Texts

Help

Select a text:
Bibliography

Select a chapter:
(no revisions)
Show parallels Show headlines
Use dependency labeler

Chapter id: 2866

Click on a sentence to show its analysis
Keep the mouse pointer over a lemma to show its meanings.

janamejaya uvāca / (1.1) Par.?

kiṃ tad guhyaṃ na cākhyātaṃ karṇāyehoṣṇaraśminā / (1.2) Par.?

kīdṛśe kuṇḍale te ca kavacaṃ caiva kīdṛśam // (1.3) Par.?

kutaś ca kavacaṃ tasya kuṇḍale caiva sattama / (2.1) Par.?

etad icchāmyahaṃ śrotuṃ tanme brūhi tapodhana // (2.2) Par.?

vaiśampāyana uvāca / (3.1) Par.?

ayaṃ rājan bravīmyetad yat tad guhyaṃ vibhāvasoḥ / (3.2) Par.?

yādṛśe kuṇḍale caiva kavacaṃ caiva yādṛśam // (3.3) Par.?

kuntibhojaṃ purā rājan brāhmaṇaḥ samupasthitaḥ / (4.1) Par.?

tigmatejā mahāprāṃśuḥ śmaśrudaṇḍajaṭādharaḥ // (4.2) Par.?

darśanīyo 'navadyāṅgastejasā prajvalann iva / (5.1) Par.?

madhupiṅgo madhuravāk tapaḥsvādhyāyabhūṣaṇaḥ // (5.2) Par.?

sa rājānaṃ kuntibhojam abravīt sumahātapāḥ / (6.1) Par.?

bhikṣām icchāmyahaṃ bhoktuṃ tava gehe vimatsara // (6.2) Par.?

na me vyalīkaṃ kartavyaṃ tvayā vā tava cānugaiḥ / (7.1) Par.?

evaṃ vatsyāmi te gehe yadi te rocate 'nagha // (7.2) Par.?

yathākāmaṃ ca gaccheyam āgaccheyaṃ tathaiva ca / (8.1) Par.?

śayyāsane ca me rājan nāparādhyeta kaścana // (8.2) Par.?

tam abravīt kuntibhojaḥ prītiyuktam idaṃ vacaḥ / (9.1) Par.?

evam astu paraṃ ceti punaścainam athābravīt // (9.2) Par.?

mama kanyā mahābrahman pṛthā nāma yaśasvinī / (10.1) Par.?

śīlavṛttānvitā sādhvī niyatā na ca māninī // (10.2) Par.?

upasthāsyati sā tvāṃ vai pūjayānavamanya ca / (11.1) Par.?

tasyāś ca śīlavṛttena tuṣṭiṃ samupayāsyasi // (11.2) Par.?

evam uktvā tu taṃ vipram abhipūjya yathāvidhi / (12.1) Par.?

uvāca kanyām abhyetya pṛthāṃ pṛthulalocanām // (12.2) Par.?

ayaṃ vatse mahābhāgo brāhmaṇo vastum icchati / (13.1) Par.?

mama gehe mayā cāsya tathetyevaṃ pratiśrutam // (13.2) Par.?

tvayi vatse parāśvasya brāhmaṇasyābhirādhanam / (14.1) Par.?

tan me vākyaṃ na mithyā tvaṃ kartum arhasi karhicit // (14.2) Par.?

ayaṃ tapasvī bhagavān svādhyāyaniyato dvijaḥ / (15.1) Par.?

yad yad brūyānmahātejās tat tad deyam amatsarāt // (15.2) Par.?

brāhmaṇā hi paraṃ tejo brāhmaṇā hi paraṃ tapaḥ / (16.1) Par.?

brāhmaṇānāṃ namaskāraiḥ sūryo divi virājate // (16.2) Par.?

amānayan hi mānārhān vātāpiśca mahāsuraḥ / (17.1) Par.?

nihato brahmadaṇḍena tālajaṅghas tathaiva ca // (17.2) Par.?

so 'yaṃ vatse mahābhāra āhitastvayi sāmpratam / (18.1) Par.?

tvaṃ sadā niyatā kuryā brāhmaṇasyābhirādhanam // (18.2) Par.?

jānāmi praṇidhānaṃ te bālyāt prabhṛti nandini / (19.1) Par.?

brāhmaṇeṣviha sarveṣu gurubandhuṣu caiva ha // (19.2) Par.?

tathā preṣyeṣu sarveṣu mitrasambandhimātṛṣu / (20.1) Par.?

mayi caiva yathāvat tvaṃ sarvam ādṛtya vartase // (20.2) Par.?

na hyatuṣṭo jano 'stīha pure cāntaḥpure ca te / (21.1) Par.?

samyagvṛttyānavadyāṅgi tava bhṛtyajaneṣvapi // (21.2) Par.?

saṃdeṣṭavyāṃ tu manye tvāṃ dvijātiṃ kopanaṃ prati / (22.1) Par.?

pṛthe bāleti kṛtvā vai sutā cāsi mameti ca // (22.2) Par.?

vṛṣṇīnāṃ tvaṃ kule jātā śūrasya dayitā sutā / (23.1) Par.?

dattā prītimatā mahyaṃ pitrā bālā purā svayam // (23.2) Par.?

vasudevasya bhaginī sutānāṃ pravarā mama / (24.1) Par.?

agryam agre pratijñāya tenāsi duhitā mama // (24.2) Par.?

tādṛśe hi kule jātā kule caiva vivardhitā / (25.1) Par.?

sukhāt sukham anuprāptā hradāddhradam ivāgatā // (25.2) Par.?

dauṣkuleyā viśeṣeṇa kathaṃcit pragrahaṃ gatāḥ / (26.1) Par.?

bālabhāvād vikurvanti prāyaśaḥ pramadāḥ śubhe // (26.2) Par.?

pṛthe rājakule janma rūpaṃ cādbhutadarśanam / (27.1) Par.?

tena tenāsi sampannā samupetā ca bhāminī // (27.2) Par.?

sā tvaṃ darpaṃ parityajya dambhaṃ mānaṃ ca bhāmini / (28.1) Par.?

ārādhya varadaṃ vipraṃ śreyasā yokṣyase pṛthe // (28.2) Par.?

evaṃ prāpsyasi kalyāṇi kalyāṇam anaghe dhruvam / (29.1) Par.?

kopite tu dvijaśreṣṭhe kṛtsnaṃ dahyeta me kulam // (29.2) Par.?

Duration=0.10658502578735 secs.