Texts

Help

Select a text:
Bibliography

Select a chapter:
(no revisions)
Show parallels Show headlines
Use dependency labeler

Chapter id: 3167

Click on a sentence to show its analysis
Keep the mouse pointer over a lemma to show its meanings.

arjuna uvāca / (1.1) Par.?

kiṃnimittam abhūd vairaṃ viśvāmitravasiṣṭhayoḥ / (1.2) Par.?

vasator āśrame puṇye śaṃsa naḥ sarvam eva tat // (1.3) Par.?

gandharva uvāca / (2.1) Par.?

idaṃ vāsiṣṭham ākhyānaṃ purāṇaṃ paricakṣate / (2.2) Par.?

pārtha sarveṣu lokeṣu yathāvat tan nibodha me // (2.3) Par.?

kanyakubje mahān āsīt pārthivo bharatarṣabha / (3.1) Par.?

gādhīti viśruto loke satyadharmaparāyaṇaḥ // (3.2) Par.?

tasya dharmātmanaḥ putraḥ samṛddhabalavāhanaḥ / (4.1) Par.?

viśvāmitra iti khyāto babhūva ripumardanaḥ // (4.2) Par.?

sa cacāra sahāmātyo mṛgayāṃ gahane vane / (5.1) Par.?

mṛgān vidhyan varāhāṃśca ramyeṣu marudhanvasu // (5.2) Par.?

vyāyāmakarśitaḥ so 'tha mṛgalipsuḥ pipāsitaḥ / (6.1) Par.?

ājagāma naraśreṣṭha vasiṣṭhasyāśramaṃ prati // (6.2) Par.?

tam āgatam abhiprekṣya vasiṣṭhaḥ śreṣṭhabhāg ṛṣiḥ / (7.1) Par.?

viśvāmitraṃ naraśreṣṭhaṃ pratijagrāha pūjayā // (7.2) Par.?

pādyārghyācamanīyena svāgatena ca bhārata / (8.1) Par.?

tathaiva pratijagrāha vanyena haviṣā tathā // (8.2) Par.?

tasyātha kāmadhug dhenur vasiṣṭhasya mahātmanaḥ / (9.1) Par.?

uktā kāmān prayaccheti sā kāmān duduhe tataḥ / (9.2) Par.?

*bāṣpāḍhyasyaudanasyaiva rāśayaḥ parvatopamāḥ / (9.3) Par.?

*niṣṭhānnāni ca sūpāṃśca dadhikulyāstathaiva ca / (9.4) Par.?

*kūpāṃśca ghṛtasampūrṇān bhakṣyāṇāṃ rāśayastathā / (9.5) Par.?

*bhojanāni mahārhāṇi tatra tatra sahasraśaḥ / (9.6) Par.?

*ikṣūn madhu ca lājāṃśca maireyāṃśca varāsavān / (9.7) Par.?

*vastrāṇi ca mahārhāṇi kambalāni sahasraśaḥ // (9.8) Par.?

grāmyāraṇyā oṣadhīśca duduhe paya eva ca / (10.1) Par.?

ṣaḍrasaṃ cāmṛtarasaṃ rasāyanam anuttamam // (10.2) Par.?

bhojanīyāni peyāni bhakṣyāṇi vividhāni ca / (11.1) Par.?

lehyānyamṛtakalpāni coṣyāṇi ca tathārjuna / (11.2) Par.?

*ratnāni ca mahārhāṇi vāsāṃsi vividhāni ca // (11.3) Par.?

taiḥ kāmaiḥ sarvasampūrṇaiḥ pūjitaḥ sa mahīpatiḥ / (12.1) Par.?

sāmātyaḥ sabalaścaiva tutoṣa sa bhṛśaṃ nṛpaḥ / (12.2) Par.?

*śiro grīvā sakthinī ca sāsnāpucchamahastanāḥ / (12.3) Par.?

*śubhānyetāni dhenūnām āyatāni pracakṣate / (12.4) Par.?

*pṛthubhiḥ pañcabhī raṅgaiḥ samāvṛttāṃ ṣaḍāyatām / (12.5) Par.?

*lalāṭaṃ śravaṇe caiva nayanadvitayaṃ tathā / (12.6) Par.?

*pṛthūnyetāni śasyante dhenūnāṃ pañca sūribhiḥ / (12.7) Par.?

*maṇḍūkasyaivam ucchūne [... au2 Zeichenjh] yasyāḥ ṣaḍāyatām // (12.8) Par.?

ṣaḍāyatāṃ supārśvoruṃ tripṛthuṃ pañcasaṃvṛtām / (13.1) Par.?

maṇḍūkanetrāṃ svākārāṃ pīnodhasam aninditām // (13.2) Par.?

suvāladhiṃ śaṅkukarṇāṃ cāruśṛṅgāṃ manoramām / (14.1) Par.?

puṣṭāyataśirogrīvāṃ vismitaḥ so 'bhivīkṣya tām / (14.2) Par.?

*supuṣṭāṅgīṃ suyonikām / (14.3) Par.?

*saṃbhṛtobhayapārśvorūṃ dīrghavālāṃ pṛthūdarām / (14.4) Par.?

*dṛṣṭvā gṛṣṭim ṛṣer bhūpo // (14.5) Par.?

abhinandati tāṃ nandīṃ vasiṣṭhasya payasvinīm / (15.1) Par.?

abravīcca bhṛśaṃ tuṣṭo viśvāmitro muniṃ tadā // (15.2) Par.?

arbudena gavāṃ brahman mama rājyena vā punaḥ / (16.1) Par.?

nandinīṃ samprayacchasva bhuṅkṣva rājyaṃ mahāmune // (16.2) Par.?

vasiṣṭha uvāca / (17.1) Par.?

devatātithipitrartham ājyārthaṃ ca payasvinī / (17.2) Par.?

adeyā nandinīyaṃ me rājyenāpi tavānagha // (17.3) Par.?

viśvāmitra uvāca / (18.1) Par.?

kṣatriyo 'haṃ bhavān viprastapaḥsvādhyāyasādhanaḥ / (18.2) Par.?

brāhmaṇeṣu kuto vīryaṃ praśānteṣu dhṛtātmasu / (18.3) Par.?

*ratnaṃ hi bhagavann etad ratnahārī ca pārthivaḥ // (18.4) Par.?

arbudena gavāṃ yastvaṃ na dadāsi mamepsitām / (19.1) Par.?

svadharmaṃ na prahāsyāmi nayiṣye te balena gām / (19.2) Par.?

*kṣatriyo 'smi na vipro 'haṃ bāhuvīryo 'smi dharmataḥ / (19.3) Par.?

*tasmād bhujabalenemāṃ hariṣyāmīha paśyataḥ / (19.4) Par.?

*atra havyaṃ ca kavyaṃ ca prāṇayātrā tathaiva ca / (19.5) Par.?

*āyattam agnihotraṃ ca ātithyaṃ ca na saṃśayaḥ / (19.6) Par.?

*bahunā kiṃ pralāpena na dāsye kāmadohinīm // (19.7) Par.?

vasiṣṭha uvāca / (20.1) Par.?

balasthaścāsi rājā ca bāhuvīryaśca kṣatriyaḥ / (20.2) Par.?

yathecchasi tathā kṣipraṃ kuru tvaṃ mā vicāraya / (20.3) Par.?

*ratnadvayaṃ brāhmaṇasya nāpahāryaṃ nṛpair bhuvi / (20.4) Par.?

*agnihotrī ca gauḥ patnī prajāraṇir anuttamā // (20.5) Par.?

gandharva uvāca / (21.1) Par.?

evam uktastadā pārtha viśvāmitro balād iva / (21.2) Par.?

haṃsacandrapratīkāśāṃ nandinīṃ tāṃ jahāra gām / (21.3) Par.?

*sā tadā hriyamāṇā ca viśvāmitrabalair balāt // (21.4) Par.?

kaśādaṇḍapratihatā kālyamānā tatastataḥ / (22.1) Par.?

hambhāyamānā kalyāṇī vasiṣṭhasyātha nandinī // (22.2) Par.?

āgamyābhimukhī pārtha tasthau bhagavadunmukhī / (23.1) Par.?

bhṛśaṃ ca tāḍyamānāpi na jagāmāśramāt tataḥ / (23.2) Par.?

*balāni teṣāṃ nirdhūya chittvā pāśanibandhanam / (23.3) Par.?

*āśramān naiva gacchantī humbhārāvair nanāda ca // (23.4) Par.?

vasiṣṭha uvāca / (24.1) Par.?

śṛṇomi te ravaṃ bhadre vinadantyāḥ punaḥ punaḥ / (24.2) Par.?

balāddhriyasi me nandi kṣamāvān brāhmaṇo hyaham / (24.3) Par.?

*viśvāmitreṇa nandini kiṃ kartavyaṃ mayā tatra / (24.4) Par.?

*athaināṃ nandinīṃ bhūyo viśvāmitrasya sainikāḥ / (24.5) Par.?

*sarvataḥ samakālyanta kaśāpāṣāṇapāṇayaḥ // (24.6) Par.?

gandharva uvāca / (25.1) Par.?

sā tu teṣāṃ balān nandī balānāṃ bharatarṣabha / (25.2) Par.?

viśvāmitrabhayodvignā vasiṣṭhaṃ samupāgamat // (25.3) Par.?

gaur uvāca / (26.1) Par.?

pāṣāṇadaṇḍābhihatāṃ krandantīṃ mām anāthavat / (26.2) Par.?

*upekṣase kathaṃ brahman bhaktāṃ pādābjasevinīm / (26.3) Par.?

viśvāmitrabalair ghorair bhagavan kim upekṣase // (26.4) Par.?

gandharva uvāca / (27.1) Par.?

evaṃ tasyāṃ tadā pārtha dharṣitāyāṃ mahāmuniḥ / (27.2) Par.?

na cukṣubhe na dhairyācca vicacāla dhṛtavrataḥ // (27.3) Par.?

vasiṣṭha uvāca / (28.1) Par.?

kṣatriyāṇāṃ balaṃ tejo brāhmaṇānāṃ kṣamā balam / (28.2) Par.?

kṣamā māṃ bhajate tasmād gamyatāṃ yadi rocate // (28.3) Par.?

gaur uvāca / (29.1) Par.?

kiṃ nu tyaktāsmi bhagavan yad evaṃ māṃ prabhāṣase / (29.2) Par.?

atyaktāhaṃ tvayā brahman na śakyā nayituṃ balāt // (29.3) Par.?

vasiṣṭha uvāca / (30.1) Par.?

na tvāṃ tyajāmi kalyāṇi sthīyatāṃ yadi śakyate / (30.2) Par.?

dṛḍhena dāmnā baddhvaiṣa vatsaste hriyate balāt / (30.3) Par.?

*yena kenāpyupāyena tvayā vatso nivāryatām // (30.4) Par.?

gandharva uvāca / (31.1) Par.?

sthīyatām iti tacchrutvā vasiṣṭhasya payasvinī / (31.2) Par.?

ūrdhvāñcitaśirogrīvā prababhau ghoradarśanā // (31.3) Par.?

krodharaktekṣaṇā sā gaur hambhāravaghanasvanā / (32.1) Par.?

viśvāmitrasya tat sainyaṃ vyadrāvayata sarvaśaḥ // (32.2) Par.?

kaśāgradaṇḍābhihatā kālyamānā tatastataḥ / (33.1) Par.?

krodhadīptekṣaṇā krodhaṃ bhūya eva samādadhe // (33.2) Par.?

āditya iva madhyāhne krodhadīptavapur babhau / (34.1) Par.?

aṅgāravarṣaṃ muñcantī muhur vāladhito mahat // (34.2) Par.?

asṛjat pahlavān pucchācchakṛtaḥ śabarāñ śakān / (35.1) Par.?

*yonideśācca yavanāñśakṛddeśācchakāṃstathā / (35.2) Par.?

mūtrataścāsṛjaccāpi yavanān krodhamūrchitā / (35.3) Par.?

*barbarāṃścaiva pārśvataḥ / (35.4) Par.?

*prāṇataḥ prāsṛjacceyam // (35.5) Par.?

puṇḍrān kirātān dramiḍān siṃhalān barbarāṃstathā / (36.1) Par.?

*cibukāṃśca pulindāṃśca cīnān hūṇān sakeralān / (36.2) Par.?

tathaiva daradān mlecchān phenataḥ sā sasarja ha // (36.3) Par.?

tair visṛṣṭair mahat sainyaṃ nānāmlecchagaṇaistadā / (37.1) Par.?

nānāvaraṇasaṃchannair nānāyudhadharaistathā / (37.2) Par.?

avākīryata saṃrabdhair viśvāmitrasya paśyataḥ // (37.3) Par.?

ekaikaśca tadā yodhaḥ pañcabhiḥ saptabhir vṛtaḥ / (38.1) Par.?

astravarṣeṇa mahatā kālyamānaṃ balaṃ tataḥ / (38.2) Par.?

prabhagnaṃ sarvatastrastaṃ viśvāmitrasya paśyataḥ / (38.3) Par.?

*tasya taccaturaṅgaṃ vai balaṃ paramaduḥsaham / (38.4) Par.?

*prabhagnaṃ sarvato ghoraṃ payasvinyā vivarjitam // (38.5) Par.?

na ca prāṇair viyujyanta kecit te sainikāstadā / (39.1) Par.?

viśvāmitrasya saṃkruddhair vāsiṣṭhair bharatarṣabha / (39.2) Par.?

*sā gaustat sakalaṃ sainyaṃ kālayāmāsa dūrataḥ // (39.3) Par.?

viśvāmitrasya sainyaṃ tu kālyamānaṃ triyojanam / (40.1) Par.?

krośamānaṃ bhayodvignaṃ trātāraṃ nādhyagacchata / (40.2) Par.?

*viśvāmitrastato dṛṣṭvā krodhāviṣṭaḥ sa rodasī / (40.3) Par.?

*vavarṣa śaravarṣāṇi vasiṣṭhe munisattame / (40.4) Par.?

*ghorarūpāṃśca nārācān kṣurān bhallān mahāmuniḥ / (40.5) Par.?

*viśvāmitraprayuktāṃstān vaiṇavena vyamocayat / (40.6) Par.?

*vasiṣṭhasya tadā dṛṣṭvā karmakauśalam āhave / (40.7) Par.?

*viśvāmitro 'pi kopena bhūyaḥ śatrunipātanaḥ / (40.8) Par.?

*divyāstravarṣaṃ tasmai sa prāhiṇon munaye ruṣā / (40.9) Par.?

*āgneyaṃ vāruṇaṃ caindraṃ yāmyaṃ vāyavyam eva ca / (40.10) Par.?

*visasarja mahābhāge vasiṣṭhe brahmaṇaḥ sute / (40.11) Par.?

*astrāṇi sarvato jvālā visṛjantaḥ prapedire / (40.12) Par.?

*yugāntasamaye ghorāḥ pataṃgasyeva raśmayaḥ / (40.13) Par.?

*vasiṣṭho 'pi mahātejā brahmaśaktiprayuktayā / (40.14) Par.?

*yaṣṭyā nivārayāmāsa sarvāṇyastrāṇi sa smayan / (40.15) Par.?

*tataste bhasmasād bhūtāḥ patanti sma mahītale / (40.16) Par.?

*apohya divyānyastrāṇi vasiṣṭho vākyam abravīt / (40.17) Par.?

*nirjito 'si mahārāja durātman gādhinandana / (40.18) Par.?

*yadi te 'sti paraṃ śauryaṃ tad darśaya mayi sthite / (40.19) Par.?

*viśvāmitrastathā cokto vasiṣṭhena narādhipaḥ / (40.20) Par.?

*novāca kiṃcid vrīḍāḍhyo vidrāvitamahābalaḥ // (40.21) Par.?

dṛṣṭvā tan mahad āścaryaṃ brahmatejobhavaṃ tadā / (41.1) Par.?

viśvāmitraḥ kṣatrabhāvān nirviṇṇo vākyam abravīt // (41.2) Par.?

dhig balaṃ kṣatriyabalaṃ brahmatejobalaṃ balam / (42.1) Par.?

balābalaṃ viniścitya tapa eva paraṃ balam // (42.2) Par.?

sa rājyaṃ sphītam utsṛjya tāṃ ca dīptāṃ nṛpaśriyam / (43.1) Par.?

bhogāṃśca pṛṣṭhataḥ kṛtvā tapasyeva mano dadhe // (43.2) Par.?

sa gatvā tapasā siddhiṃ lokān viṣṭabhya tejasā / (44.1) Par.?

tatāpa sarvān dīptaujā brāhmaṇatvam avāpa ca / (44.2) Par.?

apibacca sutaṃ somam indreṇa saha kauśikaḥ / (44.3) Par.?

*evaṃvīryastu rājarṣir viprarṣiḥ saṃbabhūva ha // (44.4) Par.?

Duration=0.29490494728088 secs.