Texts

Help

Select a text:
Bibliography

Select a chapter:
(no revisions)
Show parallels Show headlines
Use dependency labeler

Chapter id: 3226

Click on a sentence to show its analysis
Keep the mouse pointer over a lemma to show its meanings.

vaiśaṃpāyana uvāca / (1.1) Par.?

tataste pāṇḍavāḥ sarve pāñcālyaśca mahāyaśāḥ / (1.2) Par.?

pratyutthāya mahātmānaṃ kṛṣṇaṃ dṛṣṭvābhyapūjayan // (1.3) Par.?

pratinandya sa tān sarvān pṛṣṭvā kuśalam antataḥ / (2.1) Par.?

āsane kāñcane śubhre niṣasāda mahāmanāḥ // (2.2) Par.?

anujñātāstu te sarve kṛṣṇenāmitatejasā / (3.1) Par.?

āsaneṣu mahārheṣu niṣedur dvipadāṃ varāḥ // (3.2) Par.?

tato muhūrtān madhurāṃ vāṇīm uccārya pārṣataḥ / (4.1) Par.?

papraccha taṃ mahātmānaṃ draupadyarthe viśāṃ patiḥ // (4.2) Par.?

katham ekā bahūnāṃ syān na ca syād dharmasaṃkaraḥ / (5.1) Par.?

etan no bhagavān sarvaṃ prabravītu yathātatham // (5.2) Par.?

vyāsa uvāca / (6.1) Par.?

asmin dharme vipralambhe lokavedavirodhake / (6.2) Par.?

yasya yasya mataṃ yad yacchrotum icchāmi tasya tat // (6.3) Par.?

drupada uvāca / (7.1) Par.?

adharmo 'yaṃ mama mato viruddho lokavedayoḥ / (7.2) Par.?

na hyekā vidyate patnī bahūnāṃ dvijasattama // (7.3) Par.?

na cāpyācaritaḥ pūrvair ayaṃ dharmo mahātmabhiḥ / (8.1) Par.?

na ca dharmo 'pyanekasthaścaritavyaḥ sanātanaḥ // (8.2) Par.?

ato nāhaṃ karomyevaṃ vyavasāyaṃ kriyāṃ prati / (9.1) Par.?

dharmasaṃdehasaṃdigdhaṃ pratibhāti hi mām idam // (9.2) Par.?

dhṛṣṭadyumna uvāca / (10.1) Par.?

yavīyasaḥ kathaṃ bhāryāṃ jyeṣṭho bhrātā dvijarṣabha / (10.2) Par.?

brahman samabhivarteta sadvṛttaḥ saṃstapodhana // (10.3) Par.?

na tu dharmasya sūkṣmatvād gatiṃ vidmaḥ kathaṃcana / (11.1) Par.?

adharmo dharma iti vā vyavasāyo na śakyate // (11.2) Par.?

kartum asmadvidhair brahmaṃstato na vyavasāmyaham / (12.1) Par.?

pañcānāṃ mahiṣī kṛṣṇā bhavatviti kathaṃcana // (12.2) Par.?

yudhiṣṭhira uvāca / (13.1) Par.?

na me vāg anṛtaṃ prāha nādharme dhīyate matiḥ / (13.2) Par.?

vartate hi mano me 'tra naiṣo 'dharmaḥ kathaṃcana // (13.3) Par.?

śrūyate hi purāṇe 'pi jaṭilā nāma gautamī / (14.1) Par.?

*tasya putrī mahāprājñā gautamasya yaśasvinī / (14.2) Par.?

ṛṣīn adhyāsitavatī sapta dharmabhṛtāṃ vara / (14.3) Par.?

*tathaiva munijā vārkṣī tapobhir bhāvitātmanaḥ / (14.4) Par.?

*saṃgatābhūd daśa bhrātṝn ekanāmnaḥ pracetasaḥ // (14.5) Par.?

gurośca vacanaṃ prāhur dharmaṃ dharmajñasattama / (15.1) Par.?

gurūṇāṃ caiva sarveṣāṃ janitrī paramo guruḥ // (15.2) Par.?

sā cāpyuktavatī vācaṃ bhaikṣavad bhujyatām iti / (16.1) Par.?

tasmād etad ahaṃ manye dharmaṃ dvijavarottama // (16.2) Par.?

kuntyuvāca / (17.1) Par.?

*bhujyatāṃ bhrātṛbhiḥ sārdham ityarjunam acodayam / (17.2) Par.?

evam etad yathāhāyaṃ dharmacārī yudhiṣṭhiraḥ / (17.3) Par.?

anṛtān me bhayaṃ tīvraṃ mucyeyam anṛtāt katham // (17.4) Par.?

vyāsa uvāca / (18.1) Par.?

anṛtān mokṣyase bhadre dharmaścaiṣa sanātanaḥ / (18.2) Par.?

na tu vakṣyāmi sarveṣāṃ pāñcāla śṛṇu me svayam // (18.3) Par.?

yathāyaṃ vihito dharmo yataścāyaṃ sanātanaḥ / (19.1) Par.?

yathā ca prāha kaunteyastathā dharmo na saṃśayaḥ // (19.2) Par.?

vaiśaṃpāyana uvāca / (20.1) Par.?

tata utthāya bhagavān vyāso dvaipāyanaḥ prabhuḥ / (20.2) Par.?

kare gṛhītvā rājānaṃ rājaveśma samāviśat // (20.3) Par.?

pāṇḍavāścāpi kuntī ca dhṛṣṭadyumnaśca pārṣataḥ / (21.1) Par.?

vicetasaste tatraiva pratīkṣante sma tāvubhau // (21.2) Par.?

tato dvaipāyanastasmai narendrāya mahātmane / (22.1) Par.?

ācakhyau tad yathā dharmo bahūnām ekapatnitā / (22.2) Par.?

*yathā devā daduścaiva rājaputryāḥ purā varam / (22.3) Par.?

*dharmādyāstapasā tuṣṭāḥ pañcapatnītvam īśvarāḥ / (22.4) Par.?

*vyāsaḥ / (22.5) Par.?

*ṛṣiḥ / (22.6) Par.?

*vyāsaḥ / (22.7) Par.?

*nāﾱāyanī / (22.8) Par.?

*vyāsaḥ / (22.9) Par.?

*drupadaḥ / (22.10) Par.?

*vyāsaḥ / (22.11) Par.?

*indrasenā / (22.12) Par.?

*ṛṣiḥ / (22.13) Par.?

*vyāsaḥ / (22.14) Par.?

*nāﾱāyanī / (22.15) Par.?

*maheśvaraḥ / (22.16) Par.?

*nāﾱāyanī / (22.17) Par.?

*maheśvaraḥ / (22.18) Par.?

*nāﾱāyanī / (22.19) Par.?

*maheśvaraḥ / (22.20) Par.?

*vyāsaḥ / (22.21) Par.?

*mā bhūd rājaṃstava tāpo manaḥsthaḥ pañcānāṃ bhāryā duhitā mameti / (22.22) Par.?

*mātur eṣā pārthiva prārthitā syāt pañcānāṃ bhāryā duhitā mameti / (22.23) Par.?

*yājopayājau dharmaratau tapobhyāṃ tau cakratuḥ pañcapatitvam asyāḥ / (22.24) Par.?

*sā dharmataḥ pāṇḍuputrair avāptā bhāryā kṛṣṇā modatāṃ vai kulaṃ te / (22.25) Par.?

*loke nānyo nāthavāṃstvadviśiṣṭaḥ sarvārīṇām apradhṛṣyo 'si rājan / (22.26) Par.?

*bhūyastu me śṛṇvidaṃ tvaṃ viśoko yathāgamaṃ pañcapatitvam asyāḥ / (22.27) Par.?

*eṣā nāﾱāyanī pūrvaṃ maudgalyaṃ sthaviraṃ patim / (22.28) Par.?

*ārādhayāmāsa tadā kuṣṭhinaṃ tam aninditā / (22.29) Par.?

*tvagasthibhūtaṃ kaṭukaṃ lolam īrṣyuṃ sukopanam / (22.30) Par.?

*sugandhetaragandhāḍhyaṃ valīpalitadhāriṇam / (22.31) Par.?

*sthaviraṃ vikṛtākāraṃ śīryamāṇanakhatvacam / (22.32) Par.?

*ucchiṣṭam upabhuñjānā paryupāste mahāvratā / (22.33) Par.?

*tataḥ kadācid aṅguṣṭho bhuñjānasya vyaśīryata / (22.34) Par.?

*annād uddhṛtya taccānnam upāyuṅktāviśaṅkitā / (22.35) Par.?

*tena tasyāḥ prasannena kāmavyāhāriṇā tadā / (22.36) Par.?

*varaṃ vṛṇīṣvetyasakṛd uktā vavre varaṃ tadā / (22.37) Par.?

*nāsmi vṛddho na kaṭuko nerṣyur naivātikopanaḥ / (22.38) Par.?

*na ca durgandhavadano na kṛśo na ca lolupaḥ / (22.39) Par.?

*kathaṃ tvāṃ ramayāmīha kathaṃ tvāṃ vāsayāmyaham / (22.40) Par.?

*vada kalyāṇi bhadraṃ te yathā tvaṃ manasecchasi / (22.41) Par.?

*sā tam akliṣṭakarmāṇaṃ varadaṃ sarvakāmadam / (22.42) Par.?

*bhartāram anavadyāṅgī prasannaṃ pratyuvāca ha / (22.43) Par.?

*pañcabāṇātividdhāhaṃ manmathasya mahāmate / (22.44) Par.?

*pañcadhā māṃ vibhaktātmā bhagavāṃl lokaviśrutaḥ / (22.45) Par.?

*ramaya tvam acintyātman punaścaikatvam āsthitaḥ / (22.46) Par.?

*tāṃ tathetyabravīd dhīmān brahmarṣir vai mahātapāḥ / (22.47) Par.?

*sa pañcadhānubhūtvā tāṃ ramayāmāsa sarvaśaḥ / (22.48) Par.?

*nāﾱāyanīṃ sukeśāntāṃ mudgalaścāruhāsinīm / (22.49) Par.?

*āśrameṣvadhikaṃ cāpi pūjyamāno maharṣibhiḥ / (22.50) Par.?

*vicacāra yathākāmaṃ kāmarūpavapuḥ punaḥ / (22.51) Par.?

*yadā yayau divaṃ cāpi tatra devarṣibhiḥ saha / (22.52) Par.?

*sudhāmṛtarasāhāraḥ suraloke cacāra ha / (22.53) Par.?

*pūjyamānastathā śacyā śakrasya bhavaneṣvapi / (22.54) Par.?

*mahendrasenayā sārdhaṃ paryadhāvad riraṃsayā / (22.55) Par.?

*sūryasya ca rathaṃ divyam āruhya bhagavān prabhuḥ / (22.56) Par.?

*paryupetya punar meruṃ merau vāsam arocayat / (22.57) Par.?

*ākāśagaṅgām āplutya tayā saha taponidhiḥ / (22.58) Par.?

*aṃśujāleṣu candrasya uvāsa ca yathānilaḥ / (22.59) Par.?

*girirūpaṃ yadā dadhre sa maharṣistadā punaḥ / (22.60) Par.?

*tatprabhāvena sā tasya madhye jajñe mahānadī / (22.61) Par.?

*yadā puṣpākulaḥ sālaḥ saṃjajñe bhagavān ṛṣiḥ / (22.62) Par.?

*latātvam atha saṃpede tam evābhyanuveṣṭatī / (22.63) Par.?

*pupoṣa ca vapur yasya tasyānugaṃ punaḥ / (22.64) Par.?

*sā pupoṣa samaṃ bhartuḥ skandhenāpi cacāra ha / (22.65) Par.?

*tatastasya ca tasyāśca tulyā prītir avardhata / (22.66) Par.?

*tathā hi bhagavāṃstasyāḥ prasādād ṛṣisattamaḥ / (22.67) Par.?

*vijajñuṣī ca sā tatra daivayogena bhāminī / (22.68) Par.?

*sa ca tāṃ tapasā devīṃ ramayāmāsa yogataḥ / (22.69) Par.?

*ekapatnī purā bhūtvā sadaivāgre yaśasvinī / (22.70) Par.?

*arundhatīva sīteva babhūvātipativratā / (22.71) Par.?

*damayantyāśca mātuḥ sā viśeṣam adhikaṃ yayau / (22.72) Par.?

*etat tathyaṃ mahārāja mā te bhūd buddhir anyathā / (22.73) Par.?

*eṣā nāﾱāyanī jajñe daivayogena kenacit / (22.74) Par.?

*rājaṃstavātmajā kṛṣṇā vedyāṃ tejasvinī śubhā / (22.75) Par.?

*tasmiṃstasyā manaḥ saktaṃ na śaśāka kadācana / (22.76) Par.?

*tathā praṇihito hyātmā tasyāstasmin dvijottame / (22.77) Par.?

*brūhi tat kāraṇaṃ yena brahmañ jātā tapasvinī / (22.78) Par.?

*sutā mamādhvare kṛṣṇā sarvavedavidāṃ vara / (22.79) Par.?

*śṛṇu rājan yathā hyasyā datto rudreṇa vai varaḥ / (22.80) Par.?

*yadarthaṃ caiva sambhūtā tava yajñe yaśasvinī / (22.81) Par.?

*ahaṃ te kathayiṣyāmi kṛṣṇāyāḥ paurvadehikam / (22.82) Par.?

*indraseneti vikhyātā purā nāﾱāyanī śubhā / (22.83) Par.?

*maudgalyaṃ patim āsādya cacāra vigatajvarā / (22.84) Par.?

*maudgalyasya maharṣeśca ramamāṇasya vai tayā / (22.85) Par.?

*saṃvatsaragaṇā rājan vyatīyuḥ kṣaṇavat tadā / (22.86) Par.?

*tataḥ kadācid dharmātmā tṛptaḥ kāmād vyarajyata / (22.87) Par.?

*anvicchan paramaṃ brahma tyāgadharmaparo 'bhavat / (22.88) Par.?

*utsasarja sa tāṃ vipraḥ sā tadā cāpatad bhuvi / (22.89) Par.?

*maudgalyo rājaśārdūla tapobhir bhāvitaḥ sadā / (22.90) Par.?

*kāmabhogāturābhyetya vacanaṃ cedam abravīt / (22.91) Par.?

*prasīda bhagavan mahyaṃ na mām utsraṣṭum arhasi / (22.92) Par.?

*avitṛptāsmi brahmarṣe kāmānāṃ kāmasevanāt / (22.93) Par.?

*māro māṃ bādhate 'tyartham anugṛhṇātu māṃ bhavān / (22.94) Par.?

*tarpayasva mamākṣāṇi guhyaṃ māṃ bādhate 'niśam / (22.95) Par.?

*yasmāt tvaṃ mayi niḥśaṅkā hyavaktavyaṃ prabhāṣase / (22.96) Par.?

*ācarantī tapovighnaṃ tasmācchṛṇu vaco mama / (22.97) Par.?

*bhaviṣyasi nṛloke tvaṃ rājaputrī yaśasvinī / (22.98) Par.?

*pāñcālarājasya sutā drupadasya mahātmanaḥ / (22.99) Par.?

*bhavitārastu te tatra patayaḥ pañca viśrutāḥ / (22.100) Par.?

*taiḥ sārdhaṃ madhurākāraiściraṃ ratim avāpsyasi / (22.101) Par.?

*saivaṃ śaptā tu vimanā vanaṃ prāptā yaśasvinī / (22.102) Par.?

*bhogair atṛptā deveśaṃ tapasārādhayat tadā / (22.103) Par.?

*nirāśīr mārutāhārā nirāhārā tathaiva ca / (22.104) Par.?

*anuvartamānā tvādityaṃ tathā pañcatapābhavat / (22.105) Par.?

*tīvreṇa tapasā tasyāstuṣṭaḥ paśupatiḥ svayam / (22.106) Par.?

*varaṃ prādāt tadā rudraḥ sarvalokeśvaraḥ prabhuḥ / (22.107) Par.?

*bhaviṣyati paraṃ janma mānuṣeṣu varāṅgane / (22.108) Par.?

*bhaviṣyanti ca te bhadre patayaḥ pañca suvratāḥ / (22.109) Par.?

*mahendravapuṣaḥ sarve mahendrasamavikramāḥ / (22.110) Par.?

*tatrasthā ca mahat karma surāṇāṃ tvaṃ kariṣyasi / (22.111) Par.?

*ekaḥ khalu mayā bhartā vṛtaḥ pañcāpi me katham / (22.112) Par.?

*bhaviṣyanti mamaikasyāḥ patayastad bravīhi me / (22.113) Par.?

*pañcakṛtvastvayā hyuktaḥ patiṃ dehītyahaṃ punaḥ / (22.114) Par.?

*pañca te patayo bhadre bhaviṣyanti sukhāvahāḥ / (22.115) Par.?

*dharma ekaḥ patiḥ strīṇāṃ pūrvam eva prakalpitaḥ / (22.116) Par.?

*bahupatnīkatā puṃsāṃ dharmaśca pitṛbhiḥ kṛtaḥ / (22.117) Par.?

*strīdharmaḥ pūrvam evāyaṃ nirmito munibhiḥ purā / (22.118) Par.?

*sahadharmacarī bhartur ekā ekasya cocyate / (22.119) Par.?

*eko hi bhartā nārīṇāṃ kaumāra iti laukikaḥ / (22.120) Par.?

*āpatsu ca niyogena saṃtānārthe paraḥ smṛtaḥ / (22.121) Par.?

*gaccheta yā tṛtīyaṃ tu tasyā niṣkṛtir ucyate / (22.122) Par.?

*caturthe patitā dharmāt pañcame vardhakī bhavet / (22.123) Par.?

*evaṃ gate dharmapathe na vṛṇe bahupuṃskatām / (22.124) Par.?

*alokācaritāt tasmāt kathaṃ mucyeya saṃkarāt / (22.125) Par.?

*anāvṛtāḥ purā nāryo hyāsañ śudhyanti cārtave / (22.126) Par.?

*sakṛd uktaṃ tvayā naitān nādharmaste bhaviṣyati / (22.127) Par.?

*yadi me patayaḥ pañca varam icchāmi tair mithaḥ / (22.128) Par.?

*kaumāraṃ ca bhavet sarvaiḥ saṃgame saṃgame ca me / (22.129) Par.?

*patiśuśrūṣayā caiva siddhiḥ prāptā purā mayā / (22.130) Par.?

*bhogecchā ca mayā prāptā sa ca bhogaśca me bhavet / (22.131) Par.?

*ratiśca bhadre siddhiśca na bhajete parasparam / (22.132) Par.?

*abhogā lapsyase siddhiṃ yogenāpi mahatvatām / (22.133) Par.?

*anyadehāntare ca tvaṃ rūpabhāgyaguṇānvitā / (22.134) Par.?

*pañcabhiḥ prāpya kaumāraṃ mahābhāgā bhaviṣyasi / (22.135) Par.?

*gaccha gaṅgājalasthā ca naraṃ paśyasi yaṃ śubhe / (22.136) Par.?

*tam ānaya mamābhyāśaṃ surarājaṃ śucismite / (22.137) Par.?

*ityuktā viśvarūpeṇa rudraṃ kṛtvā pradakṣiṇam / (22.138) Par.?

*jagāma gaṅgām uddiśya puṇyāṃ tripathagāṃ nadīm // (22.139) Par.?

Duration=0.32326412200928 secs.