Texts

Help

Select a text:
Bibliography

Select a chapter:
(no revisions)
Show parallels Show headlines
Use dependency labeler

Chapter id: 2698

Click on a sentence to show its analysis
Keep the mouse pointer over a lemma to show its meanings.

vaiśampāyana uvāca / (1.1) Par.?

yathāgataṃ gate śakre bhrātṛbhiḥ saha saṃgataḥ / (1.2) Par.?

kṛṣṇayā caiva bībhatsur dharmaputram apūjayat // (1.3) Par.?

abhivādayamānaṃ tu mūrdhnyupāghrāya pāṇḍavam / (2.1) Par.?

harṣagadgadayā vācā prahṛṣṭo 'rjunam abravīt // (2.2) Par.?

katham arjuna kālo 'yaṃ svarge vyatigatas tava / (3.1) Par.?

kathaṃ cāstrāṇyavāptāni devarājaś ca toṣitaḥ // (3.2) Par.?

samyag vā te gṛhītāni kaccid astrāṇi bhārata / (4.1) Par.?

kaccit surādhipaḥ prīto rudraścāstrāṇyadāt tava // (4.2) Par.?

yathā dṛṣṭaś ca te śakro bhagavān vā pinākadhṛk / (5.1) Par.?

yathā cāstrāṇyavāptāni yathā cārādhitaśca te // (5.2) Par.?

yathoktavāṃs tvāṃ bhagavāñ śatakratur ariṃdama / (6.1) Par.?

kṛtapriyas tvayāsmīti tacca te kiṃ priyaṃ kṛtam / (6.2) Par.?

etad icchāmyahaṃ śrotuṃ vistareṇa mahādyute // (6.3) Par.?

yathā tuṣṭo mahādevo devarājaśca te 'nagha / (7.1) Par.?

yaccāpi vajrapāṇes te priyaṃ kṛtam ariṃdama / (7.2) Par.?

etad ākhyāhi me sarvam akhilena dhanaṃjaya // (7.3) Par.?

arjuna uvāca / (8.1) Par.?

śṛṇu hanta mahārāja vidhinā yena dṛṣṭavān / (8.2) Par.?

śatakratum ahaṃ devaṃ bhagavantaṃ ca śaṃkaram // (8.3) Par.?

vidyām adhītya tāṃ rājaṃs tvayoktām arimardana / (9.1) Par.?

bhavatā ca samādiṣṭas tapase prasthito vanam // (9.2) Par.?

bhṛgutuṅgam atho gatvā kāmyakād āsthitas tapaḥ / (10.1) Par.?

ekarātroṣitaḥ kaṃcid apaśyaṃ brāhmaṇaṃ pathi // (10.2) Par.?

sa mām apṛcchat kaunteya kvāsi gantā bravīhi me / (11.1) Par.?

tasmā avitathaṃ sarvam abruvaṃ kurunandana // (11.2) Par.?

sa tathyaṃ mama tacchrutvā brāhmaṇo rājasattama / (12.1) Par.?

apūjayata māṃ rājan prītimāṃś cābhavan mayi // (12.2) Par.?

tato mām abravīt prītas tapa ātiṣṭha bhārata / (13.1) Par.?

tapasvī nacireṇa tvaṃ drakṣyase vibudhādhipam // (13.2) Par.?

tato 'haṃ vacanāt tasya girim āruhya śaiśiram / (14.1) Par.?

tapo 'tapyaṃ mahārāja māsaṃ mūlaphalāśanaḥ // (14.2) Par.?

dvitīyaścāpi me māso jalaṃ bhakṣayato gataḥ / (15.1) Par.?

nirāhāras tṛtīye 'tha māse pāṇḍavanandana // (15.2) Par.?

ūrdhvabāhuś caturthaṃ tu māsam asmi sthitas tadā / (16.1) Par.?

na ca me hīyate prāṇas tad adbhutam ivābhavat // (16.2) Par.?

caturthe samabhikrānte prathame divase gate / (17.1) Par.?

varāhasaṃsthitaṃ bhūtaṃ matsamīpam upāgamat // (17.2) Par.?

nighnan prothena pṛthivīṃ vilikhaṃś caraṇair api / (18.1) Par.?

saṃmārjañjaṭhareṇorvīṃ vivartaṃśca muhur muhuḥ // (18.2) Par.?

anu tasyāparaṃ bhūtaṃ mahat kairātasaṃsthitam / (19.1) Par.?

dhanurbāṇāsimat prāptaṃ strīgaṇānugataṃ tadā // (19.2) Par.?

tato 'haṃ dhanur ādāya tathākṣayyau maheṣudhī / (20.1) Par.?

atāḍayaṃ śareṇātha tad bhūtaṃ lomaharṣaṇam // (20.2) Par.?

yugapat tat kirātaś ca vikṛṣya balavad dhanuḥ / (21.1) Par.?

abhyājaghne dṛḍhataraṃ kampayann iva me manaḥ // (21.2) Par.?

sa tu mām abravīd rājan mama pūrvaparigrahaḥ / (22.1) Par.?

mṛgayādharmam utsṛjya kimarthaṃ tāḍitas tvayā // (22.2) Par.?

eṣa te niśitair bāṇair darpaṃ hanmi sthiro bhava / (23.1) Par.?

sa varṣmavān mahākāyas tato mām abhyadhāvata // (23.2) Par.?

tato girim ivātyartham āvṛṇon māṃ mahāśaraiḥ / (24.1) Par.?

taṃ cāhaṃ śaravarṣeṇa mahatā samavākiram // (24.2) Par.?

tataḥ śarair dīptamukhaiḥ pattritair anumantritaiḥ / (25.1) Par.?

pratyavidhyam ahaṃ taṃ tu vajrair iva śiloccayam // (25.2) Par.?

tasya tacchatadhā rūpam abhavacca sahasradhā / (26.1) Par.?

tāni cāsya śarīrāṇi śarair aham atāḍayam // (26.2) Par.?

punas tāni śarīrāṇi ekībhūtāni bhārata / (27.1) Par.?

adṛśyanta mahārāja tānyahaṃ vyadhamaṃ punaḥ // (27.2) Par.?

aṇur bṛhacchirā bhūtvā bṛhaccāṇuśirāḥ punaḥ / (28.1) Par.?

ekībhūtas tadā rājan so 'bhyavartata māṃ yudhi // (28.2) Par.?

yadābhibhavituṃ bāṇair naiva śaknomi taṃ raṇe / (29.1) Par.?

tato 'ham astram ātiṣṭhaṃ vāyavyaṃ bharatarṣabha // (29.2) Par.?

na cainam aśakaṃ hantuṃ tad adbhutam ivābhavat / (30.1) Par.?

tasmin pratihate cāstre vismayo me mahān abhūt // (30.2) Par.?

bhūyaś caiva mahārāja saviśeṣam ahaṃ tataḥ / (31.1) Par.?

astrapūgena mahatā raṇe bhūtam avākiram // (31.2) Par.?

sthūṇākarṇam ayojālaṃ śaravarṣaṃ śarolbaṇam / (32.1) Par.?

śailāstram aśmavarṣaṃ ca samāsthāyāham abhyayām / (32.2) Par.?

jagrāsa prahasaṃs tāni sarvāṇyastrāṇi me 'nagha // (32.3) Par.?

teṣu sarveṣu śānteṣu brahmāstram aham ādiśam / (33.1) Par.?

tataḥ prajvalitair bāṇaiḥ sarvataḥ sopacīyata / (33.2) Par.?

upacīyamānaśca mayā mahāstreṇa vyavardhata // (33.3) Par.?

tataḥ saṃtāpito loko matprasūtena tejasā / (34.1) Par.?

kṣaṇena hi diśaḥ khaṃ ca sarvato 'bhividīpitam // (34.2) Par.?

tad apyastraṃ mahātejāḥ kṣaṇenaiva vyaśātayat / (35.1) Par.?

brahmāstre tu hate rājan bhayaṃ māṃ mahad āviśat // (35.2) Par.?

tato 'haṃ dhanur ādāya tathākṣayyau maheṣudhī / (36.1) Par.?

sahasābhyahanaṃ bhūtaṃ tānyapyastrāṇyabhakṣayat // (36.2) Par.?

hateṣvastreṣu sarveṣu bhakṣiteṣvāyudheṣu ca / (37.1) Par.?

mama tasya ca bhūtasya bāhuyuddham avartata // (37.2) Par.?

vyāyāmaṃ muṣṭibhiḥ kṛtvā talair api samāhatau / (38.1) Par.?

apātayacca tad bhūtaṃ niśceṣṭo hyagamaṃ mahīm // (38.2) Par.?

tataḥ prahasya tad bhūtaṃ tatraivāntaradhīyata / (39.1) Par.?

saha strībhir mahārāja paśyato me 'dbhutopamam // (39.2) Par.?

evaṃ kṛtvā sa bhagavāṃs tato 'nyad rūpam ātmanaḥ / (40.1) Par.?

divyam eva mahārāja vasāno 'dbhutam ambaram // (40.2) Par.?

hitvā kirātarūpaṃ ca bhagavāṃs tridaśeśvaraḥ / (41.1) Par.?

svarūpaṃ divyam āsthāya tasthau tatra maheśvaraḥ // (41.2) Par.?

adṛśyata tataḥ sākṣād bhagavān govṛṣadhvajaḥ / (42.1) Par.?

umāsahāyo haridṛg bahurūpaḥ pinākadhṛk // (42.2) Par.?

sa mām abhyetya samare tathaivābhimukhaṃ sthitam / (43.1) Par.?

śūlapāṇir athovāca tuṣṭo 'smīti paraṃtapa // (43.2) Par.?

tatas tad dhanur ādāya tūṇau cākṣayyasāyakau / (44.1) Par.?

prādān mamaiva bhagavān varayasveti cābravīt // (44.2) Par.?

tuṣṭo 'smi tava kaunteya brūhi kiṃ karavāṇi te / (45.1) Par.?

yat te manogataṃ vīra tad brūhi vitarāmyaham / (45.2) Par.?

amaratvam apāhāya brūhi yat te manogatam // (45.3) Par.?

tataḥ prāñjalir evāham astreṣu gatamānasaḥ / (46.1) Par.?

praṇamya śirasā śarvaṃ tato vacanam ādade // (46.2) Par.?

bhagavān me prasannaśced īpsito 'yaṃ varo mama / (47.1) Par.?

astrāṇīcchāmy ahaṃ jñātuṃ yāni deveṣu kānicit / (47.2) Par.?

dadānītyeva bhagavān abravīt tryambakaś ca mām // (47.3) Par.?

raudram astraṃ madīyaṃ tvām upasthāsyati pāṇḍava / (48.1) Par.?

pradadau ca mama prītaḥ so 'straṃ pāśupataṃ prabhuḥ // (48.2) Par.?

uvāca ca mahādevo dattvā me 'straṃ sanātanam / (49.1) Par.?

na prayojyaṃ bhaved etan mānuṣeṣu kathaṃcana // (49.2) Par.?

pīḍyamānena balavat prayojyaṃ te dhanaṃjaya / (50.1) Par.?

astrāṇāṃ pratighāte ca sarvathaiva prayojayeḥ // (50.2) Par.?

tad apratihataṃ divyaṃ sarvāstrapratiṣedhanam / (51.1) Par.?

mūrtiman me sthitaṃ pārśve prasanne govṛṣadhvaje // (51.2) Par.?

utsādanam amitrāṇāṃ parasenānikartanam / (52.1) Par.?

durāsadaṃ duṣprahasaṃ suradānavarākṣasaiḥ // (52.2) Par.?

anujñātastvahaṃ tena tatraiva samupāviśam / (53.1) Par.?

prekṣataścaiva me devas tatraivāntaradhīyata // (53.2) Par.?

Duration=0.20589804649353 secs.