Texts

Help

Select a text:
Bibliography

Select a chapter:
(no revisions)
Show parallels Show headlines
Use dependency labeler

Chapter id: 2596

Click on a sentence to show its analysis
Keep the mouse pointer over a lemma to show its meanings.

lomaśa uvāca / (1.1) Par.?

dhanaṃjayena cāpyuktaṃ yat tacchṛṇu yudhiṣṭhira / (1.2) Par.?

yudhiṣṭhiraṃ bhrātaraṃ me yojayer dharmyayā śriyā // (1.3) Par.?

tvaṃ hi dharmān parān vettha tapāṃsi ca tapodhana / (2.1) Par.?

śrīmatāṃ cāpi jānāsi rājñāṃ dharmaṃ sanātanam // (2.2) Par.?

sa bhavān yat paraṃ veda pāvanaṃ puruṣān prati / (3.1) Par.?

tena saṃyojayethās tvaṃ tīrthapuṇyena pāṇḍavam // (3.2) Par.?

yathā tīrthāni gaccheta gāś ca dadyāt sa pārthivaḥ / (4.1) Par.?

tathā sarvātmanā kāryam iti māṃ vijayo 'bravīt // (4.2) Par.?

bhavatā cānugupto 'sau caret tīrthāni sarvaśaḥ / (5.1) Par.?

rakṣobhyo rakṣitavyaś ca durgeṣu viṣameṣu ca // (5.2) Par.?

dadhīca iva devendraṃ yathā cāpyaṅgirā ravim / (6.1) Par.?

tathā rakṣasva kaunteyaṃ rākṣasebhyo dvijottama // (6.2) Par.?

yātudhānā hi bahavo rākṣasāḥ parvatopamāḥ / (7.1) Par.?

tvayābhiguptān kaunteyān nātivarteyur antikāt // (7.2) Par.?

so 'ham indrasya vacanānniyogād arjunasya ca / (8.1) Par.?

rakṣamāṇo bhayebhyas tvāṃ cariṣyāmi tvayā saha // (8.2) Par.?

dvis tīrthāni mayā pūrvaṃ dṛṣṭāni kurunandana / (9.1) Par.?

idaṃ tṛtīyaṃ drakṣyāmi tāny eva bhavatā saha // (9.2) Par.?

iyaṃ rājarṣibhir yātā puṇyakṛdbhir yudhiṣṭhira / (10.1) Par.?

manvādibhir mahārāja tīrthayātrā bhayāpahā // (10.2) Par.?

nānṛjur nākṛtātmā ca nāvaidyo na ca pāpakṛt / (11.1) Par.?

snāti tīrtheṣu kauravya na ca vakramatir naraḥ // (11.2) Par.?

tvaṃ tu dharmamatir nityaṃ dharmajñaḥ satyasaṃgaraḥ / (12.1) Par.?

vimuktaḥ sarvapāpebhyo bhūya eva bhaviṣyasi // (12.2) Par.?

yathā bhagīratho rājā rājānaś ca gayādayaḥ / (13.1) Par.?

yathā yayātiḥ kaunteya tathā tvam api pāṇḍava // (13.2) Par.?

yudhiṣṭhira uvāca / (14.1) Par.?

na harṣāt samprapaśyāmi vākyasyāsyottaraṃ kvacit / (14.2) Par.?

smareddhi devarājo yaṃ kiṃ nāmābhyadhikaṃ tataḥ // (14.3) Par.?

bhavatā saṃgamo yasya bhrātā yasya dhanaṃjayaḥ / (15.1) Par.?

vāsavaḥ smarate yasya ko nāmābhyadhikas tataḥ // (15.2) Par.?

yacca māṃ bhagavān āha tīrthānāṃ darśanaṃ prati / (16.1) Par.?

dhaumyasya vacanād eṣā buddhiḥ pūrvaṃ kṛtaiva me // (16.2) Par.?

tad yadā manyase brahman gamanaṃ tīrthadarśane / (17.1) Par.?

tadaiva gantāsmi dṛḍham eṣa me niścayaḥ paraḥ // (17.2) Par.?

vaiśampāyana uvāca / (18.1) Par.?

gamane kṛtabuddhiṃ taṃ pāṇḍavaṃ lomaśo 'bravīt / (18.2) Par.?

laghur bhava mahārāja laghuḥ svairaṃ gamiṣyasi // (18.3) Par.?

yudhiṣṭhira uvāca / (19.1) Par.?

bhikṣābhujo nivartantāṃ brāhmaṇā yatayaś ca ye / (19.2) Par.?

ye cāpyanugatāḥ paurā rājabhaktipuraskṛtāḥ // (19.3) Par.?

dhṛtarāṣṭraṃ mahārājam abhigacchantu caiva te / (20.1) Par.?

sa dāsyati yathākālam ucitā yasya yā bhṛtiḥ // (20.2) Par.?

sa ced yathocitāṃ vṛttiṃ na dadyānmanujeśvaraḥ / (21.1) Par.?

asmatpriyahitārthāya pāñcālyo vaḥ pradāsyati // (21.2) Par.?

vaiśampāyana uvāca / (22.1) Par.?

tato bhūyiṣṭhaśaḥ paurā gurubhārasamāhitāḥ / (22.2) Par.?

viprāś ca yatayo yuktā jagmur nāgapuraṃ prati // (22.3) Par.?

tān sarvān dharmarājasya premṇā rājāmbikāsutaḥ / (23.1) Par.?

pratijagrāha vidhivad dhanaiś ca samatarpayat // (23.2) Par.?

tataḥ kuntīsuto rājā laghubhir brāhmaṇaiḥ saha / (24.1) Par.?

lomaśena ca suprītas trirātraṃ kāmyake 'vasat // (24.2) Par.?

Duration=0.18808698654175 secs.