UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 2811
- Click on a sentence to show its analysis
- Keep the mouse pointer over a lemma to show its meanings.
dānavā ūcuḥ / (1.1)
Par.?
bhoḥ suyodhana rājendra bharatānāṃ kulodvaha / (1.2)
Par.?
śūraiḥ parivṛto nityaṃ tathaiva ca mahātmabhiḥ // (1.3)
Par.?
akārṣīḥ sāhasam idaṃ kasmāt prāyopaveśanam / (2.1)
Par.?
ātmatyāgī hyavāg yāti vācyatāṃ cāyaśaskarīm // (2.2)
Par.?
na hi kāryaviruddheṣu bahvapāyeṣu karmasu / (3.1)
Par.?
mūlaghātiṣu sajjante buddhimanto bhavadvidhāḥ // (3.2)
Par.?
niyacchaitāṃ matiṃ rājan dharmārthasukhanāśinīm / (4.1)
Par.?
yaśaḥpratāpadhairyaghnīṃ śatrūṇāṃ harṣavardhanīm // (4.2)
Par.?
śrūyatāṃ ca prabho tattvaṃ divyatāṃ cātmano nṛpa / (5.1)
Par.?
nirmāṇaṃ ca śarīrasya tato dhairyam avāpnuhi // (5.2)
Par.?
purā tvaṃ tapasāsmābhir labdho devān maheśvarāt / (6.1)
Par.?
pūrvakāyaś ca sarvas te nirmito vajrasaṃcayaiḥ // (6.2)
Par.?
astrair abhedyaḥ śastraiś cāpyadhaḥkāyaś ca te 'nagha / (7.1)
Par.?
kṛtaḥ puṣpamayo devyā rūpataḥ strīmanoharaḥ // (7.2)
Par.?
evam īśvarasaṃyuktas tava deho nṛpottama / (8.1)
Par.?
devyā ca rājaśārdūla divyas tvaṃ hi na mānuṣaḥ // (8.2)
Par.?
kṣatriyāś ca mahāvīryā bhagadattapurogamāḥ / (9.1)
Par.?
divyāstraviduṣaḥ śūrāḥ kṣapayiṣyanti te ripūn // (9.2)
Par.?
tad alaṃ te viṣādena bhayaṃ tava na vidyate / (10.1)
Par.?
sāhyārthaṃ ca hi te vīrāḥ sambhūtā bhuvi dānavāḥ // (10.2)
Par.?
bhīṣmadroṇakṛpādīṃś ca pravekṣyantyapare 'surāḥ / (11.1)
Par.?
yair āviṣṭā ghṛṇāṃ tyaktvā yotsyante tava vairibhiḥ // (11.2)
Par.?
naiva putrān na ca bhrātṝn na pitṝn na ca bāndhavān / (12.1)
Par.?
naiva śiṣyān na ca jñātīn na bālān sthavirān na ca // (12.2)
Par.?
yudhi samprahariṣyanto mokṣyanti kurusattama / (13.1)
Par.?
niḥsnehā dānavāviṣṭāḥ samākrānte 'ntarātmani // (13.2)
Par.?
prahariṣyanti bandhubhyaḥ sneham utsṛjya dūrataḥ / (14.1)
Par.?
hṛṣṭāḥ puruṣaśārdūlāḥ kaluṣīkṛtamānasāḥ / (14.2)
Par.?
avijñānavimūḍhāś ca daivācca vidhinirmitāt // (14.3)
Par.?
vyābhāṣamāṇāś cānyonyaṃ na me jīvan vimokṣyase / (15.1)
Par.?
sarvaśastrāstramokṣeṇa pauruṣe samavasthitāḥ / (15.2)
Par.?
ślāghamānāḥ kuruśreṣṭha kariṣyanti janakṣayam // (15.3)
Par.?
te 'pi śaktyā mahātmānaḥ pratiyotsyanti pāṇḍavāḥ / (16.1)
Par.?
vadhaṃ caiṣāṃ kariṣyanti daivayuktā mahābalāḥ // (16.2)
Par.?
daityarakṣogaṇāś cāpi sambhūtāḥ kṣatrayoniṣu / (17.1)
Par.?
yotsyanti yudhi vikramya śatrubhis tava pārthiva / (17.2)
Par.?
gadābhir musalaiḥ khaḍgaiḥ śastrair uccāvacais tathā // (17.3)
Par.?
yacca te 'ntargataṃ vīra bhayam arjunasambhavam / (18.1)
Par.?
tatrāpi vihito 'smābhir vadhopāyo 'rjunasya vai // (18.2)
Par.?
hatasya narakasyātmā karṇamūrtim upāśritaḥ / (19.1)
Par.?
tad vairaṃ saṃsmaran vīra yotsyate keśavārjunau // (19.2)
Par.?
sa te vikramaśauṇḍīro raṇe pārthaṃ vijeṣyati / (20.1)
Par.?
karṇaḥ praharatāṃ śreṣṭhaḥ sarvāṃścārīn mahārathaḥ // (20.2)
Par.?
jñātvaitacchadmanā vajrī rakṣārthaṃ savyasācinaḥ / (21.1)
Par.?
kuṇḍale kavacaṃ caiva karṇasyāpahariṣyati // (21.2)
Par.?
tasmād asmābhir apyatra daityāḥ śatasahasraśaḥ / (22.1)
Par.?
niyuktā rākṣasāś caiva ye te saṃśaptakā iti / (22.2)
Par.?
prakhyātās te 'rjunaṃ vīraṃ nihaniṣyanti mā śucaḥ // (22.3)
Par.?
asapatnā tvayā hīyaṃ bhoktavyā vasudhā nṛpa / (23.1)
Par.?
mā viṣādaṃ nayasvāsmān naitat tvayyupapadyate / (23.2)
Par.?
vinaṣṭe tvayi cāsmākaṃ pakṣo hīyeta kaurava // (23.3)
Par.?
gaccha vīra na te buddhir anyā kāryā kathaṃcana / (24.1)
Par.?
tvam asmākaṃ gatir nityaṃ devatānāṃ ca pāṇḍavāḥ // (24.2)
Par.?
vaiśampāyana uvāca / (25.1)
Par.?
evam uktvā pariṣvajya daityās taṃ rājakuñjaram / (25.2)
Par.?
samāśvāsya ca durdharṣaṃ putravad dānavarṣabhāḥ // (25.3)
Par.?
sthirāṃ kṛtvā buddhim asya priyāṇyuktvā ca bhārata / (26.1)
Par.?
gamyatām ityanujñāya jayam āpnuhi cetyatha // (26.2)
Par.?
tair visṛṣṭaṃ mahābāhuṃ kṛtyā saivānayat punaḥ / (27.1)
Par.?
tam eva deśaṃ yatrāsau tadā prāyam upāviśat // (27.2)
Par.?
pratinikṣipya taṃ vīraṃ kṛtyā samabhipūjya ca / (28.1)
Par.?
anujñātā ca rājñā sā tatraivāntaradhīyata // (28.2)
Par.?
gatāyām atha tasyāṃ tu rājā duryodhanas tadā / (29.1)
Par.?
svapnabhūtam idaṃ sarvam acintayata bhārata / (29.2)
Par.?
vijeṣyāmi raṇe pāṇḍūn iti tasyābhavan matiḥ // (29.3)
Par.?
karṇaṃ saṃśaptakāṃś caiva pārthasyāmitraghātinaḥ / (30.1)
Par.?
amanyata vadhe yuktān samarthāṃśca suyodhanaḥ // (30.2)
Par.?
evam āśā dṛḍhā tasya dhārtarāṣṭrasya durmateḥ / (31.1)
Par.?
vinirjaye pāṇḍavānām abhavad bharatarṣabha // (31.2)
Par.?
karṇo 'pyāviṣṭacittātmā narakasyāntarātmanā / (32.1)
Par.?
arjunasya vadhe krūrām akarot sa matiṃ tadā // (32.2)
Par.?
saṃśaptakāś ca te vīrā rākṣasāviṣṭacetasaḥ / (33.1)
Par.?
rajastamobhyām ākrāntāḥ phalgunasya vadhaiṣiṇaḥ // (33.2)
Par.?
bhīṣmadroṇakṛpādyāśca dānavākrāntacetasaḥ / (34.1)
Par.?
na tathā pāṇḍuputrāṇāṃ snehavanto viśāṃ pate / (34.2)
Par.?
na cācacakṣe kasmaicid etad rājā suyodhanaḥ // (34.3)
Par.?
duryodhanaṃ niśānte ca karṇo vaikartano 'bravīt / (35.1)
Par.?
smayann ivāñjaliṃ kṛtvā pārthivaṃ hetumad vacaḥ // (35.2)
Par.?
na mṛto jayate śatrūñjīvan bhadrāṇi paśyati / (36.1)
Par.?
mṛtasya bhadrāṇi kutaḥ kauraveya kuto jayaḥ / (36.2)
Par.?
na kālo 'dya viṣādasya bhayasya maraṇasya vā // (36.3)
Par.?
pariṣvajyābravīc cainaṃ bhujābhyāṃ sa mahābhujaḥ / (37.1)
Par.?
uttiṣṭha rājan kiṃ śeṣe kasmācchocasi śatruhan / (37.2)
Par.?
śatrūn pratāpya vīryeṇa sa kathaṃ martum icchasi // (37.3)
Par.?
atha vā te bhayaṃ jātaṃ dṛṣṭvārjunaparākramam / (38.1)
Par.?
satyaṃ te pratijānāmi vadhiṣyāmi raṇe 'rjunam // (38.2)
Par.?
gate trayodaśe varṣe satyenāyudham ālabhe / (39.1)
Par.?
ānayiṣyāmyahaṃ pārthān vaśaṃ tava janādhipa // (39.2)
Par.?
evam uktas tu karṇena daityānāṃ vacanāt tathā / (40.1)
Par.?
praṇipātena cānyeṣām udatiṣṭhat suyodhanaḥ / (40.2)
Par.?
daityānāṃ tad vacaḥ śrutvā hṛdi kṛtvā sthirāṃ matim // (40.3)
Par.?
tato manujaśārdūlo yojayāmāsa vāhinīm / (41.1)
Par.?
rathanāgāśvakalilāṃ padātijanasaṃkulām // (41.2)
Par.?
gaṅgaughapratimā rājan prayātā sā mahācamūḥ / (42.1)
Par.?
śvetacchattraiḥ patākābhiś cāmaraiś ca supāṇḍuraiḥ // (42.2)
Par.?
rathair nāgaiḥ padātaiś ca śuśubhe 'tīva saṃkulā / (43.1)
Par.?
vyapetābhraghane kāle dyaur ivāvyaktaśāradī // (43.2)
Par.?
jayāśīrbhir dvijendrais tu stūyamāno 'dhirājavat / (44.1)
Par.?
gṛhṇann añjalimālāś ca dhārtarāṣṭro janādhipaḥ // (44.2)
Par.?
suyodhano yayāvagre śriyā paramayā jvalan / (45.1)
Par.?
karṇena sārdhaṃ rājendra saubalena ca devinā // (45.2)
Par.?
duḥśāsanādayaścāsya bhrātaraḥ sarva eva te / (46.1)
Par.?
bhūriśravāḥ somadatto mahārājaśca bāhlikaḥ // (46.2)
Par.?
rathair nānāvidhākārair hayair gajavarais tathā / (47.1)
Par.?
prayāntaṃ nṛpasiṃhaṃ tam anujagmuḥ kurūdvahāḥ / (47.2)
Par.?
kālenālpena rājaṃste viviśuḥ svapuraṃ tadā // (47.3) Par.?
Duration=0.29397416114807 secs.