Texts

Help

Select a text:
Bibliography
Select a chapter:
 (no revisions)
Show parallels  Show headlines
Use dependency labeler
Chapter id: 5703
  • Click on a sentence to show its analysis
  • Keep the mouse pointer over a lemma to show its meanings.
saṃjaya uvāca / (1.1) Par.?
dharme nityā pāṇḍava te viceṣṭā loke śrutā dṛśyate cāpi pārtha / (1.2) Par.?
mahāsrāvaṃ jīvitaṃ cāpyanityaṃ saṃpaśya tvaṃ pāṇḍava mā vinīnaśaḥ // (1.3) Par.?
na ced bhāgaṃ kuravo 'nyatra yuddhāt prayacchante tubhyam ajātaśatro / (2.1) Par.?
bhaikṣacaryām andhakavṛṣṇirājye śreyo manye na tu yuddhena rājyam // (2.2) Par.?
alpakālaṃ jīvitaṃ yanmanuṣye mahāsrāvaṃ nityaduḥkhaṃ calaṃ ca / (3.1) Par.?
bhūyaśca tad vayaso nānurūpaṃ tasmāt pāpaṃ pāṇḍava mā prasārṣīḥ // (3.2) Par.?
kāmā manuṣyaṃ prasajjanta eva dharmasya ye vighnamūlaṃ narendra / (4.1) Par.?
pūrvaṃ narastān dhṛtimān vinighnaṃlloke praśaṃsāṃ labhate 'navadyām // (4.2) Par.?
nibandhanī hyarthatṛṣṇeha pārtha tām eṣato bādhyate dharma eva / (5.1) Par.?
dharmaṃ tu yaḥ pravṛṇīte sa buddhaḥ kāme gṛddho hīyate 'rthānurodhāt // (5.2) Par.?
dharmaṃ kṛtvā karmaṇāṃ tāta mukhyaṃ mahāpratāpaḥ saviteva bhāti / (6.1) Par.?
hānena dharmasya mahīm apīmāṃ labdhvā naraḥ sīdati pāpabuddhiḥ // (6.2) Par.?
vedo 'dhītaścaritaṃ brahmacaryaṃ yajñair iṣṭaṃ brāhmaṇebhyaśca dattam / (7.1) Par.?
paraṃ sthānaṃ manyamānena bhūya ātmā datto varṣapūgaṃ sukhebhyaḥ // (7.2) Par.?
sukhapriye sevamāno 'tivelaṃ yogābhyāse yo na karoti karma / (8.1) Par.?
vittakṣaye hīnasukho 'tivelaṃ duḥkhaṃ śete kāmavegapraṇunnaḥ // (8.2) Par.?
evaṃ punar arthacaryāprasakto hitvā dharmaṃ yaḥ prakarotyadharmam / (9.1) Par.?
aśraddadhat paralokāya mūḍho hitvā dehaṃ tapyate pretya mandaḥ // (9.2) Par.?
na karmaṇāṃ vipraṇāśo 'styamutra puṇyānāṃ vāpyatha vā pāpakānām / (10.1) Par.?
pūrvaṃ kartur gacchati puṇyapāpaṃ paścāt tvetad anuyātyeva kartā // (10.2) Par.?
nyāyopetaṃ brāhmaṇebhyo yadannaṃ śraddhāpūtaṃ gandharasopapannam / (11.1) Par.?
anvāhāryeṣūttamadakṣiṇeṣu tathārūpaṃ karma vikhyāyate te // (11.2) Par.?
iha kṣetre kriyate pārtha kāryaṃ na vai kiṃcid vidyate pretya kāryam / (12.1) Par.?
kṛtaṃ tvayā pāralokyaṃ ca kāryaṃ puṇyaṃ mahat sadbhir anupraśastam // (12.2) Par.?
jahāti mṛtyuṃ ca jarāṃ bhayaṃ ca na kṣutpipāse manasaścāpriyāṇi / (13.1) Par.?
na kartavyaṃ vidyate tatra kiṃcid anyatra vai indriyaprīṇanārthāt // (13.2) Par.?
evaṃrūpaṃ karmaphalaṃ narendra mātrāvatā hṛdayasya priyeṇa / (14.1) Par.?
sa krodhajaṃ pāṇḍava harṣajaṃ ca lokāvubhau mā prahāsīścirāya // (14.2) Par.?
antaṃ gatvā karmaṇāṃ yā praśaṃsā satyaṃ damaścārjavam ānṛśaṃsyam / (15.1) Par.?
aśvamedho rājasūyastatheṣṭaḥ pāpasyāntaṃ karmaṇo mā punar gāḥ // (15.2) Par.?
tacced evaṃ deśarūpeṇa pārthāḥ kariṣyadhvaṃ karma pāpaṃ cirāya / (16.1) Par.?
nivasadhvaṃ varṣapūgān vaneṣu duḥkhaṃ vāsaṃ pāṇḍavā dharmahetoḥ // (16.2) Par.?
apravrajye yojayitvā purastād ātmādhīnaṃ yad balaṃ te tadāsīt / (17.1) Par.?
nityaṃ pāñcālāḥ sacivāstaveme janārdano yuyudhānaśca vīraḥ // (17.2) Par.?
matsyo rājā rukmarathaḥ saputraḥ prahāribhiḥ saha putrair virāṭaḥ / (18.1) Par.?
rājānaśca ye vijitāḥ purastāt tvām eva te saṃśrayeyuḥ samastāḥ // (18.2) Par.?
mahāsahāyaḥ pratapan balasthaḥ puraskṛto vāsudevārjunābhyām / (19.1) Par.?
varān haniṣyan dviṣato raṅgamadhye vyaneṣyathā dhārtarāṣṭrasya darpam // (19.2) Par.?
balaṃ kasmād vardhayitvā parasya nijān kasmāt karśayitvā sahāyān / (20.1) Par.?
niruṣya kasmād varṣapūgān vaneṣu yuyutsase pāṇḍava hīnakālam // (20.2) Par.?
aprajño vā pāṇḍava yudhyamāno 'dharmajño vā bhūtipathād vyapaiti / (21.1) Par.?
prajñāvān vā budhyamāno 'pi dharmaṃ saṃrambhād vā so 'pi bhūter apaiti // (21.2) Par.?
nādharme te dhīyate pārtha buddhir na saṃrambhāt karma cakartha pāpam / (22.1) Par.?
addhā kiṃ tat kāraṇaṃ yasya hetoḥ prajñāviruddhaṃ karma cikīrṣasīdam // (22.2) Par.?
avyādhijaṃ kaṭukaṃ śīrṣarogaṃ yaśomuṣaṃ pāpaphalodayaṃ ca / (23.1) Par.?
satāṃ peyaṃ yanna pibantyasanto manyuṃ mahārāja piba praśāmya // (23.2) Par.?
pāpānubandhaṃ ko nu taṃ kāmayeta kṣamaiva te jyāyasī nota bhogāḥ / (24.1) Par.?
yatra bhīṣmaḥ śāṃtanavo hataḥ syād yatra droṇaḥ sahaputro hataḥ syāt // (24.2) Par.?
kṛpaḥ śalyaḥ saumadattir vikarṇo viviṃśatiḥ karṇaduryodhanau ca / (25.1) Par.?
etān hatvā kīdṛśaṃ tat sukhaṃ syād yad vindethāstad anubrūhi pārtha // (25.2) Par.?
labdhvāpīmāṃ pṛthivīṃ sāgarāntāṃ jarāmṛtyū naiva hi tvaṃ prajahyāḥ / (26.1) Par.?
priyāpriye sukhaduḥkhe ca rājann evaṃ vidvānnaiva yuddhaṃ kuruṣva // (26.2) Par.?
amātyānāṃ yadi kāmasya hetor evaṃyuktaṃ karma cikīrṣasi tvam / (27.1) Par.?
apākrameḥ sampradāya svam ebhyo mā gāstvaṃ vai devayānāt patho 'dya // (27.2) Par.?
Duration=0.12531781196594 secs.