Texts

Help

Select a text:
Bibliography

Select a chapter:
(no revisions)
Show parallels Show headlines
Use dependency labeler

Chapter id: 3039

Click on a sentence to show its analysis
Keep the mouse pointer over a lemma to show its meanings.

vaiśaṃpāyana uvāca / (1.1) Par.?

rūpasattvaguṇopetā dharmārāmā mahāvratā / (1.2) Par.?

duhitā kuntibhojasya kṛte pitrā svayaṃvare / (1.3) Par.?

*tāṃ tu tejasvinīṃ kanyāṃ rūpayauvanaśālinīm / (1.4) Par.?

*nāvṛṇvan pārthivāḥ kecid atīva strīguṇair yutām / (1.5) Par.?

*tataḥ sā kuntibhojena rājñāhūya narādhipān / (1.6) Par.?

*pitrā svayaṃvare dattā duhitā rājasattama / (1.7) Par.?

*tataḥ sā raṅgamadhyasthaṃ teṣāṃ rājñāṃ manasvinī / (1.8) Par.?

*dadarśa rājaśārdūlaṃ pāṇḍuṃ bharatasattamam // (1.9) Par.?

siṃhadaṃṣṭraṃ gajaskandham ṛṣabhākṣaṃ mahābalam / (2.1) Par.?

*patiṃ vavre maheṣvāsaṃ pāṇḍuṃ kuntī yaśasvinī / (2.2) Par.?

*ādityam iva sarveṣāṃ rājñāṃ pracchādya vai prabhāḥ / (2.3) Par.?

*tiṣṭhantaṃ rājasamitau puraṃdaram ivāparam / (2.4) Par.?

*taṃ dṛṣṭvā sānavadyāṅgī kuntibhojasutā śubhā / (2.5) Par.?

*pāṇḍuṃ naravaraṃ raṅge hṛdayenākulābhavat / (2.6) Par.?

*tataḥ kāmaparītāṅgī sakṛt pracalamānasā / (2.7) Par.?

*vrīḍamānā srajaṃ kuntī rājñaḥ skandhe samāsṛjat / (2.8) Par.?

*taṃ niśamya vṛtaṃ pāṇḍuṃ kuntyā sarve narādhipāḥ / (2.9) Par.?

*yathāgataṃ samājagmur gajair aśvai rathaistathā / (2.10) Par.?

*tatastasyāḥ pitā rājann udvāham akarot prabhuḥ / (2.11) Par.?

bhūmipālasahasrāṇāṃ madhye pāṇḍum avindata // (2.12) Par.?

sa tayā kuntibhojasya duhitrā kurunandanaḥ / (3.1) Par.?

yuyuje 'mitasaubhāgyaḥ paulomyā maghavān iva // (3.2) Par.?

yātvā devavratenāpi madrāṇāṃ puṭabhedanam / (4.1) Par.?

viśrutā triṣu lokeṣu mādrī madrapateḥ sutā // (4.2) Par.?

sarvarājasu vikhyātā rūpeṇāsadṛśī bhuvi / (5.1) Par.?

pāṇḍor arthe parikrītā dhanena mahatā tadā / (5.2) Par.?

vivāhaṃ kārayāmāsa bhīṣmaḥ pāṇḍor mahātmanaḥ // (5.3) Par.?

siṃhoraskaṃ gajaskandham ṛṣabhākṣaṃ manasvinam / (6.1) Par.?

pāṇḍuṃ dṛṣṭvā naravyāghraṃ vyasmayanta narā bhuvi // (6.2) Par.?

kṛtodvāhastataḥ pāṇḍur balotsāhasamanvitaḥ / (7.1) Par.?

*goptā bharatavaṃśasya śrīmān sarvāstrakovidaḥ / (7.2) Par.?

jigīṣamāṇo vasudhāṃ yayau śatrūn anekaśaḥ / (7.3) Par.?

*vaiśaṃpāyana uvāca / (7.4) Par.?

*kuntyāḥ pāṇḍośca rājendra kuntibhojo mahīpatiḥ / (7.5) Par.?

*kṛtvodvāhaṃ tadā taṃ tu nānāvasubhir arcitam / (7.6) Par.?

*svapuraṃ preṣayāmāsa sa rājā kurusattamam / (7.7) Par.?

*tato balena mahatā nānādhvajapatākinā / (7.8) Par.?

*stūyamānaḥ sa cāśībhir brāhmaṇaiśca maharṣibhiḥ / (7.9) Par.?

*samprāpya nagaraṃ rājā pāṇḍuḥ kauravanandanaḥ / (7.10) Par.?

*nyaveśayata tāṃ bhāryāṃ kuntīṃ svabhavane prabhuḥ / (7.11) Par.?

*tataḥ śāṃtanavo bhīṣmo rājñaḥ pāṇḍor yaśasvinaḥ / (7.12) Par.?

*vivāhasyāparasyārthe cakāra matimān matim / (7.13) Par.?

*so 'mātyaiḥ sthaviraiḥ sārdhaṃ brāhmaṇaiśca maharṣibhiḥ / (7.14) Par.?

*balena caturaṅgena yayau madrapateḥ puram / (7.15) Par.?

*tam āgatam abhiśrutya bhīṣmaṃ bāhlīkapuṅgavaḥ / (7.16) Par.?

*pratyudgamyārcayitvā ca puraṃ prāveśayan nṛpaḥ / (7.17) Par.?

*dattvā tasyāsanaṃ śubhraṃ pādyam arghyaṃ tathaiva ca / (7.18) Par.?

*madhuparkaṃ ca madreśaḥ papracchāgamane 'rthitām / (7.19) Par.?

*taṃ bhīṣmaḥ pratyuvācedaṃ madrarājaṃ kurūdvahaḥ / (7.20) Par.?

*āgataṃ māṃ vijānīhi varārthinam ariṃdama / (7.21) Par.?

*śrūyate bhavataḥ sādhvī svasā mādrī yaśasvinī / (7.22) Par.?

*tām ahaṃ varayiṣyāmi pāṇḍor arthe yaśasvinīm / (7.23) Par.?

*yuktarūpo hi saṃbandhe tvaṃ no rājan vayaṃ tava / (7.24) Par.?

*etat saṃcintya madreśa gṛhāṇāsmān yathāvidhi / (7.25) Par.?

*tam evaṃvādinaṃ bhīṣmaṃ pratyabhāṣata madrapaḥ / (7.26) Par.?

*na hi me 'nyo varastvattaḥ śreyān iti matir mama / (7.27) Par.?

*pūrvaiḥ pravartitaṃ kiṃcit kule 'smin nṛpasattamaiḥ / (7.28) Par.?

*sādhu vā yadi vāsādhu tan nātikrāntum utsahe / (7.29) Par.?

*vyaktaṃ tad bhavataścāpi viditaṃ nātra saṃśayaḥ / (7.30) Par.?

*na ca yuktaṃ tathā vaktuṃ bhavān dehīti sattama / (7.31) Par.?

*kuladharmaḥ sa no vīra pramāṇaṃ paramaṃ ca tat / (7.32) Par.?

*tena tvāṃ na bravīmyetad asaṃdigdhaṃ vaco 'rihan / (7.33) Par.?

*taṃ bhīṣmaḥ pratyuvācedaṃ madrarājaṃ mahāmatiḥ / (7.34) Par.?

*dharma eṣa paro rājan svayam uktaḥ svayaṃbhuvā / (7.35) Par.?

*nātra kaścana doṣo 'sti pūrvair vidhir ayaṃ kṛtaḥ / (7.36) Par.?

*viditeyaṃ ca te śalya maryādā sādhusaṃmatā / (7.37) Par.?

*ityuktvā sa mahātejāḥ śātakumbhaṃ kṛtākṛtam / (7.38) Par.?

*ratnāni ca vicitrāṇi śalyāyādāt sahasraśaḥ / (7.39) Par.?

*gajān aśvān rathāṃścaiva vāsāṃsyābharaṇāni ca / (7.40) Par.?

*maṇimuktāpravālaṃ ca gāṅgeyo vyasṛjacchubham / (7.41) Par.?

*tat pragṛhya dhanaṃ sarvaṃ śalyaḥ saṃprītamānasaḥ / (7.42) Par.?

*dadau tāṃ samalaṃkṛtya svasāraṃ kauravarṣabhe / (7.43) Par.?

*sa tāṃ mādrīm upādāya bhīṣmaḥ sāgaragāsutaḥ / (7.44) Par.?

*ājagāma puraṃ dhīmān praviṣṭo gajasāhvayam / (7.45) Par.?

*tata iṣṭe 'hani prāpte muhūrte sādhusaṃmate / (7.46) Par.?

*jagrāha vidhivat pāṇiṃ mādryāḥ pāṇḍur narādhipaḥ / (7.47) Par.?

*tato vivāhe nirvṛtte sa rājā kurunandanaḥ / (7.48) Par.?

*sthāpayāmāsa tāṃ bhāryāṃ śubhe veśmani bhāvinīm / (7.49) Par.?

*sa tābhyāṃ vyacarat sārdhaṃ bhāryābhyāṃ rājasattamaḥ / (7.50) Par.?

*kuntyā mādryā ca rājendro yathākāmaṃ yathāsukham / (7.51) Par.?

*tataḥ sa kauravo rājā vihṛtya tridaśā niśāḥ / (7.52) Par.?

*jigīṣayā mahīṃ pāṇḍur niścakrāma purāt prabho / (7.53) Par.?

*sa bhīṣmapramukhān vṛddhān abhivādya praṇamya ca / (7.54) Par.?

*dhṛtarāṣṭraṃ ca kauravyaṃ tathānyān kurusattamān / (7.55) Par.?

*āmantrya prayayau rājā taiścaivābhyanumoditaḥ / (7.56) Par.?

*maṅgalācārayuktābhir āśīrbhiścābhinanditaḥ / (7.57) Par.?

*gajavājirathaughena balena mahatāgamat / (7.58) Par.?

*sa rājā devarājābho vijigīṣur vasuṃdharām / (7.59) Par.?

*hṛṣṭapuṣṭabalaḥ prāyāt pāṇḍuḥ śatrūn anekaśaḥ // (7.60) Par.?

pūrvam āgaskṛto gatvā daśārṇāḥ samare jitāḥ / (8.1) Par.?

pāṇḍunā narasiṃhena kauravāṇāṃ yaśobhṛtā // (8.2) Par.?

tataḥ senām upādāya pāṇḍur nānāvidhadhvajām / (9.1) Par.?

prabhūtahastyaśvarathāṃ padātigaṇasaṃkulām // (9.2) Par.?

āgaskṛt sarvavīrāṇāṃ vairī sarvamahībhṛtām / (10.1) Par.?

goptā magadharāṣṭrasya dārvo rājagṛhe hataḥ // (10.2) Par.?

tataḥ kośaṃ samādāya vāhanāni balāni ca / (11.1) Par.?

pāṇḍunā mithilāṃ gatvā videhāḥ samare jitāḥ // (11.2) Par.?

tathā kāśiṣu suhmeṣu puṇḍreṣu bharatarṣabha / (12.1) Par.?

svabāhubalavīryeṇa kurūṇām akarod yaśaḥ // (12.2) Par.?

taṃ śaraughamahājvālam astrārciṣam ariṃdamam / (13.1) Par.?

pāṇḍupāvakam āsādya vyadahyanta narādhipāḥ // (13.2) Par.?

te sasenāḥ sasenena vidhvaṃsitabalā nṛpāḥ / (14.1) Par.?

pāṇḍunā vaśagāḥ kṛtvā karakarmasu yojitāḥ // (14.2) Par.?

tena te nirjitāḥ sarve pṛthivyāṃ sarvapārthivāḥ / (15.1) Par.?

tam ekaṃ menire śūraṃ deveṣviva puraṃdaram // (15.2) Par.?

taṃ kṛtāñjalayaḥ sarve praṇatā vasudhādhipāḥ / (16.1) Par.?

upājagmur dhanaṃ gṛhya ratnāni vividhāni ca // (16.2) Par.?

maṇimuktāpravālaṃ ca suvarṇaṃ rajataṃ tathā / (17.1) Par.?

goratnānyaśvaratnāni ratharatnāni kuñjarān // (17.2) Par.?

kharoṣṭramahiṣāṃścaiva yacca kiṃcid ajāvikam / (18.1) Par.?

tat sarvaṃ pratijagrāha rājā nāgapurādhipaḥ // (18.2) Par.?

tad ādāya yayau pāṇḍuḥ punar muditavāhanaḥ / (19.1) Par.?

harṣayiṣyan svarāṣṭrāṇi puraṃ ca gajasāhvayam // (19.2) Par.?

śaṃtano rājasiṃhasya bharatasya ca dhīmataḥ / (20.1) Par.?

pranaṣṭaḥ kīrtijaḥ śabdaḥ pāṇḍunā punar uddhṛtaḥ // (20.2) Par.?

ye purā kururāṣṭrāṇi jahruḥ kurudhanāni ca / (21.1) Par.?

te nāgapurasiṃhena pāṇḍunā karadāḥ kṛtāḥ // (21.2) Par.?

ityabhāṣanta rājāno rājāmātyāśca saṃgatāḥ / (22.1) Par.?

*abhyanandanta vai pāṇḍum āśīrvādaiḥ pṛthagvidhaiḥ / (22.2) Par.?

pratītamanaso hṛṣṭāḥ paurajānapadaiḥ saha // (22.3) Par.?

pratyudyayustaṃ samprāptaṃ sarve bhīṣmapurogamāḥ / (23.1) Par.?

te nadūram ivādhvānaṃ gatvā nāgapurālayāḥ / (23.2) Par.?

āvṛtaṃ dadṛśur lokaṃ hṛṣṭā bahuvidhair janaiḥ // (23.3) Par.?

nānāyānasamānītai ratnair uccāvacaistathā / (24.1) Par.?

hastyaśvaratharatnaiśca gobhir uṣṭrair athāvikaiḥ / (24.2) Par.?

nāntaṃ dadṛśur āsādya bhīṣmeṇa saha kauravāḥ // (24.3) Par.?

so 'bhivādya pituḥ pādau kausalyānandavardhanaḥ / (25.1) Par.?

yathārhaṃ mānayāmāsa paurajānapadān api // (25.2) Par.?

pramṛdya pararāṣṭrāṇi kṛtārthaṃ punarāgatam / (26.1) Par.?

putram āsādya bhīṣmastu harṣād aśrūṇyavartayat // (26.2) Par.?

sa tūryaśatasaṃghānāṃ bherīṇāṃ ca mahāsvanaiḥ / (27.1) Par.?

harṣayan sarvaśaḥ paurān viveśa gajasāhvayam // (27.2) Par.?

Duration=0.39676713943481 secs.