Texts

mārkaṇḍeya uvāca / (1.1) Par.?

tato niviśamānāṃstān sainikān rāvaṇānugāḥ / (1.2) Par.?

abhijagmur gaṇān eke piśācakṣudrarakṣasām // (1.3) Par.?

parvaṇaḥ pūtano jambhaḥ kharaḥ krodhavaśo hariḥ / (2.1) Par.?

prarujaś cārujaścaiva praghasaś caivamādayaḥ // (2.2) Par.?

tato 'bhipatatāṃ teṣām adṛśyānāṃ durātmanām / (3.1) Par.?

antardhānavadhaṃ tajjñaścakāra sa vibhīṣaṇaḥ // (3.2) Par.?

te dṛśyamānā haribhir balibhir dūrapātibhiḥ / (4.1) Par.?

nihatāḥ sarvaśo rājan mahīṃ jagmur gatāsavaḥ // (4.2) Par.?

amṛṣyamāṇaḥ sabalo rāvaṇo niryayāvatha / (5.1) Par.?

vyūhya cauśanasaṃ vyūhaṃ harīn sarvān ahārayat // (5.2) Par.?

rāghavastvabhiniryāya vyūḍhānīkaṃ daśānanam / (6.1) Par.?

bārhaspatyaṃ vidhiṃ kṛtvā pratyavyūhan niśācaram // (6.2) Par.?

sametya yuyudhe tatra tato rāmeṇa rāvaṇaḥ / (7.1) Par.?

yuyudhe lakṣmaṇaś caiva tathaivendrajitā saha // (7.2) Par.?

virūpākṣeṇa sugrīvas tāreṇa ca nikharvaṭaḥ / (8.1) Par.?

tuṇḍena ca nalastatra paṭuśaḥ panasena ca // (8.2) Par.?

viṣahyaṃ yaṃ hi yo mene sa sa tena sameyivān / (9.1) Par.?

yuyudhe yuddhavelāyāṃ svabāhubalam āśritaḥ // (9.2) Par.?

sa samprahāro vavṛdhe bhīrūṇāṃ bhayavardhanaḥ / (10.1) Par.?

lomasaṃharṣaṇo ghoraḥ purā devāsure yathā // (10.2) Par.?

rāvaṇo rāmam ānarchacchaktiśūlāsivṛṣṭibhiḥ / (11.1) Par.?

niśitair āyasais tīkṣṇai rāvaṇaṃ cāpi rāghavaḥ // (11.2) Par.?

tathaivendrajitaṃ yattaṃ lakṣmaṇo marmabhedibhiḥ / (12.1) Par.?

indrajiccāpi saumitriṃ bibheda bahubhiḥ śaraiḥ // (12.2) Par.?

vibhīṣaṇaḥ prahastaṃ ca prahastaś ca vibhīṣaṇam / (13.1) Par.?

khagapattraiḥ śarais tīkṣṇair abhyavarṣad gatavyathaḥ // (13.2) Par.?

teṣāṃ balavatām āsīn mahāstrāṇāṃ samāgamaḥ / (14.1) Par.?

vivyathuḥ sakalā yena trayo lokāścarācarāḥ // (14.2) Par.?