Texts

rāma uvāca / (1.1) Par.?

mamāparādhāt taiḥ kṣudrair hatas tvaṃ tāta bāliśaiḥ / (1.2) Par.?

kārtavīryasya dāyādair vane mṛga iveṣubhiḥ // (1.3) Par.?

dharmajñasya kathaṃ tāta vartamānasya satpathe / (2.1) Par.?

mṛtyur evaṃvidho yuktaḥ sarvabhūteṣvanāgasaḥ // (2.2) Par.?

kiṃ nu tair na kṛtaṃ pāpaṃ yair bhavāṃstapasi sthitaḥ / (3.1) Par.?

ayudhyamāno vṛddhaḥ san hataḥ śaraśataiḥ śitaiḥ // (3.2) Par.?

kiṃ nu te tatra vakṣyanti saciveṣu suhṛtsu ca / (4.1) Par.?

ayudhyamānaṃ dharmajñam ekaṃ hatvānapatrapāḥ // (4.2) Par.?

akṛtavraṇa uvāca / (5.1) Par.?

vilapyaivaṃ sa karuṇaṃ bahu nānāvidhaṃ nṛpa / (5.2) Par.?

pretakāryāṇi sarvāṇi pituś cakre mahātapāḥ // (5.3) Par.?

dadāha pitaraṃ cāgnau rāmaḥ parapuraṃjayaḥ / (6.1) Par.?

pratijajñe vadhaṃ cāpi sarvakṣatrasya bhārata // (6.2) Par.?

saṃkruddho 'tibalaḥ śūraḥ śastram ādāya vīryavān / (7.1) Par.?

jaghnivān kārtavīryasya sutān eko 'ntakopamaḥ // (7.2) Par.?

teṣāṃ cānugatā ye ca kṣatriyāḥ kṣatriyarṣabha / (8.1) Par.?

tāṃśca sarvān avāmṛdnād rāmaḥ praharatāṃ varaḥ // (8.2) Par.?

triḥsaptakṛtvaḥ pṛthivīṃ kṛtvā niḥkṣatriyāṃ prabhuḥ / (9.1) Par.?

samantapañcake pañca cakāra rudhirahradān // (9.2) Par.?

sa teṣu tarpayāmāsa pitṝn bhṛgukulodvahaḥ / (10.1) Par.?

sākṣād dadarśa carcīkaṃ sa ca rāmaṃ nyavārayat // (10.2) Par.?

tato yajñena mahatā jāmadagnyaḥ pratāpavān / (11.1) Par.?

tarpayāmāsa devendram ṛtvigbhyaś ca mahīṃ dadau // (11.2) Par.?

vedīṃ cāpyadadaddhaimīṃ kaśyapāya mahātmane / (12.1) Par.?

daśavyāmāyatāṃ kṛtvā navotsedhāṃ viśāṃ pate // (12.2) Par.?

tāṃ kaśyapasyānumate brāhmaṇāḥ khaṇḍaśas tadā / (13.1) Par.?

vyabhajaṃs tena te rājan prakhyātāḥ khāṇḍavāyanāḥ // (13.2) Par.?

sa pradāya mahīṃ tasmai kaśyapāya mahātmane / (14.1) Par.?

asmin mahendre śailendre vasatyamitavikramaḥ // (14.2) Par.?

evaṃ vairam abhūt tasya kṣatriyair lokavāsibhiḥ / (15.1) Par.?

pṛthivī cāpi vijitā rāmeṇāmitatejasā // (15.2) Par.?

vaiśampāyana uvāca / (16.1) Par.?

tataś caturdaśīṃ rāmaḥ samayena mahāmanāḥ / (16.2) Par.?

darśayāmāsa tān viprān dharmarājaṃ ca sānujam // (16.3) Par.?

sa tam ānarca rājendro bhrātṛbhiḥ sahitaḥ prabhuḥ / (17.1) Par.?

dvijānāṃ ca parāṃ pūjāṃ cakre nṛpatisattamaḥ // (17.2) Par.?

arcayitvā jāmadagnyaṃ pūjitastena cābhibhūḥ / (18.1) Par.?

mahendra uṣya tāṃ rātriṃ prayayau dakṣiṇāmukhaḥ // (18.2) Par.?