Texts

vaiśampāyana uvāca / (1.1) Par.?

etasminn eva kāle tu sarvavāditranisvanaḥ / (1.2) Par.?

babhūva tumulaḥ śabdas tvantarikṣe divaukasām // (1.3) Par.?

rathanemisvanaścaiva ghaṇṭāśabdaśca bhārata / (2.1) Par.?

pṛthag vyālamṛgāṇāṃ ca pakṣiṇāṃ caiva sarvaśaḥ // (2.2) Par.?

taṃ samantād anuyayur gandharvāpsarasas tathā / (3.1) Par.?

vimānaiḥ sūryasaṃkāśair devarājam ariṃdamam // (3.2) Par.?

tataḥ sa haribhir yuktaṃ jāmbūnadapariṣkṛtam / (4.1) Par.?

meghanādinam āruhya śriyā paramayā jvalan // (4.2) Par.?

pārthān abhyājagāmāśu devarājaḥ puraṃdaraḥ / (5.1) Par.?

āgatya ca sahasrākṣo rathād avaruroha vai // (5.2) Par.?

taṃ dṛṣṭvaiva mahātmānaṃ dharmarājo yudhiṣṭhiraḥ / (6.1) Par.?

bhrātṛbhiḥ sahitaḥ śrīmān devarājam upāgamat // (6.2) Par.?

pūjayāmāsa caivātha vidhivad bhūridakṣiṇaḥ / (7.1) Par.?

yathārham amitātmānaṃ vidhidṛṣṭena karmaṇā // (7.2) Par.?

dhanaṃjayaśca tejasvī praṇipatya puraṃdaram / (8.1) Par.?

bhṛtyavat praṇatas tasthau devarājasamīpataḥ // (8.2) Par.?

āpyāyata mahātejāḥ kuntīputro yudhiṣṭhiraḥ / (9.1) Par.?

dhanaṃjayam abhiprekṣya vinītaṃ sthitam antike // (9.2) Par.?

jaṭilaṃ devarājasya tapoyuktam akalmaṣam / (10.1) Par.?

harṣeṇa mahatāviṣṭaḥ phalgunasyātha darśanāt // (10.2) Par.?

taṃ tathādīnamanasaṃ rājānaṃ harṣasaṃplutam / (11.1) Par.?

uvāca vacanaṃ dhīmān devarājaḥ puraṃdaraḥ // (11.2) Par.?

tvam imāṃ pṛthivīṃ rājan praśāsiṣyasi pāṇḍava / (12.1) Par.?

svasti prāpnuhi kaunteya kāmyakaṃ punar āśramam // (12.2) Par.?

astrāṇi labdhāni ca pāṇḍavena sarvāṇi mattaḥ prayatena rājan / (13.1) Par.?

kṛtapriyaś cāsmi dhanaṃjayena jetuṃ na śakyas tribhir eṣa lokaiḥ // (13.2) Par.?

evam uktvā sahasrākṣaḥ kuntīputraṃ yudhiṣṭhiram / (14.1) Par.?

jagāma tridivaṃ hṛṣṭaḥ stūyamāno maharṣibhiḥ // (14.2) Par.?

dhaneśvaragṛhasthānāṃ pāṇḍavānāṃ samāgamam / (15.1) Par.?

śakreṇa ya imaṃ vidvān adhīyīta samāhitaḥ // (15.2) Par.?

saṃvatsaraṃ brahmacārī niyataḥ saṃśitavrataḥ / (16.1) Par.?

sa jīveta nirābādhaḥ susukhī śaradāṃ śatam // (16.2) Par.?