Texts

vaiśaṃpāyana uvāca / (1.1) Par.?

yāte trigartaṃ matsye tu paśūṃstān svān parīpsati / (1.2) Par.?

duryodhanaḥ sahāmātyo virāṭam upayād atha // (1.3) Par.?

bhīṣmo droṇaśca karṇaśca kṛpaśca paramāstravit / (2.1) Par.?

drauṇiśca saubalaścaiva tathā duḥśāsanaḥ prabhuḥ // (2.2) Par.?

viviṃśatir vikarṇaśca citrasenaśca vīryavān / (3.1) Par.?

durmukho duḥsahaścaiva ye caivānye mahārathāḥ // (3.2) Par.?

ete matsyān upāgamya virāṭasya mahīpateḥ / (4.1) Par.?

ghoṣān vidrāvya tarasā godhanaṃ jahrur ojasā // (4.2) Par.?

ṣaṣṭiṃ gavāṃ sahasrāṇi kuravaḥ kālayanti te / (5.1) Par.?

mahatā rathavaṃśena parivārya samantataḥ // (5.2) Par.?

gopālānāṃ tu ghoṣeṣu hanyatāṃ tair mahārathaiḥ / (6.1) Par.?

ārāvaḥ sumahān āsīt saṃprahāre bhayaṃkare // (6.2) Par.?

gavādhyakṣastu saṃtrasto ratham āsthāya satvaraḥ / (7.1) Par.?

jagāma nagarāyaiva parikrośaṃstadārtavat // (7.2) Par.?

sa praviśya puraṃ rājño nṛpaveśmābhyayāt tataḥ / (8.1) Par.?

avatīrya rathāt tūrṇam ākhyātuṃ praviveśa ha // (8.2) Par.?

dṛṣṭvā bhūmiṃjayaṃ nāma putraṃ matsyasya māninam / (9.1) Par.?

tasmai tat sarvam ācaṣṭa rāṣṭrasya paśukarṣaṇam // (9.2) Par.?

ṣaṣṭiṃ gavāṃ sahasrāṇi kuravaḥ kālayanti te / (10.1) Par.?

tad vijetuṃ samuttiṣṭha godhanaṃ rāṣṭravardhanam // (10.2) Par.?

rājaputra hitaprepsuḥ kṣipraṃ niryāhi vai svayam / (11.1) Par.?

tvāṃ hi matsyo mahīpālaḥ śūnyapālam ihākarot // (11.2) Par.?

tvayā pariṣado madhye ślāghate sa narādhipaḥ / (12.1) Par.?

putro mamānurūpaśca śūraśceti kulodvahaḥ // (12.2) Par.?

iṣvastre nipuṇo yodhaḥ sadā vīraśca me sutaḥ / (13.1) Par.?

tasya tat satyam evāstu manuṣyendrasya bhāṣitam // (13.2) Par.?

āvartaya kurūñ jitvā paśūn paśumatāṃ vara / (14.1) Par.?

nirdahaiṣām anīkāni bhīmena śaratejasā // (14.2) Par.?

dhanuścyutai rukmapuṅkhaiḥ śaraiḥ saṃnataparvabhiḥ / (15.1) Par.?

dviṣatāṃ bhinddhyanīkāni gajānām iva yūthapaḥ // (15.2) Par.?

pāśopadhānāṃ jyātantrīṃ cāpadaṇḍāṃ mahāsvanām / (16.1) Par.?

śaravarṇāṃ dhanurvīṇāṃ śatrumadhye pravādaya // (16.2) Par.?

śvetā rajatasaṃkāśā rathe yujyantu te hayāḥ / (17.1) Par.?

dhvajaṃ ca siṃhaṃ sauvarṇam ucchrayantu tavābhibhoḥ // (17.2) Par.?

rukmapuṅkhāḥ prasannāgrā muktā hastavatā tvayā / (18.1) Par.?

chādayantu śarāḥ sūryaṃ rājñām āyur nirodhinaḥ // (18.2) Par.?

raṇe jitvā kurūn sarvān vajrapāṇir ivāsurān / (19.1) Par.?

yaśo mahad avāpya tvaṃ praviśedaṃ puraṃ punaḥ // (19.2) Par.?

tvaṃ hi rāṣṭrasya paramā gatir matsyapateḥ sutaḥ / (20.1) Par.?

gatimanto bhavantvadya sarve viṣayavāsinaḥ // (20.2) Par.?

strīmadhya uktastenāsau tad vākyam abhayaṃkaram / (21.1) Par.?

antaḥpure ślāghamāna idaṃ vacanam abravīt // (21.2) Par.?