UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 2793
- Click on a sentence to show its analysis
- Keep the mouse pointer over a lemma to show its meanings.
janamejaya uvāca / (1.1)
Par.?
evaṃ vane vartamānā narāgryāḥ śītoṣṇavātātapakarśitāṅgāḥ / (1.2)
Par.?
saras tad āsādya vanaṃ ca puṇyaṃ tataḥ paraṃ kim akurvanta pārthāḥ // (1.3)
Par.?
vaiśampāyana uvāca / (2.1)
Par.?
saras tad āsādya tu pāṇḍuputrā janaṃ samutsṛjya vidhāya caiṣām / (2.2)
Par.?
vanāni ramyāṇyatha parvatāṃśca nadīpradeśāṃś ca tadā viceruḥ // (2.3)
Par.?
tathā vane tān vasataḥ pravīrān svādhyāyavantaś ca tapodhanāś ca / (3.1)
Par.?
abhyāyayur vedavidaḥ purāṇās tān pūjayāmāsur atho narāgryāḥ // (3.2)
Par.?
tataḥ kadācit kuśalaḥ kathāsu vipro 'bhyagacchad bhuvi kauraveyān / (4.1)
Par.?
sa taiḥ sametyātha yadṛcchayaiva vaicitravīryaṃ nṛpam abhyagacchat // (4.2)
Par.?
athopaviṣṭaḥ pratisatkṛtaś ca vṛddhena rājñā kurusattamena / (5.1)
Par.?
pracoditaḥ san kathayāṃbabhūva dharmānilendraprabhavān yamau ca // (5.2)
Par.?
kṛśāṃś ca vātātapakarśitāṅgān duḥkhasya cograsya mukhe prapannān / (6.1)
Par.?
tāṃ cāpyanāthām iva vīranāthāṃ kṛṣṇāṃ parikleśaguṇena yuktām // (6.2)
Par.?
tataḥ kathāṃ tasya niśamya rājā vaicitravīryaḥ kṛpayābhitaptaḥ / (7.1)
Par.?
vane sthitān pārthivaputrapautrāñśrutvā tadā duḥkhanadīṃ prapannān // (7.2)
Par.?
provāca dainyābhihatāntarātmā niḥśvāsabāṣpopahataḥ sa pārthān / (8.1)
Par.?
vācaṃ kathaṃcit sthiratām upetya tat sarvam ātmaprabhavaṃ vicintya // (8.2)
Par.?
kathaṃ nu satyaḥ śucir āryavṛtto jyeṣṭhaḥ sutānāṃ mama dharmarājaḥ / (9.1)
Par.?
ajātaśatruḥ pṛthivītalasthaḥ śete purā rāṅkavakūṭaśāyī // (9.2)
Par.?
prabodhyate māgadhasūtapūgair nityaṃ stuvadbhiḥ svayam indrakalpaḥ / (10.1)
Par.?
patatrisaṃghaiḥ sa jaghanyarātre prabodhyate nūnam iḍātalasthaḥ // (10.2)
Par.?
kathaṃ nu vātātapakarśitāṅgo vṛkodaraḥ kopapariplutāṅgaḥ / (11.1)
Par.?
śete pṛthivyām atathocitāṅgaḥ kṛṣṇāsamakṣaṃ vasudhātalasthaḥ // (11.2)
Par.?
tathārjunaḥ sukumāro manasvī vaśe sthito dharmasutasya rājñaḥ / (12.1)
Par.?
vidūyamānair iva sarvagātrair dhruvaṃ na śete vasatīr amarṣāt // (12.2)
Par.?
yamau ca kṛṣṇāṃ ca yudhiṣṭhiraṃ ca bhīmaṃ ca dṛṣṭvā sukhaviprayuktān / (13.1)
Par.?
viniḥśvasan sarpa ivogratejā dhruvaṃ na śete vasatīr amarṣāt // (13.2)
Par.?
tathā yamau cāpyasukhau sukhārhau samṛddharūpāvamarau divīva / (14.1)
Par.?
prajāgarasthau dhruvam apraśāntau dharmeṇa satyena ca vāryamāṇau // (14.2)
Par.?
samīraṇenāpi samo balena samīraṇasyaiva suto balīyān / (15.1)
Par.?
sa dharmapāśena sitogratejā dhruvaṃ viniḥśvasya sahatyamarṣam // (15.2)
Par.?
sa cāpi bhūmau parivartamāno vadhaṃ sutānāṃ mama kāṅkṣamāṇaḥ / (16.1)
Par.?
satyena dharmeṇa ca vāryamāṇaḥ kālaṃ pratīkṣatyadhiko raṇe 'nyaiḥ // (16.2)
Par.?
ajātaśatrau tu jite nikṛtyā duḥśāsano yat paruṣāṇyavocat / (17.1)
Par.?
tāni praviṣṭāni vṛkodarāṅgaṃ dahanti marmāgnir ivendhanāni // (17.2)
Par.?
na pāpakaṃ dhyāsyati dharmaputro dhanaṃjayaś cāpyanuvartate tam / (18.1)
Par.?
araṇyavāsena vivardhate tu bhīmasya kopo 'gnir ivānilena // (18.2) Par.?
sa tena kopena vidīryamāṇaḥ karaṃ kareṇābhinipīḍya vīraḥ / (19.1)
Par.?
viniḥśvasatyuṣṇam atīva ghoraṃ dahann ivemān mama putrapautrān // (19.2)
Par.?
gāṇḍīvadhanvā ca vṛkodaraś ca saṃrambhiṇāvantakakālakalpau / (20.1)
Par.?
na śeṣayetāṃ yudhi śatrusenāṃ śarān kirantāvaśaniprakāśān // (20.2)
Par.?
duryodhanaḥ śakuniḥ sūtaputro duḥśāsanaś cāpi sumandacetāḥ / (21.1)
Par.?
madhu prapaśyanti na tu prapātaṃ vṛkodaraṃ caiva dhanaṃjayaṃ ca // (21.2)
Par.?
śubhāśubhaṃ puruṣaḥ karma kṛtvā pratīkṣate tasya phalaṃ sma kartā / (22.1)
Par.?
sa tena yujyatyavaśaḥ phalena mokṣaḥ kathaṃ syāt puruṣasya tasmāt // (22.2)
Par.?
kṣetre sukṛṣṭe hyupite ca bīje deve ca varṣatyṛtukālayuktam / (23.1)
Par.?
na syāt phalaṃ tasya kutaḥ prasiddhir anyatra daivād iti cintayāmi // (23.2)
Par.?
kṛtaṃ matākṣeṇa yathā na sādhu sādhupravṛttena ca pāṇḍavena / (24.1)
Par.?
mayā ca duṣputravaśānugena yathā kurūṇām ayam antakālaḥ // (24.2)
Par.?
dhruvaṃ pravāsyatyasamīrito 'pi dhruvaṃ prajāsyatyuta garbhiṇī yā / (25.1)
Par.?
dhruvaṃ dinādau rajanīpraṇāśas tathā kṣapādau ca dinapraṇāśaḥ // (25.2)
Par.?
kriyeta kasmān na pare ca kuryur vittaṃ na dadyuḥ puruṣāḥ kathaṃcit / (26.1)
Par.?
prāpyārthakālaṃ ca bhaved anarthaḥ kathaṃ nu tat syād iti tat kutaḥ syāt // (26.2)
Par.?
kathaṃ na bhidyeta na ca sraveta na ca prasicyed iti rakṣitavyam / (27.1)
Par.?
arakṣyamāṇaḥ śatadhā viśīryed dhruvaṃ na nāśo 'sti kṛtasya loke // (27.2)
Par.?
gato hyaraṇyād api śakralokaṃ dhanaṃjayaḥ paśyata vīryam asya / (28.1)
Par.?
astrāṇi divyāni caturvidhāni jñātvā punar lokam imaṃ prapannaḥ // (28.2)
Par.?
svargaṃ hi gatvā saśarīra eva ko mānuṣaḥ punar āgantum icchet / (29.1)
Par.?
anyatra kālopahatān anekān samīkṣamāṇas tu kurūn mumūrṣūn // (29.2)
Par.?
dhanurgrāhaś cārjunaḥ savyasācī dhanuś ca tad gāṇḍivaṃ lokasāram / (30.1)
Par.?
astrāṇi divyāni ca tāni tasya trayasya tejaḥ prasaheta ko nu // (30.2)
Par.?
niśamya tad vacanaṃ pārthivasya duryodhano rahite saubalaś ca / (31.1)
Par.?
abodhayat karṇam upetya sarvaṃ sa cāpyahṛṣṭo 'bhavad alpacetāḥ // (31.2)
Par.?
Duration=0.12726187705994 secs.