UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 3086
- Click on a sentence to show its analysis
- Keep the mouse pointer over a lemma to show its meanings.
vaiśaṃpāyana uvāca / (1.1)
Par.?
kururāje ca raṅgasthe bhīme ca balināṃ vare / (1.2)
Par.?
pakṣapātakṛtasnehaḥ sa dvidhevābhavajjanaḥ // (1.3)
Par.?
hā vīra kururājeti hā bhīmeti ca nardatām / (2.1)
Par.?
puruṣāṇāṃ suvipulāḥ praṇādāḥ sahasotthitāḥ // (2.2)
Par.?
tataḥ kṣubdhārṇavanibhaṃ raṅgam ālokya buddhimān / (3.1)
Par.?
bhāradvājaḥ priyaṃ putram aśvatthāmānam abravīt // (3.2)
Par.?
vārayaitau mahāvīryau kṛtayogyāvubhāvapi / (4.1)
Par.?
mā bhūd raṅgaprakopo 'yaṃ bhīmaduryodhanodbhavaḥ / (4.2)
Par.?
*
tata utthāya vegena aśvatthāmā nyavārayat / (4.3)
Par.?
*
guror ājñā bhīma iti gāndhāre guruśāsanam / (4.4)
Par.?
*
alaṃ yogyākṛtaṃ vegam alaṃ sāhasam ityuta // (4.5)
Par.?
tatastāvudyatagadau guruputreṇa vāritau / (5.1)
Par.?
yugāntānilasaṃkṣubdhau mahāvegāvivārṇavau // (5.2)
Par.?
tato raṅgāṅgaṇagato droṇo vacanam abravīt / (6.1)
Par.?
nivārya vāditragaṇaṃ mahāmeghanibhasvanam // (6.2)
Par.?
yo me putrāt priyataraḥ sarvāstraviduṣāṃ varaḥ / (7.1)
Par.?
aindrir indrānujasamaḥ sa pārtho dṛśyatām iti // (7.2)
Par.?
ācāryavacanenātha kṛtasvastyayano yuvā / (8.1)
Par.?
baddhagodhāṅgulitrāṇaḥ pūrṇatūṇaḥ sakārmukaḥ // (8.2)
Par.?
kāñcanaṃ kavacaṃ bibhrat pratyadṛśyata phalgunaḥ / (9.1)
Par.?
sārkaḥ sendrāyudhataḍit sasaṃdhya iva toyadaḥ // (9.2)
Par.?
tataḥ sarvasya raṅgasya samutpiñjo 'bhavan mahān / (10.1)
Par.?
prāvādyanta ca vādyāni saśaṅkhāni samantataḥ // (10.2)
Par.?
eṣa kuntīsutaḥ śrīmān eṣa pāṇḍavamadhyamaḥ / (11.1)
Par.?
eṣa putro mahendrasya kurūṇām eṣa rakṣitā // (11.2)
Par.?
eṣo 'straviduṣāṃ śreṣṭha eṣa dharmabhṛtāṃ varaḥ / (12.1)
Par.?
eṣa śīlavatāṃ cāpi śīlajñānanidhiḥ paraḥ / (12.2)
Par.?
*
eṣa kaṃsavimardasya sākṣāt prāṇasamaḥ sakhā / (12.3)
Par.?
*
eṣa yat pratijānāti tasya pāraṃ gamiṣyati // (12.4)
Par.?
ityevam atulā vācaḥ śṛṇvantyāḥ prekṣakeritāḥ / (13.1)
Par.?
kuntyāḥ prasnavasaṃmiśrair asraiḥ klinnam uro 'bhavat // (13.2)
Par.?
tena śabdena mahatā pūrṇaśrutir athābravīt / (14.1)
Par.?
dhṛtarāṣṭro naraśreṣṭho viduraṃ hṛṣṭamānasaḥ // (14.2)
Par.?
kṣattaḥ kṣubdhārṇavanibhaḥ kim eṣa sumahāsvanaḥ / (15.1)
Par.?
sahasaivotthito raṅge bhindann iva nabhastalam // (15.2)
Par.?
vidura uvāca / (16.1)
Par.?
eṣa pārtho mahārāja phalgunaḥ pāṇḍunandanaḥ / (16.2)
Par.?
avatīrṇaḥ sakavacastatraiṣa sumahāsvanaḥ // (16.3)
Par.?
dhṛtarāṣṭra uvāca / (17.1)
Par.?
dhanyo 'smyanugṛhīto 'smi rakṣito 'smi mahāmate / (17.2) Par.?
pṛthāraṇisamudbhūtaistribhiḥ pāṇḍavavahnibhiḥ // (17.3)
Par.?
vaiśaṃpāyana uvāca / (18.1)
Par.?
tasmin samudite raṅge kathaṃcit paryavasthite / (18.2)
Par.?
darśayāmāsa bībhatsur ācāryād astralāghavam // (18.3)
Par.?
āgneyenāsṛjad vahniṃ vāruṇenāsṛjat payaḥ / (19.1)
Par.?
vāyavyenāsṛjad vāyuṃ pārjanyenāsṛjad ghanān // (19.2)
Par.?
bhaumena prāviśad bhūmiṃ pārvatenāsṛjad girīn / (20.1)
Par.?
antardhānena cāstreṇa punar antarhito 'bhavat // (20.2)
Par.?
kṣaṇāt prāṃśuḥ kṣaṇāddhrasvaḥ kṣaṇācca rathadhūrgataḥ / (21.1)
Par.?
kṣaṇena rathamadhyasthaḥ kṣaṇenāvāpatan mahīm // (21.2)
Par.?
sukumāraṃ ca sūkṣmaṃ ca guruṃ cāpi gurupriyaḥ / (22.1)
Par.?
sauṣṭhavenābhisaṃyuktaḥ so 'vidhyad vividhaiḥ śaraiḥ // (22.2)
Par.?
bhramataśca varāhasya lohasya pramukhe samam / (23.1)
Par.?
pañca bāṇān asaṃsaktān sa mumocaikabāṇavat // (23.2)
Par.?
gavye viṣāṇakośe ca cale rajjvavalambite / (24.1)
Par.?
nicakhāna mahāvīryaḥ sāyakān ekaviṃśatim // (24.2)
Par.?
ityevamādi sumahat khaḍge dhanuṣi cābhavat / (25.1)
Par.?
gadāyāṃ śastrakuśalo darśanāni vyadarśayat / (25.2)
Par.?
*
cakratomarapāśānāṃ bhiṇḍipālaparaśvadhām / (25.3)
Par.?
*
anyeṣāṃ cāpi śikṣāṇāṃ darśayāmāsa lāghavam // (25.4)
Par.?
tataḥ samāptabhūyiṣṭhe tasmin karmaṇi bhārata / (26.1)
Par.?
mandībhūte samāje ca vāditrasya ca nisvane // (26.2)
Par.?
dvāradeśāt samudbhūto māhātmyabalasūcakaḥ / (27.1)
Par.?
vajraniṣpeṣasadṛśaḥ śuśruve bhujanisvanaḥ / (27.2)
Par.?
*
sa śabdaḥ sumahān āsīt pūrayann iva rodasī // (27.3)
Par.?
dīryante kiṃ nu girayaḥ kiṃ svid bhūmir vidīryate / (28.1)
Par.?
kiṃ svid āpūryate vyoma jalabhāraghanair ghanaiḥ // (28.2)
Par.?
raṅgasyaivaṃ matir abhūt kṣaṇena vasudhādhipa / (29.1)
Par.?
dvāraṃ cābhimukhāḥ sarve babhūvuḥ prekṣakāstadā // (29.2)
Par.?
pañcabhir bhrātṛbhiḥ pārthair droṇaḥ parivṛto babhau / (30.1)
Par.?
pañcatāreṇa saṃyuktaḥ sāvitreṇeva candramāḥ // (30.2)
Par.?
aśvatthāmnā ca sahitaṃ bhrātṝṇāṃ śatam ūrjitam / (31.1)
Par.?
duryodhanam amitraghnam utthitaṃ paryavārayat // (31.2)
Par.?
sa taistadā bhrātṛbhir udyatāyudhair vṛto gadāpāṇir avasthitaiḥ sthitaḥ / (32.1)
Par.?
babhau yathā dānavasaṃkṣaye purā puraṃdaro devagaṇaiḥ samāvṛtaḥ // (32.2)
Par.?
Duration=0.15286898612976 secs.