UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 2864
- Click on a sentence to show its analysis
- Keep the mouse pointer over a lemma to show its meanings.
sūrya uvāca / (1.1)
Par.?
māhitaṃ karṇa kārṣīs tvam ātmanaḥ suhṛdāṃ tathā / (1.2)
Par.?
putrāṇām atha bhāryāṇām atho mātur atho pituḥ // (1.3)
Par.?
śarīrasyāvirodhena prāṇināṃ prāṇabhṛdvara / (2.1)
Par.?
iṣyate yaśasaḥ prāptiḥ kīrtiśca tridive sthirā // (2.2)
Par.?
yastvaṃ prāṇavirodhena kīrtim icchasi śāśvatīm / (3.1)
Par.?
sā te prāṇān samādāya gamiṣyati na saṃśayaḥ // (3.2)
Par.?
jīvatāṃ kurute kāryaṃ pitā mātā sutās tathā / (4.1)
Par.?
ye cānye bāndhavāḥ kecil loke 'smin puruṣarṣabha / (4.2)
Par.?
rājānaś ca naravyāghra pauruṣeṇa nibodha tat // (4.3)
Par.?
kīrtiśca jīvataḥ sādhvī puruṣasya mahādyute / (5.1)
Par.?
mṛtasya kīrtyā kiṃ kāryaṃ bhasmībhūtasya dehinaḥ / (5.2)
Par.?
mṛtaḥ kīrtiṃ na jānāti jīvan kīrtiṃ samaśnute // (5.3)
Par.?
mṛtasya kīrtirmartyasya yathā mālā gatāyuṣaḥ / (6.1)
Par.?
ahaṃ tu tvāṃ bravīmyetad bhakto 'sīti hitepsayā // (6.2)
Par.?
bhaktimanto hi me rakṣyā ityetenāpi hetunā / (7.1)
Par.?
bhakto 'yaṃ parayā bhaktyā mām ityeva mahābhuja / (7.2)
Par.?
mamāpi bhaktir utpannā sa tvaṃ kuru vaco mama // (7.3)
Par.?
asti cātra paraṃ kiṃcid adhyātmaṃ devanirmitam / (8.1)
Par.?
ataśca tvāṃ bravīmyetat kriyatām aviśaṅkayā // (8.2)
Par.?
devaguhyaṃ tvayā jñātuṃ na śakyaṃ puruṣarṣabha / (9.1)
Par.?
tasmān nākhyāmi te guhyaṃ kāle vetsyati tad bhavān // (9.2)
Par.?
punar uktaṃ ca vakṣyāmi tvaṃ rādheya nibodha tat / (10.1)
Par.?
māsmai te kuṇḍale dadyā bhikṣave vajrapāṇaye // (10.2)
Par.?
śobhase kuṇḍalābhyāṃ hi rucirābhyāṃ mahādyute / (11.1)
Par.?
viśākhayormadhyagataḥ śaśīva vimalo divi // (11.2)
Par.?
kīrtiśca jīvataḥ sādhvī puruṣasyeti viddhi tat / (12.1)
Par.?
pratyākhyeyastvayā tāta kuṇḍalārthe puraṃdaraḥ // (12.2)
Par.?
śakyā bahuvidhair vākyaiḥ kuṇḍalepsā tvayānagha / (13.1)
Par.?
vihantuṃ devarājasya hetuyuktaiḥ punaḥ punaḥ // (13.2)
Par.?
upapattyupapannārthair mādhuryakṛtabhūṣaṇaiḥ / (14.1)
Par.?
puraṃdarasya karṇa tvaṃ buddhim etām apānuda // (14.2)
Par.?
tvaṃ hi nityaṃ naravyāghra spardhase savyasācinā / (15.1) Par.?
savyasācī tvayā caiva yudhi śūraḥ sameṣyati // (15.2)
Par.?
na tu tvām arjunaḥ śaktaḥ kuṇḍalābhyāṃ samanvitam / (16.1)
Par.?
vijetuṃ yudhi yadyasya svayam indraḥ śaro bhavet // (16.2)
Par.?
tasmān na deye śakrāya tvayaite kuṇḍale śubhe / (17.1)
Par.?
saṃgrāme yadi nirjetuṃ karṇa kāmayase 'rjunam // (17.2)
Par.?
Duration=0.066033124923706 secs.