Texts

Help

Select a text:
Bibliography

Select a chapter:
(no revisions)
Show parallels Show headlines
Use dependency labeler

Chapter id: 5685

Click on a sentence to show its analysis
Keep the mouse pointer over a lemma to show its meanings.

yudhiṣṭhira uvāca / (1.1) Par.?

katham indreṇa rājendra sabhāryeṇa mahātmanā / (1.2) Par.?

duḥkhaṃ prāptaṃ paraṃ ghoram etad icchāmi veditum // (1.3) Par.?

śalya uvāca / (2.1) Par.?

śṛṇu rājan purā vṛttam itihāsaṃ purātanam / (2.2) Par.?

sabhāryeṇa yathā prāptaṃ duḥkham indreṇa bhārata // (2.3) Par.?

tvaṣṭā prajāpatir hyāsīd devaśreṣṭho mahātapāḥ / (3.1) Par.?

sa putraṃ vai triśirasam indradrohāt kilāsṛjat // (3.2) Par.?

aindraṃ sa prārthayat sthānaṃ viśvarūpo mahādyutiḥ / (4.1) Par.?

taistribhir vadanair ghoraiḥ sūryendujvalanopamaiḥ // (4.2) Par.?

vedān ekena so 'dhīte surām ekena cāpibat / (5.1) Par.?

ekena ca diśaḥ sarvāḥ pibann iva nirīkṣate // (5.2) Par.?

sa tapasvī mṛdur dānto dharme tapasi codyataḥ / (6.1) Par.?

tapo 'tapyanmahat tīvraṃ suduścaram ariṃdama // (6.2) Par.?

tasya dṛṣṭvā tapovīryaṃ sattvaṃ cāmitatejasaḥ / (7.1) Par.?

viṣādam agamacchakra indro 'yaṃ mā bhaved iti // (7.2) Par.?

kathaṃ sajjeta bhogeṣu na ca tapyenmahat tapaḥ / (8.1) Par.?

vivardhamānastriśirāḥ sarvaṃ tribhuvanaṃ graset // (8.2) Par.?

iti saṃcintya bahudhā buddhimān bharatarṣabha / (9.1) Par.?

ājñāpayat so 'psarasastvaṣṭṛputrapralobhane // (9.2) Par.?

yathā sa sajet triśirāḥ kāmabhogeṣu vai bhṛśam / (10.1) Par.?

kṣipraṃ kuruta gacchadhvaṃ pralobhayata māciram // (10.2) Par.?

śṛṅgāraveṣāḥ suśroṇyo bhāvair yuktā manoharaiḥ / (11.1) Par.?

pralobhayata bhadraṃ vaḥ śamayadhvaṃ bhayaṃ mama // (11.2) Par.?

asvasthaṃ hyātmanātmānaṃ lakṣayāmi varāṅganāḥ / (12.1) Par.?

bhayam etanmahāghoraṃ kṣipraṃ nāśayatābalāḥ // (12.2) Par.?

apsarasa ūcuḥ / (13.1) Par.?

tathā yatnaṃ kariṣyāmaḥ śakra tasya pralobhane / (13.2) Par.?

yathā nāvāpsyasi bhayaṃ tasmād balaniṣūdana // (13.3) Par.?

nirdahann iva cakṣurbhyāṃ yo 'sāvāste taponidhiḥ / (14.1) Par.?

taṃ pralobhayituṃ deva gacchāmaḥ sahitā vayam / (14.2) Par.?

yatiṣyāmo vaśe kartuṃ vyapanetuṃ ca te bhayam // (14.3) Par.?

śalya uvāca / (15.1) Par.?

indreṇa tāstvanujñātā jagmustriśiraso 'ntikam / (15.2) Par.?

tatra tā vividhair bhāvair lobhayantyo varāṅganāḥ / (15.3) Par.?

nṛtyaṃ saṃdarśayantyaśca tathaivāṅgeṣu sauṣṭhavam // (15.4) Par.?

viceruḥ saṃpraharṣaṃ ca nābhyagacchanmahātapāḥ / (16.1) Par.?

indriyāṇi vaśe kṛtvā pūrṇasāgarasaṃnibhaḥ // (16.2) Par.?

tāstu yatnaṃ paraṃ kṛtvā punaḥ śakram upasthitāḥ / (17.1) Par.?

kṛtāñjalipuṭāḥ sarvā devarājam athābruvan // (17.2) Par.?

na sa śakyaḥ sudurdharṣo dhairyāccālayituṃ prabho / (18.1) Par.?

yat te kāryaṃ mahābhāga kriyatāṃ tadanantaram // (18.2) Par.?

sampūjyāpsarasaḥ śakro visṛjya ca mahāmatiḥ / (19.1) Par.?

cintayāmāsa tasyaiva vadhopāyaṃ mahātmanaḥ // (19.2) Par.?

sa tūṣṇīṃ cintayan vīro devarājaḥ pratāpavān / (20.1) Par.?

viniścitamatir dhīmān vadhe triśiraso 'bhavat // (20.2) Par.?

vajram asya kṣipāmyadya sa kṣipraṃ na bhaviṣyati / (21.1) Par.?

śatruḥ pravṛddho nopekṣyo durbalo 'pi balīyasā // (21.2) Par.?

śāstrabuddhyā viniścitya kṛtvā buddhiṃ vadhe dṛḍhām / (22.1) Par.?

atha vaiśvānaranibhaṃ ghorarūpaṃ bhayāvaham / (22.2) Par.?

mumoca vajraṃ saṃkruddhaḥ śakrastriśirasaṃ prati // (22.3) Par.?

sa papāta hatastena vajreṇa dṛḍham āhataḥ / (23.1) Par.?

parvatasyeva śikharaṃ praṇunnaṃ medinītale // (23.2) Par.?

taṃ tu vajrahataṃ dṛṣṭvā śayānam acalopamam / (24.1) Par.?

na śarma lebhe devendro dīpitastasya tejasā / (24.2) Par.?

hato 'pi dīptatejāḥ sa jīvann iva ca dṛśyate // (24.3) Par.?

abhitastatra takṣāṇaṃ ghaṭamānaṃ śacīpatiḥ / (25.1) Par.?

apaśyad abravīccainaṃ satvaraṃ pākaśāsanaḥ / (25.2) Par.?

kṣipraṃ chinddhi śirāṃsyasya kuruṣva vacanaṃ mama // (25.3) Par.?

takṣovāca / (26.1) Par.?

mahāskandho bhṛśaṃ hyeṣa paraśur na tariṣyati / (26.2) Par.?

kartuṃ cāhaṃ na śakṣyāmi karma sadbhir vigarhitam // (26.3) Par.?

indra uvāca / (27.1) Par.?

mā bhaistvaṃ kṣipram etad vai kuruṣva vacanaṃ mama / (27.2) Par.?

matprasādāddhi te śastraṃ vajrakalpaṃ bhaviṣyati // (27.3) Par.?

takṣovāca / (28.1) Par.?

kaṃ bhavantam ahaṃ vidyāṃ ghorakarmāṇam adya vai / (28.2) Par.?

etad icchāmyahaṃ śrotuṃ tattvena kathayasva me // (28.3) Par.?

indra uvāca / (29.1) Par.?

aham indro devarājastakṣan viditam astu te / (29.2) Par.?

kuruṣvaitad yathoktaṃ me takṣanmā tvaṃ vicāraya // (29.3) Par.?

takṣovāca / (30.1) Par.?

krūreṇa nāpatrapase kathaṃ śakreha karmaṇā / (30.2) Par.?

ṛṣiputram imaṃ hatvā brahmahatyābhayaṃ na te // (30.3) Par.?

indra uvāca / (31.1) Par.?

paścād dharmaṃ cariṣyāmi pāvanārthaṃ suduścaram / (31.2) Par.?

śatrur eṣa mahāvīryo vajreṇa nihato mayā // (31.3) Par.?

adyāpi cāham udvignastakṣann asmād bibhemi vai / (32.1) Par.?

kṣipraṃ chinddhi śirāṃsi tvaṃ kariṣye 'nugrahaṃ tava // (32.2) Par.?

śiraḥ paśoste dāsyanti bhāgaṃ yajñeṣu mānavāḥ / (33.1) Par.?

eṣa te 'nugrahastakṣan kṣipraṃ kuru mama priyam // (33.2) Par.?

śalya uvāca / (34.1) Par.?

etacchrutvā tu takṣā sa mahendravacanaṃ tadā / (34.2) Par.?

śirāṃsyatha triśirasaḥ kuṭhāreṇācchinat tadā // (34.3) Par.?

nikṛtteṣu tatasteṣu niṣkrāmaṃstriśirāstvatha / (35.1) Par.?

kapiñjalāstittirāśca kalaviṅkāśca sarvaśaḥ // (35.2) Par.?

yena vedān adhīte sma pibate somam eva ca / (36.1) Par.?

tasmād vaktrād viniṣpetuḥ kṣipraṃ tasya kapiñjalāḥ // (36.2) Par.?

yena sarvā diśo rājan pibann iva nirīkṣate / (37.1) Par.?

tasmād vaktrād viniṣpetustittirāstasya pāṇḍava // (37.2) Par.?

yat surāpaṃ tu tasyāsīd vaktraṃ triśirasastadā / (38.1) Par.?

kalaviṅkā viniṣpetustenāsya bharatarṣabha // (38.2) Par.?

tatasteṣu nikṛtteṣu vijvaro maghavān abhūt / (39.1) Par.?

jagāma tridivaṃ hṛṣṭastakṣāpi svagṛhān yayau // (39.2) Par.?

tvaṣṭā prajāpatiḥ śrutvā śakreṇātha hataṃ sutam / (40.1) Par.?

krodhasaṃraktanayana idaṃ vacanam abravīt // (40.2) Par.?

tapyamānaṃ tapo nityaṃ kṣāntaṃ dāntaṃ jitendriyam / (41.1) Par.?

anaparādhinaṃ yasmāt putraṃ hiṃsitavānmama // (41.2) Par.?

Prajāpati creates Vṛṭra

tasmācchakravadhārthāya vṛtram utpādayāmyaham / (42.1) Par.?

lokāḥ paśyantu me vīryaṃ tapasaśca balaṃ mahat / (42.2) Par.?

sa ca paśyatu devendro durātmā pāpacetanaḥ // (42.3) Par.?

upaspṛśya tataḥ kruddhastapasvī sumahāyaśāḥ / (43.1) Par.?

agniṃ hutvā samutpādya ghoraṃ vṛtram uvāca ha / (43.2) Par.?

indraśatro vivardhasva prabhāvāt tapaso mama // (43.3) Par.?

so 'vardhata divaṃ stabdhvā sūryavaiśvānaropamaḥ / (44.1) Par.?

kiṃ karomīti covāca kālasūrya ivoditaḥ / (44.2) Par.?

śakraṃ jahīti cāpyukto jagāma tridivaṃ tataḥ // (44.3) Par.?

tato yuddhaṃ samabhavad vṛtravāsavayostadā / (45.1) Par.?

saṃkruddhayor mahāghoraṃ prasaktaṃ kurusattama // (45.2) Par.?

tato jagrāha devendraṃ vṛtro vīraḥ śatakratum / (46.1) Par.?

apāvṛtya sa jagrāsa vṛtraḥ krodhasamanvitaḥ // (46.2) Par.?

graste vṛtreṇa śakre tu saṃbhrāntāstridaśāstadā / (47.1) Par.?

origin of yawning

asṛjaṃste mahāsattvā jṛmbhikāṃ vṛtranāśinīm // (47.2) Par.?

vijṛmbhamāṇasya tato vṛtrasyāsyād apāvṛtāt / (48.1) Par.?

svānyaṅgānyabhisaṃkṣipya niṣkrānto balasūdanaḥ / (48.2) Par.?

tataḥ prabhṛti lokeṣu jṛmbhikā prāṇisaṃśritā // (48.3) Par.?

jahṛṣuśca surāḥ sarve dṛṣṭvā śakraṃ viniḥsṛtam / (49.1) Par.?

tataḥ pravavṛte yuddhaṃ vṛtravāsavayoḥ punaḥ / (49.2) Par.?

saṃrabdhayostadā ghoraṃ suciraṃ bharatarṣabha // (49.3) Par.?

yadā vyavardhata raṇe vṛtro balasamanvitaḥ / (50.1) Par.?

tvaṣṭustapobalād vidvāṃstadā śakro nyavartata // (50.2) Par.?

nivṛtte tu tadā devā viṣādam agaman param / (51.1) Par.?

sametya śakreṇa ca te tvaṣṭustejovimohitāḥ / (51.2) Par.?

amantrayanta te sarve munibhiḥ saha bhārata // (51.3) Par.?

kiṃ kāryam iti te rājan vicintya bhayamohitāḥ / (52.1) Par.?

jagmuḥ sarve mahātmānaṃ manobhir viṣṇum avyayam / (52.2) Par.?

upaviṣṭā mandarāgre sarve vṛtravadhepsavaḥ // (52.3) Par.?

Duration=0.20363092422485 secs.