Texts

Help

Select a text:
Bibliography

Select a chapter:
(no revisions)
Show parallels Show headlines
Use dependency labeler

Chapter id: 5124

Click on a sentence to show its analysis
Keep the mouse pointer over a lemma to show its meanings.

bhīma uvāca / (1.1) Par.?

paurogavo bruvāṇo 'haṃ ballavo nāma nāmataḥ / (1.2) Par.?

upasthāsyāmi rājānaṃ virāṭam iti me matiḥ / (1.3) Par.?

*rasānnānāvidhāṃścāpi svāduvanmadhurāṃstathā // (1.4) Par.?

sūpān asya kariṣyāmi kuśalo 'smi mahānase / (2.1) Par.?

kṛtapūrvāṇi yair asya vyañjanāni suśikṣitaiḥ / (2.2) Par.?

tān apyabhibhaviṣyāmi prītiṃ saṃjanayann aham / (2.3) Par.?

*pūrvam aprāśitāṃstena kartāsmi saguṇānvitān / (2.4) Par.?

*svādu vyañjanam āsvādya manye prīto bhaviṣyati / (2.5) Par.?

*kṛtakṛtyā hi ye tasya bhaviṣyanti suśikṣitāḥ // (2.6) Par.?

āhariṣyāmi dārūṇāṃ nicayānmahato 'pi ca / (3.1) Par.?

tat prekṣya vipulaṃ karma rājā prīto bhaviṣyati / (3.2) Par.?

*amānuṣāṇi kurvāṇaṃ tāni karmāṇi bhārata / (3.3) Par.?

*rājñastasya paripreṣyā maṃsyante māṃ yathā nṛpam / (3.4) Par.?

*bhakṣyānnarasapānānāṃ bhaviṣyāmi tatheśvaraḥ / (3.5) Par.?

*dvipān siṃhān haniṣyāmi krīḍārthaṃ tasya pārthiva / (3.6) Par.?

*yodhān anyān haniṣyāmi prītiṃ tasya vivardhayan // (3.7) Par.?

dvipā vā balino rājan vṛṣabhā vā mahābalāḥ / (4.1) Par.?

vinigrāhyā yadi mayā nigrahīṣyāmi tān api / (4.2) Par.?

*vṛṣo vā mahiṣo vāpi nāgo vā ṣāṣṭihāyanaḥ / (4.3) Par.?

*siṃho vyāghro yadā cāsya grahītavyo bhaviṣyati / (4.4) Par.?

*tān sarvān durgrahān anyair āśīviṣaviṣopamān / (4.5) Par.?

*balād ahaṃ grahīṣyāmi matsyarājasya paśyataḥ // (4.6) Par.?

ye ca kecinniyotsyanti samājeṣu niyodhakāḥ / (5.1) Par.?

*ye ca tasya mahāmallāḥ samareṣvaparājitāḥ / (5.2) Par.?

*kṛtapratāpā bahuśo rājñaḥ prātyayikā bale / (5.3) Par.?

*raṅgopajīvinaḥ sārāḥ pareṣāṃ ca bhayāvahāḥ / (5.4) Par.?

tān ahaṃ nihaniṣyāmi prītiṃ tasya vivardhayan // (5.5) Par.?

na tvetān yudhyamānān vai haniṣyāmi kathaṃcana / (6.1) Par.?

*tathaitān yudhyamāno 'haṃ nihaniṣyāmi sarvaśaḥ / (6.2) Par.?

tathaitān pātayiṣyāmi yathā yāsyanti na kṣayam / (6.3) Par.?

*ārālikā vā sūdā vā ye 'sya yuktā mahānase / (6.4) Par.?

*tān ahaṃ prīṇayiṣyāmi manuṣyān svena karmaṇā // (6.5) Par.?

ārāliko govikartā sūpakartā niyodhakaḥ / (7.1) Par.?

āsaṃ yudhiṣṭhirasyāham iti vakṣyāmi pṛcchataḥ // (7.2) Par.?

ātmānam ātmanā rakṣaṃścariṣyāmi viśāṃ pate / (8.1) Par.?

*virāṭanagare channo matsyarājasamīpataḥ / (8.2) Par.?

ityetat pratijānāmi vihariṣyāmyahaṃ yathā // (8.3) Par.?

yudhiṣṭhira uvāca / (9.1) Par.?

yam agnir brāhmaṇo bhūtvā samāgacchannṛṇāṃ varam / (9.2) Par.?

didhakṣuḥ khāṇḍavaṃ dāvaṃ dāśārhasahitaṃ purā // (9.3) Par.?

mahābalaṃ mahābāhum ajitaṃ kurunandanam / (10.1) Par.?

so 'yaṃ kiṃ karma kaunteyaḥ kariṣyati dhanaṃjayaḥ // (10.2) Par.?

yo 'yam āsādya taṃ dāvaṃ tarpayāmāsa pāvakam / (11.1) Par.?

vijityaikarathenendraṃ hatvā pannagarākṣasān / (11.2) Par.?

*vāsukeḥ sarparājasya svasāraṃ hṛtavāṃśca yaḥ / (11.3) Par.?

śreṣṭhaḥ pratiyudhāṃ nāma so 'rjunaḥ kiṃ kariṣyati / (11.4) Par.?

*parvatānāṃ ca himavān kurukṣetraṃ ca tīrthataḥ / (11.5) Par.?

*grahāṇām api śītāṃśur garuḍaḥ pakṣiṇām api / (11.6) Par.?

*vāyur balavatāṃ śreṣṭhastāpaso bhṛgusattamaḥ // (11.7) Par.?

sūryaḥ pratapatāṃ śreṣṭho dvipadāṃ brāhmaṇo varaḥ / (12.1) Par.?

āśīviṣaśca sarpāṇām agnistejasvināṃ varaḥ // (12.2) Par.?

āyudhānāṃ varo vajraḥ kakudmī ca gavāṃ varaḥ / (13.1) Par.?

hradānām udadhiḥ śreṣṭhaḥ parjanyo varṣatāṃ varaḥ // (13.2) Par.?

dhṛtarāṣṭraśca nāgānāṃ hastiṣvairāvato varaḥ / (14.1) Par.?

putraḥ priyāṇām adhiko bhāryā ca suhṛdāṃ varā / (14.2) Par.?

*mātā gurūṇāṃ pravarā varṣatāṃ jalado varaḥ // (14.3) Par.?

yathaitāni viśiṣṭāni jātyāṃ jātyāṃ vṛkodara / (15.1) Par.?

evaṃ yuvā guḍākeśaḥ śreṣṭhaḥ sarvadhanuṣmatām // (15.2) Par.?

so 'yam indrād anavaro vāsudevācca bhārata / (16.1) Par.?

gāṇḍīvadhanvā śvetāśvo bībhatsuḥ kiṃ kariṣyati // (16.2) Par.?

uṣitvā pañca varṣāṇi sahasrākṣasya veśmani / (17.1) Par.?

*brahmacaryavrate yuktaḥ sarvāstreṣūdyato 'bhavat / (17.2) Par.?

*astrayogaṃ samājñāya svavīryānmānuṣādbhutam / (17.3) Par.?

divyānyastrāṇyavāptāni devarūpeṇa bhāsvatā // (17.4) Par.?

yaṃ manye dvādaśaṃ rudram ādityānāṃ trayodaśam / (18.1) Par.?

*vasūnāṃ navamaṃ manye grahāṇāṃ daśamaṃ tathā / (18.2) Par.?

yasya bāhū samau dīrghau jyāghātakaṭhinatvacau / (18.3) Par.?

dakṣiṇe caiva savye ca gavām iva vahaḥ kṛtaḥ // (18.4) Par.?

himavān iva śailānāṃ samudraḥ saritām iva / (19.1) Par.?

tridaśānāṃ yathā śakro vasūnām iva havyavāṭ / (19.2) Par.?

*grahāṇām iva vai sūryo nakṣatrāṇāṃ niśākaraḥ / (19.3) Par.?

*meruḥ sarvagirīṇāṃ ca sarpāṇām iva vāsukiḥ // (19.4) Par.?

mṛgāṇām iva śārdūlo garuḍaḥ patatām iva / (20.1) Par.?

varaḥ saṃnahyamānānām arjunaḥ kiṃ kariṣyati / (20.2) Par.?

*yudhiṣṭhiraḥ / (20.3) Par.?

*agnir brāhmaṇarūpeṇa pracchanno 'nnam ayācata / (20.4) Par.?

*mahāśanaṃ brāhmaṇaṃ māṃ pramuñcārjuna khāṇḍave / (20.5) Par.?

*saṃśuśruve ca dharmātmā yastam arthaṃ cakāra ha / (20.6) Par.?

*tasmai brāhmaṇarūpāya hutāśāya mahāyaśāḥ / (20.7) Par.?

*yastu devānmanuṣyāṃśca sarvāś caikaratho 'jayat / (20.8) Par.?

*sa bhīmadhanvā śvetāśvaḥ pāṇḍavaḥ kiṃ kariṣyati / (20.9) Par.?

*āśīviṣasamasparśo nāgānām iva vāsukiḥ / (20.10) Par.?

*dṛṣṭīviṣa ivāhīnām agnistejasvinām iva / (20.11) Par.?

*samudra iva sindhūnāṃ śailānāṃ himavān iva / (20.12) Par.?

*mahendra iva devānāṃ dānavānāṃ balir yathā / (20.13) Par.?

*supratīko gajānāṃ ca yugyānāṃ turago yathā / (20.14) Par.?

*kubera iva yakṣāṇāṃ mṛgāṇāṃ kesarī yathā / (20.15) Par.?

*rākṣasānāṃ daśagrīvo daityānām iva śambaraḥ / (20.16) Par.?

*rudrāṇām iva kāpālī viṣṇur balavatām iva / (20.17) Par.?

*roṣāmarṣasamāyukto bhujaṃgānāṃ ca takṣakaḥ / (20.18) Par.?

*vāyuvegabaloddhūto garuḍaḥ patatām iva / (20.19) Par.?

*tapatām iva cādityaḥ prajānāṃ brāhmaṇo yathā / (20.20) Par.?

*hradānām iva pātālaṃ parjanyo dadatām iva / (20.21) Par.?

*āyudhānāṃ varo vajraḥ kakudmāṃśca gavāṃ varaḥ / (20.22) Par.?

*dhṛtarāṣṭraśca nāgānāṃ hastiṣvairāvato varaḥ / (20.23) Par.?

*putraḥ priyāṇām adhiko bhāryā ca suhṛdāṃ varā / (20.24) Par.?

*girīṇāṃ pravaro merur devānāṃ madhusūdanaḥ / (20.25) Par.?

*grahāṇāṃ pravaraścandraḥ sarasāṃ mānaso varaḥ / (20.26) Par.?

*yathaitāni viśiṣṭāni svasyāṃ jātyāṃ vṛkodara / (20.27) Par.?

*evaṃ yuvā guḍākeśaḥ śreṣṭhaḥ sarvadhanuṣmatām / (20.28) Par.?

*so 'yam indrād anavamo vāsudevācca bhārata / (20.29) Par.?

*uṣitvā pañca varṣāṇi sahasrākṣasya veśmani / (20.30) Par.?

*brahmacārī vrate yuktaḥ sarvaśastrabhṛtāṃ varaḥ / (20.31) Par.?

*avāpa cāstram asrajñaḥ sarvaṃ sarvajñasaṃmataḥ / (20.32) Par.?

*kṣipraṃ cāṇuṃ ca citraṃ ca dhruvaṃ ca vadatāṃ varaḥ / (20.33) Par.?

*anujñātaḥ surendreṇa punaḥ pratyāgato mahīm / (20.34) Par.?

*dhārtarāṣṭravināśāya pāṇḍavānāṃ jayāya ca / (20.35) Par.?

*yaṃ manye dvādaśaṃ rudram ādityānāṃ trayodaśam / (20.36) Par.?

*yasya dīrghau samau bāhū jyāghātena kiṇīkṛtau / (20.37) Par.?

*dakṣiṇaṃ caiva savyaṃ ca vāhāvanaḍuho yathā / (20.38) Par.?

*talāṅgulitrābhyucitau nāgarājakaropamau / (20.39) Par.?

*śyāmo yuvā guḍākeśo darśanīyaśca pāṇḍavaḥ / (20.40) Par.?

*gāṇḍīvadhanvā śvetāśvaḥ kirīṭī vānaradhvajaḥ / (20.41) Par.?

*kiṃrūpadhārī kiṃkarmā kiṃceṣṭaḥ kiṃparākramaḥ / (20.42) Par.?

*bībhatsur bhīmadhanvā ca kiṃ kariṣyati cārjunaḥ / (20.43) Par.?

*kuntīputro virāṭasya raṃsyate kena karmaṇā / (20.44) Par.?

*gandharvāṇāṃ citrarathaḥ siddhānāṃ kapilo yathā / (20.45) Par.?

*janau parighasaṃkāśau sadā mṛdutarau śubhau / (20.46) Par.?

*vāsudevasamau loke yaśasā vikrameṇa ca / (20.47) Par.?

*so 'yaṃ rājño virāṭasya bhavane bharatarṣabha / (20.48) Par.?

*arjuna tvaṃ kathaṃ karma tasya rāṣṭre cariṣyasi // (20.49) Par.?

arjuna uvāca / (21.1) Par.?

pratijñāṃ ṣaṇḍhako 'smīti kariṣyāmi mahīpate / (21.2) Par.?

jyāghātau hi mahāntau me saṃvartuṃ nṛpa duṣkarau / (21.3) Par.?

*śapto 'ham āsaṃ pūrvaṃ vai urvaśyā kāraṇāntare / (21.4) Par.?

*tacchāpaṃ prerayan rājan vihariṣyāmi bhārata / (21.5) Par.?

*imau kiṇīkṛtau bāhū jyāghātatalapīḍanāt / (21.6) Par.?

*nityaṃ kañcukasaṃchannau nānyathā goptum utsahe / (21.7) Par.?

*kiṃ tu kāryavaśād etad ācariṣyāmi kutsitam / (21.8) Par.?

*bāhū me bharataśreṣṭha mahāvyañjanalakṣitau / (21.9) Par.?

*valayaiśchādayiṣyāmi bāhū kiṇakṛtāvimau / (21.10) Par.?

*pinaddhakambuḥ pāṇibhyāṃ tṛtīyāṃ prakṛtiṃ gataḥ / (21.11) Par.?

*so 'haṃ klaibyena veṣeṇa ṣaṇḍhako 'ham iti bruvan // (21.12) Par.?

karṇayoḥ pratimucyāhaṃ kuṇḍale jvalanopame / (22.1) Par.?

veṇīkṛtaśirā rājannāmnā caiva bṛhannaḍaḥ // (22.2) Par.?

paṭhann ākhyāyikāṃ nāma strībhāvena punaḥ punaḥ / (23.1) Par.?

ramayiṣye mahīpālam anyāṃścāntaḥpure janān // (23.2) Par.?

gītaṃ nṛttaṃ vicitraṃ ca vāditraṃ vividhaṃ tathā / (24.1) Par.?

śikṣayiṣyāmyahaṃ rājan virāṭabhavane striyaḥ / (24.2) Par.?

*strībhāvasamudācāro nṛttagītakathāśrayaiḥ // (24.3) Par.?

prajānāṃ samudācāraṃ bahu karmakṛtaṃ vadan / (25.1) Par.?

chādayiṣyāmi kaunteya māyayātmānam ātmanā // (25.2) Par.?

yudhiṣṭhirasya gehe 'smi draupadyāḥ paricārikā / (26.1) Par.?

uṣitāsmīti vakṣyāmi pṛṣṭo rājñā ca bhārata / (26.2) Par.?

*urvaśyā api śāpena prāpto 'smi nṛpa ṣaṇḍatām / (26.3) Par.?

*śakraprasādānmukto 'haṃ varṣāṇāṃ tu trayodaśam // (26.4) Par.?

etena vidhinā channaḥ kṛtakena yathā nalaḥ / (27.1) Par.?

vihariṣyāmi rājendra virāṭabhavane sukham / (27.2) Par.?

*ityevam uktvā puruṣapravīrastadārjuno dharmabhṛtāṃ variṣṭhaḥ / (27.3) Par.?

*vākyaṃ tadāsau virarāma bhūyo nṛpo 'paraṃ bhrātaram ābabhāṣe // (27.4) Par.?

Duration=1.2537989616394 secs.