Texts

Help

Select a text:
Bibliography

Select a chapter:
(no revisions)
Show parallels Show headlines
Use dependency labeler

Chapter id: 3180

Click on a sentence to show its analysis
Keep the mouse pointer over a lemma to show its meanings.

brāhmaṇyuvāca / (1.1) Par.?

nāhaṃ gṛhṇāmi vastāta dṛṣṭīr nāsti ruṣānvitā / (1.2) Par.?

ayaṃ tu bhārgavo nūnam ūrujaḥ kupito 'dya vaḥ // (1.3) Par.?

tena cakṣūṃṣi vastāta nūnaṃ kopān mahātmanā / (2.1) Par.?

smaratā nihatān bandhūn ādattāni na saṃśayaḥ // (2.2) Par.?

garbhān api yadā yūyaṃ bhṛgūṇāṃ ghnata putrakāḥ / (3.1) Par.?

tadāyam ūruṇā garbho mayā varṣaśataṃ dhṛtaḥ // (3.2) Par.?

ṣaḍaṅgaścākhilo veda imaṃ garbhastham eva hi / (4.1) Par.?

viveśa bhṛguvaṃśasya bhūyaḥ priyacikīrṣayā // (4.2) Par.?

so 'yaṃ pitṛvadhān nūnaṃ krodhād vo hantum icchati / (5.1) Par.?

tejasā yasya divyena cakṣūṃṣi muṣitāni vaḥ // (5.2) Par.?

tam imaṃ tāta yācadhvam aurvaṃ mama sutottamam / (6.1) Par.?

ayaṃ vaḥ praṇipātena tuṣṭo dṛṣṭīr vimokṣyati // (6.2) Par.?

gandharva uvāca / (7.1) Par.?

evam uktāstataḥ sarve rājānaste tam ūrujam / (7.2) Par.?

ūcuḥ prasīdeti tadā prasādaṃ ca cakāra saḥ // (7.3) Par.?

anenaiva ca vikhyāto nāmnā lokeṣu sattamaḥ / (8.1) Par.?

sa aurva iti viprarṣir ūruṃ bhittvā vyajāyata // (8.2) Par.?

cakṣūṃṣi pratilabhyātha pratijagmustato nṛpāḥ / (9.1) Par.?

bhārgavastu munir mene sarvalokaparābhavam // (9.2) Par.?

sa cakre tāta lokānāṃ vināśāya mahāmanāḥ / (10.1) Par.?

sarveṣām eva kārtsnyena manaḥ pravaṇam ātmanaḥ // (10.2) Par.?

icchann apacitiṃ kartuṃ bhṛgūṇāṃ bhṛgusattamaḥ / (11.1) Par.?

sarvalokavināśāya tapasā mahataidhitaḥ // (11.2) Par.?

tāpayāmāsa lokān sa sadevāsuramānuṣān / (12.1) Par.?

tapasogreṇa mahatā nandayiṣyan pitāmahān // (12.2) Par.?

tatastaṃ pitarastāta vijñāya bhṛgusattamam / (13.1) Par.?

pitṛlokād upāgamya sarva ūcur idaṃ vacaḥ // (13.2) Par.?

aurva dṛṣṭaḥ prabhāvaste tapasograsya putraka / (14.1) Par.?

prasādaṃ kuru lokānāṃ niyaccha krodham ātmanaḥ // (14.2) Par.?

nānīśair hi tadā tāta bhṛgubhir bhāvitātmabhiḥ / (15.1) Par.?

vadho 'bhyupekṣitaḥ sarvaiḥ kṣatriyāṇāṃ vihiṃsatām // (15.2) Par.?

āyuṣā hi prakṛṣṭena yadā naḥ kheda āviśat / (16.1) Par.?

tadāsmābhir vadhastāta kṣatriyair īpsitaḥ svayam // (16.2) Par.?

nikhātaṃ taddhi vai vittaṃ kenacid bhṛguveśmani / (17.1) Par.?

vairāyaiva tadā nyastaṃ kṣatriyān kopayiṣṇubhiḥ / (17.2) Par.?

kiṃ hi vittena naḥ kāryaṃ svargepsūnāṃ dvijarṣabha / (17.3) Par.?

*yad asmākaṃ dhanādhyakṣaḥ prabhūtaṃ dhanam āharat // (17.4) Par.?

yadā tu mṛtyur ādātuṃ na naḥ śaknoti sarvaśaḥ / (18.1) Par.?

tadāsmābhir ayaṃ dṛṣṭa upāyastāta saṃmataḥ // (18.2) Par.?

ātmahā ca pumāṃstāta na lokāṃllabhate śubhān / (19.1) Par.?

tato 'smābhiḥ samīkṣyaivaṃ nātmanātmā vināśitaḥ / (19.2) Par.?

*etasya parihārārthaṃ tvaṃ tu dharmaṃ samācara // (19.3) Par.?

na caitan naḥ priyaṃ tāta yad idaṃ kartum icchasi / (20.1) Par.?

niyacchedaṃ manaḥ pāpāt sarvalokaparābhavāt // (20.2) Par.?

na hi naḥ kṣatriyāḥ kecin na lokāḥ sapta putraka / (21.1) Par.?

dūṣayanti tapastejaḥ krodham utpatitaṃ jahi // (21.2) Par.?

Duration=0.084084033966064 secs.