Texts

Help

Select a text:
Bibliography

Select a chapter:
(no revisions)
Show parallels Show headlines
Use dependency labeler

Chapter id: 2814

Click on a sentence to show its analysis
Keep the mouse pointer over a lemma to show its meanings.

vaiśampāyana uvāca / (1.1) Par.?

tatas tu śilpinaḥ sarve amātyapravarāśca ha / (1.2) Par.?

viduraś ca mahāprājño dhārtarāṣṭre nyavedayat // (1.3) Par.?

sajjaṃ kratuvaraṃ rājan kālaprāptaṃ ca bhārata / (2.1) Par.?

sauvarṇaṃ ca kṛtaṃ divyaṃ lāṅgalaṃ sumahādhanam // (2.2) Par.?

etacchrutvā nṛpaśreṣṭho dhārtarāṣṭro viśāṃ pate / (3.1) Par.?

ājñāpayāmāsa nṛpaḥ kraturājapravartanam // (3.2) Par.?

tataḥ pravavṛte yajñaḥ prabhūtānnaḥ susaṃskṛtaḥ / (4.1) Par.?

dīkṣitaścāpi gāndhārir yathāśāstraṃ yathākramam // (4.2) Par.?

prahṛṣṭo dhṛtarāṣṭro 'bhūd viduraś ca mahāyaśāḥ / (5.1) Par.?

bhīṣmo droṇaḥ kṛpaḥ karṇo gāndhārī ca yaśasvinī // (5.2) Par.?

nimantraṇārthaṃ dūtāṃśca preṣayāmāsa śīghragān / (6.1) Par.?

pārthivānāṃ ca rājendra brāhmaṇānāṃ tathaiva ca / (6.2) Par.?

te prayātā yathoddiṣṭaṃ dūtās tvaritavāhanāḥ // (6.3) Par.?

tatra kaṃcit prayātaṃ tu dūtaṃ duḥśāsano 'bravīt / (7.1) Par.?

gaccha dvaitavanaṃ śīghraṃ pāṇḍavān pāpapūruṣān / (7.2) Par.?

nimantraya yathānyāyaṃ viprāṃstasmin mahāvane // (7.3) Par.?

sa gatvā pāṇḍavāvāsam uvācābhipraṇamya tān / (8.1) Par.?

duryodhano mahārāja yajate nṛpasattamaḥ // (8.2) Par.?

svavīryārjitam arthaugham avāpya kurunandanaḥ / (9.1) Par.?

tatra gacchanti rājāno brāhmaṇāś ca tatas tataḥ // (9.2) Par.?

ahaṃ tu preṣito rājan kauraveṇa mahātmanā / (10.1) Par.?

āmantrayati vo rājā dhārtarāṣṭro janeśvaraḥ / (10.2) Par.?

mano 'bhilaṣitaṃ rājñas taṃ kratuṃ draṣṭum arhatha // (10.3) Par.?

tato yudhiṣṭhiro rājā tacchrutvā dūtabhāṣitam / (11.1) Par.?

abravīn nṛpaśārdūlo diṣṭyā rājā suyodhanaḥ / (11.2) Par.?

yajate kratumukhyena pūrveṣāṃ kīrtivardhanaḥ // (11.3) Par.?

vayam apyupayāsyāmo na tvidānīṃ kathaṃcana / (12.1) Par.?

samayaḥ paripālyo no yāvad varṣaṃ trayodaśam // (12.2) Par.?

śrutvaitad dharmarājasya bhīmo vacanam abravīt / (13.1) Par.?

tadā tu nṛpatir gantā dharmarājo yudhiṣṭhiraḥ // (13.2) Par.?

astraśastrapradīpte 'gnau yadā taṃ pātayiṣyati / (14.1) Par.?

varṣāt trayodaśād ūrdhvaṃ raṇasattre narādhipaḥ // (14.2) Par.?

yadā krodhahavir moktā dhārtarāṣṭreṣu pāṇḍavaḥ / (15.1) Par.?

āgantāras tadā smeti vācyas te sa suyodhanaḥ // (15.2) Par.?

śeṣās tu pāṇḍavā rājan naivocuḥ kiṃcid apriyam / (16.1) Par.?

dūtaścāpi yathāvṛttaṃ dhārtarāṣṭre nyavedayat // (16.2) Par.?

athājagmur naraśreṣṭhā nānājanapadeśvarāḥ / (17.1) Par.?

brāhmaṇāś ca mahābhāgā dhārtarāṣṭrapuraṃ prati // (17.2) Par.?

te tvarcitā yathāśāstraṃ yathāvarṇaṃ yathākramam / (18.1) Par.?

mudā paramayā yuktāḥ prītyā cāpi nareśvara // (18.2) Par.?

dhṛtarāṣṭro 'pi rājendra saṃvṛtaḥ sarvakauravaiḥ / (19.1) Par.?

harṣeṇa mahatā yukto viduraṃ pratyabhāṣata // (19.2) Par.?

yathā sukhī janaḥ sarvaḥ kṣattaḥ syād annasaṃyutaḥ / (20.1) Par.?

tuṣyecca yajñasadane tathā kṣipraṃ vidhīyatām // (20.2) Par.?

viduras tvevam ājñaptaḥ sarvavarṇān ariṃdama / (21.1) Par.?

yathāpramāṇato vidvān pūjayāmāsa dharmavit // (21.2) Par.?

bhakṣyabhojyānnapānena mālyaiś cāpi sugandhibhiḥ / (22.1) Par.?

vāsobhir vividhaiś caiva yojayāmāsa hṛṣṭavat // (22.2) Par.?

kṛtvā hyavabhṛthaṃ vīro yathāśāstraṃ yathākramam / (23.1) Par.?

sāntvayitvā ca rājendro dattvā ca vividhaṃ vasu / (23.2) Par.?

visarjayāmāsa nṛpān brāhmaṇāṃśca sahasraśaḥ // (23.3) Par.?

visarjayitvā sa nṛpān bhrātṛbhiḥ parivāritaḥ / (24.1) Par.?

viveśa hāstinapuraṃ sahitaḥ karṇasaubalaiḥ // (24.2) Par.?

Duration=0.14277505874634 secs.