Texts

Help

Select a text:
Bibliography

Select a chapter:
(no revisions)
Show parallels Show headlines
Use dependency labeler

Chapter id: 3113

Click on a sentence to show its analysis
Keep the mouse pointer over a lemma to show its meanings.

vaiśaṃpāyana uvāca / (1.1) Par.?

prabuddhāste hiḍimbāyā rūpaṃ dṛṣṭvātimānuṣam / (1.2) Par.?

vismitāḥ puruṣavyāghrā babhūvuḥ pṛthayā saha // (1.3) Par.?

tataḥ kuntī samīkṣyaināṃ vismitā rūpasaṃpadā / (2.1) Par.?

uvāca madhuraṃ vākyaṃ sāntvapūrvam idaṃ śanaiḥ // (2.2) Par.?

kasya tvaṃ suragarbhābhe kā cāsi varavarṇini / (3.1) Par.?

kena kāryeṇa suśroṇi kutaścāgamanaṃ tava // (3.2) Par.?

yadi vāsya vanasyāsi devatā yadi vāpsarāḥ / (4.1) Par.?

ācakṣva mama tat sarvaṃ kimarthaṃ ceha tiṣṭhasi // (4.2) Par.?

hiḍimbovāca / (5.1) Par.?

yad etat paśyasi vanaṃ nīlameghanibhaṃ mahat / (5.2) Par.?

nivāso rākṣasasyaitaddhiḍimbasya mamaiva ca // (5.3) Par.?

tasya māṃ rākṣasendrasya bhaginīṃ viddhi bhāmini / (6.1) Par.?

bhrātrā saṃpreṣitām ārye tvāṃ saputrāṃ jighāṃsatā // (6.2) Par.?

krūrabuddher ahaṃ tasya vacanād āgatā iha / (7.1) Par.?

adrākṣaṃ hemavarṇābhaṃ tava putraṃ mahaujasam // (7.2) Par.?

tato 'haṃ sarvabhūtānāṃ bhāve vicaratā śubhe / (8.1) Par.?

coditā tava putrasya manmathena vaśānugā // (8.2) Par.?

tato vṛto mayā bhartā tava putro mahābalaḥ / (9.1) Par.?

apanetuṃ ca yatito na caiva śakito mayā // (9.2) Par.?

cirāyamāṇāṃ māṃ jñātvā tataḥ sa puruṣādakaḥ / (10.1) Par.?

svayam evāgato hantum imān sarvāṃstavātmajān // (10.2) Par.?

sa tena mama kāntena tava putreṇa dhīmatā / (11.1) Par.?

balād ito viniṣpiṣya vyapakṛṣṭo mahātmanā // (11.2) Par.?

vikarṣantau mahāvegau garjamānau parasparam / (12.1) Par.?

paśyadhvaṃ yudhi vikrāntāvetau tau nararākṣasau / (12.2) Par.?

*yudhyantau vijayākāṅkṣī rākṣaso mandabuddhimān / (12.3) Par.?

*na vāñche 'haṃ jīvitaṃ bhrātuḥ kadā ye duṣṭakarmaṇaḥ // (12.4) Par.?

vaiśaṃpāyana uvāca / (13.1) Par.?

tasyāḥ śrutvaiva vacanam utpapāta yudhiṣṭhiraḥ / (13.2) Par.?

arjuno nakulaścaiva sahadevaśca vīryavān // (13.3) Par.?

tau te dadṛśur āsaktau vikarṣantau parasparam / (14.1) Par.?

kāṅkṣamāṇau jayaṃ caiva siṃhāviva raṇotkaṭau // (14.2) Par.?

tāvanyonyaṃ samāśliṣya vikarṣantau parasparam / (15.1) Par.?

dāvāgnidhūmasadṛśaṃ cakratuḥ pārthivaṃ rajaḥ // (15.2) Par.?

vasudhāreṇusaṃvītau vasudhādharasaṃnibhau / (16.1) Par.?

vibhrājetāṃ yathā śailau nīhāreṇābhisaṃvṛtau / (16.2) Par.?

*te paśyanto mahad yuddhaṃ sarve vyathitacetasaḥ // (16.3) Par.?

rākṣasena tathā bhīmaṃ kliśyamānaṃ nirīkṣya tu / (17.1) Par.?

*ciraprayuddhau tau dṛṣṭvā tvanyonyavadhakāṅkṣayā / (17.2) Par.?

uvācedaṃ vacaḥ pārthaḥ prahasañ śanakair iva // (17.3) Par.?

bhīma mā bhair mahābāho na tvāṃ budhyāmahe vayam / (18.1) Par.?

sametaṃ bhīmarūpeṇa prasuptāḥ śramakarśitāḥ // (18.2) Par.?

sāhāyye 'smi sthitaḥ pārtha yodhayiṣyāmi rākṣasam / (19.1) Par.?

nakulaḥ sahadevaśca mātaraṃ gopayiṣyataḥ // (19.2) Par.?

bhīma uvāca / (20.1) Par.?

udāsīno nirīkṣasva na kāryaḥ saṃbhramastvayā / (20.2) Par.?

na jātvayaṃ punar jīven madbāhvantaram āgataḥ / (20.3) Par.?

*bhujayor antaraṃ prāpto bhīmasenasya rākṣasaḥ / (20.4) Par.?

*amuktvā pārtha vīryeṇa mṛto mā bhūd iti dhvaniḥ / (20.5) Par.?

*ayam asmān na no hanyājjātu vai pārtha rākṣasaḥ / (20.6) Par.?

*jīvantaṃ na pramokṣyāmi mā bhaiṣīr bharatarṣabha // (20.7) Par.?

arjuna uvāca / (21.1) Par.?

*pūrvarātre prabuddho 'si bhīma krūreṇa rakṣasā / (21.2) Par.?

*kṣapā vyuṣṭā na cedānīṃ samāpto 'si mahāraṇam / (21.3) Par.?

kim anena ciraṃ bhīma jīvatā pāparakṣasā / (21.4) Par.?

gantavyaṃ naciraṃ sthātum iha śakyam ariṃdama // (21.5) Par.?

purā saṃrajyate prācī purā saṃdhyā pravartate / (22.1) Par.?

raudre muhūrte rakṣāṃsi prabalāni bhavanti ca // (22.2) Par.?

tvarasva bhīma mā krīḍa jahi rakṣo vibhīṣaṇam / (23.1) Par.?

purā vikurute māyāṃ bhujayoḥ sāram arpaya / (23.2) Par.?

*māhātmyam ātmano vettha narāṇāṃ hitakāmyayā / (23.3) Par.?

*rakṣo jahi yathā śakraḥ purā vṛtraṃ mahāvane // (23.4) Par.?

vaiśaṃpāyana uvāca / (24.1) Par.?

arjunenaivam uktastu bhīmo bhīmasya rakṣasaḥ / (24.2) Par.?

*bhīmo roṣājjvalann iva / (24.3) Par.?

*balam āhārayāmāsa yad vāyor jagataḥ kṣaye / (24.4) Par.?

*tatastasyāmbudābhasya / (24.5) Par.?

utkṣipyābhrāmayad dehaṃ tūrṇaṃ guṇaśatādhikam / (24.6) Par.?

*iti covāca saṃkruddho bhrāmayan rākṣasaṃ tu saḥ / (24.7) Par.?

*bhīmaseno mahābāhur abhigarjan muhur muhuḥ // (24.8) Par.?

bhīma uvāca / (25.1) Par.?

vṛthāmāṃsair vṛthā puṣṭo vṛthā vṛddho vṛthāmatiḥ / (25.2) Par.?

vṛthāmaraṇam arhastvaṃ vṛthādya na bhaviṣyasi / (25.3) Par.?

*kṣemam adya kariṣyāmi yathā vanam akaṇṭakam / (25.4) Par.?

*na punar mānuṣān hatvā bhakṣayiṣyasi rākṣasa // (25.5) Par.?

arjuna uvāca / (26.1) Par.?

atha vā manyase bhāraṃ tvam imaṃ rākṣasaṃ yudhi / (26.2) Par.?

karomi tava sāhāyyaṃ śīghram eva nihanyatām // (26.3) Par.?

atha vāpyaham evainaṃ haniṣyāmi vṛkodara / (27.1) Par.?

kṛtakarmā pariśrāntaḥ sādhu tāvad upārama // (27.2) Par.?

vaiśaṃpāyana uvāca / (28.1) Par.?

tasya tad vacanaṃ śrutvā bhīmaseno 'tyamarṣaṇaḥ / (28.2) Par.?

niṣpiṣyainaṃ balād bhūmau paśumāram amārayat / (28.3) Par.?

*athainam ākṣipya balāt paśuvaccāpyamārayat // (28.4) Par.?

sa māryamāṇo bhīmena nanāda vipulaṃ svanam / (29.1) Par.?

pūrayaṃstad vanaṃ sarvaṃ jalārdra iva dundubhiḥ // (29.2) Par.?

bhujābhyāṃ yoktrayitvā taṃ balavān pāṇḍunandanaḥ / (30.1) Par.?

*samudbhrāmya śiraścāsya sagrīvaṃ tad udāvahat / (30.2) Par.?

*madhye bhittvā śiraścāsya sugrīvaṃ tad upākṣipat / (30.3) Par.?

*tasya niṣkarṇanayanaṃ nirjihvaṃ rudhirokṣitam / (30.4) Par.?

*praviddhaṃ bhīmasenena śiro vidaśanaṃ babhau / (30.5) Par.?

*prasāritabhujoddhṛṣṭo bhinnamāṃsatvagantaraḥ / (30.6) Par.?

*kabandhabhūtastatrāsīd adrir vajrahato yathā / (30.7) Par.?

madhye bhaṅktvā sa balavān harṣayāmāsa pāṇḍavān // (30.8) Par.?

hiḍimbaṃ nihataṃ dṛṣṭvā saṃhṛṣṭāste tarasvinaḥ / (31.1) Par.?

*hiḍimbā caiva samprekṣya nihataṃ rākṣasaṃ raṇe / (31.2) Par.?

*adṛśyāścaiva ye svasthāḥ sametā bhūtavādikāḥ / (31.3) Par.?

*pūjayanti sma saṃhṛṣṭāḥ sādhu sādhviti pāṇḍavam / (31.4) Par.?

*bhrātaraścāpi saṃhṛṣṭā yudhiṣṭhirapurogamāḥ / (31.5) Par.?

apūjayan naravyāghraṃ bhīmasenam ariṃdamam // (31.6) Par.?

abhipūjya mahātmānaṃ bhīmaṃ bhīmaparākramam / (32.1) Par.?

punar evārjuno vākyam uvācedaṃ vṛkodaram // (32.2) Par.?

nadūre nagaraṃ manye vanād asmād ahaṃ prabho / (33.1) Par.?

śīghraṃ gacchāma bhadraṃ te na no vidyāt suyodhanaḥ // (33.2) Par.?

tataḥ sarve tathetyuktvā saha mātrā paraṃtapāḥ / (34.1) Par.?

prayayuḥ puruṣavyāghrā hiḍimbā caiva rākṣasī // (34.2) Par.?

Duration=0.16576385498047 secs.