UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 2868
- Click on a sentence to show its analysis
- Keep the mouse pointer over a lemma to show its meanings.
vaiśampāyana uvāca / (1.1)
Par.?
sā tu kanyā mahārāja brāhmaṇaṃ saṃśitavratam / (1.2)
Par.?
toṣayāmāsa śuddhena manasā saṃśitavratā // (1.3)
Par.?
prātar āyāsya ityuktvā kadācid dvijasattamaḥ / (2.1)
Par.?
tata āyāti rājendra sāye rātrāvatho punaḥ // (2.2)
Par.?
taṃ ca sarvāsu velāsu bhakṣyabhojyapratiśrayaiḥ / (3.1)
Par.?
pūjayāmāsa sā kanyā vardhamānais tu sarvadā // (3.2)
Par.?
annādisamudācāraḥ śayyāsanakṛtas tathā / (4.1)
Par.?
divase divase tasya vardhate na tu hīyate // (4.2)
Par.?
nirbhartsanāpavādaiśca tathaivāpriyayā girā / (5.1)
Par.?
brāhmaṇasya pṛthā rājan na cakārāpriyaṃ tadā // (5.2)
Par.?
vyaste kāle punaścaiti na caiti bahuśo dvijaḥ / (6.1)
Par.?
durlabhyam api caivānnaṃ dīyatām iti so 'bravīt // (6.2)
Par.?
kṛtam eva ca tat sarvaṃ pṛthā tasmai nyavedayat / (7.1)
Par.?
śiṣyavat putravaccaiva svasṛvacca susaṃyatā // (7.2)
Par.?
yathopajoṣaṃ rājendra dvijātipravarasya sā / (8.1)
Par.?
prītim utpādayāmāsa kanyā yatnair aninditā // (8.2)
Par.?
tasyās tu śīlavṛttena tutoṣa dvijasattamaḥ / (9.1)
Par.?
avadhānena bhūyo 'sya paraṃ yatnam athākarot // (9.2)
Par.?
tāṃ prabhāte ca sāye ca pitā papraccha bhārata / (10.1)
Par.?
api tuṣyati te putri brāhmaṇaḥ paricaryayā // (10.2)
Par.?
taṃ sā paramam ityeva pratyuvāca yaśasvinī / (11.1)
Par.?
tataḥ prītim avāpāgryāṃ kuntibhojo mahāmanāḥ // (11.2)
Par.?
tataḥ saṃvatsare pūrṇe yadāsau japatāṃ varaḥ / (12.1)
Par.?
nāpaśyad duṣkṛtaṃ kiṃcitpṛthāyāḥ sauhṛde rataḥ // (12.2)
Par.?
tataḥ prītamanā bhūtvā sa enāṃ brāhmaṇo 'bravīt / (13.1)
Par.?
prīto 'smi paramaṃ bhadre paricāreṇa te śubhe // (13.2)
Par.?
varān vṛṇīṣva kalyāṇi durāpān mānuṣair iha / (14.1)
Par.?
yaistvaṃ sīmantinīḥ sarvā yaśasābhibhaviṣyasi // (14.2)
Par.?
kuntyuvāca / (15.1)
Par.?
kṛtāni mama sarvāṇi yasyā me vedavittama / (15.2)
Par.?
tvaṃ prasannaḥ pitā caiva kṛtaṃ vipra varair mama // (15.3) Par.?
brāhmaṇa uvāca / (16.1)
Par.?
yadi necchasi bhadre tvaṃ varaṃ mattaḥ śucismite / (16.2)
Par.?
imaṃ mantraṃ gṛhāṇa tvam āhvānāya divaukasām // (16.3)
Par.?
yaṃ yaṃ devaṃ tvam etena mantreṇāvāhayiṣyasi / (17.1)
Par.?
tena tena vaśe bhadre sthātavyaṃ te bhaviṣyati // (17.2)
Par.?
akāmo vā sakāmo vā na sa naiṣyati te vaśam / (18.1)
Par.?
vibudho mantrasaṃśānto vākye bhṛtya ivānataḥ // (18.2)
Par.?
vaiśampāyana uvāca / (19.1)
Par.?
na śaśāka dvitīyaṃ sā pratyākhyātum aninditā / (19.2)
Par.?
taṃ vai dvijātipravaraṃ tadā śāpabhayān nṛpa // (19.3)
Par.?
tatas tām anavadyāṅgīṃ grāhayāmāsa vai dvijaḥ / (20.1)
Par.?
mantragrāmaṃ tadā rājann atharvaśirasi śrutam // (20.2)
Par.?
taṃ pradāya tu rājendra kuntibhojam uvāca ha / (21.1)
Par.?
uṣito 'smi sukhaṃ rājan kanyayā paritoṣitaḥ // (21.2)
Par.?
tava gehe suvihitaḥ sadā supratipūjitaḥ / (22.1)
Par.?
sādhayiṣyāmahe tāvad ityuktvāntaradhīyata // (22.2)
Par.?
sa tu rājā dvijaṃ dṛṣṭvā tatraivāntarhitaṃ tadā / (23.1)
Par.?
babhūva vismayāviṣṭaḥ pṛthāṃ ca samapūjayat // (23.2)
Par.?
Duration=0.21480083465576 secs.