Texts

Help

Select a text:
Bibliography

Select a chapter:
(no revisions)
Show parallels Show headlines
Use dependency labeler

Chapter id: 3084

Click on a sentence to show its analysis
Keep the mouse pointer over a lemma to show its meanings.

vaiśaṃpāyana uvāca / (1.1) Par.?

kṛtāstrān dhārtarāṣṭrāṃśca pāṇḍuputrāṃśca bhārata / (1.2) Par.?

dṛṣṭvā droṇo 'bravīd rājan dhṛtarāṣṭraṃ janeśvaram // (1.3) Par.?

kṛpasya somadattasya bāhlīkasya ca dhīmataḥ / (2.1) Par.?

gāṅgeyasya ca sāṃnidhye vyāsasya vidurasya ca / (2.2) Par.?

*trayāṇām iva lokānāṃ prajāpatim iva sthitam // (2.3) Par.?

rājan samprāptavidyāste kumārāḥ kurusattama / (3.1) Par.?

te darśayeyuḥ svāṃ śikṣāṃ rājann anumate tava // (3.2) Par.?

tato 'bravīn mahārājaḥ prahṛṣṭenāntarātmanā / (4.1) Par.?

bhāradvāja mahat karma kṛtaṃ te dvijasattama // (4.2) Par.?

yadā tu manyase kālaṃ yasmin deśe yathā yathā / (5.1) Par.?

tathā tathā vidhānāya svayam ājñāpayasva mām // (5.2) Par.?

spṛhayāmyadya nirvedāt puruṣāṇāṃ sacakṣuṣām / (6.1) Par.?

astrahetoḥ parākrāntān ye me drakṣyanti putrakān // (6.2) Par.?

kṣattar yad gurur ācāryo bravīti kuru tat tathā / (7.1) Par.?

na hīdṛśaṃ priyaṃ manye bhavitā dharmavatsala // (7.2) Par.?

tato rājānam āmantrya vidurānugato bahiḥ / (8.1) Par.?

bhāradvājo mahāprājño māpayāmāsa medinīm / (8.2) Par.?

*prekṣyāgāraṃ suvipulaṃ śāstradṛṣṭyā yathāvidhi / (8.3) Par.?

samām avṛkṣāṃ nirgulmām udakpravaṇasaṃsthitām // (8.4) Par.?

tasyāṃ bhūmau baliṃ cakre tithau nakṣatrapūjite / (9.1) Par.?

avaghuṣṭaṃ pure cāpi tadarthaṃ vadatāṃ vara // (9.2) Par.?

raṅgabhūmau suvipulaṃ śāstradṛṣṭaṃ yathāvidhi / (10.1) Par.?

prekṣāgāraṃ suvihitaṃ cakrustatra ca śilpinaḥ / (10.2) Par.?

rājñaḥ sarvāyudhopetaṃ strīṇāṃ caiva nararṣabha / (10.3) Par.?

*manasyamañcān vipulān akarod darśanepsayā // (10.4) Par.?

mañcāṃśca kārayāmāsustatra jānapadā janāḥ / (11.1) Par.?

vipulān ucchrayopetāñ śibikāśca mahādhanāḥ // (11.2) Par.?

tasmiṃstato 'hani prāpte rājā sasacivastadā / (12.1) Par.?

*sāntaḥpuraḥ sahāmātyo vyāsasyānumate tadā / (12.2) Par.?

bhīṣmaṃ pramukhataḥ kṛtvā kṛpaṃ cācāryasattamam / (12.3) Par.?

*bāhlīkaṃ somadattaṃ ca bhūriśravasam eva ca / (12.4) Par.?

*kurūn anyāṃśca sacivān ādāya nagarād bahiḥ / (12.5) Par.?

*raṅgabhūmiṃ samāsādya brāhmaṇaiḥ sahito nṛpaḥ // (12.6) Par.?

muktājālaparikṣiptaṃ vaiḍūryamaṇibhūṣitam / (13.1) Par.?

śātakumbhamayaṃ divyaṃ prekṣāgāram upāgamat // (13.2) Par.?

gāndhārī ca mahābhāgā kuntī ca jayatāṃ vara / (14.1) Par.?

striyaśca sarvā yā rājñaḥ sapreṣyāḥ saparicchadāḥ / (14.2) Par.?

harṣād āruruhur mañcān meruṃ devastriyo yathā // (14.3) Par.?

brāhmaṇakṣatriyādyaṃ ca cāturvarṇyaṃ purād drutam / (15.1) Par.?

darśanepsu samabhyāgāt kumārāṇāṃ kṛtāstratām / (15.2) Par.?

*kṣaṇenaikasthatāṃ tatra darśanepsu jagāma ha // (15.3) Par.?

pravāditaiśca vāditrair janakautūhalena ca / (16.1) Par.?

mahārṇava iva kṣubdhaḥ samājaḥ so 'bhavat tadā // (16.2) Par.?

tataḥ śuklāmbaradharaḥ śuklayajñopavītavān / (17.1) Par.?

śuklakeśaḥ sitaśmaśruḥ śuklamālyānulepanaḥ // (17.2) Par.?

raṅgamadhyaṃ tadācāryaḥ saputraḥ praviveśa ha / (18.1) Par.?

nabho jaladharair hīnaṃ sāṅgāraka ivāṃśumān // (18.2) Par.?

sa yathāsamayaṃ cakre baliṃ balavatāṃ varaḥ / (19.1) Par.?

brāhmaṇāṃścātra mantrajñān vācayāmāsa maṅgalam / (19.2) Par.?

*suvarṇamaṇiratnāni vastrāṇi vividhāni ca / (19.3) Par.?

*pradadau dakṣiṇāṃ rājā droṇasya ca kṛpasya ca // (19.4) Par.?

atha puṇyāhaghoṣasya puṇyasya tadanantaram / (20.1) Par.?

viviśur vividhaṃ gṛhya śastropakaraṇaṃ narāḥ // (20.2) Par.?

tato baddhatanutrāṇā baddhakakṣyā mahābalāḥ / (21.1) Par.?

baddhatūṇāḥ sadhanuṣo viviśur bharatarṣabhāḥ // (21.2) Par.?

anujyeṣṭhaṃ ca te tatra yudhiṣṭhirapurogamāḥ / (22.1) Par.?

*raṅgamadhye sthitaṃ droṇam abhivādya nararṣabhāḥ / (22.2) Par.?

*cakruḥ pūjāṃ yathānyāyaṃ droṇasya ca kṛpasya ca / (22.3) Par.?

*āśīrbhiśca prayuktābhiḥ sarve saṃhṛṣṭamānasāḥ / (22.4) Par.?

*abhivādya punaḥ śastrān balipuṣpaiḥ samarcitān / (22.5) Par.?

*raktacandanasaṃmiśraiḥ svayam arcanta kauravāḥ / (22.6) Par.?

*raktacandanadigdhāśca raktamālyānudhāriṇaḥ / (22.7) Par.?

*sarve raktapatākāśca sarve raktāntalocanāḥ / (22.8) Par.?

*droṇena samanujñātāḥ gṛhya śastraṃ paraṃtapāḥ / (22.9) Par.?

*dhanūṃṣi pūrvaṃ saṃgṛhya taptakāñcanabhūṣitāḥ / (22.10) Par.?

*sajjāni vividhākārāḥ śaraiḥ saṃdhāya kauravāḥ / (22.11) Par.?

*jyāghoṣatalaghoṣaṃ ca kṛtvā bhūtānyapūjayan / (22.12) Par.?

*śastramārgān yathotsṛṣṭāṃśceruḥ sarve nararṣabhāḥ / (22.13) Par.?

cakrur astraṃ mahāvīryāḥ kumārāḥ paramādbhutam / (22.14) Par.?

*keṣāṃcit tarumūleṣu śarā nipatitā nṛpa / (22.15) Par.?

*keṣāṃcit puṣpamukuṭe nipatanti sma sāyakāḥ / (22.16) Par.?

*kecil lakṣyāṇi vividhair bāṇair āhatalakṣaṇaiḥ / (22.17) Par.?

*vivyadhur lāghavotsṛṣṭair gurūṇi ca laghūni ca // (22.18) Par.?

keciccharākṣepabhayācchirāṃsyavananāmire / (23.1) Par.?

manujā dhṛṣṭam apare vīkṣāṃcakruḥ savismayāḥ // (23.2) Par.?

te sma lakṣyāṇi vividhur bāṇair nāmāṅkaśobhitaiḥ / (24.1) Par.?

vividhair lāghavotsṛṣṭair uhyanto vājibhir drutam // (24.2) Par.?

tat kumārabalaṃ tatra gṛhītaśarakārmukam / (25.1) Par.?

gandharvanagarākāraṃ prekṣya te vismitābhavan // (25.2) Par.?

sahasā cukruśustatra narāḥ śatasahasraśaḥ / (26.1) Par.?

vismayotphullanayanāḥ sādhu sādhviti bhārata // (26.2) Par.?

kṛtvā dhanuṣi te mārgān rathacaryāsu cāsakṛt / (27.1) Par.?

gajapṛṣṭhe 'śvapṛṣṭhe ca niyuddhe ca mahābalāḥ // (27.2) Par.?

gṛhītakhaḍgacarmāṇastato bhūyaḥ prahāriṇaḥ / (28.1) Par.?

tsarumārgān yathoddiṣṭāṃśceruḥ sarvāsu bhūmiṣu // (28.2) Par.?

lāghavaṃ sauṣṭhavaṃ śobhāṃ sthiratvaṃ dṛḍhamuṣṭitām / (29.1) Par.?

dadṛśustatra sarveṣāṃ prayoge khaḍgacarmaṇām // (29.2) Par.?

atha tau nityasaṃhṛṣṭau suyodhanavṛkodarau / (30.1) Par.?

avatīrṇau gadāhastāvekaśṛṅgāvivācalau // (30.2) Par.?

baddhakakṣyau mahābāhū pauruṣe paryavasthitau / (31.1) Par.?

bṛṃhantau vāśitāhetoḥ samadāviva kuñjarau // (31.2) Par.?

tau pradakṣiṇasavyāni maṇḍalāni mahābalau / (32.1) Par.?

ceratur nirmalagadau samadāviva govṛṣau // (32.2) Par.?

viduro dhṛtarāṣṭrāya gāndhāryai pāṇḍavāraṇiḥ / (33.1) Par.?

nyavedayetāṃ tat sarvaṃ kumārāṇāṃ viceṣṭitam // (33.2) Par.?

Duration=0.16423583030701 secs.