Texts

vaiśaṃpāyana uvāca / (1.1) Par.?

sampūjyāthābhyanujñāto maharṣervacanāt param / (1.2) Par.?

pratyuvācānupūrvyeṇa dharmarājo yudhiṣṭhiraḥ // (1.3) Par.?

bhagavannyāyyam āhaitaṃ yathāvad dharmaniścayam / (2.1) Par.?

yathāśakti yathānyāyaṃ kriyate 'yaṃ vidhir mayā // (2.2) Par.?

rājabhir yad yathā kāryaṃ purā tat tanna saṃśayaḥ / (3.1) Par.?

yathānyāyopanītārthaṃ kṛtaṃ hetumad arthavat // (3.2) Par.?

vayaṃ tu satpathaṃ teṣāṃ yātum icchāmahe prabho / (4.1) Par.?

na tu śakyaṃ tathā gantuṃ yathā tair niyatātmabhiḥ / (4.2) Par.?

*taṃ tu viśrāntam āsīnaṃ devarṣim amitadyutim // (4.3) Par.?

evam uktvā sa dharmātmā vākyaṃ tad abhipūjya ca / (5.1) Par.?

muhūrtāt prāptakālaṃ ca dṛṣṭvā lokacaraṃ munim // (5.2) Par.?

nāradaṃ svastham āsīnam upāsīno yudhiṣṭhiraḥ / (6.1) Par.?

apṛcchat pāṇḍavastatra rājamadhye mahāmatiḥ // (6.2) Par.?

bhavān saṃcarate lokān sadā nānāvidhān bahūn / (7.1) Par.?

brahmaṇā nirmitān pūrvaṃ prekṣamāṇo manojavaḥ // (7.2) Par.?

īdṛśī bhavatā kācid dṛṣṭapūrvā sabhā kvacit / (8.1) Par.?

ito vā śreyasī brahmaṃstanmamācakṣva pṛcchataḥ // (8.2) Par.?

tacchrutvā nāradastasya dharmarājasya bhāṣitam / (9.1) Par.?

pāṇḍavaṃ pratyuvācedaṃ smayanmadhurayā girā // (9.2) Par.?

mānuṣeṣu na me tāta dṛṣṭapūrvā na ca śrutā / (10.1) Par.?

sabhā maṇimayī rājan yatheyaṃ tava bhārata // (10.2) Par.?

sabhāṃ tu pitṛrājasya varuṇasya ca dhīmataḥ / (11.1) Par.?

kathayiṣye tathendrasya kailāsanilayasya ca // (11.2) Par.?

brahmaṇaśca sabhāṃ divyāṃ kathayiṣye gataklamām / (12.1) Par.?

*divyāṃ divyair abhiprāyair upetāṃ viśvarūpiṇīm / (12.2) Par.?

*devaiḥ pitṛgaṇaiḥ sādhyair yajvabhir niyatātmabhiḥ / (12.3) Par.?

*juṣṭāṃ munigaṇaiḥ śāntair vedayajñaiḥ sadakṣiṇaiḥ / (12.4) Par.?

yadi te śravaṇe buddhir vartate bharatarṣabha // (12.5) Par.?

nāradenaivam uktastu dharmarājo yudhiṣṭhiraḥ / (13.1) Par.?

prāñjalir bhrātṛbhiḥ sārdhaṃ taiśca sarvair nṛpair vṛtaḥ // (13.2) Par.?

nāradaṃ pratyuvācedaṃ dharmarājo mahāmanāḥ / (14.1) Par.?

sabhāḥ kathaya tāḥ sarvāḥ śrotum icchāmahe vayam // (14.2) Par.?

kiṃdravyāstāḥ sabhā brahman kiṃvistārāḥ kimāyatāḥ / (15.1) Par.?

pitāmahaṃ ca ke tasyāṃ sabhāyāṃ paryupāsate // (15.2) Par.?

vāsavaṃ devarājaṃ ca yamaṃ vaivasvataṃ ca ke / (16.1) Par.?

varuṇaṃ ca kuberaṃ ca sabhāyāṃ paryupāsate // (16.2) Par.?

etat sarvaṃ yathātattvaṃ devarṣe vadatastava / (17.1) Par.?

śrotum icchāma sahitāḥ paraṃ kautūhalaṃ hi naḥ // (17.2) Par.?

evam uktaḥ pāṇḍavena nāradaḥ pratyuvāca tam / (18.1) Par.?

krameṇa rājan divyāstāḥ śrūyantām iha naḥ sabhāḥ // (18.2) Par.?