UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 2653
- Click on a sentence to show its analysis
- Keep the mouse pointer over a lemma to show its meanings.
yudhiṣṭhira uvāca / (1.1)
Par.?
kathaṃvīryaḥ sa rājābhūt somako vadatāṃ vara / (1.2)
Par.?
karmāṇyasya prabhāvaṃ ca śrotum icchāmi tattvataḥ // (1.3)
Par.?
lomaśa uvāca / (2.1)
Par.?
yudhiṣṭhirāsīn nṛpatiḥ somako nāma dhārmikaḥ / (2.2)
Par.?
tasya bhāryāśataṃ rājan sadṛśīnām abhūt tadā // (2.3)
Par.?
sa vai yatnena mahatā tāsu putraṃ mahīpatiḥ / (3.1)
Par.?
kaṃcin nāsādayāmāsa kālena mahatā api // (3.2)
Par.?
kadācit tasya vṛddhasya yatamānasya yatnataḥ / (4.1)
Par.?
jantur nāma sutas tasmin strīśate samajāyata // (4.2)
Par.?
taṃ jātaṃ mātaraḥ sarvāḥ parivārya samāsate / (5.1)
Par.?
satataṃ pṛṣṭhataḥ kṛtvā kāmabhogān viśāṃ pate // (5.2)
Par.?
tataḥ pipīlikā jantuṃ kadācid adaśat sphiji / (6.1)
Par.?
sa daṣṭo vyanadad rājaṃs tena duḥkhena bālakaḥ // (6.2)
Par.?
tatas tā mātaraḥ sarvāḥ prākrośan bhṛśaduḥkhitāḥ / (7.1)
Par.?
parivārya jantuṃ sahitāḥ sa śabdas tumulo 'bhavat // (7.2)
Par.?
tam ārtanādaṃ sahasā śuśrāva sa mahīpatiḥ / (8.1)
Par.?
amātyapariṣanmadhye upaviṣṭaḥ sahartvijaiḥ // (8.2) Par.?
tataḥ prasthāpayāmāsa kim etad iti pārthivaḥ / (9.1)
Par.?
tasmai kṣattā yathāvṛttam ācacakṣe sutaṃ prati // (9.2)
Par.?
tvaramāṇaḥ sa cotthāya somakaḥ saha mantribhiḥ / (10.1)
Par.?
praviśyāntaḥpuraṃ putram āśvāsayad ariṃdamaḥ // (10.2)
Par.?
sāntvayitvā tu taṃ putraṃ niṣkramyāntaḥpurān nṛpaḥ / (11.1)
Par.?
ṛtvijaiḥ sahito rājan sahāmātya upāviśat // (11.2)
Par.?
somaka uvāca / (12.1)
Par.?
dhig astvihaikaputratvam aputratvaṃ varaṃ bhavet / (12.2)
Par.?
nityāturatvād bhūtānāṃ śoka evaikaputratā // (12.3)
Par.?
idaṃ bhāryāśataṃ brahman parīkṣyopacitaṃ prabho / (13.1)
Par.?
putrārthinā mayā voḍhaṃ na cāsāṃ vidyate prajā // (13.2)
Par.?
ekaḥ kathaṃcid utpannaḥ putro jantur ayaṃ mama / (14.1)
Par.?
yatamānasya sarvāsu kiṃ nu duḥkham ataḥ param // (14.2)
Par.?
vayaś ca samatītaṃ me sabhāryasya dvijottama / (15.1)
Par.?
āsāṃ prāṇāḥ samāyattā mama cātraikaputrake // (15.2)
Par.?
syān nu karma tathā yuktaṃ yena putraśataṃ bhavet / (16.1)
Par.?
mahatā laghunā vāpi karmaṇā duṣkareṇa vā // (16.2)
Par.?
ṛtvig uvāca / (17.1)
Par.?
asti vai tādṛśaṃ karma yena putraśataṃ bhavet / (17.2)
Par.?
yadi śaknoṣi tat kartum atha vakṣyāmi somaka // (17.3)
Par.?
somaka uvāca / (18.1)
Par.?
kāryaṃ vā yadi vākāryaṃ yena putraśataṃ bhavet / (18.2)
Par.?
kṛtam eva hi tad viddhi bhagavān prabravītu me // (18.3)
Par.?
ṛtvig uvāca / (19.1)
Par.?
yajasva jantunā rājaṃs tvaṃ mayā vitate kratau / (19.2)
Par.?
tataḥ putraśataṃ śrīmad bhaviṣyatyacireṇa te // (19.3)
Par.?
vapāyāṃ hūyamānāyāṃ dhūmam āghrāya mātaraḥ / (20.1)
Par.?
tatas tāḥ sumahāvīryāñ janayiṣyanti te sutān // (20.2)
Par.?
tasyām eva tu te jantur bhavitā punar ātmajaḥ / (21.1)
Par.?
uttare cāsya sauvarṇaṃ lakṣma pārśve bhaviṣyati // (21.2)
Par.?
Duration=0.078945159912109 secs.