UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 5625
- Click on a sentence to show its analysis
- Keep the mouse pointer over a lemma to show its meanings.
draupadyuvāca / (1.1)
Par.?
aśocyaṃ nu kutastasyā yasyā bhartā yudhiṣṭhiraḥ / (1.2)
Par.?
jānan sarvāṇi duḥkhāni kiṃ māṃ tvaṃ paripṛcchasi // (1.3)
Par.?
yanmāṃ dāsīpravādena prātikāmī tadānayat / (2.1)
Par.?
sabhāyāṃ pārṣado madhye tanmāṃ dahati bhārata // (2.2)
Par.?
pārthivasya sutā nāma kā nu jīveta mādṛśī / (3.1)
Par.?
anubhūya bhṛśaṃ duḥkham anyatra draupadīṃ prabho // (3.2)
Par.?
vanavāsagatāyāśca saindhavena durātmanā / (4.1)
Par.?
parāmarśaṃ dvitīyaṃ ca soḍhum utsahate nu kā // (4.2)
Par.?
matsyarājñaḥ samakṣaṃ ca tasya dhūrtasya paśyataḥ / (5.1)
Par.?
kīcakena padā spṛṣṭā kā nu jīveta mādṛśī // (5.2)
Par.?
evaṃ bahuvidhaiḥ kleśaiḥ kliśyamānāṃ ca bhārata / (6.1)
Par.?
na māṃ jānāsi kaunteya kiṃ phalaṃ jīvitena me // (6.2)
Par.?
yo 'yaṃ rājño virāṭasya kīcako nāma bhārata / (7.1)
Par.?
senānīḥ puruṣavyāghra
syālaḥ paramadurmatiḥ // (7.2)
Par.?
sa māṃ sairandhriveṣeṇa vasantīṃ rājaveśmani / (8.1)
Par.?
nityam evāha duṣṭātmā bhāryā mama bhaveti vai // (8.2)
Par.?
tenopamantryamāṇāyā vadhārheṇa sapatnahan / (9.1)
Par.?
kāleneva phalaṃ pakvaṃ hṛdayaṃ me vidīryate // (9.2)
Par.?
bhrātaraṃ ca vigarhasva jyeṣṭhaṃ durdyūtadevinam / (10.1)
Par.?
yasyāsmi karmaṇā prāptā duḥkham etad anantakam // (10.2)
Par.?
ko hi rājyaṃ parityajya sarvasvaṃ cātmanā saha / (11.1)
Par.?
pravrajyāyaiva dīvyeta vinā durdyūtadevinam // (11.2)
Par.?
yadi niṣkasahasreṇa yaccānyat sāravad dhanam / (12.1)
Par.?
sāyaṃprātar adeviṣyad api saṃvatsarān bahūn // (12.2)
Par.?
rukmaṃ hiraṇyaṃ vāsāṃsi yānaṃ yugyam ajāvikam / (13.1)
Par.?
aśvāśvatarasaṃghāṃśca na jātu kṣayam āvahet // (13.2)
Par.?
so 'yaṃ dyūtapravādena śriyā pratyavaropitaḥ / (14.1)
Par.?
tūṣṇīm āste yathā mūḍhaḥ svāni karmāṇi cintayan // (14.2)
Par.?
daśa nāgasahasrāṇi padmināṃ hemamālinām / (15.1)
Par.?
yaṃ yāntam anuyāntīha so 'yaṃ dyūtena jīvati // (15.2)
Par.?
tathā śatasahasrāṇi nṛṇām amitatejasām / (16.1)
Par.?
upāsate mahārājam indraprasthe yudhiṣṭhiram // (16.2)
Par.?
śataṃ dāsīsahasrāṇi yasya nityaṃ mahānase / (17.1)
Par.?
pātrīhastaṃ divārātram atithīn bhojayantyuta // (17.2)
Par.?
eṣa niṣkasahasrāṇi pradāya dadatāṃ varaḥ / (18.1)
Par.?
dyūtajena hyanarthena mahatā samupāvṛtaḥ // (18.2)
Par.?
enaṃ hi svarasampannā bahavaḥ sūtamāgadhāḥ / (19.1)
Par.?
sāyaṃprātar upātiṣṭhan sumṛṣṭamaṇikuṇḍalāḥ // (19.2) Par.?
sahasram ṛṣayo yasya nityam āsan sabhāsadaḥ / (20.1)
Par.?
tapaḥśrutopasaṃpannāḥ sarvakāmair upasthitāḥ // (20.2)
Par.?
andhān vṛddhāṃstathānāthān sarvān rāṣṭreṣu durgatān / (21.1)
Par.?
bibhartyavimanā nityam ānṛśaṃsyād yudhiṣṭhiraḥ // (21.2)
Par.?
sa eṣa nirayaṃ prāpto matsyasya paricārakaḥ / (22.1)
Par.?
sabhāyāṃ devitā rājñaḥ kaṅko brūte yudhiṣṭhiraḥ // (22.2)
Par.?
indraprasthe nivasataḥ samaye yasya pārthivāḥ / (23.1)
Par.?
āsan balibhṛtaḥ sarve so 'dyānyair bhṛtim icchati // (23.2)
Par.?
pārthivāḥ pṛthivīpālā yasyāsan vaśavartinaḥ / (24.1)
Par.?
sa vaśe vivaśo rājā pareṣām adya vartate // (24.2)
Par.?
pratāpya pṛthivīṃ sarvāṃ raśmivān iva tejasā / (25.1)
Par.?
so 'yaṃ rājño virāṭasya sabhāstāro yudhiṣṭhiraḥ // (25.2)
Par.?
yam upāsanta rājānaḥ sabhāyām ṛṣibhiḥ saha / (26.1)
Par.?
tam upāsīnam adyānyaṃ paśya pāṇḍava pāṇḍavam // (26.2)
Par.?
atadarhaṃ mahāprājñaṃ jīvitārthe 'bhisaṃśritam / (27.1)
Par.?
dṛṣṭvā kasya na duḥkhaṃ syād dharmātmānaṃ yudhiṣṭhiram // (27.2)
Par.?
upāste sma sabhāyāṃ yaṃ kṛtsnā vīra vasuṃdharā / (28.1)
Par.?
tam upāsīnam adyānyaṃ paśya bhārata bhāratam // (28.2)
Par.?
evaṃ bahuvidhair duḥkhaiḥ pīḍyamānām anāthavat / (29.1)
Par.?
śokasāgaramadhyasthāṃ kiṃ māṃ bhīma na paśyasi // (29.2)
Par.?
Duration=0.097868919372559 secs.