Texts

Help

Select a text:
Bibliography
Select a chapter:
 (no revisions)
Show parallels  Show headlines
Use dependency labeler
Chapter id: 2741
  • Click on a sentence to show its analysis
  • Keep the mouse pointer over a lemma to show its meanings.
mārkaṇḍeya uvāca / (1.1) Par.?
atraiva ca sarasvatyā gītaṃ parapuraṃjaya / (1.2) Par.?
pṛṣṭayā muninā vīra śṛṇu tārkṣyeṇa dhīmatā // (1.3) Par.?
tārkṣya uvāca / (2.1) Par.?
kiṃ nu śreyaḥ puruṣasyeha bhadre kathaṃ kurvan na cyavate svadharmāt / (2.2) Par.?
ācakṣva me cārusarvāṅgi sarvaṃ tvayānuśiṣṭo na cyaveyaṃ svadharmāt // (2.3) Par.?
kathaṃ cāgniṃ juhuyāṃ pūjaye vā kasmin kāle kena dharmo na naśyet / (3.1) Par.?
etat sarvaṃ subhage prabravīhi yathā lokān virajāḥ saṃcareyam // (3.2) Par.?
mārkaṇḍeya uvāca / (4.1) Par.?
evaṃ pṛṣṭā prītiyuktena tena śuśrūṣum īkṣyottamabuddhiyuktam / (4.2) Par.?
tārkṣyaṃ vipraṃ dharmayuktaṃ hitaṃ ca sarasvatī vākyam idaṃ babhāṣe // (4.3) Par.?
sarasvatyuvāca / (5.1) Par.?
yo brahma jānāti yathāpradeśaṃ svādhyāyanityaḥ śucir apramattaḥ / (5.2) Par.?
sa vai puro devapurasya gantā sahāmaraiḥ prāpnuyāt prītiyogam // (5.3) Par.?
tatra sma ramyā vipulā viśokāḥ supuṣpitāḥ puṣkariṇyaḥ supuṇyāḥ / (6.1) Par.?
akardamā mīnavatyaḥ sutīrthā hiraṇmayair āvṛtāḥ puṇḍarīkaiḥ // (6.2) Par.?
tāsāṃ tīreṣvāsate puṇyakarmā mahīyamānaḥ pṛthag apsarobhiḥ / (7.1) Par.?
supuṇyagandhābhir alaṃkṛtābhir hiraṇyavarṇābhir atīva hṛṣṭaḥ // (7.2) Par.?
paraṃ lokaṃ gopradās tvāpnuvanti dattvānaḍvāhaṃ sūryalokaṃ vrajanti / (8.1) Par.?
vāso dattvā candramasaḥ sa lokaṃ dattvā hiraṇyam amṛtatvam eti // (8.2) Par.?
dhenuṃ dattvā suvratāṃ sādhudohāṃ kalyāṇavat sāmapalāyinīṃ ca / (9.1) Par.?
yāvanti romāṇi bhavanti tasyās tāvad varṣāṇyaśnute svargalokam // (9.2) Par.?
anaḍvāhaṃ suvrataṃ yo dadāti halasya voḍhāram anantavīryam / (10.1) Par.?
dhuraṃdharaṃ balavantaṃ yuvānaṃ prāpnoti lokān daśa dhenudasya // (10.2) Par.?
yaḥ sapta varṣāṇi juhoti tārkṣya havyaṃ tvagnau suvrataḥ sādhuśīlaḥ / (11.1) Par.?
saptāvarān sapta pūrvān punāti pitāmahān ātmanaḥ karmabhiḥ svaiḥ // (11.2) Par.?
tārkṣya uvāca / (12.1) Par.?
kim agnihotrasya vrataṃ purāṇam ācakṣva me pṛcchataś cārurūpe / (12.2) Par.?
tvayānuśiṣṭo 'ham ihādya vidyāṃ yad agnihotrasya vrataṃ purāṇam // (12.3) Par.?
sarasvatyuvāca / (13.1) Par.?
na cāśucir nāpyanirṇiktapāṇir nābrahmavijjuhuyān nāvipaścit / (13.2) Par.?
bubhukṣavaḥ śucikāmā hi devā nāśraddadhānāddhi havir juṣanti // (13.3) Par.?
nāśrotriyaṃ devahavye niyuñjyān moghaṃ parā siñcati tādṛśo hi / (14.1) Par.?
apūrṇam aśrotriyam āha tārkṣya na vai tādṛg juhuyād agnihotram // (14.2) Par.?
kṛśānuṃ ye juhvati śraddadhānāḥ satyavratā hutaśiṣṭāśinaś ca / (15.1) Par.?
gavāṃ lokaṃ prāpya te puṇyagandhaṃ paśyanti devaṃ paramaṃ cāpi satyam // (15.2) Par.?
tārkṣya uvāca / (16.1) Par.?
kṣetrajñabhūtāṃ paralokabhāve karmodaye buddhim atipraviṣṭām / (16.2) Par.?
prajñāṃ ca devīṃ subhage vimṛśya pṛcchāmi tvāṃ kā hyasi cārurūpe // (16.3) Par.?
sarasvatyuvāca / (17.1) Par.?
agnihotrād aham abhyāgatāsmi viprarṣabhāṇāṃ saṃśayacchedanāya / (17.2) Par.?
tvatsaṃyogād aham etad abruvaṃ bhāve sthitā tathyam arthaṃ yathāvat // (17.3) Par.?
tārkṣya uvāca / (18.1) Par.?
na hi tvayā sadṛśī kācid asti vibhrājase hyatimātraṃ yathā śrīḥ / (18.2) Par.?
rūpaṃ ca te divyam atyantakāntaṃ prajñāṃ ca devīṃ subhage bibharṣi // (18.3) Par.?
sarasvatyuvāca / (19.1) Par.?
śreṣṭhāni yāni dvipadāṃ variṣṭha yajñeṣu vidvann upapādayanti / (19.2) Par.?
tair evāhaṃ sampravṛddhā bhavāmi āpyāyitā rūpavatī ca vipra // (19.3) Par.?
yaccāpi dravyam upayujyate ha vānaspatyam āyasaṃ pārthivaṃ vā / (20.1) Par.?
divyena rūpeṇa ca prajñayā ca tenaiva siddhir iti viddhi vidvan // (20.2) Par.?
tārkṣya uvāca / (21.1) Par.?
idaṃ śreyaḥ paramaṃ manyamānā vyāyacchante munayaḥ sampratītāḥ / (21.2) Par.?
ācakṣva me taṃ paramaṃ viśokaṃ mokṣaṃ paraṃ yaṃ praviśanti dhīrāḥ // (21.3) Par.?
sarasvatyuvāca / (22.1) Par.?
taṃ vai paraṃ vedavidaḥ prapannāḥ paraṃ parebhyaḥ prathitaṃ purāṇam / (22.2) Par.?
svādhyāyadānavratapuṇyayogais tapodhanā vītaśokā vimuktāḥ // (22.3) Par.?
tasyātha madhye vetasaḥ puṇyagandhaḥ sahasraśākho vimalo vibhāti / (23.1) Par.?
tasya mūlāt saritaḥ prasravanti madhūdakaprasravaṇā ramaṇyaḥ // (23.2) Par.?
śākhāṃ śākhāṃ mahānadyaḥ saṃyānti sikatāsamāḥ / (24.1) Par.?
dhānāpūpā māṃsaśākāḥ sadā pāyasakardamāḥ // (24.2) Par.?
yasminn agnimukhā devāḥ sendrāḥ saha marudgaṇaiḥ / (25.1) Par.?
ījire kratubhiḥ śreṣṭhaistat padaṃ paramaṃ mune // (25.2) Par.?
Duration=0.10393500328064 secs.