Texts

Help

Select a text:
Bibliography

Select a chapter:
(no revisions)
Show parallels Show headlines
Use dependency labeler

Chapter id: 3476

Click on a sentence to show its analysis
Keep the mouse pointer over a lemma to show its meanings.

śrīkṛṣṇa uvāca / (1.1) Par.?

sarvair guṇair mahārāja rājasūyaṃ tvam arhasi / (1.2) Par.?

jānatastveva te sarvaṃ kiṃcid vakṣyāmi bhārata // (1.3) Par.?

jāmadagnyena rāmeṇa kṣatraṃ yad avaśeṣitam / (2.1) Par.?

tasmād avarajaṃ loke yad idaṃ kṣatrasaṃjñitam // (2.2) Par.?

kṛto 'yaṃ kulasaṃkalpaḥ kṣatriyair vasudhādhipa / (3.1) Par.?

nideśavāgbhistat te ha viditaṃ bharatarṣabha // (3.2) Par.?

ailasyekṣvākuvaṃśasya prakṛtiṃ paricakṣate / (4.1) Par.?

rājānaḥ śreṇibaddhāśca tato 'nye kṣatriyā bhuvi // (4.2) Par.?

ailavaṃśyāstu ye rājaṃstathaivekṣvākavo nṛpāḥ / (5.1) Par.?

tāni caikaśataṃ viddhi kulāni bharatarṣabha // (5.2) Par.?

yayātestveva bhojānāṃ vistaro 'tiguṇo mahān / (6.1) Par.?

bhajate ca mahārāja vistaraḥ sa caturdiśam // (6.2) Par.?

teṣāṃ tathaiva tāṃ lakṣmīṃ sarvakṣatram upāsate / (7.1) Par.?

*idānīm eva vai rājañ jarāsaṃdho mahīpatiḥ / (7.2) Par.?

*abhibhūya śriyaṃ teṣāṃ kulānām abhiṣecitaḥ / (7.3) Par.?

*sthito mūrdhni narendrāṇām ojasākramya sarvaśaḥ / (7.4) Par.?

so 'vanīṃ madhyamāṃ bhuktvā mithobhedeṣvamanyata // (7.5) Par.?

caturyustvaparo rājā yasminn ekaśato 'bhavat / (8.1) Par.?

sa sāmrājyaṃ jarāsaṃdhaḥ prāpto bhavati yonitaḥ // (8.2) Par.?

taṃ sa rājā mahāprājña saṃśritya kila sarvaśaḥ / (9.1) Par.?

rājan senāpatir jātaḥ śiśupālaḥ pratāpavān // (9.2) Par.?

tam eva ca mahārāja śiṣyavat samupasthitaḥ / (10.1) Par.?

vakraḥ karūṣādhipatir māyāyodhī mahābalaḥ // (10.2) Par.?

aparau ca mahāvīryau mahātmānau samāśritau / (11.1) Par.?

jarāsaṃdhaṃ mahāvīryaṃ tau haṃsaḍibhakāvubhau // (11.2) Par.?

dantavakraḥ karūṣaśca kalabho meghavāhanaḥ / (12.1) Par.?

mūrdhnā divyaṃ maṇiṃ bibhrad yaṃ taṃ bhūtamaṇiṃ viduḥ // (12.2) Par.?

muraṃ ca narakaṃ caiva śāsti yo yavanādhipau / (13.1) Par.?

aparyantabalo rājā pratīcyāṃ varuṇo yathā // (13.2) Par.?

bhagadatto mahārāja vṛddhastava pituḥ sakhā / (14.1) Par.?

sa vācā praṇatastasya karmaṇā caiva bhārata // (14.2) Par.?

snehabaddhastu pitṛvanmanasā bhaktimāṃstvayi / (15.1) Par.?

pratīcyāṃ dakṣiṇaṃ cāntaṃ pṛthivyāḥ pāti yo nṛpaḥ / (15.2) Par.?

*te cāpi praṇatāstasya mahātmāno bhayārditāḥ // (15.3) Par.?

mātulo bhavataḥ śūraḥ purujit kuntivardhanaḥ / (16.1) Par.?

sa te saṃnatimān ekaḥ snehataḥ śatrutāpanaḥ // (16.2) Par.?

jarāsaṃdhaṃ gatastvevaṃ purā yo na mayā hataḥ / (17.1) Par.?

puruṣottamavijñāto yo 'sau cediṣu durmatiḥ // (17.2) Par.?

ātmānaṃ pratijānāti loke 'smin puruṣottamam / (18.1) Par.?

ādatte satataṃ mohād yaḥ sa cihnaṃ ca māmakam // (18.2) Par.?

vaṅgapuṇḍrakirāteṣu rājā balasamanvitaḥ / (19.1) Par.?

pauṇḍrako vāsudeveti yo 'sau lokeṣu viśrutaḥ // (19.2) Par.?

caturyuḥ sa mahārāja bhoja indrasakho balī / (20.1) Par.?

vidyābalād yo vyajayat pāṇḍyakrathakakaiśikān // (20.2) Par.?

bhrātā yasyāhṛtiḥ śūro jāmadagnyasamo yudhi / (21.1) Par.?

sa bhakto māgadhaṃ rājā bhīṣmakaḥ paravīrahā // (21.2) Par.?

priyāṇyācarataḥ prahvān sadā saṃbandhinaḥ sataḥ / (22.1) Par.?

bhajato na bhajatyasmān apriyeṣu vyavasthitaḥ // (22.2) Par.?

na kulaṃ na balaṃ rājann abhijānaṃstathātmanaḥ / (23.1) Par.?

paśyamāno yaśodīptaṃ jarāsaṃdham upāśritaḥ // (23.2) Par.?

udīcyabhojāśca tathā kulānyaṣṭādaśābhibho / (24.1) Par.?

jarāsaṃdhabhayād eva pratīcīṃ diśam āśritāḥ // (24.2) Par.?

śūrasenā bhadrakārā bodhāḥ śālvāḥ paṭaccarāḥ / (25.1) Par.?

sustharāśca sukuṭṭāśca kuṇindāḥ kuntibhiḥ saha // (25.2) Par.?

śālveyānāṃ ca rājānaḥ sodaryānucaraiḥ saha / (26.1) Par.?

dakṣiṇā ye ca pāñcālāḥ pūrvāḥ kuntiṣu kośalāḥ // (26.2) Par.?

tathottarāṃ diśaṃ cāpi parityajya bhayārditāḥ / (27.1) Par.?

matsyāḥ saṃnyastapādāśca dakṣiṇāṃ diśam āśritāḥ // (27.2) Par.?

tathaiva sarvapāñcālā jarāsaṃdhabhayārditāḥ / (28.1) Par.?

svarāṣṭraṃ samparityajya vidrutāḥ sarvatodiśam / (28.2) Par.?

*agrato hyasya pāñcālāstatrānīke mahātmanaḥ / (28.3) Par.?

*anirgate sārabale māgadhebhyo girivrajāt // (28.4) Par.?

kasyacit tvatha kālasya kaṃso nirmathya bāndhavān / (29.1) Par.?

bārhadrathasute devyāvupāgacchad vṛthāmatiḥ // (29.2) Par.?

astiḥ prāptiśca nāmnā te sahadevānuje 'bale / (30.1) Par.?

balena tena sa jñātīn abhibhūya vṛthāmatiḥ // (30.2) Par.?

śraiṣṭhyaṃ prāptaḥ sa tasyāsīd atīvāpanayo mahān / (31.1) Par.?

bhojarājanyavṛddhaistu pīḍyamānair durātmanā // (31.2) Par.?

jñātitrāṇam abhīpsadbhir asmatsaṃbhāvanā kṛtā / (32.1) Par.?

dattvākrūrāya sutanuṃ tām āhukasutāṃ tadā // (32.2) Par.?

saṃkarṣaṇadvitīyena jñātikāryaṃ mayā kṛtam / (33.1) Par.?

hatau kaṃsasunāmānau mayā rāmeṇa cāpyuta / (33.2) Par.?

*hatvā kaṃsaṃ tathaivājau jarāsaṃdhasya bibhyatā / (33.3) Par.?

*mayā rāmeṇa cānyatra jñātayaḥ paripālitāḥ // (33.4) Par.?

bhaye tu samupakrānte jarāsaṃdhe samudyate / (34.1) Par.?

mantro 'yaṃ mantrito rājan kulair aṣṭādaśāvaraiḥ // (34.2) Par.?

anāramanto nighnanto mahāstraiḥ śataghātibhiḥ / (35.1) Par.?

na hanyāma vayaṃ tasya tribhir varṣaśatair balam // (35.2) Par.?

tasya hyamarasaṃkāśau balena balināṃ varau / (36.1) Par.?

nāmabhyāṃ haṃsaḍibhakāvityāstāṃ yodhasattamau // (36.2) Par.?

tāvubhau sahitau vīrau jarāsaṃdhaśca vīryavān / (37.1) Par.?

trayastrayāṇāṃ lokānāṃ paryāptā iti me matiḥ // (37.2) Par.?

na hi kevalam asmākaṃ yāvanto 'nye ca pārthivāḥ / (38.1) Par.?

tathaiva teṣām āsīcca buddhir buddhimatāṃ vara / (38.2) Par.?

*aṣṭādaśa mayā tasya saṃgrāmā romaharṣaṇaḥ / (38.3) Par.?

*dattā na ca hato rājañ jarāsaṃdho mahābalaḥ // (38.4) Par.?

atha haṃsa iti khyātaḥ kaścid āsīnmahānnṛpaḥ / (39.1) Par.?

sa cānyaiḥ sahito rājan saṃgrāme 'ṣṭādaśāvaraiḥ // (39.2) Par.?

hato haṃsa iti proktam atha kenāpi bhārata / (40.1) Par.?

tacchrutvā ḍibhako rājan yamunāmbhasyamajjata // (40.2) Par.?

vinā haṃsena loke 'sminnāhaṃ jīvitum utsahe / (41.1) Par.?

ityetāṃ matim āsthāya ḍibhako nidhanaṃ gataḥ // (41.2) Par.?

tathā tu ḍibhakaṃ śrutvā haṃsaḥ parapuraṃjayaḥ / (42.1) Par.?

prapede yamunām eva so 'pi tasyāṃ nyamajjata // (42.2) Par.?

tau sa rājā jarāsaṃdhaḥ śrutvāpsu nidhanaṃ gatau / (43.1) Par.?

svapuraṃ śūrasenānāṃ prayayau bharatarṣabha // (43.2) Par.?

tato vayam amitraghna tasmin pratigate nṛpe / (44.1) Par.?

punar ānanditāḥ sarve mathurāyāṃ vasāmahe // (44.2) Par.?

yadā tvabhyetya pitaraṃ sā vai rājīvalocanā / (45.1) Par.?

kaṃsabhāryā jarāsaṃdhaṃ duhitā māgadhaṃ nṛpam // (45.2) Par.?

codayatyeva rājendra pativyasanaduḥkhitā / (46.1) Par.?

patighnaṃ me jahītyevaṃ punaḥ punar ariṃdama // (46.2) Par.?

tato vayaṃ mahārāja taṃ mantraṃ pūrvamantritam / (47.1) Par.?

saṃsmaranto vimanaso vyapayātā narādhipa // (47.2) Par.?

pṛthaktvena drutā rājan saṃkṣipya mahatīṃ śriyam / (48.1) Par.?

prapatāmo bhayāt tasya sadhanajñātibāndhavāḥ // (48.2) Par.?

iti saṃcintya sarve sma pratīcīṃ diśam āśritāḥ / (49.1) Par.?

kuśasthalīṃ purīṃ ramyāṃ raivatenopaśobhitām // (49.2) Par.?

punar niveśanaṃ tasyāṃ kṛtavanto vayaṃ nṛpa / (50.1) Par.?

tathaiva durgasaṃskāraṃ devair api durāsadam // (50.2) Par.?

striyo 'pi yasyāṃ yudhyeyuḥ kiṃ punar vṛṣṇipuṃgavāḥ / (51.1) Par.?

tasyāṃ vayam amitraghna nivasāmo 'kutobhayāḥ // (51.2) Par.?

ālokya girimukhyaṃ taṃ mādhavītīrtham eva ca / (52.1) Par.?

mādhavāḥ kuruśārdūla parāṃ mudam avāpnuvan // (52.2) Par.?

evaṃ vayaṃ jarāsaṃdhād āditaḥ kṛtakilbiṣāḥ / (53.1) Par.?

sāmarthyavantaḥ saṃbandhād bhavantaṃ samupāśritāḥ // (53.2) Par.?

triyojanāyataṃ sadma triskandhaṃ yojanād adhi / (54.1) Par.?

yojanānte śatadvāraṃ vikramakramatoraṇam / (54.2) Par.?

aṣṭādaśāvarair naddhaṃ kṣatriyair yuddhadurmadaiḥ // (54.3) Par.?

aṣṭādaśa sahasrāṇi vrātānāṃ santi naḥ kule / (55.1) Par.?

āhukasya śataṃ putrā ekaikastriśatāvaraḥ // (55.2) Par.?

cārudeṣṇaḥ saha bhrātrā cakradevo 'tha sātyakiḥ / (56.1) Par.?

ahaṃ ca rauhiṇeyaśca sāmbaḥ śaurisamo yudhi // (56.2) Par.?

evam ete rathāḥ sapta rājann anyānnibodha me / (57.1) Par.?

kṛtavarmā anādhṛṣṭiḥ samīkaḥ samitiṃjayaḥ // (57.2) Par.?

kahvaḥ śaṅkur nidāntaśca saptaivaite mahārathāḥ / (58.1) Par.?

*pradyumnaścāniruddhaśca bhānur akrūrasāraṇau / (58.2) Par.?

*niśaṭhaśca gadaścaiva sapta caite mahārathāḥ / (58.3) Par.?

*vitadrur jhallibabhrū ca uddhavo 'tha viḍūrathaḥ / (58.4) Par.?

*vasudevograsenau ca saptaite mantripuṃgavāḥ / (58.5) Par.?

*prasenajicca yamalo rājarājaguṇānvitaḥ / (58.6) Par.?

*syamantako maṇir yasya rukmaṃ nisravate bahu / (58.7) Par.?

putrau cāndhakabhojasya vṛddho rājā ca te daśa // (58.8) Par.?

lokasaṃhananā vīrā vīryavanto mahābalāḥ / (59.1) Par.?

smaranto madhyamaṃ deśaṃ vṛṣṇimadhye gatavyathāḥ / (59.2) Par.?

*śrībhagavān / (59.3) Par.?

*pāṇḍavaiścāpi satataṃ nāthavanto vayaṃ nṛpa // (59.4) Par.?

sa tvaṃ samrāḍguṇair yuktaḥ sadā bharatasattama / (60.1) Par.?

kṣatre samrājam ātmānaṃ kartum arhasi bhārata / (60.2) Par.?

*duryodhanaṃ śāṃtanavaṃ droṇaṃ droṇāyaniṃ kṛpam / (60.3) Par.?

*karṇaṃ ca śiśupālaṃ ca rukmiṇaṃ ca dhanurdharam / (60.4) Par.?

*ekalavyaṃ drumaṃ śvetaṃ śalyaṃ śakunim eva ca / (60.5) Par.?

*etān ajitvā saṃgrāme kathaṃ śaknoṣi taṃ kratum / (60.6) Par.?

*athaite gauraveṇaiva na yotsyanti narādhipāḥ / (60.7) Par.?

*ekastatra balonmattaḥ karṇo vaikartano vṛṣā / (60.8) Par.?

*yotsyate sa balāmarṣī divyāstrabalagarvitaḥ // (60.9) Par.?

na tu śakyaṃ jarāsaṃdhe jīvamāne mahābale / (61.1) Par.?

rājasūyastvayā prāptum eṣā rājanmatir mama // (61.2) Par.?

tena ruddhā hi rājānaḥ sarve jitvā girivraje / (62.1) Par.?

kandarāyāṃ girīndrasya siṃheneva mahādvipāḥ // (62.2) Par.?

so 'pi rājā jarāsaṃdho yiyakṣur vasudhādhipaiḥ / (63.1) Par.?

*mahādevaṃ mahātmānam umāpatim ariṃdama / (63.2) Par.?

*abhiṣiktaiśca rājanyaiḥ sahasrair uta cāṣṭabhiḥ / (63.3) Par.?

ārādhya hi mahādevaṃ nirjitāstena pārthivāḥ / (63.4) Par.?

*pratijñāyāśca pāraṃ sa gataḥ kṣatriyapuṃgavaḥ // (63.5) Par.?

sa hi nirjitya nirjitya pārthivān pṛtanāgatān / (64.1) Par.?

puram ānīya baddhvā ca cakāra puruṣavrajam // (64.2) Par.?

vayaṃ caiva mahārāja jarāsaṃdhabhayāt tadā / (65.1) Par.?

mathurāṃ samparityajya gatā dvāravatīṃ purīm / (65.2) Par.?

*nivasāma tathādyāpi sadhanajñātibāndhavāḥ / (65.3) Par.?

*kaṃsahetor hi yad vairaṃ māgadhasya mayā saha / (65.4) Par.?

*pāraṃ gatvā sa tasyājau yiyakṣur devam uttamam // (65.5) Par.?

yadi tvenaṃ mahārāja yajñaṃ prāptum ihecchasi / (66.1) Par.?

yatasva teṣāṃ mokṣāya jarāsaṃdhavadhāya ca // (66.2) Par.?

samārambho hi śakyo 'yaṃ nānyathā kurunandana / (67.1) Par.?

rājasūyasya kārtsnyena kartuṃ matimatāṃ vara / (67.2) Par.?

*jarāsaṃdhavadhopāyaścintyatāṃ bharatarṣabha / (67.3) Par.?

*tasmiñjite jitaṃ sarvaṃ sakalaṃ pārthivaṃ balam // (67.4) Par.?

ityeṣā me matī rājan yathā vā manyase 'nagha / (68.1) Par.?

evaṃ gate mamācakṣva svayaṃ niścitya hetubhiḥ // (68.2) Par.?

Duration=0.26417183876038 secs.