Texts

Help

Select a text:
Bibliography

Select a chapter:
(no revisions)
Show parallels Show headlines
Use dependency labeler

Chapter id: 3254

Click on a sentence to show its analysis
Keep the mouse pointer over a lemma to show its meanings.

48 parallel or similar passage(s) in this chapter

drupada uvāca / (1.1) Par.?

evam etan mahāprājña yathāttha vidurādya mām / (1.2) Par.?

mamāpi paramo harṣaḥ saṃbandhe 'smin kṛte vibho // (1.3) Par.?

gamanaṃ cāpi yuktaṃ syād gṛham eṣāṃ mahātmanām / (2.1) Par.?

na tu tāvan mayā yuktam etad vaktuṃ svayaṃ girā // (2.2) Par.?

yadā tu manyate vīraḥ kuntīputro yudhiṣṭhiraḥ / (3.1) Par.?

bhīmasenārjunau caiva yamau ca puruṣarṣabhau // (3.2) Par.?

rāmakṛṣṇau ca dharmajñau tadā gacchantu pāṇḍavāḥ / (4.1) Par.?

etau hi puruṣavyāghrāveṣāṃ priyahite ratau // (4.2) Par.?

yudhiṣṭhira uvāca / (5.1) Par.?

paravanto vayaṃ rājaṃstvayi sarve sahānugāḥ / (5.2) Par.?

yathā vakṣyasi naḥ prītyā kariṣyāmastathā vayam // (5.3) Par.?

vaiśaṃpāyana uvāca / (6.1) Par.?

tato 'bravīd vāsudevo gamanaṃ mama rocate / (6.2) Par.?

yathā vā manyate rājā drupadaḥ sarvadharmavit // (6.3) Par.?

drupada uvāca / (7.1) Par.?

yathaiva manyate vīro dāśārhaḥ puruṣottamaḥ / (7.2) Par.?

prāptakālaṃ mahābāhuḥ sā buddhir niścitā mama // (7.3) Par.?

yathaiva hi mahābhāgāḥ kaunteyā mama sāṃpratam / (8.1) Par.?

tathaiva vāsudevasya pāṇḍuputrā na saṃśayaḥ // (8.2) Par.?

na tad dhyāyati kaunteyo dharmaputro yudhiṣṭhiraḥ / (9.1) Par.?

yad eṣāṃ puruṣavyāghraḥ śreyo dhyāyati keśavaḥ / (9.2) Par.?

vaiśaṃpāyanaḥ / (9.3) Par.?

kuntī / (9.4) Par.?

vaiśaṃpāyanaḥ / (9.5) Par.?

viduraḥ / (9.6) Par.?

pṛthāyāstu tathā veśma praviveśa mahādyutiḥ / (9.7) Par.?

pādau spṛṣṭvā pṛthāyāstu śirasā ca mahīṃ gataḥ / (9.8) Par.?

dṛṣṭvā tu devaraṃ kuntī śuśoca ca muhur muhuḥ / (9.9) Par.?

vaicitravīrya te putrāḥ kathaṃcijjīvitāstvayā / (9.10) Par.?

tvatprasādājjatugṛhe trātāḥ pratyāgatāstava / (9.11) Par.?

kūrmaścintayate putrān yatra vā tatra vā gataḥ / (9.12) Par.?

cintayā vardhayet putrān yathā kuśalinastathā / (9.13) Par.?

tava putrāstu jīvanti tvaṃ trātā bharatarṣabha / (9.14) Par.?

yathā parabhṛtaḥ putrān ariṣṭā vardhayet sadā / (9.15) Par.?

tathaiva tava putrāstu mayā tāta surakṣitāḥ / (9.16) Par.?

duḥkhāstu bahavaḥ prāptāstathā prāṇāntikā mayā / (9.17) Par.?

ataḥ paraṃ na jānāmi kartavyaṃ jñātum arhasi / (9.18) Par.?

ityevam uktvā duḥkhārtā śuśoca paramāturā / (9.19) Par.?

praṇipatyābravīt kṣattā mā śoca iti bhārata / (9.20) Par.?

na vinaśyanti lokeṣu tava putrā mahābalāḥ / (9.21) Par.?

acireṇaiva kālena svarājyasthā bhavanti te / (9.22) Par.?

bāndhavaiḥ sahitāḥ sarvair mā śokaṃ kuru mādhavi // (9.23) Par.?

vaiśaṃpāyana uvāca / (10.1) Par.?

tataste samanujñātā drupadena mahātmanā / (10.2) Par.?

pāṇḍavāścaiva kṛṣṇaśca viduraśca mahāmatiḥ // (10.3) Par.?

ādāya draupadīṃ kṛṣṇāṃ kuntīṃ caiva yaśasvinīm / (11.1) Par.?

savihāraṃ sukhaṃ jagmur nagaraṃ nāgasāhvayam / (11.2) Par.?

suvarṇakakṣyāgraiveyān suvarṇāṅkuśabhūṣitān / (11.3) Par.?

⇒ suvarṇakakṣyāgraiveyān suvarṇāṅkuśabhūṣitān // (MBh, 1, 213, 47, 3) [0]
⇒ hairaṇyakakṣyāgraiveyān suvarṇāṅkuśabhūṣitān / (Rām, Bā, 52, 17, 1) [1]

jāmbūnadapariṣkārān prabhinnakaraṭāmukhān / (11.4) Par.?

adhiṣṭhitān mahāmātraiḥ sarvaśastrasamanvitān / (11.5) Par.?

sahasraṃ pradadau rājā gajānāṃ varavarmiṇām / (11.6) Par.?

rathānāṃ ca sahasraṃ vai suvarṇamaṇicitritam / (11.7) Par.?

caturyujāṃ bhānumacca pāñcālaḥ pradadau tadā / (11.8) Par.?

suvarṇaparibarhāṇāṃ varacāmaramālinām / (11.9) Par.?

jātyaśvānāṃ ca pañcāśat sahasraṃ pradadau nṛpaḥ / (11.10) Par.?

dāsīnām ayutaṃ rājā pradadau varabhūṣaṇam / (11.11) Par.?

tataḥ sahasraṃ dāsānāṃ pradadau varadhanvinām / (11.12) Par.?

haimāni śayyāsanabhājanāni dravyāṇi cānyāni ca godhanāni / (11.13) Par.?

pṛthak pṛthak caiva dadau sa koṭiṃ pāñcālarājaḥ paramaprahṛṣṭaḥ / (11.14) Par.?

śibikānāṃ śataṃ pūrṇaṃ vāhān pañcaśataṃ varān / (11.15) Par.?

evam etāni pāñcālo janyārthe pradadau dhanam / (11.16) Par.?

haraṇaṃ tatra pāñcālyā jñātideyaṃ tu saumakiḥ / (11.17) Par.?

dhṛṣṭadyumno yayau tatra bhaginīṃ gṛhya bhārata / (11.18) Par.?

nānadyamāno bahubhistūryaśabdaiḥ sahasraśaḥ // (11.19) Par.?

śrutvā copasthitān vīrān dhṛtarāṣṭro 'pi kauravaḥ / (12.1) Par.?

pratigrahāya pāṇḍūnāṃ preṣayāmāsa kauravān // (12.2) Par.?

vikarṇaṃ ca maheṣvāsaṃ citrasenaṃ ca bhārata / (13.1) Par.?

droṇaṃ ca parameṣvāsaṃ gautamaṃ kṛpam eva ca // (13.2) Par.?

taiste parivṛtā vīrāḥ śobhamānā mahārathāḥ / (14.1) Par.?

nagaraṃ hāstinapuraṃ śanaiḥ praviviśustadā / (14.2) Par.?

pāṇḍavān āgatāñ śrutvā nāgarāstu kutūhalāt / (14.3) Par.?

maṇḍayāṃcakrire tatra nagaraṃ nāgasāhvayam / (14.4) Par.?

muktapuṣpāvakīrṇaṃ tu jalasiktaṃ tu sarvaśaḥ / (14.5) Par.?

dhūpitaṃ divyadhūpena maṅgalaiścābhisaṃvṛtam / (14.6) Par.?

patākocchritamālyaṃ ca puram apratimaṃ babhau / (14.7) Par.?

śaṅkhabherīninādaiśca nānāvāditranisvanaiḥ // (14.8) Par.?

kautūhalena nagaraṃ dīryamāṇam ivābhavat / (15.1) Par.?

yatra te puruṣavyāghrāḥ śokaduḥkhavināśanāḥ // (15.2) Par.?

tata uccāvacā vācaḥ priyāḥ priyacikīrṣubhiḥ / (16.1) Par.?

udīritā aśṛṇvaṃste pāṇḍavā hṛdayaṃgamāḥ // (16.2) Par.?

ayaṃ sa puruṣavyāghraḥ punar āyāti dharmavit / (17.1) Par.?

yo naḥ svān iva dāyādān dharmeṇa parirakṣati // (17.2) Par.?

adya pāṇḍur mahārājo vanād iva vanapriyaḥ / (18.1) Par.?

āgataḥ priyam asmākaṃ cikīrṣur nātra saṃśayaḥ // (18.2) Par.?

kiṃ nu nādya kṛtaṃ tāvat sarveṣāṃ naḥ paraṃ priyam / (19.1) Par.?

yan naḥ kuntīsutā vīrā bhartāraḥ punarāgatāḥ // (19.2) Par.?

yadi dattaṃ yadi hutaṃ vidyate yadi nastapaḥ / (20.1) Par.?

tena tiṣṭhantu nagare pāṇḍavāḥ śaradāṃ śatam // (20.2) Par.?

tataste dhṛtarāṣṭrasya bhīṣmasya ca mahātmanaḥ / (21.1) Par.?

anyeṣāṃ ca tadarhāṇāṃ cakruḥ pādābhivandanam // (21.2) Par.?

kṛtvā tu kuśalapraśnaṃ sarveṇa nagareṇa te / (22.1) Par.?

samāviśanta veśmāni dhṛtarāṣṭrasya śāsanāt / (22.2) Par.?

vaiśaṃpāyanaḥ / (22.3) Par.?

duryodhanasya mahiṣī kāśirājasutā tadā / (22.4) Par.?

dhṛtarāṣṭrasya putrāṇāṃ vadhūbhiḥ sahitā tadā / (22.5) Par.?

pāñcālīṃ pratijagrāha draupadīṃ śrīm ivāparām / (22.6) Par.?

pūjayāmāsa pūjārhāṃ śacīṃ devīm ivāgatām / (22.7) Par.?

vavande tatra gāndhārīṃ mādhavī kṛṣṇayā saha / (22.8) Par.?

āśiṣaśca prayuktvā tu pāñcālīṃ pariṣasvaje / (22.9) Par.?

pariṣvajya ca gāndhārī kṛṣṇāṃ kamalalocanām / (22.10) Par.?

putrāṇāṃ mama pāñcālī mṛtyur evetyamanyata / (22.11) Par.?

sā cintya viduraṃ prāha yuktitaḥ subalātmajā / (22.12) Par.?

kuntīṃ rājasutāṃ kṣattaḥ savadhūṃ saparicchadām / (22.13) Par.?

pāṇḍor niveśanaṃ śīghraṃ nīyatāṃ yadi rocate / (22.14) Par.?

karaṇena muhūrtena nakṣatreṇa tithau śubhe / (22.15) Par.?

yathā sukhaṃ tathā kuntī raṃsyate svagṛhe sutaiḥ / (22.16) Par.?

tathetyeva tadā kṣattā kārayāmāsa tat tadā / (22.17) Par.?

pūjayāmāsur atyarthaṃ bāndhavāḥ pāṇḍavāṃstadā / (22.18) Par.?

nāgarāḥ śreṇimukhyāśca pūjayanti sma pāṇḍavān / (22.19) Par.?

bhīṣmadroṇau tathā karṇo bāhlīkaḥ sasutastadā / (22.20) Par.?

śāsanād dhṛtarāṣṭrasya akurvann atithikriyām / (22.21) Par.?

evaṃ viharatāṃ teṣāṃ pāṇḍavānāṃ mahātmanām / (22.22) Par.?

netā sarvasya kāryasya viduro rājaśāsanāt // (22.23) Par.?

viśrāntāste mahātmānaḥ kaṃcit kālaṃ mahābalāḥ / (23.1) Par.?

āhūtā dhṛtarāṣṭreṇa rājñā śāṃtanavena ca // (23.2) Par.?

⇒ śāsanād dhṛtarāṣṭrasya rājñaḥ śāṃtanavasya ca // (MBh, 1, 214, 1, 3) [1]
⇒ sahito dhṛtarāṣṭreṇa rājñā śāṃtanavena ca // (MBh, 5, 128, 4, 2) [1]

dhṛtarāṣṭra uvāca / (24.1) Par.?

bhrātṛbhiḥ saha kaunteya nibodhedaṃ vaco mama / (24.2) Par.?

pāṇḍunā vardhitaṃ rājyaṃ pāṇḍunā pālitaṃ jagat / (24.3) Par.?

śāsanān mama kaunteya mama bhrātā mahābalaḥ / (24.4) Par.?

kṛtavān duṣkaraṃ karma nityam eva viśāṃ pate / (24.5) Par.?

tasmāt tvam api kaunteya śāsanaṃ kuru māciram / (24.6) Par.?

mama putrā durātmānaḥ sarve 'haṃkārasaṃyutāḥ / (24.7) Par.?

śāsanaṃ na kariṣyanti mama nityaṃ yudhiṣṭhira / (24.8) Par.?

svakāryaniratair nityam avaliptair durātmabhiḥ / (24.9) Par.?

punar vo vigraho mā bhūt khāṇḍavaprastham āviśa // (24.10) Par.?

na ca vo vasatastatra kaścicchaktaḥ prabādhitum / (25.1) Par.?

saṃrakṣyamāṇān pārthena tridaśān iva vajriṇā / (25.2) Par.?

ardhaṃ rājyasya samprāpya khāṇḍavaprastham āviśa / (25.3) Par.?

⇒ ardhaṃ rājyasya samprāpya khāṇḍavaprastham āviśan // (MBh, 1, 199, 26, 6) [0]

dhṛtarāṣṭraḥ / (25.4) Par.?

vaiśaṃpāyanaḥ / (25.5) Par.?

śrīvāsudevaḥ / (25.6) Par.?

vaiśaṃpāyanaḥ / (25.7) Par.?

vaiśaṃpāyanaḥ / (25.8) Par.?

keśavo yadi manyeta tat kartavyam asaṃśayam / (25.9) Par.?

vāsudevena saṃmantrya pāṇḍavāḥ samupāviśan / (25.10) Par.?

abhiṣekasya saṃbhārān kṣattar ānaya māciram / (25.11) Par.?

abhiṣiktaṃ kariṣyāmi adyaiva kurunandanam / (25.12) Par.?

brāhmaṇā naigamaśreṣṭhāḥ śreṇimukhyāśca sarvaśaḥ / (25.13) Par.?

āhūyantāṃ prakṛtayo bāndhavāśca viśeṣataḥ / (25.14) Par.?

puṇyāhaṃ vācyatāṃ tāta gosahasraṃ tu dīyatām / (25.15) Par.?

grāmamukhyāśca viprebhyo dīyantāṃ sahadakṣiṇāḥ / (25.16) Par.?

aṅgade mukuṭaṃ kṣattar hastābharaṇam eva ca / (25.17) Par.?

muktāvalīṃ ca hāraṃ ca niṣkādīn kuṇḍalāni ca / (25.18) Par.?

kaṭibandhaṃ ca sūtraṃ ca tathodaranibandhanam / (25.19) Par.?

aṣṭottarasahasraṃ ca brāhmaṇādhiṣṭhitā gajāḥ / (25.20) Par.?

jāhnavīsalilaṃ śīghram ānayantāṃ purohitāḥ / (25.21) Par.?

abhiṣekodakaklinnaṃ sarvābharaṇabhūṣitam / (25.22) Par.?

aupavāhyoparigataṃ divyacāmaravījitam / (25.23) Par.?

suvarṇamaṇicitreṇa śvetacchatreṇa śobhitam / (25.24) Par.?

jayeti dvijavākyena stūyamānaṃ nṛpaistathā / (25.25) Par.?

dṛṣṭvā kuntīsutaṃ śreṣṭham ājamīḍhaṃ yudhiṣṭhiram / (25.26) Par.?

prītāḥ prītena manasā praśaṃsantu pure janāḥ / (25.27) Par.?

pāṇḍoḥ kṛtopakārasya rājyaṃ dattvā mamaiva ca / (25.28) Par.?

pratikriyā kṛtam idaṃ bhaviṣyati na saṃśayaḥ / (25.29) Par.?

bhīṣmo droṇaḥ kṛpaḥ kṣattā sādhu sādhvityabhāṣata / (25.30) Par.?

yuktam etan mahārāja kauravāṇāṃ yaśaskaram / (25.31) Par.?

śīghram adyaiva rājendra yathoktaṃ kartum arhasi / (25.32) Par.?

ityevam uktvā vārṣṇeyastvarayāmāsa taṃ tadā / (25.33) Par.?

yathoktaṃ dhṛtarāṣṭreṇa kārayāmāsa kaurava / (25.34) Par.?

tasmin kṣaṇe mahārāja kṛṣṇadvaipāyanastadā / (25.35) Par.?

āgamya kurubhiḥ sarvaiḥ pūjitaḥ sasuhṛdgaṇaiḥ / (25.36) Par.?

mūrdhāvasiktaiḥ sahito brāhmaṇair vedapāragaiḥ / (25.37) Par.?

kārayāmāsa vidhivat keśavānumate tadā / (25.38) Par.?

kṛpo droṇaśca bhīṣmaśca dhaumyaśca vyāsakeśavau / (25.39) Par.?

bāhlīkaḥ somadattaśca cāturvedyapuraskṛtāḥ / (25.40) Par.?

abhiṣekaṃ tadā cakrur bhadrapīṭhe susaṃyatam / (25.41) Par.?

jitvā tu pṛthivīṃ kṛtsnāṃ vaśe kṛtvā nararṣabhān / (25.42) Par.?

rājasūyādibhir yajñaiḥ kratubhir bhūridakṣiṇaiḥ / (25.43) Par.?

snātvā hyavabhṛthasnānaṃ modantāṃ bāndhavaiḥ saha / (25.44) Par.?

evam uktvā tu te sarve āśīrbhiḥ pratyapūjayan / (25.45) Par.?

mūrdhābhiṣiktaḥ kauravyaḥ sarvābharaṇabhūṣitaḥ / (25.46) Par.?

jayeti saṃstuto rājā pradadau dhanam akṣayam / (25.47) Par.?

sarvamūrdhāvasiktaiśca pūjitaḥ kurunandanaḥ / (25.48) Par.?

aupavāhyam athāruhya divyacchatreṇa śobhitaḥ / (25.49) Par.?

rājñām anugato rājā mahendra iva daivataiḥ / (25.50) Par.?

tataḥ pradakṣiṇīkṛtya nagaraṃ nāgasāhvayam / (25.51) Par.?

praviveśa tadā rājā nāgaraiḥ pūjito bhṛśam / (25.52) Par.?

mūrdhāvasiktaṃ pāṇḍusutam abhyanandanta pāṇḍavāḥ / (25.53) Par.?

gāndhāriputrāḥ śocantaḥ sarve te saha bāndhavaiḥ / (25.54) Par.?

jñātvā śokaṃ tu putrāṇāṃ dhṛtarāṣṭro 'bravīn nṛpam / (25.55) Par.?

samakṣaṃ vāsudevasya kurūṇāṃ ca samakṣataḥ / (25.56) Par.?

abhiṣekaṃ tvayā prāptaṃ duṣprāpam akṛtātmabhiḥ / (25.57) Par.?

gaccha tvam adyaiva nṛpa kṛtakṛtyo 'si kaurava / (25.58) Par.?

āyuḥ purūravā rājan nahuṣaśca yayātinā / (25.59) Par.?

tatraiva nivasanti sma khāṇḍavākhye nṛpottama / (25.60) Par.?

rājadhānī tu sarveṣāṃ pauravāṇāṃ mahābhuja / (25.61) Par.?

vināśitaṃ munigaṇair lobhān munisutasya tu / (25.62) Par.?

tasmāt tvaṃ khāṇḍavaprasthaṃ puraṃ rāṣṭraṃ ca vardhaya / (25.63) Par.?

brāhmaṇāḥ kṣatriyā vaiśyāḥ śūdrāśca kṛtaniścayāḥ / (25.64) Par.?

⇒ brāhmaṇāḥ kṣatriyā vaiśyāḥ śūdrāś ca kṛtalakṣaṇāḥ / (MBh, 3, 148, 17, 1) [1]
⇒ brāhmaṇaiḥ kṣatriyair vaiśyaiḥ śūdraiśca kṛtalakṣaṇaiḥ / (MBh, 6, 62, 38, 1) [1]

tvadbhaktyā jantavaścānye bhajantyeva puraṃ śubham / (25.65) Par.?

puraṃ rāṣṭraṃ samṛddhaṃ vai dhanadhānyaiḥ samāvṛtam / (25.66) Par.?

tasmād gacchasva kaunteya bhrātṛbhiḥ sahito 'nagha / (25.67) Par.?

rathair nāgair hayaiścāpi sahitāstu padātibhiḥ // (25.68) Par.?

vaiśaṃpāyana uvāca / (26.1) Par.?

pratigṛhya tu tad vākyaṃ nṛpaṃ sarve praṇamya ca / (26.2) Par.?

pratasthire tato ghoraṃ vanaṃ tan manujarṣabhāḥ / (26.3) Par.?

pāṇḍavaiḥ sahitā gantuṃ nārhateti sa nāgarān / (26.4) Par.?

ghoṣayāmāsa nagare dhārtarāṣṭraḥ sasaubalaḥ / (26.5) Par.?

ardhaṃ rājyasya samprāpya khāṇḍavaprastham āviśan // (26.6) Par.?

⇒ ardhaṃ rājyasya samprāpya khāṇḍavaprastham āviśa / (MBh, 1, 199, 25, 3) [0]

tataste pāṇḍavāstatra gatvā kṛṣṇapurogamāḥ / (27.1) Par.?

maṇḍayāṃcakrire tad vai puraṃ svargavad acyutāḥ / (27.2) Par.?

vāsudevo jagannāthaścintayāmāsa vāsavam / (27.3) Par.?

mahendraścintito rājan viśvakarmāṇam ādiśat / (27.4) Par.?

viśvakarman mahāprājña adya prabhṛti tat puram / (27.5) Par.?

indraprastham iti khyātaṃ divyaṃ bhūmyāṃ bhaviṣyati / (27.6) Par.?

mahendraśāsanād gatvā viśvakarmā tu keśavam / (27.7) Par.?

praṇamya praṇipātārhaṃ kiṃ karomītyabhāṣata / (27.8) Par.?

vāsudevastu tacchrutvā viśvakarmāṇam avyayaḥ / (27.9) Par.?

kuruṣva kururājasya mahendrapurasaṃnibham / (27.10) Par.?

indreṇa kṛtanāmānam indraprasthaṃ mahāpuram // (27.11) Par.?

tataḥ puṇye śive deśe śāntiṃ kṛtvā mahārathāḥ / (28.1) Par.?

svasti vācya yathānyāyam indraprasthaṃ bhavatviti / (28.2) Par.?

nagaraṃ māpayāmāsur dvaipāyanapurogamāḥ / (28.3) Par.?

tatastu viśvakarmā tu cakāra puram uttamam // (28.4) Par.?

sāgarapratirūpābhiḥ parikhābhir alaṃkṛtam / (29.1) Par.?

prākāreṇa ca sampannaṃ divam āvṛtya tiṣṭhatā // (29.2) Par.?

pāṇḍurābhraprakāśena himarāśinibhena ca / (30.1) Par.?

śuśubhe tat puraśreṣṭhaṃ nāgair bhogavatī yathā // (30.2) Par.?

⇒ śuśubhe tat puraśreṣṭhaṃ nāgair bhogavatī yathā / (MBh, 1, 199, 49, 2) [0]

dvipakṣagaruḍaprakhyair dvārair ghorapradarśanaiḥ / (31.1) Par.?

guptam abhracayaprakhyair gopurair mandaropamaiḥ // (31.2) Par.?

vividhair atinirviddhaiḥ śastropetaiḥ susaṃvṛtaiḥ / (32.1) Par.?

śaktibhiścāvṛtaṃ taddhi dvijihvair iva pannagaiḥ / (32.2) Par.?

talpaiścābhyāsikair yuktaṃ śuśubhe yodharakṣitam // (32.3) Par.?

tīkṣṇāṅkuśaśataghnībhir yantrajālaiśca śobhitam / (33.1) Par.?

āyasaiśca mahācakraiḥ śuśubhe tat purottamam // (33.2) Par.?

suvibhaktamahārathyaṃ devatābādhavarjitam / (34.1) Par.?

virocamānaṃ vividhaiḥ pāṇḍurair bhavanottamaiḥ / (34.2) Par.?

harmyaprāsādasaṃbādhaṃ nānāpaṇyavibhūṣitam / (34.3) Par.?

⇒ harmyaprāsādasambādhāṃ nānāratnavibhūṣitām / (Rām, Ār, 36, 21, 1) [1]
⇒ harmyaprāsādasambādhāṃ nānāpaṇyopaśobhitām / (Rām, Ki, 32, 5, 1) [1]
⇒ harmyaprāsādasaṃbādhāṃ nānāpaṇyavibhūṣitām / (MBh, 1, 68, 13, 16) [0]

vispardhayeva prāsādā anyonyasyocchritābhavan / (34.4) Par.?

maṇḍapāśca sabhāḥ śālāḥ prapāścaiva samantataḥ // (34.5) Par.?

tat triviṣṭapasaṃkāśam indraprasthaṃ vyarocata / (35.1) Par.?

purīṃ sarvaguṇopetāṃ nirmitāṃ viśvakarmaṇā / (35.2) Par.?

pauravāṇām adhipatiḥ kuntīputro yudhiṣṭhiraḥ / (35.3) Par.?

⇒ pauravāṇām adhipatiḥ kuntīputro yudhiṣṭhiraḥ / (MBh, 1, 199, 36, 3) [0]

kṛtamaṅgalasatkāro brāhmaṇair vedapāragaiḥ / (35.4) Par.?

⇒ kṛtamaṅgalasatkāro brāhmaṇair vedapāragaiḥ / (MBh, 1, 199, 36, 4) [0]

dvaipāyanaṃ puraskṛtya dhaumyasyānumate sthitaḥ / (35.5) Par.?

⇒ dvaipāyanaṃ puraskṛtya dhaumyasyānumate sthitaḥ / (MBh, 1, 199, 36, 5) [0]

bhrātṛbhiḥ sahito rājan keśavena sahābhibhūḥ / (35.6) Par.?

⇒ bhrātṛbhiḥ sahito rājan keśavena sahābhibhūḥ / (MBh, 1, 199, 36, 6) [0]

toraṇadvārasumukhāṃ dvātriṃśaddvārasaṃyutām / (35.7) Par.?

vardhamānapuradvārāṃ praviveśa mahādyutiḥ / (35.8) Par.?

śaṅkhadundubhinirghoṣāḥ śrūyante bahavo bhṛśam / (35.9) Par.?

jayeti brāhmaṇagiraḥ śrūyante ca sahasraśaḥ / (35.10) Par.?

saṃstūyamāno bahubhiḥ sūtamāgadhabandibhiḥ / (35.11) Par.?

⇒ saṃstūyamāno bahubhiḥ sūtamāgadhabandibhiḥ / (MBh, 1, 199, 36, 8) [0]
⇒ saṃstūyamānāḥ stutibhiḥ sūtamāgadhabandibhiḥ / (MBh, 14, 63, 2, 1) [1]
⇒ saṃstūyamāno bahubhiḥ sūtamāgadhabandibhiḥ // (MBh, 15, 30, 7, 2) [0]

aupavāhyagato rājā rājamārgam atītya ca / (35.12) Par.?

⇒ aupavāhyagato rājā rājamārgam atītya ca / (MBh, 1, 199, 36, 9) [0]

kṛtamaṅgalasatkāraṃ praviveśa gṛhottamam / (35.13) Par.?

⇒ kṛtamaṅgalasaṃskāraṃ praviveśa gṛhottamam / (MBh, 1, 199, 36, 10) [1]

praviśya bhavanaṃ rājā satkārair abhipūjitaḥ / (35.14) Par.?

⇒ praviśya bhavanaṃ rājā nāgarair abhipūjitaḥ / (MBh, 1, 199, 36, 11) [1]

pūjayāmāsa viprendrān keśavena yathākramam / (35.15) Par.?

⇒ pūjayāmāsa viprendrān keśavena yathākramam / (MBh, 1, 199, 36, 12) [0]

tatastu rāṣṭraṃ vavṛdhe naranārīgaṇāyutam / (35.16) Par.?

⇒ tatastu rāṣṭraṃ vavṛdhe naranārīgaṇair vṛtam // (MBh, 1, 199, 36, 13) [1]

godhanaiśca samākīrṇaṃ sasyavṛddhistadābhavat / (35.17) Par.?

meghavṛndam ivākāśe vṛddhaṃ vidyutsamāvṛtam // (35.18) Par.?

tatra ramye śubhe deśe kauravyasya niveśanam / (36.1) Par.?

śuśubhe dhanasampūrṇaṃ dhanādhyakṣakṣayopamam / (36.2) Par.?

pauravāṇām adhipatiḥ kuntīputro yudhiṣṭhiraḥ / (36.3) Par.?

⇒ pauravāṇām adhipatiḥ kuntīputro yudhiṣṭhiraḥ / (MBh, 1, 199, 35, 3) [0]

kṛtamaṅgalasatkāro brāhmaṇair vedapāragaiḥ / (36.4) Par.?

⇒ kṛtamaṅgalasatkāro brāhmaṇair vedapāragaiḥ / (MBh, 1, 199, 35, 4) [0]

dvaipāyanaṃ puraskṛtya dhaumyasyānumate sthitaḥ / (36.5) Par.?

⇒ dvaipāyanaṃ puraskṛtya dhaumyasyānumate sthitaḥ / (MBh, 1, 199, 35, 5) [0]

bhrātṛbhiḥ sahito rājan keśavena sahābhibhūḥ / (36.6) Par.?

⇒ bhrātṛbhiḥ sahito rājan keśavena sahābhibhūḥ / (MBh, 1, 199, 35, 6) [0]

jayeti brahmaṇāṃ vācaḥ śrūyante ca sahasraśaḥ / (36.7) Par.?

saṃstūyamāno bahubhiḥ sūtamāgadhabandibhiḥ / (36.8) Par.?

⇒ saṃstūyamānāḥ stutibhiḥ sūtamāgadhabandibhiḥ / (MBh, 14, 63, 2, 1) [1]
⇒ saṃstūyamāno bahubhiḥ sūtamāgadhabandibhiḥ // (MBh, 15, 30, 7, 2) [0]
⇒ saṃstūyamāno bahubhiḥ sūtamāgadhabandibhiḥ / (MBh, 1, 199, 35, 11) [0]

aupavāhyagato rājā rājamārgam atītya ca / (36.9) Par.?

⇒ aupavāhyagato rājā rājamārgam atītya ca / (MBh, 1, 199, 35, 12) [0]

kṛtamaṅgalasaṃskāraṃ praviveśa gṛhottamam / (36.10) Par.?

⇒ kṛtamaṅgalasatkāraṃ praviveśa gṛhottamam / (MBh, 1, 199, 35, 13) [1]

praviśya bhavanaṃ rājā nāgarair abhipūjitaḥ / (36.11) Par.?

⇒ praviśya bhavanaṃ rājā satkārair abhipūjitaḥ / (MBh, 1, 199, 35, 14) [1]

pūjayāmāsa viprendrān keśavena yathākramam / (36.12) Par.?

⇒ pūjayāmāsa viprendrān keśavena yathākramam / (MBh, 1, 199, 35, 15) [0]

tatastu rāṣṭraṃ vavṛdhe naranārīgaṇair vṛtam // (36.13) Par.?

⇒ tatastu rāṣṭraṃ vavṛdhe naranārīgaṇāyutam / (MBh, 1, 199, 35, 16) [1]

tatrāgacchan dvijā rājan sarvavedavidāṃ varāḥ / (37.1) Par.?

nivāsaṃ rocayanti sma sarvabhāṣāvidastathā // (37.2) Par.?

vaṇijaścābhyayustatra deśe digbhyo dhanārthinaḥ / (38.1) Par.?

sarvaśilpavidaścaiva vāsāyābhyāgamaṃstadā // (38.2) Par.?

udyānāni ca ramyāṇi nagarasya samantataḥ / (39.1) Par.?

āmrair āmrātakair nīpair aśokaiścampakaistathā / (39.2) Par.?

nālikeraiśca likucaiḥ kadalībhiḥ samāvṛtāḥ / (39.3) Par.?

aśokaistilakair lodhrair nīlāśokaiśca campakaiḥ // (39.4) Par.?

puṃnāgair nāgapuṣpaiśca lakucaiḥ panasaistathā / (40.1) Par.?

śālatālakadambaiśca bakulaiśca saketakaiḥ // (40.2) Par.?

manoharaiḥ puṣpitaiśca phalabhārāvanāmitaiḥ / (41.1) Par.?

prācīnāmalakair lodhrair aṅkolaiśca supuṣpitaiḥ // (41.2) Par.?

jambūbhiḥ pāṭalābhiśca kubjakair atimuktakaiḥ / (42.1) Par.?

karavīraiḥ pārijātair anyaiśca vividhair drumaiḥ // (42.2) Par.?

nityapuṣpaphalopetair nānādvijagaṇāyutam / (43.1) Par.?

mattabarhiṇasaṃghuṣṭaṃ kokilaiśca sadāmadaiḥ // (43.2) Par.?

gṛhair ādarśavimalair vividhaiśca latāgṛhaiḥ / (44.1) Par.?

manoharaiścitragṛhaistathā jagatiparvataiḥ / (44.2) Par.?

vāpībhir vividhābhiśca pūrṇābhiḥ paramāmbhasā // (44.3) Par.?

sarobhir atiramyaiśca padmotpalasugandhibhiḥ / (45.1) Par.?

haṃsakāraṇḍavayutaiścakravākopaśobhitaiḥ // (45.2) Par.?

ramyāśca vividhāstatra puṣkariṇyo vanāvṛtāḥ / (46.1) Par.?

veśmamadhye śivaṃ divyam indravāsagṛhopamam / (46.2) Par.?

rājño vāsagṛhaṃ ramyaṃ viśvakarmā tvakārayat / (46.3) Par.?

suvarṇamaṇisopānaṃ sarvaratnavicitritam / (46.4) Par.?

vihārabhūmyo vividhāḥ kāritāḥ syur manoharāḥ / (46.5) Par.?

tathā prāsādamālāśca śobhante sma sahasraśaḥ / (46.6) Par.?

nirantarā rājamārgāḥ strīratnaiḥ śobhitāḥ sitāḥ / (46.7) Par.?

taḍāgāni ca ramyāṇi bṛhanti ca mahānti ca / (46.8) Par.?

nadī ca nandinī nāma sā purīm upagūhate / (46.9) Par.?

cāturvarṇyasamākīrṇaṃ mālyaiḥ śilpibhir āvṛtam / (46.10) Par.?

upabhogasamarthaiśca sarvair dravyaiḥ samāvṛtam / (46.11) Par.?

nityam āryajanopetaṃ naranārīgaṇāyutam / (46.12) Par.?

mattavāraṇasampūrṇaṃ gobhir uṣṭraiḥ kharair ajaiḥ / (46.13) Par.?

sarvadābhisṛtaṃ sadbhiḥ kāritaṃ viśvakarmaṇā // (46.14) Par.?

teṣāṃ puṇyajanopetaṃ rāṣṭram āvasatāṃ mahat / (47.1) Par.?

pāṇḍavānāṃ mahārāja śaśvat prītir avardhata / (47.2) Par.?

saubalena ca karṇena dhārtarāṣṭraiḥ kṛpeṇa ca // (47.3) Par.?

tatra bhīṣmeṇa rājñā ca dharmapraṇayane kṛte / (48.1) Par.?

pāṇḍavāḥ samapadyanta khāṇḍavaprasthavāsinaḥ // (48.2) Par.?

pañcabhistair maheṣvāsair indrakalpaiḥ samanvitam / (49.1) Par.?

śuśubhe tat puraśreṣṭhaṃ nāgair bhogavatī yathā / (49.2) Par.?

⇒ śuśubhe tat puraśreṣṭhaṃ nāgair bhogavatī yathā // (MBh, 1, 199, 30, 2) [0]

śrīvāsudevaḥ / (49.3) Par.?

vaiśaṃpāyanaḥ / (49.4) Par.?

kuntī / (49.5) Par.?

vaiśaṃpāyanaḥ / (49.6) Par.?

tatastu viśvakarmāṇaṃ pūjayitvā visṛjya ca / (49.7) Par.?

dvaipāyanaṃ ca sampūjya visṛjya ca narādhipa / (49.8) Par.?

vārṣṇeyam abravīd rājā gantukāmaṃ kṛtakṣaṇam / (49.9) Par.?

tava prasādād vārṣṇeya rājyaṃ prāptaṃ mayānagha / (49.10) Par.?

prasādād eva te vīra śūnyaṃ rāṣṭraṃ sudurgamam / (49.11) Par.?

tavaiva tatprasādena rājyasthāstu bhavāmahe / (49.12) Par.?

gatistvam antakāle ca pāṇḍavānāṃ tu mādhava / (49.13) Par.?

mātāsmākaṃ pitā devo na pāṇḍuṃ vidmahe vayam / (49.14) Par.?

jñātvā tu kṛtyaṃ kartavyaṃ pāṇḍavānāṃ tvayānagha / (49.15) Par.?

tvatprabhāvān mahābhāga rājyaṃ prāptaṃ svadharmataḥ / (49.16) Par.?

pitṛpaitāmahaṃ rājyaṃ kathaṃ na syāt tava prabho / (49.17) Par.?

dhārtarāṣṭrā durācārāḥ kiṃ kariṣyanti pāṇḍavān / (49.18) Par.?

yatheṣṭaṃ pālaya mahīṃ sadā dharmadhuraṃ vaha / (49.19) Par.?

dharmopadeśaḥ saṃkṣepād brāhmaṇān bhara kaurava / (49.20) Par.?

adyaiva nāradaḥ śrīmān āgamiṣyati satvaraḥ / (49.21) Par.?

ādṛtya tasya vākyāni śāsanaṃ kuru tasya vai / (49.22) Par.?

evam uktvā tataḥ kuntīm abhivādya janārdanaḥ / (49.23) Par.?

⇒ evam ukte tataḥ kuntīṃ pratyagṛhṇājjanārdanaḥ / (MBh, 14, 65, 29, 1) [1]

uvāca ślakṣṇayā vācā gamiṣyāmi namo 'stu te / (49.24) Par.?

jātuṣaṃ gṛham āsādya mayā prāptaṃ ca keśava / (49.25) Par.?

āryeṇāpi tava jñātaṃ kuntibhojena cānagha / (49.26) Par.?

tvayā nāthena govinda duḥkhaṃ prāptaṃ mahattaram / (49.27) Par.?

kiṃ punastvam anāthānāṃ daridrāṇāṃ viśeṣataḥ / (49.28) Par.?

sarvaduḥkhāni śāmyanti tava saṃdarśanān mama / (49.29) Par.?

smarasvaitān mahāprājña tena jīvanti pāṇḍavāḥ / (49.30) Par.?

kariṣyāmīti cāmantrya abhivādya pitṛṣvasām / (49.31) Par.?

gamanāya matiṃ cakre vāsudevaḥ sahānugaḥ // (49.32) Par.?

tān niveśya tato vīro rāmeṇa saha keśavaḥ / (50.1) Par.?

yayau dvāravatīṃ rājan pāṇḍavānumate tadā // (50.2) Par.?

Duration=0.58041000366211 secs.