Texts

Help

Select a text:
Bibliography

Select a chapter:
(no revisions)
Show parallels Show headlines
Use dependency labeler

Chapter id: 2725

Click on a sentence to show its analysis
Keep the mouse pointer over a lemma to show its meanings.

vaiśampāyana uvāca / (1.1) Par.?

sa bhīmasenastejasvī tathā sarpavaśaṃ gataḥ / (1.2) Par.?

cintayāmāsa sarpasya vīryam atyadbhutaṃ mahat // (1.3) Par.?

uvāca ca mahāsarpaṃ kāmayā brūhi pannaga / (2.1) Par.?

kastvaṃ bho bhujagaśreṣṭha kiṃ mayā ca kariṣyasi // (2.2) Par.?

pāṇḍavo bhīmaseno 'haṃ dharmarājād anantaraḥ / (3.1) Par.?

nāgāyutasamaprāṇas tvayā nītaḥ kathaṃ vaśam // (3.2) Par.?

siṃhāḥ kesariṇo vyāghrā mahiṣā vāraṇās tathā / (4.1) Par.?

samāgatāśca bahuśo nihatāśca mayā mṛdhe // (4.2) Par.?

dānavāś ca piśācāś ca rākṣasāś ca mahābalāḥ / (5.1) Par.?

bhujavegam aśaktā me soḍhuṃ pannagasattama // (5.2) Par.?

kiṃ nu vidyābalaṃ kiṃ vā varadānam atho tava / (6.1) Par.?

udyogam api kurvāṇo vaśago 'smi kṛtas tvayā // (6.2) Par.?

asatyo vikramo nṝṇām iti me niścitā matiḥ / (7.1) Par.?

yathedaṃ me tvayā nāga balaṃ pratihataṃ mahat // (7.2) Par.?

ityevaṃvādinaṃ vīraṃ bhīmam akliṣṭakāriṇam / (8.1) Par.?

bhogena mahatā sarpaḥ samantāt paryaveṣṭayat // (8.2) Par.?

nigṛhya taṃ mahābāhuṃ tataḥ sa bhujagas tadā / (9.1) Par.?

vimucyāsya bhujau pīnāvidaṃ vacanam abravīt // (9.2) Par.?

diṣṭyā tvaṃ kṣudhitasyādya devair bhakṣo mahābhuja / (10.1) Par.?

diṣṭyā kālasya mahataḥ priyāḥ prāṇā hi dehinām // (10.2) Par.?

yathā tvidaṃ mayā prāptaṃ bhujaṃgatvam ariṃdama / (11.1) Par.?

tad avaśyaṃ mayā khyāpyaṃ tavādya śṛṇu sattama // (11.2) Par.?

imām avasthāṃ samprāpto hyahaṃ kopānmanīṣiṇām / (12.1) Par.?

śāpasyāntaṃ pariprepsuḥ sarpasya kathayāmi tat // (12.2) Par.?

nahuṣo nāma rājarṣir vyaktaṃ te śrotram āgataḥ / (13.1) Par.?

tavaiva pūrvaḥ pūrveṣām āyor vaṃśakaraḥ sutaḥ // (13.2) Par.?

so 'haṃ śāpād agastyasya brāhmaṇān avamanya ca / (14.1) Par.?

imām avasthām āpannaḥ paśya daivam idaṃ mama // (14.2) Par.?

tvāṃ ced avadhyam āyāntam atīva priyadarśanam / (15.1) Par.?

aham adyopayokṣyāmi vidhānaṃ paśya yādṛśam // (15.2) Par.?

na hi me mucyate kaścit kathaṃcid grahaṇaṃ gataḥ / (16.1) Par.?

gajo vā mahiṣo vāpi ṣaṣṭhe kāle narottama // (16.2) Par.?

nāsi kevalasarpeṇa tiryagyoniṣu vartatā / (17.1) Par.?

gṛhītaḥ kauravaśreṣṭha varadānam idaṃ mama // (17.2) Par.?

patatā hi vimānāgrān mayā śakrāsanād drutam / (18.1) Par.?

kuru śāpāntam ityukto bhagavān munisattamaḥ // (18.2) Par.?

sa mām uvāca tejasvī kṛpayābhipariplutaḥ / (19.1) Par.?

mokṣas te bhavitā rājan kasmāccit kālaparyayāt // (19.2) Par.?

tato 'smi patito bhūmau na ca mām ajahāt smṛtiḥ / (20.1) Par.?

smārtam asti purāṇaṃ me yathaivādhigataṃ tathā // (20.2) Par.?

yas tu te vyāhṛtān praśnān pratibrūyād viśeṣavit / (21.1) Par.?

sa tvāṃ mokṣayitā śāpād iti mām abravīd ṛṣiḥ // (21.2) Par.?

gṛhītasya tvayā rājan prāṇino 'pi balīyasaḥ / (22.1) Par.?

sattvabhraṃśo 'dhikasyāpi sarvasyāśu bhaviṣyati // (22.2) Par.?

iti cāpyaham aśrauṣaṃ vacas teṣāṃ dayāvatām / (23.1) Par.?

mayi saṃjātahārdānām atha te 'ntarhitā dvijāḥ // (23.2) Par.?

so 'haṃ paramaduṣkarmā vasāmi niraye 'śucau / (24.1) Par.?

sarpayonim imāṃ prāpya kālākāṅkṣī mahādyute // (24.2) Par.?

tam uvāca mahābāhur bhīmaseno bhujaṃgamam / (25.1) Par.?

na te kupye mahāsarpa na cātmānaṃ vigarhaye // (25.2) Par.?

yasmād abhāvī bhāvī vā manuṣyaḥ sukhaduḥkhayoḥ / (26.1) Par.?

āgame yadi vāpāye na tatra glapayen manaḥ // (26.2) Par.?

daivaṃ puruṣakāreṇa ko nivartitum arhati / (27.1) Par.?

daivam eva paraṃ manye puruṣārtho nirarthakaḥ // (27.2) Par.?

paśya daivopaghātāddhi bhujavīryavyapāśrayam / (28.1) Par.?

imām avasthāṃ samprāptam animittam ihādya mām // (28.2) Par.?

kiṃ tu nādyānuśocāmi tathātmānaṃ vināśitam / (29.1) Par.?

yathā tu vipine nyastān bhrātṝn rājyaparicyutān // (29.2) Par.?

himavāṃśca sudurgo 'yaṃ yakṣarākṣasasaṃkulaḥ / (30.1) Par.?

māṃ ca te samudīkṣantaḥ prapatiṣyanti vihvalāḥ // (30.2) Par.?

vinaṣṭam atha vā śrutvā bhaviṣyanti nirudyamāḥ / (31.1) Par.?

dharmaśīlā mayā te hi bādhyante rājyagṛddhinā // (31.2) Par.?

atha vā nārjuno dhīmān viṣādam upayāsyati / (32.1) Par.?

sarvāstravid anādhṛṣyo devagandharvarākṣasaiḥ // (32.2) Par.?

samarthaḥ sa mahābāhur ekāhnā sumahābalaḥ / (33.1) Par.?

devarājam api sthānāt pracyāvayitum ojasā // (33.2) Par.?

kiṃ punar dhṛtarāṣṭrasya putraṃ durdyūtadevinam / (34.1) Par.?

vidviṣṭaṃ sarvalokasya dambhalobhaparāyaṇam // (34.2) Par.?

mātaraṃ caiva śocāmi kṛpaṇāṃ putragṛddhinīm / (35.1) Par.?

yāsmākaṃ nityam āśāste mahattvam adhikaṃ paraiḥ // (35.2) Par.?

kathaṃ nu tasyānāthāyā madvināśād bhujaṃgama / (36.1) Par.?

aphalās te bhaviṣyanti mayi sarve manorathāḥ // (36.2) Par.?

nakulaḥ sahadevaś ca yamajau guruvartinau / (37.1) Par.?

madbāhubalasaṃstabdhau nityaṃ puruṣamāninau // (37.2) Par.?

nirutsāhau bhaviṣyete bhraṣṭavīryaparākramau / (38.1) Par.?

madvināśāt paridyūnāviti me vartate matiḥ // (38.2) Par.?

evaṃvidhaṃ bahu tadā vilalāpa vṛkodaraḥ / (39.1) Par.?

bhujaṃgabhogasaṃruddho nāśakacca viceṣṭitum // (39.2) Par.?

yudhiṣṭhiras tu kaunteya babhūvāsvasthacetanaḥ / (40.1) Par.?

aniṣṭadarśanān ghorān utpātān paricintayan // (40.2) Par.?

dāruṇaṃ hyaśivaṃ nādaṃ śivā dakṣiṇataḥ sthitā / (41.1) Par.?

dīptāyāṃ diśi vitrastā rauti tasyāśramasya ha // (41.2) Par.?

ekapakṣākṣicaraṇā vartikā ghoradarśanā / (42.1) Par.?

rudhiraṃ vamantī dadṛśe pratyādityam apasvarā // (42.2) Par.?

pravavāvanilo rūkṣaścaṇḍaḥ śarkarakarṣaṇaḥ / (43.1) Par.?

apasavyāni sarvāṇi mṛgapakṣirutāni ca // (43.2) Par.?

pṛṣṭhato vāyasaḥ kṛṣṇo yāhi yāhīti vāśati / (44.1) Par.?

muhur muhuḥ prasphurati dakṣiṇo 'sya bhujas tathā // (44.2) Par.?

hṛdayaṃ caraṇaś cāpi vāmo 'sya parivartate / (45.1) Par.?

savyasyākṣṇo vikāraś cāpyaniṣṭaḥ samapadyata // (45.2) Par.?

sa dharmarājo medhāvī śaṅkamāno mahad bhayam / (46.1) Par.?

draupadīṃ paripapraccha kva bhīma iti bhārata // (46.2) Par.?

śaśaṃsa tasmai pāñcālī cirayātaṃ vṛkodaram / (47.1) Par.?

sa pratasthe mahābāhur dhaumyena sahito nṛpaḥ // (47.2) Par.?

draupadyā rakṣaṇaṃ kāryam ityuvāca dhanaṃjayam / (48.1) Par.?

nakulaṃ sahadevaṃ ca vyādideśa dvijān prati // (48.2) Par.?

sa tasya padam unnīya tasmād evāśramāt prabhuḥ / (49.1) Par.?

dadarśa pṛthivīṃ cihnair bhīmasya paricihnitām // (49.2) Par.?

dhāvatas tasya vīrasya mṛgārthe vātaraṃhasaḥ / (50.1) Par.?

ūruvātavinirbhagnān drumān vyāvarjitān pathi // (50.2) Par.?

sa gatvā tais tadā cihnair dadarśa girigahvare / (51.1) Par.?

gṛhītaṃ bhujagendreṇa niśceṣṭam anujaṃ tathā // (51.2) Par.?

Duration=0.20706701278687 secs.