Texts

Help

Select a text:
Bibliography

Select a chapter:
(no revisions)
Show parallels Show headlines
Use dependency labeler

Chapter id: 9280

Click on a sentence to show its analysis
Keep the mouse pointer over a lemma to show its meanings.

jarāsaṃdha uvāca / (1.1) Par.?

na smareyaṃ kadā vairaṃ kṛtaṃ yuṣmābhir ityuta / (1.2) Par.?

cintayaṃśca na paśyāmi bhavatāṃ prati vaikṛtam // (1.3) Par.?

vaikṛte cāsati kathaṃ manyadhvaṃ mām anāgasam / (2.1) Par.?

ariṃ vibrūta tad viprāḥ satāṃ samaya eṣa hi // (2.2) Par.?

atha dharmopaghātāddhi manaḥ samupatapyate / (3.1) Par.?

yo 'nāgasi prasṛjati kṣatriyo 'pi na saṃśayaḥ // (3.2) Par.?

ato 'nyathācaraṃl loke dharmajñaḥ sanmahāvrataḥ / (4.1) Par.?

vṛjināṃ gatim āpnoti śreyaso 'pyupahanti ca // (4.2) Par.?

trailokye kṣatradharmāddhi śreyāṃsaṃ sādhucāriṇām / (5.1) Par.?

anāgasaṃ prajānānāḥ pramādād iva jalpatha // (5.2) Par.?

vāsudeva uvāca / (6.1) Par.?

kulakāryaṃ mahārāja kaścid ekaḥ kulodvahaḥ / (6.2) Par.?

vahate tanniyogād vai vayam abhyutthitāstrayaḥ // (6.3) Par.?

tvayā copahṛtā rājan kṣatriyā lokavāsinaḥ / (7.1) Par.?

tad āgaḥ krūram utpādya manyase kiṃ tvanāgasam // (7.2) Par.?

rājā rājñaḥ kathaṃ sādhūn hiṃsyānnṛpatisattama / (8.1) Par.?

tad rājñaḥ saṃnigṛhya tvaṃ rudrāyopajihīrṣasi // (8.2) Par.?

asmāṃstad eno gaccheta tvayā bārhadrathe kṛtam / (9.1) Par.?

vayaṃ hi śaktā dharmasya rakṣaṇe dharmacāriṇaḥ // (9.2) Par.?

manuṣyāṇāṃ samālambho na ca dṛṣṭaḥ kadācana / (10.1) Par.?

sa kathaṃ mānuṣair devaṃ yaṣṭum icchasi śaṃkaram // (10.2) Par.?

savarṇo hi savarṇānāṃ paśusaṃjñāṃ kariṣyati / (11.1) Par.?

ko 'nya evaṃ yathā hi tvaṃ jarāsaṃdha vṛthāmatiḥ // (11.2) Par.?

te tvāṃ jñātikṣayakaraṃ vayam ārtānusāriṇaḥ / (12.1) Par.?

jñātivṛddhinimittārthaṃ viniyantum ihāgatāḥ // (12.2) Par.?

nāsti loke pumān anyaḥ kṣatriyeṣviti caiva yat / (13.1) Par.?

manyase sa ca te rājan sumahān buddhiviplavaḥ // (13.2) Par.?

ko hi jānann abhijanam ātmanaḥ kṣatriyo nṛpa / (14.1) Par.?

nāviśet svargam atulaṃ raṇānantaram avyayam // (14.2) Par.?

svargaṃ hyeva samāsthāya raṇayajñeṣu dīkṣitāḥ / (15.1) Par.?

yajante kṣatriyā lokāṃstad viddhi magadhādhipa // (15.2) Par.?

svargayonir jayo rājan svargayonir mahad yaśaḥ / (16.1) Par.?

svargayonistapo yuddhe mārgaḥ so 'vyabhicāravān // (16.2) Par.?

eṣa hyaindro vaijayanto guṇo nityaṃ samāhitaḥ / (17.1) Par.?

yenāsurān parājitya jagat pāti śatakratuḥ // (17.2) Par.?

svargam āsthāya kasya syād vigrahitvaṃ yathā tava / (18.1) Par.?

māgadhair vipulaiḥ sainyair bāhulyabaladarpitaiḥ // (18.2) Par.?

māvamaṃsthāḥ parān rājannāsti vīryaṃ nare nare / (19.1) Par.?

samaṃ tejastvayā caiva kevalaṃ manujeśvara // (19.2) Par.?

yāvad eva na saṃbuddhaṃ tāvad eva bhavet tava / (20.1) Par.?

viṣahyam etad asmākam ato rājan bravīmi te // (20.2) Par.?

jahi tvaṃ sadṛśeṣveva mānaṃ darpaṃ ca māgadha / (21.1) Par.?

mā gamaḥ sasutāmātyaḥ sabalaśca yamakṣayam // (21.2) Par.?

dambhodbhavaḥ kārtavīrya uttaraśca bṛhadrathaḥ / (22.1) Par.?

śreyaso hyavamanyeha vineśuḥ sabalā nṛpāḥ // (22.2) Par.?

mumukṣamāṇāstvattaśca na vayaṃ brāhmaṇabruvāḥ / (23.1) Par.?

śaurir asmi hṛṣīkeśo nṛvīrau pāṇḍavāvimau // (23.2) Par.?

tvām āhvayāmahe rājan sthiro yudhyasva māgadha / (24.1) Par.?

muñca vā nṛpatīn sarvānmā gamastvaṃ yamakṣayam // (24.2) Par.?

jarāsaṃdha uvāca / (25.1) Par.?

nājitān vai narapatīn aham ādadmi kāṃścana / (25.2) Par.?

jitaḥ kaḥ paryavasthātā ko 'tra yo na mayā jitaḥ // (25.3) Par.?

kṣatriyasyaitad evāhur dharmyaṃ kṛṣṇopajīvanam / (26.1) Par.?

vikramya vaśam ānīya kāmato yat samācaret // (26.2) Par.?

devatārtham upākṛtya rājñaḥ kṛṣṇa kathaṃ bhayāt / (27.1) Par.?

aham adya vimuñceyaṃ kṣātraṃ vratam anusmaran // (27.2) Par.?

sainyaṃ sainyena vyūḍhena eka ekena vā punaḥ / (28.1) Par.?

dvābhyāṃ tribhir vā yotsye 'haṃ yugapat pṛthag eva vā // (28.2) Par.?

vaiśaṃpāyana uvāca / (29.1) Par.?

evam uktvā jarāsaṃdhaḥ sahadevābhiṣecanam / (29.2) Par.?

ājñāpayat tadā rājā yuyutsur bhīmakarmabhiḥ // (29.3) Par.?

sa tu senāpatī rājā sasmāra bharatarṣabha / (30.1) Par.?

kauśikaṃ citrasenaṃ ca tasmin yuddha upasthite // (30.2) Par.?

yayoste nāmanī loke haṃseti ḍibhaketi ca / (31.1) Par.?

pūrvaṃ saṃkathite puṃbhir nṛloke lokasatkṛte // (31.2) Par.?

taṃ tu rājan vibhuḥ śaurī rājānaṃ balināṃ varam / (32.1) Par.?

smṛtvā puruṣaśārdūla śārdūlasamavikramam // (32.2) Par.?

satyasaṃdho jarāsaṃdhaṃ bhuvi bhīmaparākramam / (33.1) Par.?

bhāgam anyasya nirdiṣṭaṃ vadhyaṃ bhūmibhṛd acyutaḥ // (33.2) Par.?

nātmanātmavatāṃ mukhya iyeṣa madhusūdanaḥ / (34.1) Par.?

brahmaṇo ''jñāṃ puraskṛtya hantuṃ haladharānujaḥ // (34.2) Par.?

Duration=0.41883206367493 secs.