Texts

vaiśampāyana uvāca / (1.1) Par.?

tasmin daśārhādhipatau prayāte yudhiṣṭhiro bhīmasenārjunau ca / (1.2) Par.?

yamau ca kṛṣṇā ca purohitaś ca rathān mahārhān paramāśvayuktān // (1.3) Par.?

āsthāya vīrāḥ sahitā vanāya pratasthire bhūtapatiprakāśāḥ / (2.1) Par.?

hiraṇyaniṣkān vasanāni gāś ca pradāya śikṣākṣaramantravidbhyaḥ // (2.2) Par.?

preṣyāḥ puro viṃśatir āttaśastrā dhanūṃṣi varmāṇi śarāṃś ca pītān / (3.1) Par.?

maurvīś ca yantrāṇi ca sāyakāṃś ca sarve samādāya jaghanyam īyuḥ // (3.2) Par.?

tatas tu vāsāṃsi ca rājaputryā dhātryaś ca dāsyaś ca vibhūṣaṇaṃ ca / (4.1) Par.?

tad indrasenas tvaritaṃ pragṛhya jaghanyam evopayayau rathena // (4.2) Par.?

tataḥ kuruśreṣṭham upetya paurāḥ pradakṣiṇaṃ cakrur adīnasattvāḥ / (5.1) Par.?

taṃ brāhmaṇāś cābhyavadan prasannā mukhyāś ca sarve kurujāṅgalānām // (5.2) Par.?

sa cāpi tān abhyavadat prasannaḥ sahaiva tair bhrātṛbhir dharmarājaḥ / (6.1) Par.?

tasthau ca tatrādhipatir mahātmā dṛṣṭvā janaughaṃ kurujāṅgalānām // (6.2) Par.?

piteva putreṣu sa teṣu bhāvaṃ cakre kurūṇām ṛṣabho mahātmā / (7.1) Par.?

te cāpi tasmin bharataprabarhe tadā babhūvuḥ pitarīva putrāḥ // (7.2) Par.?

tataḥ samāsādya mahājanaughāḥ kurupravīraṃ parivārya tasthuḥ / (8.1) Par.?

hā nātha hā dharma iti bruvanto hriyā ca sarve 'śrumukhā babhūvuḥ // (8.2) Par.?

varaḥ kurūṇām adhipaḥ prajānāṃ piteva putrān apahāya cāsmān / (9.1) Par.?

paurān imāñjānapadāṃś ca sarvān hitvā prayātaḥ kva nu dharmarājaḥ // (9.2) Par.?

dhig dhārtarāṣṭraṃ sunṛśaṃsabuddhiṃ sasaubalaṃ pāpamatiṃ ca karṇam / (10.1) Par.?

anartham icchanti narendra pāpā ye dharmanityasya satas tavogrāḥ // (10.2) Par.?

svayaṃ niveśyāpratimaṃ mahātmā puraṃ mahad devapuraprakāśam / (11.1) Par.?

śatakratuprastham amoghakarmā hitvā prayātaḥ kva nu dharmarājaḥ // (11.2) Par.?

cakāra yām apratimāṃ mahātmā sabhāṃ mayo devasabhāprakāśām / (12.1) Par.?

tāṃ devaguptām iva devamāyāṃ hitvā prayātaḥ kva nu dharmarājaḥ // (12.2) Par.?

tān dharmakāmārthavid uttamaujā bībhatsur uccaiḥ sahitān uvāca / (13.1) Par.?

ādāsyate vāsam imaṃ niruṣya vaneṣu rājā dviṣatāṃ yaśāṃsi // (13.2) Par.?

dvijātimukhyāḥ sahitāḥ pṛthak ca bhavadbhir āsādya tapasvinaś ca / (14.1) Par.?

prasādya dharmārthavidaś ca vācyā yathārthasiddhiḥ paramā bhavennaḥ // (14.2) Par.?

ity evam ukte vacane 'rjunena te brāhmaṇāḥ sarvavarṇāś ca rājan / (15.1) Par.?

mudābhyanandan sahitāś ca cakruḥ pradakṣiṇaṃ dharmabhṛtāṃ variṣṭham // (15.2) Par.?

āmantrya pārthaṃ ca vṛkodaraṃ ca dhanaṃjayaṃ yājñasenīṃ yamau ca / (16.1) Par.?

pratasthire rāṣṭram apetaharṣā yudhiṣṭhireṇānumatā yathāsvam // (16.2) Par.?