Texts

Help

Select a text:
Bibliography

Select a chapter:
(no revisions)
Show parallels Show headlines
Use dependency labeler

Chapter id: 2460

Click on a sentence to show its analysis
Keep the mouse pointer over a lemma to show its meanings.

vaiśampāyana uvāca / (1.1) Par.?

gate tu vidure rājann āśramaṃ pāṇḍavān prati / (1.2) Par.?

dhṛtarāṣṭro mahāprājñaḥ paryatapyata bhārata // (1.3) Par.?

sa sabhādvāram āgamya vidurasmāramohitaḥ / (2.1) Par.?

samakṣaṃ pārthivendrāṇāṃ papātāviṣṭacetanaḥ // (2.2) Par.?

sa tu labdhvā punaḥ saṃjñāṃ samutthāya mahītalāt / (3.1) Par.?

samīpopasthitaṃ rājā saṃjayaṃ vākyam abravīt // (3.2) Par.?

bhrātā mama suhṛc caiva sākṣād dharma ivāparaḥ / (4.1) Par.?

tasya smṛtvādya subhṛśaṃ hṛdayaṃ dīryatīva me // (4.2) Par.?

tam ānayasva dharmajñaṃ mama bhrātaram āśu vai / (5.1) Par.?

iti bruvan sa nṛpatiḥ karuṇaṃ paryadevayat // (5.2) Par.?

paścāttāpābhisaṃtapto vidurasmārakarśitaḥ / (6.1) Par.?

bhrātṛsnehād idaṃ rājan saṃjayaṃ vākyam abravīt // (6.2) Par.?

gaccha saṃjaya jānīhi bhrātaraṃ viduraṃ mama / (7.1) Par.?

yadi jīvati roṣeṇa mayā pāpena nirdhutaḥ // (7.2) Par.?

na hi tena mama bhrātrā susūkṣmam api kiṃcana / (8.1) Par.?

vyalīkaṃ kṛtapūrvaṃ me prājñenāmitabuddhinā // (8.2) Par.?

sa vyalīkaṃ kathaṃ prāpto mattaḥ paramabuddhimān / (9.1) Par.?

na jahyājjīvitaṃ prājñas taṃ gacchānaya saṃjaya // (9.2) Par.?

tasya tad vacanaṃ śrutvā rājñas tam anumānya ca / (10.1) Par.?

saṃjayo bāḍham ity uktvā prādravat kāmyakaṃ vanam // (10.2) Par.?

so 'cireṇa samāsādya tad vanaṃ yatra pāṇḍavāḥ / (11.1) Par.?

rauravājinasaṃvītaṃ dadarśātha yudhiṣṭhiram // (11.2) Par.?

vidureṇa sahāsīnaṃ brāhmaṇaiś ca sahasraśaḥ / (12.1) Par.?

bhrātṛbhiś cābhisaṃguptaṃ devair iva śatakratum // (12.2) Par.?

yudhiṣṭhiram athābhyetya pūjayāmāsa saṃjayaḥ / (13.1) Par.?

bhīmārjunayamāṃś cāpi tadarhaṃ pratyapadyata // (13.2) Par.?

rājñā pṛṣṭaḥ sa kuśalaṃ sukhāsīnaś ca saṃjayaḥ / (14.1) Par.?

śaśaṃsāgamane hetum idaṃ caivābravīd vacaḥ // (14.2) Par.?

rājā smarati te kṣattar dhṛtarāṣṭro 'mbikāsutaḥ / (15.1) Par.?

taṃ paśya gatvā tvaṃ kṣipraṃ saṃjīvaya ca pārthivam // (15.2) Par.?

so 'numānya naraśreṣṭhān pāṇḍavān kurunandanān / (16.1) Par.?

niyogād rājasiṃhasya gantum arhasi mānada // (16.2) Par.?

evam uktas tu viduro dhīmān svajanavatsalaḥ / (17.1) Par.?

yudhiṣṭhirasyānumate punar āyād gajāhvayam // (17.2) Par.?

tam abravīn mahāprājñaṃ dhṛtarāṣṭraḥ pratāpavān / (18.1) Par.?

diṣṭyā prāpto 'si dharmajña diṣṭyā smarasi me 'nagha // (18.2) Par.?

adya rātrau divā cāhaṃ tvatkṛte bharatarṣabha / (19.1) Par.?

prajāgare prapaśyāmi vicitraṃ deham ātmanaḥ // (19.2) Par.?

so 'ṅkam ādāya viduraṃ mūrdhnyupāghrāya caiva ha / (20.1) Par.?

kṣamyatām iti covāca yad ukto 'si mayā ruṣā // (20.2) Par.?

vidura uvāca / (21.1) Par.?

kṣāntam eva mayā rājan gurur naḥ paramo bhavān / (21.2) Par.?

tathā hyasmy āgataḥ kṣipraṃ tvaddarśanaparāyaṇaḥ // (21.3) Par.?

bhavanti hi naravyāghra puruṣā dharmacetasaḥ / (22.1) Par.?

dīnābhipātino rājan nātra kāryā vicāraṇā // (22.2) Par.?

pāṇḍoḥ sutā yādṛśā me tādṛśā me sutās tava / (23.1) Par.?

dīnā iti hi me buddhir abhipannādya tān prati // (23.2) Par.?

vaiśampāyana uvāca / (24.1) Par.?

anyonyam anunīyaivaṃ bhrātarau tau mahādyutī / (24.2) Par.?

viduro dhṛtarāṣṭraś ca lebhāte paramāṃ mudam // (24.3) Par.?

Duration=0.069233894348145 secs.