Texts

Help

Select a text:
Bibliography

Select a chapter:
(no revisions)
Show parallels Show headlines
Use dependency labeler

Chapter id: 2674

Click on a sentence to show its analysis
Keep the mouse pointer over a lemma to show its meanings.

vaiśampāyana uvāca / (1.1) Par.?

tataḥ prayātamātreṣu pāṇḍaveṣu mahātmasu / (1.2) Par.?

padbhyām anucitā gantuṃ draupadī samupāviśat // (1.3) Par.?

śrāntā duḥkhaparītā ca vātavarṣeṇa tena ca / (2.1) Par.?

saukumāryācca pāñcālī saṃmumoha yaśasvinī // (2.2) Par.?

sā pātyamānā mohena bāhubhyām asitekṣaṇā / (3.1) Par.?

vṛttābhyām anurūpābhyām ūrū samavalambata // (3.2) Par.?

ālambamānā sahitāvūrū gajakaropamau / (4.1) Par.?

papāta sahasā bhūmau vepantī kadalī yathā // (4.2) Par.?

tāṃ patantīṃ varārohāṃ sajjamānāṃ latām iva / (5.1) Par.?

nakulaḥ samabhidrutya parijagrāha vīryavān // (5.2) Par.?

nakula uvāca / (6.1) Par.?

rājan pāñcālarājasya suteyam asitekṣaṇā / (6.2) Par.?

śrāntā nipatitā bhūmau tām avekṣasva bhārata // (6.3) Par.?

aduḥkhārhā paraṃ duḥkhaṃ prāpteyaṃ mṛdugāminī / (7.1) Par.?

āśvāsaya mahārāja tām imāṃ śramakarśitām // (7.2) Par.?

vaiśampāyana uvāca / (8.1) Par.?

rājā tu vacanāt tasya bhṛśaṃ duḥkhasamanvitaḥ / (8.2) Par.?

bhīmaś ca sahadevaś ca sahasā samupādravan // (8.3) Par.?

tām avekṣya tu kaunteyo vivarṇavadanāṃ kṛśām / (9.1) Par.?

aṅkam ānīya dharmātmā paryadevayad āturaḥ // (9.2) Par.?

kathaṃ veśmasu gupteṣu svāstīrṇaśayanocitā / (10.1) Par.?

śete nipatitā bhūmau sukhārhā varavarṇinī // (10.2) Par.?

sukumārau kathaṃ pādau mukhaṃ ca kamalaprabham / (11.1) Par.?

matkṛte 'dya varārhāyāḥ śyāmatāṃ samupāgatam // (11.2) Par.?

kim idaṃ dyūtakāmena mayā kṛtam abuddhinā / (12.1) Par.?

ādāya kṛṣṇāṃ caratā vane mṛgagaṇāyute // (12.2) Par.?

sukhaṃ prāpsyati pāñcālī pāṇḍavān prāpya vai patīn / (13.1) Par.?

iti drupadarājena pitrā dattāyatekṣaṇā // (13.2) Par.?

tat sarvam anavāpyaiva śramaśokāddhi karśitā / (14.1) Par.?

śete nipatitā bhūmau pāpasya mama karmabhiḥ // (14.2) Par.?

tathā lālapyamāne tu dharmarāje yudhiṣṭhire / (15.1) Par.?

dhaumyaprabhṛtayaḥ sarve tatrājagmur dvijottamāḥ // (15.2) Par.?

te samāśvāsayāmāsur āśīrbhiś cāpyapūjayan / (16.1) Par.?

rakṣoghnāṃś ca tathā mantrāñjepuś cakruś ca te kriyāḥ // (16.2) Par.?

paṭhyamāneṣu mantreṣu śāntyarthaṃ paramarṣibhiḥ / (17.1) Par.?

spṛśyamānā karaiḥ śītaiḥ pāṇḍavaiś ca muhur muhuḥ // (17.2) Par.?

sevyamānā ca śītena jalamiśreṇa vāyunā / (18.1) Par.?

pāñcālī sukham āsādya lebhe cetaḥ śanaiḥ śanaiḥ // (18.2) Par.?

parigṛhya ca tāṃ dīnāṃ kṛṣṇām ajinasaṃstare / (19.1) Par.?

tadā viśrāmayāmāsur labdhasaṃjñāṃ tapasvinīm // (19.2) Par.?

tasyā yamau raktatalau pādau pūjitalakṣaṇau / (20.1) Par.?

karābhyāṃ kiṇajātābhyāṃ śanakaiḥ saṃvavāhatuḥ // (20.2) Par.?

paryāśvāsayad apyenāṃ dharmarājo yudhiṣṭhiraḥ / (21.1) Par.?

uvāca ca kuruśreṣṭho bhīmasenam idaṃ vacaḥ // (21.2) Par.?

bahavaḥ parvatā bhīma viṣamā himadurgamāḥ / (22.1) Par.?

teṣu kṛṣṇā mahābāho kathaṃ nu vicariṣyati // (22.2) Par.?

bhīmasena uvāca / (23.1) Par.?

tvāṃ rājan rājaputrīṃ ca yamau ca puruṣarṣabhau / (23.2) Par.?

svayaṃ neṣyāmi rājendra mā viṣāde manaḥ kṛthāḥ // (23.3) Par.?

atha vāsau mayā jāto vihago madbalopamaḥ / (24.1) Par.?

vahed anagha sarvān no vacanāt te ghaṭotkacaḥ // (24.2) Par.?

vaiśampāyana uvāca / (25.1) Par.?

anujñāto dharmarājñā putraṃ sasmāra rākṣasam / (25.2) Par.?

ghaṭotkacaś ca dharmātmā smṛtamātraḥ pitus tadā / (25.3) Par.?

kṛtāñjalir upātiṣṭhad abhivādyātha pāṇḍavān // (25.4) Par.?

brāhmaṇāṃś ca mahābāhuḥ sa ca tair abhinanditaḥ / (26.1) Par.?

uvāca bhīmasenaṃ sa pitaraṃ satyavikramaḥ // (26.2) Par.?

smṛto 'smi bhavatā śīghraṃ śuśrūṣur aham āgataḥ / (27.1) Par.?

ājñāpaya mahābāho sarvaṃ kartāsmyasaṃśayam / (27.2) Par.?

tacchrutvā bhīmasenas tu rākṣasaṃ pariṣasvaje // (27.3) Par.?

Duration=0.099845886230469 secs.