Texts

Help

Select a text:
Bibliography

Select a chapter:
(no revisions)
Show parallels Show headlines
Use dependency labeler

Chapter id: 2644

Click on a sentence to show its analysis
Keep the mouse pointer over a lemma to show its meanings.

lomaśa uvāca / (1.1) Par.?

nṛgeṇa yajamānena someneha puraṃdaraḥ / (1.2) Par.?

tarpitaḥ śrūyate rājan sa tṛpto madam abhyagāt // (1.3) Par.?

iha devaiḥ sahendrair hi prajāpatibhir eva ca / (2.1) Par.?

iṣṭaṃ bahuvidhair yajñair mahadbhir bhūridakṣiṇaiḥ // (2.2) Par.?

āmūrtarayasaś ceha rājā vajradharaṃ prabhum / (3.1) Par.?

tarpayāmāsa somena hayamedheṣu saptasu // (3.2) Par.?

tasya saptasu yajñeṣu sarvam āsīddhiraṇmayam / (4.1) Par.?

vānaspatyaṃ ca bhaumaṃ ca yad dravyaṃ niyataṃ makhe // (4.2) Par.?

teṣveva cāsya yajñeṣu prayogāḥ sapta viśrutāḥ / (5.1) Par.?

saptaikaikasya yūpasya caṣālāś copari sthitāḥ // (5.2) Par.?

tasya sma yūpān yajñeṣu bhrājamānān hiraṇmayān / (6.1) Par.?

svayam utthāpayāmāsur devāḥ sendrā yudhiṣṭhira // (6.2) Par.?

teṣu tasya makhāgryeṣu gayasya pṛthivīpateḥ / (7.1) Par.?

amādyad indraḥ somena dakṣiṇābhir dvijātayaḥ // (7.2) Par.?

sikatā vā yathā loke yathā vā divi tārakāḥ / (8.1) Par.?

yathā vā varṣato dhārā asaṃkhyeyāśca kenacit // (8.2) Par.?

tathaiva tad asaṃkhyeyaṃ dhanaṃ yat pradadau gayaḥ / (9.1) Par.?

sadasyebhyo mahārāja teṣu yajñeṣu saptasu // (9.2) Par.?

bhavet saṃkhyeyam etad vai yad etat parikīrtitam / (10.1) Par.?

na sā śakyā tu saṃkhyātuṃ dakṣiṇā dakṣiṇāvataḥ // (10.2) Par.?

hiraṇmayībhir gobhiś ca kṛtābhir viśvakarmaṇā / (11.1) Par.?

brāhmaṇāṃs tarpayāmāsa nānādigbhyaḥ samāgatān // (11.2) Par.?

alpāvaśeṣā pṛthivī caityair āsīn mahātmanaḥ / (12.1) Par.?

gayasya yajamānasya tatra tatra viśāṃ pate // (12.2) Par.?

sa lokān prāptavān aindrān karmaṇā tena bhārata / (13.1) Par.?

salokatāṃ tasya gacchet payoṣṇyāṃ ya upaspṛśet // (13.2) Par.?

tasmāt tvam atra rājendra bhrātṛbhiḥ sahito 'nagha / (14.1) Par.?

upaspṛśya mahīpāla dhūtapāpmā bhaviṣyasi // (14.2) Par.?

vaiśampāyana uvāca / (15.1) Par.?

sa payoṣṇyāṃ naraśreṣṭhaḥ snātvā vai bhrātṛbhiḥ saha / (15.2) Par.?

vaiḍūryaparvataṃ caiva narmadāṃ ca mahānadīm / (15.3) Par.?

samājagāma tejasvī bhrātṛbhiḥ sahito 'naghaḥ // (15.4) Par.?

tato 'sya sarvāṇyācakhyau lomaśo bhagavān ṛṣiḥ / (16.1) Par.?

tīrthāni ramaṇīyāni tatra tatra viśāṃ pate // (16.2) Par.?

yathāyogaṃ yathāprīti prayayau bhrātṛbhiḥ saha / (17.1) Par.?

dadamāno 'sakṛd vittaṃ brāhmaṇebhyaḥ sahasraśaḥ // (17.2) Par.?

lomaśa uvāca / (18.1) Par.?

devānām eti kaunteya tathā rājñāṃ salokatām / (18.2) Par.?

vaiḍūryaparvataṃ dṛṣṭvā narmadām avatīrya ca // (18.3) Par.?

saṃdhir eṣa naraśreṣṭha tretāyā dvāparasya ca / (19.1) Par.?

etam āsādya kaunteya sarvapāpaiḥ pramucyate // (19.2) Par.?

eṣa śaryātiyajñasya deśas tāta prakāśate / (20.1) Par.?

sākṣād yatrāpibat somam aśvibhyāṃ saha kauśikaḥ // (20.2) Par.?

cukopa bhārgavaścāpi mahendrasya mahātapāḥ / (21.1) Par.?

saṃstambhayāmāsa ca taṃ vāsavaṃ cyavanaḥ prabhuḥ / (21.2) Par.?

sukanyāṃ cāpi bhāryāṃ sa rājaputrīm ivāptavān // (21.3) Par.?

yudhiṣṭhira uvāca / (22.1) Par.?

kathaṃ viṣṭambhitas tena bhagavān pākaśāsanaḥ / (22.2) Par.?

kimarthaṃ bhārgavaś cāpi kopaṃ cakre mahātapāḥ // (22.3) Par.?

nāsatyau ca kathaṃ brahman kṛtavān somapīthinau / (23.1) Par.?

etat sarvaṃ yathāvṛttam ākhyātu bhagavān mama // (23.2) Par.?

Duration=0.085891008377075 secs.