Texts

Help

Select a text:
Bibliography

Select a chapter:
(no revisions)
Show parallels Show headlines
Use dependency labeler

Chapter id: 2626

Click on a sentence to show its analysis
Keep the mouse pointer over a lemma to show its meanings.

vaiśampāyana uvāca / (1.1) Par.?

tataḥ prayātaḥ kaunteyaḥ krameṇa bharatarṣabha / (1.2) Par.?

nandām aparanandāṃ ca nadyau pāpabhayāpahe // (1.3) Par.?

sa parvataṃ samāsādya hemakūṭam anāmayam / (2.1) Par.?

acintyān adbhutān bhāvān dadarśa subahūn nṛpaḥ // (2.2) Par.?

vāco yatrābhavan meghā upalāśca sahasraśaḥ / (3.1) Par.?

nāśaknuvaṃs tam āroḍhuṃ viṣaṇṇamanaso janāḥ // (3.2) Par.?

vāyur nityaṃ vavau yatra nityaṃ devaśca varṣati / (4.1) Par.?

sāyaṃ prātaśca bhagavān dṛśyate havyavāhanaḥ // (4.2) Par.?

evaṃ bahuvidhān bhāvān adbhutān vīkṣya pāṇḍavaḥ / (5.1) Par.?

lomaśaṃ punar eva sma paryapṛcchat tad adbhutam // (5.2) Par.?

lomaśa uvāca / (6.1) Par.?

yathāśrutam idaṃ pūrvam asmābhir arikarśana / (6.2) Par.?

tad ekāgramanā rājan nibodha gadato mama // (6.3) Par.?

asminn ṛṣabhakūṭe 'bhūd ṛṣabho nāma tāpasaḥ / (7.1) Par.?

anekaśatavarṣāyus tapasvī kopano bhṛśam // (7.2) Par.?

sa vai saṃbhāṣyamāṇo 'nyaiḥ kopād girim uvāca ha / (8.1) Par.?

ya iha vyāharet kaścid upalān utsṛjes tadā // (8.2) Par.?

vātaṃ cāhūya mā śabdam ityuvāca sa tāpasaḥ / (9.1) Par.?

vyāharaṃś caiva puruṣo meghena vinivāryate // (9.2) Par.?

evam etāni karmāṇi rājaṃs tena maharṣiṇā / (10.1) Par.?

kṛtāni kānicit kopāt pratiṣiddhāni kānicit // (10.2) Par.?

nandām abhigatān devān purā rājann iti śrutiḥ / (11.1) Par.?

anvapadyanta sahasā puruṣā devadarśinaḥ // (11.2) Par.?

te darśanam anicchanto devāḥ śakrapurogamāḥ / (12.1) Par.?

durgaṃ cakrur imaṃ deśaṃ giripratyūharūpakam // (12.2) Par.?

tadāprabhṛti kaunteya narā girim imaṃ sadā / (13.1) Par.?

nāśaknuvan abhidraṣṭuṃ kuta evādhirohitum // (13.2) Par.?

nātaptatapasā śakyo draṣṭum eṣa mahāgiriḥ / (14.1) Par.?

āroḍhuṃ vāpi kaunteya tasmān niyatavāg bhava // (14.2) Par.?

iha devāḥ sadā sarve yajñān ājahrur uttamān / (15.1) Par.?

teṣām etāni liṅgāni dṛśyante 'dyāpi bhārata // (15.2) Par.?

kuśākāreva dūrveyaṃ saṃstīrṇeva ca bhūr iyam / (16.1) Par.?

yūpaprakārā bahavo vṛkṣāśceme viśāṃ pate // (16.2) Par.?

devāśca ṛṣayaścaiva vasantyadyāpi bhārata / (17.1) Par.?

teṣāṃ sāyaṃ tathā prātardṛśyate havyavāhanaḥ // (17.2) Par.?

ihāplutānāṃ kaunteya sadyaḥ pāpmā vihanyate / (18.1) Par.?

kuruśreṣṭhābhiṣekaṃ vai tasmāt kuru sahānujaḥ // (18.2) Par.?

tato nandāplutāṅgas tvaṃ kauśikīm abhiyāsyasi / (19.1) Par.?

viśvāmitreṇa yatrograṃ tapas taptam anuttamam // (19.2) Par.?

vaiśampāyana uvāca / (20.1) Par.?

tatastatra samāplutya gātrāṇi sagaṇo nṛpaḥ / (20.2) Par.?

jagāma kauśikīṃ puṇyāṃ ramyāṃ śivajalāṃ nadīm // (20.3) Par.?

Duration=0.092193126678467 secs.