UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 7494
- Click on a sentence to show its analysis
- Keep the mouse pointer over a lemma to show its meanings.
vaiśaṃpāyana uvāca / (1.1)
Par.?
evaṃ sanatsujātena vidureṇa ca dhīmatā / (1.2)
Par.?
sārdhaṃ kathayato rājñaḥ sā vyatīyāya śarvarī // (1.3)
Par.?
tasyāṃ rajanyāṃ vyuṣṭāyāṃ rājānaḥ sarva eva te / (2.1)
Par.?
sabhām āviviśur hṛṣṭāḥ sūtasyopadidṛkṣayā // (2.2)
Par.?
śuśrūṣamāṇāḥ pārthānāṃ vaco dharmārthasaṃhitam / (3.1)
Par.?
dhṛtarāṣṭramukhāḥ sarve yayū rājasabhāṃ śubhām // (3.2)
Par.?
sudhāvadātāṃ vistīrṇāṃ kanakājirabhūṣitām / (4.1)
Par.?
candraprabhāṃ surucirāṃ siktāṃ paramavāriṇā // (4.2) Par.?
rucirair āsanaiḥ stīrṇāṃ kāñcanair dāravair api / (5.1)
Par.?
aśmasāramayair dāntaiḥ svāstīrṇaiḥ sottaracchadaiḥ // (5.2)
Par.?
bhīṣmo droṇaḥ kṛpaḥ śalyaḥ kṛtavarmā jayadrathaḥ / (6.1)
Par.?
aśvatthāmā vikarṇaśca somadattaśca bāhlikaḥ // (6.2)
Par.?
viduraśca mahāprājño yuyutsuśca mahārathaḥ / (7.1)
Par.?
sarve ca sahitāḥ śūrāḥ pārthivā bharatarṣabha / (7.2)
Par.?
dhṛtarāṣṭraṃ puraskṛtya viviśustāṃ sabhāṃ śubhām // (7.3)
Par.?
duḥśāsanaścitrasenaḥ śakuniścāpi saubalaḥ / (8.1)
Par.?
durmukho duḥsahaḥ karṇa ulūko 'tha viviṃśatiḥ // (8.2)
Par.?
kururājaṃ puraskṛtya duryodhanam amarṣaṇam / (9.1)
Par.?
viviśustāṃ sabhāṃ rājan surāḥ śakrasado yathā // (9.2)
Par.?
āviśadbhistadā rājañ śūraiḥ parighabāhubhiḥ / (10.1)
Par.?
śuśubhe sā sabhā rājan siṃhair iva girer guhā // (10.2)
Par.?
te praviśya maheṣvāsāḥ sabhāṃ samitiśobhanāḥ / (11.1)
Par.?
āsanāni mahārhāṇi bhejire sūryavarcasaḥ // (11.2)
Par.?
āsanastheṣu sarveṣu teṣu rājasu bhārata / (12.1)
Par.?
dvāḥstho nivedayāmāsa sūtaputram upasthitam // (12.2)
Par.?
ayaṃ sa ratha āyāti yo 'yāsīt pāṇḍavān prati / (13.1)
Par.?
dūto nastūrṇam āyātaḥ saindhavaiḥ sādhuvāhibhiḥ // (13.2)
Par.?
upayāya tu sa kṣipraṃ rathāt praskandya kuṇḍalī / (14.1)
Par.?
praviveśa sabhāṃ pūrṇāṃ mahīpālair mahātmabhiḥ // (14.2)
Par.?
saṃjaya uvāca / (15.1)
Par.?
prāpto 'smi pāṇḍavān gatvā tad vijānīta kauravāḥ / (15.2)
Par.?
yathāvayaḥ kurūn sarvān pratinandanti pāṇḍavāḥ // (15.3)
Par.?
abhivādayanti vṛddhāṃśca vayasyāṃśca vayasyavat / (16.1)
Par.?
yūnaścābhyavadan pārthāḥ pratipūjya yathāvayaḥ // (16.2)
Par.?
yathāhaṃ dhṛtarāṣṭreṇa śiṣṭaḥ pūrvam ito gataḥ / (17.1)
Par.?
abruvaṃ pāṇḍavān gatvā tannibodhata pārthivāḥ // (17.2)
Par.?
Duration=0.11047506332397 secs.