Texts

vaiśaṃpāyana uvāca / (1.1) Par.?

tataḥ srastottarapaṭaḥ saprasvedaḥ savepathuḥ / (1.2) Par.?

viveśādhiratho raṅgaṃ yaṣṭiprāṇo hvayann iva // (1.3) Par.?

tam ālokya dhanustyaktvā pitṛgauravayantritaḥ / (2.1) Par.?

karṇo 'bhiṣekārdraśirāḥ śirasā samavandata // (2.2) Par.?

tataḥ pādāvavacchādya paṭāntena sasaṃbhramaḥ / (3.1) Par.?

putreti paripūrṇārtham abravīd rathasārathiḥ // (3.2) Par.?

pariṣvajya ca tasyātha mūrdhānaṃ snehaviklavaḥ / (4.1) Par.?

aṅgarājyābhiṣekārdram aśrubhiḥ siṣice punaḥ // (4.2) Par.?

taṃ dṛṣṭvā sūtaputro 'yam iti niścitya pāṇḍavaḥ / (5.1) Par.?

bhīmasenastadā vākyam abravīt prahasann iva // (5.2) Par.?

na tvam arhasi pārthena sūtaputra raṇe vadham / (6.1) Par.?

kulasya sadṛśastūrṇaṃ pratodo gṛhyatāṃ tvayā // (6.2) Par.?

aṅgarājyaṃ ca nārhastvam upabhoktuṃ narādhama / (7.1) Par.?

śvā hutāśasamīpasthaṃ puroḍāśam ivādhvare // (7.2) Par.?

evam uktastataḥ karṇaḥ kiṃcit prasphuritādharaḥ / (8.1) Par.?

gaganasthaṃ viniḥśvasya divākaram udaikṣata // (8.2) Par.?

tato duryodhanaḥ kopād utpapāta mahābalaḥ / (9.1) Par.?

bhrātṛpadmavanāt tasmān madotkaṭa iva dvipaḥ // (9.2) Par.?

so 'bravīd bhīmakarmāṇaṃ bhīmasenam avasthitam / (10.1) Par.?

vṛkodara na yuktaṃ te vacanaṃ vaktum īdṛśam // (10.2) Par.?

kṣatriyāṇāṃ balaṃ jyeṣṭhaṃ yoddhavyaṃ kṣatrabandhunā / (11.1) Par.?

śūrāṇāṃ ca nadīnāṃ ca prabhavā durvidāḥ kila // (11.2) Par.?

salilād utthito vahnir yena vyāptaṃ carācaram / (12.1) Par.?

dadhīcasyāsthito vajraṃ kṛtaṃ dānavasūdanam // (12.2) Par.?

āgneyaḥ kṛttikāputro raudro gāṅgeya ityapi / (13.1) Par.?

śrūyate bhagavān devaḥ sarvaguhyamayo guhaḥ // (13.2) Par.?

kṣatriyābhyaśca ye jātā brāhmaṇāste ca viśrutāḥ / (14.1) Par.?

*viśvāmitraprabhṛtayaḥ prāptā brahmatvam avyayam / (14.2) Par.?

*jātān āhuḥ kṣatriyāsu brāhmaṇaiḥ kṣatrasaṃkṣaye / (14.3) Par.?

ācāryaḥ kalaśājjātaḥ śarastambād guruḥ kṛpaḥ / (14.4) Par.?

*droṇaḥ śastrabhṛtāṃ varaḥ / (14.5) Par.?

*gautamasyānvavāye ca / (14.6) Par.?

bhavatāṃ ca yathā janma tad apyāgamitaṃ nṛpaiḥ // (14.7) Par.?

sakuṇḍalaṃ sakavacaṃ divyalakṣaṇalakṣitam / (15.1) Par.?

katham ādityasaṃkāśaṃ mṛgī vyāghraṃ janiṣyati / (15.2) Par.?

*sūto 'muṃ janayiṣyati / (15.3) Par.?

*evaṃ kṣatraguṇair yuktaṃ śaraṃ samitiśobhanam // (15.4) Par.?

pṛthivīrājyam arho 'yaṃ nāṅgarājyaṃ nareśvaraḥ / (16.1) Par.?

anena bāhuvīryeṇa mayā cājñānuvartinā // (16.2) Par.?

yasya vā manujasyedaṃ na kṣāntaṃ madviceṣṭitam / (17.1) Par.?

ratham āruhya padbhyāṃ vā vināmayatu kārmukam // (17.2) Par.?

tataḥ sarvasya raṅgasya hāhākāro mahān abhūt / (18.1) Par.?

sādhuvādānusaṃbaddhaḥ sūryaścāstam upāgamat // (18.2) Par.?

tato duryodhanaḥ karṇam ālambyātha kare nṛpa / (19.1) Par.?

dīpikāgnikṛtālokastasmād raṅgād viniryayau // (19.2) Par.?

pāṇḍavāśca sahadroṇāḥ sakṛpāśca viśāṃ pate / (20.1) Par.?

bhīṣmeṇa sahitāḥ sarve yayuḥ svaṃ svaṃ niveśanam // (20.2) Par.?

arjuneti janaḥ kaścit kaścit karṇeti bhārata / (21.1) Par.?

kaścid duryodhanetyevaṃ bruvantaḥ prasthitāstadā // (21.2) Par.?

kuntyāśca pratyabhijñāya divyalakṣaṇasūcitam / (22.1) Par.?

putram aṅgeśvaraṃ snehācchannā prītir avardhata // (22.2) Par.?

duryodhanasyāpi tadā karṇam āsādya pārthiva / (23.1) Par.?

bhayam arjunasaṃjātaṃ kṣipram antaradhīyata // (23.2) Par.?

sa cāpi vīraḥ kṛtaśastraniśramaḥ pareṇa sāmnābhyavadat suyodhanam / (24.1) Par.?

yudhiṣṭhirasyāpyabhavat tadā matir na karṇatulyo 'sti dhanurdharaḥ kṣitau // (24.2) Par.?