāṃ sarvabhūtānāṃ teṣāṃ cāśramavāsinām / (28.5) Par.?

*kuntīm ābhāṣya vispaṣṭam uvācedaṃ śucismitām // (28.6) Par.?

kārtavīryasamaḥ kunti śibitulyaparākramaḥ / (29.1) Par.?

*eṣa vīryavatāṃ śreṣṭho bhaviṣyatyaparājitaḥ / (29.2) Par.?

*tathā divyāni cāstrāṇi nikhilānyāhariṣyati / (29.3) Par.?

eṣa śakra ivājeyo yaśaste prathayiṣyati // (29.4) Par.?

adityā viṣṇunā prītir yathābhūd abhivardhitā / (30.1) Par.?

tathā viṣṇusamaḥ prītiṃ vardhayiṣyati te 'rjunaḥ // (30.2) Par.?

eṣa madrān vaśe kṛtvā kurūṃśca saha kekayaiḥ / (31.1) Par.?

cedikāśikarūṣāṃśca kurulakṣma sudhāsyati / (31.2) Par.?

*etasya bhujavīryeṇa trāsitāḥ sarvaśatravaḥ / (31.3) Par.?

*nivātakavacāḥ sarve prahāsyanti ca jīvitam / (31.4) Par.?

*hiraṇyapuram ārujya nihaniṣyati saṃyuge / (31.5) Par.?

*pulomāyāstu tanayān kālakeyāṃśca sarvaśaḥ / (31.6) Par.?

*gatvottarāṃ diśaṃ vīro vijitya yudhi pārthivān / (31.7) Par.?

*dhanaratnaugham amitam ānayiṣyati pāṇḍavaḥ // (31.8) Par.?

etasya bhujavīryeṇa khāṇḍave havyavāhanaḥ / (32.1) Par.?

medasā sarvabhūtānāṃ tṛptiṃ yāsyati vai parām // (32.2) Par.?

grāmaṇīśca mahīpālān eṣa jitvā mahābalaḥ / (33.1) Par.?

bhrātṛbhiḥ sahito vīrastrīn medhān āhariṣyati // (33.2) Par.?

jāmadagnyasamaḥ kunti viṣṇutulyaparākramaḥ / (34.1) Par.?

eṣa vīryavatāṃ śreṣṭho bhaviṣyatyaparājitaḥ / (34.2) Par.?

*eṣa yuddhe mahādevaṃ toṣayiṣyati śaṃkaram / (34.3) Par.?

*astraṃ pāśupataṃ nāma tasmāt tuṣṭād avāpsyati / (34.4) Par.?

*nivātakavacā nāma daityā vibudhavidviṣaḥ / (34.5) Par.?

*śakrājñayā mahābāhustān vadhiṣyati te sutaḥ // (34.6) Par.?

tathā divyāni cāstrāṇi nikhilānyāhariṣyati / (35.1) Par.?

vipranaṣṭāṃ śriyaṃ cāyam āhartā puruṣarṣabhaḥ // (35.2) Par.?

etām atyadbhutāṃ vācaṃ kuntīputrasya sūtake / (36.1) Par.?

uktavān vāyur ākāśe kuntī śuśrāva cāsya tām // (36.2) Par.?

vācam uccāritām uccaistāṃ niśamya tapasvinām / (37.1) Par.?

babhūva paramo harṣaḥ śataśṛṅganivāsinām // (37.2) Par.?

tathā devaṛṣīṇāṃ ca sendrāṇāṃ ca divaukasām / (38.1) Par.?

ākāśe dundubhīnāṃ ca babhūva tumulaḥ svanaḥ // (38.2) Par.?

udatiṣṭhan mahāghoṣaḥ puṣpavṛṣṭibhir āvṛtaḥ / (39.1) Par.?

samavetya ca devānāṃ gaṇāḥ pārtham apūjayan // (39.2) Par.?

kādraveyā vainateyā gandharvāpsarasastathā / (40.1) Par.?

prajānāṃ patayaḥ sarve sapta caiva maharṣayaḥ // (40.2) Par.?

bharadvājaḥ kaśyapo gautamaśca viśvāmitro jamadagnir vasiṣṭhaḥ / (41.1) Par.?

yaścodito bhāskare 'bhūt pranaṣṭe so 'pyatrātrir bhagavān ājagāma // (41.2) Par.?

marīcir aṅgirāścaiva pulastyaḥ pulahaḥ kratuḥ / (42.1) Par.?

dakṣaḥ prajāpatiścaiva gandharvāpsarasastathā // (42.2) Par.?

divyamālyāmbaradharāḥ sarvālaṃkārabhūṣitāḥ / (43.1) Par.?

*te ca prakāśā martyeṣu sarvopaskārasaṃbhṛtāḥ / (43.2) Par.?

upagāyanti bībhatsum upanṛtyanti cāpsarāḥ / (43.3) Par.?

*tathā maharṣayaś cāpi jepustatra samantataḥ / (43.4) Par.?

*tato gandharvatūryeṣu praṇadatsu vihāyasi / (43.5) Par.?

gandharvaiḥ sahitaḥ śrīmān prāgāyata ca tumburuḥ // (43.6) Par.?

bhīmasenograsenau ca ūrṇāyur anaghastathā / (44.1) Par.?

gopatir dhṛtarāṣṭraśca sūryavarcāśca saptamaḥ // (44.2) Par.?

yugapastṛṇapaḥ kārṣṇir nandiścitrarathastathā / (45.1) Par.?

trayodaśaḥ śāliśirāḥ parjanyaśca caturdaśaḥ // (45.2) Par.?

kaliḥ pañcadaśaścātra nāradaścaiva ṣoḍaśaḥ / (46.1) Par.?

sadvā bṛhadvā bṛhakaḥ karālaśca mahāyaśāḥ // (46.2) Par.?

brahmacārī bahuguṇaḥ suparṇaśceti viśrutaḥ / (47.1) Par.?

viśvāvasur bhumanyuśca sucandro daśamastathā // (47.2) Par.?

gītamādhuryasampannau vikhyātau ca hahāhuhū / (48.1) Par.?

ityete devagandharvā jagustatra nararṣabham // (48.2) Par.?

tathaivāpsaraso hṛṣṭāḥ sarvālaṃkārabhūṣitāḥ / (49.1) Par.?

nanṛtur vai mahābhāgā jaguścāyatalocanāḥ // (49.2) Par.?

anūnā cānavadyā ca priyamukhyā guṇāvarā / (50.1) Par.?

adrikā ca tathā sācī miśrakeśī alambusā // (50.2) Par.?

marīciḥ śicukā caiva vidyutparṇā tilottamā / (51.1) Par.?

agnikā lakṣaṇā kṣemā devī rambhā manoramā / (51.2) Par.?

*urvaśī caiva rājendra nanṛtur gītanisvanaiḥ // (51.3) Par.?

asitā ca subāhuśca supriyā suvapustathā / (52.1) Par.?

puṇḍarīkā sugandhā ca surathā ca pramāthinī // (52.2) Par.?

kāmyā śāradvatī caiva nanṛtustatra saṃghaśaḥ / (53.1) Par.?

menakā sahajanyā ca parṇikā puñjikasthalā // (53.2) Par.?

kratusthalā ghṛtācī ca viśvācī pūrvacittyapi / (54.1) Par.?

umlocetyabhivikhyātā pramloceti ca tā daśa / (54.2) Par.?

urvaśyekādaśītyetā jagur āyatalocanāḥ // (54.3) Par.?

dhātāryamā ca mitraśca varuṇo 'ṃśo bhagastathā / (55.1) Par.?

indro vivasvān pūṣā ca tvaṣṭā ca savitā tathā // (55.2) Par.?

parjanyaścaiva viṣṇuśca ādityāḥ pāvakārciṣaḥ / (56.1) Par.?

*ityete dvādaśādityā jvalantaḥ sūryavarcasaḥ / (56.2) Par.?

mahimānaṃ pāṇḍavasya vardhayanto 'mbare sthitāḥ // (56.3) Par.?

mṛgavyādhaśca śarvaśca nirṛtiśca mahāyaśāḥ / (57.1) Par.?

ajaikapād ahirbudhnyaḥ pinākī ca paraṃtapaḥ // (57.2) Par.?

dahano 'theśvaraścaiva kapālī ca viśāṃ pate / (58.1) Par.?

sthāṇur bhavaśca bhagavān rudrāstatrāvatasthire // (58.2) Par.?

aśvinau vasavaścāṣṭau marutaśca mahābalāḥ / (59.1) Par.?

*nāsatyaścaiva dasraśca smṛtau dvāvaśvināviti / (59.2) Par.?

*tau cāśvinau tathā sādhyāstasyāsañ janmani sthitāḥ / (59.3) Par.?

*kratur dakṣastapaḥ satyaḥ kālaḥ kāmo dhuristathā / (59.4) Par.?

*kurumān madhumāṃścaiva rocamānaśca tejasā / (59.5) Par.?

viśvedevāstathā sādhyāstatrāsan parisaṃsthitāḥ // (59.6) Par.?

karkoṭako 'tha śeṣaśca vāsukiśca bhujaṃgamaḥ / (60.1) Par.?

kacchapaścāpakuṇḍaśca takṣakaśca mahoragaḥ // (60.2) Par.?

āyayustejasā yuktā mahākrodhā mahābalāḥ / (61.1) Par.?

ete cānye ca bahavastatra nāgā vyavasthitāḥ / (61.2) Par.?

*mahān pitāmahastvenaṃ vastreṇārajasā tadā / (61.3) Par.?

*pratijagrāha naptāraṃ rājarṣiparivāritaḥ / (61.4) Par.?

*sagareṇāmbarīṣeṇa nahuṣeṇa yayātinā / (61.5) Par.?

*dhīmatā dhundhumāreṇa rājñoparicareṇa ha / (61.6) Par.?

*mucukundena māndhātrā śibināriṣṭaneminā / (61.7) Par.?

*bharatena dilīpena sarvaiśca janamejaya / (61.8) Par.?

*pūruḥ sārdhaṃ nṛpatibhir jagrāha kurupuṃgavam / (61.9) Par.?

*anye ca bahavastatra samāsan rājasattamāḥ / (61.10) Par.?

*ete cānye ca bahavo naralokādhipāstathā / (61.11) Par.?

*devalokād ihāgamya praikṣanta bharatarṣabham / (61.12) Par.?

*vidyotamānaṃ vapuṣā bhāsayantaṃ diśo daśa / (61.13) Par.?

*lakṣaṇair vyañjitair yuktaṃ sarvair māhātmyasūcakaiḥ / (61.14) Par.?

*tāṃśca devagaṇān sarvāṃstapaḥsiddhā maharṣayaḥ / (61.15) Par.?

*vimānagiryagragatān dadṛśur netare janāḥ // (61.16) Par.?

tārkṣyaścāriṣṭanemiśca garuḍaścāsitadhvajaḥ / (62.1) Par.?

aruṇaścāruṇiścaiva vainateyā vyavasthitāḥ // (62.2) Par.?

tad dṛṣṭvā mahad āścaryaṃ vismitā munisattamāḥ / (63.1) Par.?

adhikāṃ sma tato vṛttim avartan pāṇḍavān prati / (63.2) Par.?

*pāṇḍuḥ prītena manasā devatādīn apūjayat / (63.3) Par.?

*pāṇḍunā pūjitā devāḥ pratyūcur nṛpasattamam / (63.4) Par.?

*prādurbhūto hyayaṃ dharmo devatānāṃ prasādajaḥ / (63.5) Par.?

*mātariśvā hyayaṃ bhīmo balavān arimardanaḥ / (63.6) Par.?

*sākṣād indraḥ svayaṃ jātaḥ prasādācca śatakratoḥ / (63.7) Par.?

*pitṛtvād devatānāṃ hi nāsti puṇyatarastvayā / (63.8) Par.?

*pitṝṇām ṛṇamukto 'si svargaṃ prāpsyasi puṇyabhāk / (63.9) Par.?

*ityuktvā devatāḥ sarvā viprajagmur yathāgatam // (63.10) Par.?

pāṇḍustu punar evaināṃ putralobhān mahāyaśāḥ / (64.1) Par.?

prāhiṇod darśanīyāṅgīṃ kuntī tvenam athābravīt // (64.2) Par.?

nātaścaturthaṃ prasavam āpatsvapi vadantyuta / (65.1) Par.?

ataḥ paraṃ cāriṇī syāt pañcame bandhakī bhavet // (65.2) Par.?

sa tvaṃ vidvan dharmam imaṃ buddhigamyaṃ kathaṃ nu mām / (66.1) Par.?

apatyārthaṃ samutkramya pramādād iva bhāṣase / (66.2) Par.?

*pāṇḍuḥ / (66.3) Par.?

*evam etad dharmaśāstraṃ yathā vadasi tat tathā // (66.4) Par.?

Duration=0.45261812210083 secs.