Texts

vaiśaṃpāyana uvāca / (1.1) Par.?

atha duryodhanaḥ karṇo duḥśāsanaviviṃśatī / (1.2) Par.?

droṇaśca saha putreṇa kṛpaścātiratho raṇe // (1.3) Par.?

punar īyuḥ susaṃrabdhā dhanaṃjayajighāṃsayā / (2.1) Par.?

visphārayantaścāpāni balavanti dṛḍhāni ca // (2.2) Par.?

tān prakīrṇapatākena rathenādityavarcasā / (3.1) Par.?

pratyudyayau mahārāja samastān vānaradhvajaḥ // (3.2) Par.?

tataḥ kṛpaśca karṇaśca droṇaśca rathināṃ varaḥ / (4.1) Par.?

taṃ mahāstrair mahāvīryaṃ parivārya dhanaṃjayam // (4.2) Par.?

śaraughān samyag asyanto jīmūtā iva vārṣikāḥ / (5.1) Par.?

vavarṣuḥ śaravarṣāṇi prapatantaṃ kirīṭinam // (5.2) Par.?

iṣubhir bahubhistūrṇaṃ samare lomavāhibhiḥ / (6.1) Par.?

adūrāt paryavasthāya pūrayāmāsur ādṛtāḥ // (6.2) Par.?

tathāvakīrṇasya hi tair divyair astraiḥ samantataḥ / (7.1) Par.?

na tasya dvyaṅgulam api vivṛtaṃ samadṛśyata // (7.2) Par.?

tataḥ prahasya bībhatsur divyam aindraṃ mahārathaḥ / (8.1) Par.?

astram ādityasaṃkāśaṃ gāṇḍīve samayojayat // (8.2) Par.?

sa raśmibhir ivādityaḥ pratapan samare balī / (9.1) Par.?

kirīṭamālī kaunteyaḥ sarvān prācchādayat kurūn // (9.2) Par.?

yathā balāhake vidyut pāvako vā śiloccaye / (10.1) Par.?

tathā gāṇḍīvam abhavad indrāyudham ivātatam // (10.2) Par.?

yathā varṣati parjanye vidyud vibhrājate divi / (11.1) Par.?

tathā daśa diśaḥ sarvāḥ patad gāṇḍīvam āvṛṇot // (11.2) Par.?

trastāśca rathinaḥ sarve babhūvustatra sarvaśaḥ / (12.1) Par.?

sarve śāntiparā bhūtvā svacittāni na lebhire / (12.2) Par.?

saṃgrāmavimukhāḥ sarve yodhāste hatacetasaḥ // (12.3) Par.?

evaṃ sarvāṇi sainyāni bhagnāni bharatarṣabha / (13.1) Par.?

prādravanta diśaḥ sarvā nirāśāni svajīvite // (13.2) Par.?