UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 2686
- Click on a sentence to show its analysis
- Keep the mouse pointer over a lemma to show its meanings.
vaiśampāyana uvāca / (1.1)
Par.?
tatastāni mahārhāṇi divyāni bharatarṣabha / (1.2)
Par.?
bahūni bahurūpāṇi virajāṃsi samādade // (1.3)
Par.?
tato vāyur mahāñśīghro nīcaiḥ śarkarakarṣaṇaḥ / (2.1)
Par.?
prādurāsīt kharasparśaḥ saṃgrāmam abhicodayan // (2.2)
Par.?
papāta mahatī colkā sanirghātā mahāprabhā / (3.1)
Par.?
niṣprabhaś cābhavat sūryaś channaraśmis tamovṛtaḥ // (3.2)
Par.?
nirghātaś cābhavad bhīmo bhīme vikramam āsthite / (4.1)
Par.?
cacāla pṛthivī cāpi pāṃsuvarṣaṃ papāta ca // (4.2)
Par.?
salohitā diśaś cāsan kharavāco mṛgadvijāḥ / (5.1)
Par.?
tamovṛtam abhūt sarvaṃ na prajñāyata kiṃcana // (5.2)
Par.?
tad adbhutam abhiprekṣya dharmaputro yudhiṣṭhiraḥ / (6.1)
Par.?
uvāca vadatāṃ śreṣṭhaḥ ko 'smān abhibhaviṣyati // (6.2)
Par.?
sajjībhavata bhadraṃ vaḥ pāṇḍavā yuddhadurmadāḥ / (7.1)
Par.?
yathārūpāṇi paśyāmi svabhyagro naḥ parākramaḥ // (7.2)
Par.?
evam uktvā tato rājā vīkṣāṃcakre samantataḥ / (8.1)
Par.?
apaśyamāno bhīmaṃ ca dharmarājo yudhiṣṭhiraḥ // (8.2)
Par.?
tatra kṛṣṇāṃ yamau caiva samīpasthān ariṃdamaḥ / (9.1)
Par.?
papraccha bhrātaraṃ bhīmaṃ bhīmakarmāṇam āhave // (9.2)
Par.?
kaccinna bhīmaḥ pāñcāli kiṃcit kṛtyaṃ cikīrṣati / (10.1)
Par.?
kṛtavān api vā vīraḥ sāhasaṃ sāhasapriyaḥ // (10.2)
Par.?
ime hyakasmād utpātā mahāsamaradarśinaḥ / (11.1)
Par.?
darśayanto bhayaṃ tīvraṃ prādurbhūtāḥ samantataḥ // (11.2)
Par.?
taṃ tathā vādinaṃ kṛṣṇā pratyuvāca manasvinī / (12.1)
Par.?
priyā priyaṃ cikīrṣantī mahiṣī cāruhāsinī // (12.2)
Par.?
yat tat saugandhikaṃ rājann āhṛtaṃ mātariśvanā / (13.1)
Par.?
tan mayā bhīmasenasya prītayādyopapāditam // (13.2)
Par.?
api cokto mayā vīro yadi paśyed bahūnyapi / (14.1)
Par.?
tāni sarvāṇyupādāya śīghram āgamyatām iti // (14.2)
Par.?
sa tu nūnaṃ mahābāhuḥ priyārthaṃ mama pāṇḍavaḥ / (15.1)
Par.?
prāgudīcīṃ diśaṃ rājaṃs tānyāhartum ito gataḥ // (15.2)
Par.?
uktastvevaṃ tayā rājā yamāvidam athābravīt / (16.1)
Par.?
gacchāma sahitās tūrṇaṃ yena yāto vṛkodaraḥ // (16.2)
Par.?
vahantu rākṣasā viprān yathāśrāntān yathākṛśān / (17.1)
Par.?
tvam apyamarasaṃkāśa vaha kṛṣṇāṃ ghaṭotkaca // (17.2)
Par.?
vyaktaṃ dūram ito bhīmaḥ praviṣṭa iti me matiḥ / (18.1)
Par.?
ciraṃ ca tasya kālo 'yaṃ sa ca vāyusamo jave // (18.2)
Par.?
tarasvī vainateyasya sadṛśo bhuvi laṅghane / (19.1)
Par.?
utpated api cākāśaṃ nipatecca yathecchakam // (19.2)
Par.?
tam anviyāma bhavatāṃ prabhāvād rajanīcarāḥ / (20.1)
Par.?
purā sa nāparādhnoti siddhānāṃ brahmavādinām // (20.2)
Par.?
tathetyuktvā tu te sarve haiḍimbapramukhās tadā / (21.1)
Par.?
uddeśajñāḥ kuberasya nalinyā bharatarṣabha // (21.2)
Par.?
ādāya pāṇḍavāṃś caiva tāṃś ca viprān anekaśaḥ / (22.1)
Par.?
lomaśenaiva sahitāḥ prayayuḥ prītamānasāḥ // (22.2)
Par.?
te gatvā sahitāḥ sarve dadṛśus tatra kānane / (23.1)
Par.?
praphullapaṅkajavatīṃ nalinīṃ sumanoharām // (23.2)
Par.?
taṃ ca bhīmaṃ mahātmānaṃ tasyās tīre vyavasthitam / (24.1)
Par.?
dadṛśur nihatāṃś caiva yakṣān suvipulekṣaṇān // (24.2)
Par.?
udyamya ca gadāṃ dorbhyāṃ nadītīre vyavasthitam / (25.1)
Par.?
prajāsaṃkṣepasamaye daṇḍahastam ivāntakam // (25.2)
Par.?
taṃ dṛṣṭvā dharmarājas tu pariṣvajya punaḥ punaḥ / (26.1)
Par.?
uvāca ślakṣṇayā vācā kaunteya kim idaṃ kṛtam // (26.2)
Par.?
sāhasaṃ bata bhadraṃ te devānām api cāpriyam / (27.1)
Par.?
punar evaṃ na kartavyaṃ mama ced icchasi priyam // (27.2) Par.?
anuśāsya ca kaunteyaṃ padmāni pratigṛhya ca / (28.1)
Par.?
tasyām eva nalinyāṃ te vijahrur amaropamāḥ // (28.2)
Par.?
etasminn eva kāle tu pragṛhītaśilāyudhāḥ / (29.1)
Par.?
prādurāsan mahākāyās tasyodyānasya rakṣiṇaḥ // (29.2)
Par.?
te dṛṣṭvā dharmarājānaṃ devarṣiṃ cāpi lomaśam / (30.1)
Par.?
nakulaṃ sahadevaṃ ca tathānyān brāhmaṇarṣabhān / (30.2)
Par.?
vinayenānatāḥ sarve praṇipetuś ca bhārata // (30.3)
Par.?
sāntvitā dharmarājena praseduḥ kṣaṇadācarāḥ / (31.1)
Par.?
viditāś ca kuberasya tatas te narapuṃgavāḥ / (31.2)
Par.?
ūṣur nāticiraṃ kālaṃ ramamāṇāḥ kurūdvahāḥ // (31.3)
Par.?
Duration=0.16629409790039 secs.