Texts

Help

Select a text:
Bibliography

Select a chapter:
(no revisions)
Show parallels Show headlines
Use dependency labeler

Chapter id: 2668

Click on a sentence to show its analysis
Keep the mouse pointer over a lemma to show its meanings.

lomaśa uvāca / (1.1) Par.?

etasminn eva kāle tu bṛhaddyumno mahīpatiḥ / (1.2) Par.?

sattram āste mahābhāgo raibhyayājyaḥ pratāpavān // (1.3) Par.?

tena raibhyasya vai putrāvarvāvasuparāvasū / (2.1) Par.?

vṛtau sahāyau sattrārthe bṛhaddyumnena dhīmatā // (2.2) Par.?

tatra tau samanujñātau pitrā kaunteya jagmatuḥ / (3.1) Par.?

āśrame tvabhavad raibhyo bhāryā caiva parāvasoḥ // (3.2) Par.?

athāvalokako 'gacchad gṛhān ekaḥ parāvasuḥ / (4.1) Par.?

kṛṣṇājinena saṃvītaṃ dadarśa pitaraṃ vane // (4.2) Par.?

jaghanyarātre nidrāndhaḥ sāvaśeṣe tamasyapi / (5.1) Par.?

carantaṃ gahane 'raṇye mene sa pitaraṃ mṛgam // (5.2) Par.?

mṛgaṃ tu manyamānena pitā vai tena hiṃsitaḥ / (6.1) Par.?

akāmayānena tadā śarīratrāṇam icchatā // (6.2) Par.?

sa tasya pretakāryāṇi kṛtvā sarvāṇi bhārata / (7.1) Par.?

punar āgamya tat sattram abravīd bhrātaraṃ vacaḥ // (7.2) Par.?

idaṃ karma na śaktas tvaṃ voḍhum ekaḥ kathaṃcana / (8.1) Par.?

mayā tu hiṃsitas tāto manyamānena taṃ mṛgam // (8.2) Par.?

so 'smadarthe vrataṃ sādhu cara tvaṃ brahmahiṃsanam / (9.1) Par.?

samartho hyaham ekākī karma kartum idaṃ mune // (9.2) Par.?

arvāvasur uvāca / (10.1) Par.?

karotu vai bhavān sattraṃ bṛhaddyumnasya dhīmataḥ / (10.2) Par.?

brahmahatyāṃ cariṣye 'haṃ tvadarthaṃ niyatendriyaḥ // (10.3) Par.?

lomaśa uvāca / (11.1) Par.?

sa tasyā brahmahatyāyāḥ pāraṃ gatvā yudhiṣṭhira / (11.2) Par.?

arvāvasus tadā sattram ājagāma punar muniḥ // (11.3) Par.?

tataḥ parāvasur dṛṣṭvā bhrātaraṃ samupasthitam / (12.1) Par.?

bṛhaddyumnam uvācedaṃ vacanaṃ pariṣadgatam // (12.2) Par.?

eṣa te brahmahā yajñaṃ mā draṣṭuṃ praviśed iti / (13.1) Par.?

brahmahā prekṣitenāpi pīḍayet tvāṃ na saṃśayaḥ // (13.2) Par.?

preṣyair utsāryamāṇas tu rājann arvāvasus tadā / (14.1) Par.?

na mayā brahmahatyeyaṃ kṛtetyāha punaḥ punaḥ // (14.2) Par.?

ucyamāno 'sakṛt preṣyair brahmahann iti bhārata / (15.1) Par.?

naiva sa pratijānāti brahmahatyāṃ svayaṃ kṛtām / (15.2) Par.?

mama bhrātrā kṛtam idaṃ mayā tu parirakṣitam // (15.3) Par.?

prītāstasyābhavan devāḥ karmaṇārvāvasor nṛpa / (16.1) Par.?

taṃ te pravarayāmāsur nirāsuś ca parāvasum // (16.2) Par.?

tato devā varaṃ tasmai dadur agnipurogamāḥ / (17.1) Par.?

sa cāpi varayāmāsa pitur utthānam ātmanaḥ // (17.2) Par.?

anāgastvaṃ tathā bhrātuḥ pituś cāsmaraṇaṃ vadhe / (18.1) Par.?

bharadvājasya cotthānaṃ yavakrītasya cobhayoḥ // (18.2) Par.?

tataḥ prādurbabhūvus te sarva eva yudhiṣṭhira / (19.1) Par.?

athābravīd yavakrīto devān agnipurogamān // (19.2) Par.?

samadhītaṃ mayā brahma vratāni caritāni ca / (20.1) Par.?

kathaṃ nu raibhyaḥ śakto mām adhīyānaṃ tapasvinam / (20.2) Par.?

tathāyuktena vidhinā nihantum amarottamāḥ // (20.3) Par.?

devā ūcuḥ / (21.1) Par.?

maivaṃ kṛthā yavakrīta yathā vadasi vai mune / (21.2) Par.?

ṛte gurum adhītā hi sukhaṃ vedās tvayā purā // (21.3) Par.?

anena tu gurūn duḥkhāt toṣayitvā svakarmaṇā / (22.1) Par.?

kālena mahatā kleśād brahmādhigatam uttamam // (22.2) Par.?

lomaśa uvāca / (23.1) Par.?

yavakrītam athoktvaivaṃ devāḥ sāgnipurogamāḥ / (23.2) Par.?

saṃjīvayitvā tān sarvān punar jagmus triviṣṭapam // (23.3) Par.?

āśramas tasya puṇyo 'yaṃ sadāpuṣpaphaladrumaḥ / (24.1) Par.?

atroṣya rājaśārdūla sarvapāpaiḥ pramokṣyase // (24.2) Par.?

Duration=0.089904069900513 secs.